Arabic Discussion Forum with a Special Interest in Travel and Immigration

haya · 2nd February 2010, 07:48 AM

زمان وانا صغيرة كنت بأمشي من البيت إلي المدرسة والعكس
وكان في جزء من الطريق مش طويل أوي بمسافة حوالي 300 متر بجوار سور ملجأ كان مشمس دايما وخصوصا في فتره الصيف بيبقي صعب جدا
كنت بأشيل هم الجزء ده بالذات وانا مروحة
لغايه النهاردة لما اخرج من البيت وأمشي الجزء ده بأخده جري علشان أهرب من حرارة الشمس
فكرت قلت ليه ما أزرعش شجر في الجزء ده من الطريق
بس الحقيقة أنا ما أعرفش هل من حقي أني ازرع شجر علي الرصيف ؟؟؟
هل أحتاج موافقة الحي علشان أعمل حاجة زي ديه ؟
الرصيف في المنطقه ديه عريض يمكن حوالي 2 متر يعني لو زرعت شجره مش هاتضايق المارة وتضيق ممر اللي ممكن يمشوا فيه
والرصيف ده محازي لسور كبير لحديقة لملجأ ايتام يعني مش هايأثر علي اي حد وجود الشجر ده
هل عنده فكرة اقدر اعمل الموضوع ده ازاي؟

ana_3enady · 2nd February 2010, 08:05 AM

دعوه لموضوعي

RobertInole

لزمن ولابدن اذن الحي لان دي املاك عامة

haya · 2nd February 2010, 08:10 AM

وتفتكر هايبقي الموضوع سهل ولا هايتعقد ؟!!

ana_3enady · 2nd February 2010, 08:16 AM

دعوه لموضوعي

RobertInole

هايتكلكع

انتي الأسهلك انك تكلمي الناس اللي في الملجأ اللي جنينته بتبص على الرصيف ده .. وتشرحي ليهم الوضع وتعرض عليهم انك هاتزرعي الشجرة دي في جنينتهم في المكان اللي انتي عاوزاه ده .. ولو وافقوا .. تروحي جري تشتري شجرة فيكس (بتكبر بسرعة وبتغول .. يعني هاتغطي مكان تلات أربع شجرات جنب بعض)

وربنا يكرمك يا هايا

haya · 2nd February 2010, 09:38 AM

و يكرمك يا تامر ..انا برضه خايفة من الكلكعه عموما الفكرة التانية مش وحشة ابدا
هيا الشجرة الكبيرة المشهورة عندنا في الشوارع اللي بتعمل ورق كتير ديه هيا ديه اللي اسمها فيكس اللي انت قايلي عليها ؟
وهل ممكن تتباع وتتزرع كبيرة شوية لاني مش عايزة الشجيرات الصوغنونه اللي عايزالها 4 او 5 سنين علشان تبدا تقول حاجة

ana_3enady · 2nd February 2010, 10:38 AM

دعوه لموضوعي

RobertInole

انا روحت لطشتلك موضوع وجيت

اقتباس


	من منا لم يرى نبات الفيكس انه نبات جميل يتواجد فى كل مكان تجده فى الشوارع فى البيوت فى المشاتل وله عده انواع جمعت لكم معظم انواعه وبالصور وبالنسبه لنبات الفيكس نبات شمسى وممكن جدا وضعه داخل المنزل وكل فتره تتركه خارج المنزل بعض الوقت ( انا بخرجه كل 3 ايام فى البلكونه ) وسهل التربيه كل ما يحتاجه الشمس والمياه كلما جفت التربه اى يتحمل الحراره والعطش ولا يحتاج لاى رعايه اضافيه ( عندى 4 انواع فى البيت ) جنس الفيكس (ficus ) من أهم الأشجار التوتية,, ومن أهم أنواعه : أنواع التشجير ومصدات الرياح : الفيكس الرول F. leutes الفيكس البراق F.nitida نبات الجميز F.sycamorus [IMG]https://www.****fro.be/prelude/prelude_pic/Ficus_sycomorus2.jpg[/IMG] فيكس ديكورا فيكس ليرتا فيكس ستارلايت فيكس الاستيكا Ficus elastica فيكس ريليجيوزا Ficus religiosa فيكس فراسيري Ficus fraseri فيكس هاواي بيوميلا F. pumila فيكس بنجامينا FICUS BENJAMINA فيكس بوش Ficus Bush فيكس سيتريفوليا Ficus citrifolia ficus artocarpoides ficus auriculata ficus barteri ficus benghalensis Ficus Alii Ficus Amstel (Braided) Ficus Jacqueline Ficus Decora (Burgundy) Ficus Lyrata Ficus Melany Ficus Monique (Braided) Ficus Spire لو نوع اتكرر او حاجه معلش سامحونى كذا موقع واوقات الصور بتدخل فى بعض اتمنى الموضوع يعجبكم

اقتباس

<H3>أما الأشجار التى تزرع فى الشوارع :

اقتباس

فتزرع بهدف مد الشارع بالظل وتجميله وتخفيف حدة الألوان النباتية – وتختلف طبيعة هذه الشوارع تماماً – فقد يكون هذا الشارع تجارى أو شارع معد للنزهة أو شارع يستخدم فى فصول معينة أكثر من باقى الفصول وذلك كالطرق المؤدية إلى المدارس والجامعات لا تستخدم بكثرة فى الصيف – والمصايف والمشاتى مثلا تستخدم طوال العام بنسبة واحدة ويمكن مراعاة ما يأتى عند زراعة الأشجار فى الشوارع :
تزرع الأشجار فى الجزء غير المعرض لأسلاك التليفون أو الكهرباء أو الترام ومقام على جانبى الشوارع أو فى الوسط.

تنتخب الأشجار ذات التفريع القائم أو الخيمى تبعاً لظروف الشارع من حيث الأتساع وكثرة الأسلاك الممتدة فيه – وفى الشوارع كثيرة الأسلاك يحسن أن تكون الأشجار من الأنواع التى تتحمل التقليم والتشكيل لتفادى امتداد الأفرع واحتكاكها بالأسلاك.

يزرع كل شارع بنوع واحد من الأشجار ألا إذا كانت الشوارع طويلة جداً فيمكن زراعتها بأكثر من نوع.

يراعى أن تكون السوق معتدلة لا يقل طولها عن 3 أو4 أمتار حتى لا تعوق حركة المرور وكلما كان التفريع عالياً كلما كان الأفضل.

تزرع الأشجار على بعد لا يقل عن 10 أمتار فى جور اتساعها 1 فى 1 متر وتغطى بشبكة من الحديد أو الأسمنت المسلح حتى لا يتشوه منظر الشارع وتصان أيضا بشبكة من الحديد فى السنتين الأوليتين من حياتها.

وفى حالة اختيار الأشجار التى تستعمل لتزيين المدن يراعى الآتى :

ألا يتساقط أى جزء من أجزاء الشجرة مثل الورق أو الثمار أو القلف حتى لا يؤدى ذلك إلى قذارة الشارع.

يفضل زراعة الأشجار المزهرة المحددة النمو أيضاً.

يمكن أن تزرع أشجار خضرية ويفضل منها القابل للقص والتشكيل وأن تكون ذات نمو خضرى محدود.

وشوارع المدينة تختلف عن شوارع الضاحية ولهذا عند اختيار الأشجار لزراعتها فى شوارع الضواحى يجب أن يتوافر فيها الصفات الآتية :
تفضل الأشجار ذات النمو الخيمى ويساعد على ذلك اتساع الرصيف فى الضاحية.

يلاحظ أن تكون الأشجار متوسطة النمو.

يفضل زراعة الأشجار المزهرة فى شوارع الضواحى مثل البوانسيانا التى تزهر أزهاراً حمراء فى الصيف والجاكارندا التى تزهر أزهاراً زرقاء فى الربيع.

يفضل أن تزرع الأشجار المتساقطة الأوراق نظراً لأن شوارع الضاحية متربة ويتطلب ذلك تجديد الأوراق كل سنة حتى لا تتجمع الأتربة عليها مثل البونسيانا والجاكارندا.

</H3>

عندي .. جنايني سابق

haya · 3rd February 2010, 09:33 AM

هيا ديه يا تامر اللي قصدي عليها
نفسي الاقيها بحجم كبير كدة علشان تدي فايدة بسرعه
ربنا يكرمك يا تامر علي تعبك ...

ana_3enady · 3rd February 2010, 09:41 AM

دعوه لموضوعي

RobertInole

العفو يا هايا .. ويكرمك ربنا وتحققي اللي في دماغك

انتي بس تاخدي اسمها وتلفيلك لفة على المشاتل طبعا بعد ما تكوني أخدتي موافقة الناس

وبالتوفيق ان شاء الله

نانا · 3rd February 2010, 12:04 PM

اقتباس

المشاركة الأصلية كتبت بواسطة haya


	هيا ديه يا تامر اللي قصدي عليها نفسي الاقيها بحجم كبير كدة علشان تدي فايدة بسرعه ربنا يكرمك يا تامر علي تعبك ...

إن شاء الله ربنا هيكرمك يا هيا وتحلي المشكلة دي

وبالنسبة للشجرة دي
انتي بتسألي انك عايزة الحجم الكبير منها
عادي على فكرة هتلاقي الحجم الكبير ان شاء الله ( بس مش كبير اوي اوي ) يعني ممكن اصغر من الحجم دا بحاجة بسيطة
ودا لتجربة

احنا عندنا في بيتنا عندنا سور حوالين البيت وكان جنبنا جيران كاشفنا إلى حد ما
فلجأنا إننا نجيب الشجر دا
وفعلا بابا جابه بحجم كويس
يعني رفيع بس طويل
ودا جماله انه بيطول وينمو بسرعة جدا
وكان في خلال شهور قليلة كان مغطي السور كله تماما بس طبعا بتكوني جايبة كذا شجرة جنب بعض
بيطول ويتقصقص وبيكون شكله جميل جدا

إن شاء الله تلاقيه في أقرب وقت وتبقى تطمنينا بإذن الله

haya · 3rd February 2010, 08:27 PM

تسلمي يا نانا علي المعلومات
بس للأسف الحلم اتحطم قبل ما ينزل علي أرض الواقع
كلمت ماما النهاردة أسألها علي الموضوع ده قالتلي ان المحافظه بقالها حوالي سنة زارعه في المسافه ديه يمكن خمس او 6 شجرات بس لسه صغيرين
وحاولت اقنعها ان ما فيش واني الصيف ده ما شوفتش حاجة بس كانت حجتها هيا الاقوي لما خرجت من الشباك وقالتلي حرام عليكي انتي هاتخليني اشك في نفسي
ماهو الشجر اهو بس صغير يمكن علشان كدة مالفتش نظرك
بقالهم بتاع عشرين سنه ما زرعوش وافتكروا من كام شهر بس ..
عادي بقي ..هيا يعني جات علي ده !!

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
المجلس العسكري يوصي بدراسة مشروع قانون النشر...	شؤون مصر الداخلية	AlexG	1	857	10th June 2011 06:28 PM
"الإخوان" تحقق مع صالح لإنقاذ سمعتها	شؤون مصر الداخلية	nash	15	1926	4th June 2011 08:58 AM
إهداء للسلفيين والأخوان المسلمين	منقوووووووووووولات	abo_hammad	8	2141	1st June 2011 08:55 AM
مصر للطيران بحبحتها على الأخررررر يا مسافرين	موضوعات عامة ... موضوعات خفيفة ... منوعات	sincere	4	1400	31st May 2011 12:49 PM
شهود عيان:هروب مبارك بطائرة حربية	ثورة مصر ... 25 يناير 2011	علوان البكري	31	4318	27th May 2011 09:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مع نفسي	الباشمهندس ياسر	مواضيع شخصية	178	19th January 2024 07:55 PM
نفسى	عبقرينو	خمسة فرفشة	5	29th March 2010 03:42 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

نفسي أزرع شجرة !!