الاسعافات الاولية... First Aid.!!!

[hoppa]

الصحف المصرية والعربية

طيب يا بدرية اشرحة شوية طريقة الضغط على الصدر اللى فيها يحطوا الايدين على بعض مع ضغط خفيف على صدر المريض

امتى دى نعملها و هى اسمها ايه بالضبط

ممكن تكتبى مصطلحات انجليزية عشان لو حد عايز معلومة مستفيضة يبحث فى الشبكة

كمان حاجة
احيانا بيشوف وضع قطعه قماش او منديل على فم المغمى عليه يعنى مش بيدوه قبلة الحياة مباشرة..يمكن عشان الحرج الشرعى

 

 

[Badroora]

اقتباس المشاركة الأصلية كتبت بواسطة hoppa كمان حاجة احيانا بيشوف وضع قطعه قماش او منديل على فم المغمى عليه يعنى مش بيدوه قبلة الحياة مباشرة..يمكن عشان الحرج الشرعى

تمشي بردوا بس هى عشان العدوى يعنى تجنب نقل العدوى من المريض للمسعف او العكس . بس طبعا اهمهم واللى فعلا عمرها ماخطرت على بالى هى الحرج الشرعي تسلمى يا قومر على المعلومة

حاضر المرة القادمة هتكلم عن

cardiac massage or CPR
او انعاش القلب

 

 

[Isis]

العمليه دي كلها يا هوبا إسمهاcardiopulmonary resuscitation أو CPR أي إنعاش قلبي رئوي و هي الضغط على الصدر في منطقة يمكن تحديدها بشكل أدق و شان مش كل الناس هتعرف عند أي ضلع بالمنطقة بين الحملتين برسم خط وهمي أو imaginary line مع mouth to mouth breathe أو التنفس عن طريق الفم بعد التأكد من فقدان النبض و بيبكون هدف إستعادة النبض و التنفس للمريض...


....و بالنسبة لوضع قطعه شاش أو إستعمال الأمبو باج فده بشكل رئيسي لمنع العدوى و يفضل إستعمالها لأن كتير من الأمراض بتنتقل عن طريق الغشاء المخاطي اوmucus membrane

دي الصور التوضيحيه مع الشرح

https://depts.washington.edu/learncpr/quickcpr.html




و للأسف يا هوبا مش هقدر أكتبهالك كلها بالإنجلش على إعتبار إن الموضوع هيكون زي الفرانكو أراب او بيور إنجلش و ده مش يسمح للكل يستفيد...المصطلحات المهمة فقط هحطهامع توضيح بسيط..



أولا ضمان سلامة الشخص بنقله لمكان آمن لو كان مكان الحادث مثلا فيه حريق...

و التأكد من التالي

Airway — open the airway

Breathing — if still no breaths, attempt rescue breathing

Circulation — if no pulse, perform chest compressions


بعد التأكد من ال3 اللي فوق و إن الشخص فعلا فاقد الوعي و نبضه متوقف و دي بتكون بتقريب وجنه المسعف لفم المريض و القيام بالخطوات الثلات...listen,feel,and look





أي رؤية إرتفاع الصدر و إنخفاضه الدال على التنفس و سماع صوت التنفس و الإحساس بالهواء على الوجنه و التأكد من فقدان النبض بتشييك the juglar veinلمدة 10 ثواني و إثناءها طلب المساعده و طلب الإسعاف..




خلال وقت وصول الإسعاف يجب البدأ فورا بعمل السي بي آر مع الأخد في الاعتبار إن مع توقف تدفق الدم للدماغ التلف الدماغي بيحدث خلال 3 دقائق بالتالي يجب الإسراع قدر المستطاع بعملهو يفضل بمساعده شخص خبير أو على علم لأنها عمليه مرهقه فعلا للمسعف...


في أربروش معروف لعمل السي بي آر بس أنا هقولك على اللي بتستخدمه المستشفى بتاعتي و هو الأحدث و المطبق في أمريكابما إننا تابعين لمشفى كليفلاند...



الراشيو 2 نفس لكل 30 ضغطه...




اولا و مع تأكد إنقطاع التنفس بنعمل مبدئيا 2 mouth to mouth breathe and watch the rise and fall of the chest then we have to recheak the breath and the pulse...إن كان النبض مازال مختفي بنبدأ العمليه كامله بالراشيو المذكورة أعلاه 2 ل 30

طريقه فتح الفم إسمها Head Tilt - Chin Lift Maneuver و هي بالإمساك بالذقن بإصبعين بس مش بعنف شان ممكن نؤدي لتمزيق الأنسجه و الرأس كما هو موضح في الرسم مما يتيح فتح مجرى الهواء أو ال air ways و وضع كامل الفم على فم المصاب لمنع تسرب الهواء و بدأ التنفس بشكل طبيعي و مش بقوة داخل فم المريض لمنع مضاعفات السي بي آر زي إمتلاء بطن المريض بالهواء..



بالنسبه للضغط على الصدر أو chest compression كما في الرسم توضع اليد على الخط الوهمي و يحرك الجزع للمسعف منعا للإرهاق للضغط على صدر المريض مع العد بصوت مرتفع one and two and three .. etc لحد الوصول لل 30 و بعدها 2 ماوث تو ماوث بريث...




تستمر العمليه و يتم التاكد لمده 10 ثواني أخرى من النبض و التنفس بعد كل 5 ciyle علما بأن كل سايكل هي 30 ل 2 ...


مع تنفس المريض يوضع في وضع الإفاقةكما هو موضح في الصورة و ينقل للمستشفى...








أعذريني يا هبه بكتب من الذاكرة فمش منظمة شوية بس بإذن الله هاخد وقتي و أكتبها بشرح منظم أكتر...و سوري يا بدرية غريزة النيرس نقحت عليا...

 

 

[hoppa]

انا سعيدة جدا بإضافتك يا ايزيس
و بدورة الغالية كمان
كل الشكر ليكم يا اعزائى على المعلومات المفيدة

صحيح ملائكة رحمة بحق و حقيق مش كلام

 

 

[Badroora]

اهلا وسهلا بالزميلة الفاضلة والله سعيدة جدا على مساهمتك القيمة

على فكرة جميل اوى الويب سايت الخاص بالانعاش فعلا تعليمي ممتاز .

يا هوبا ركزى فى الويب سايت اللى جابته ايزيس وانتى هتعرفى الطريقة فعلا الصورة انيماتد وشرحه نفسها ..شكرا ايزيس

اقتباس أي رؤية إرتفاع الصدر و إنخفاضه الدال على التنفس و سماع صوت التنفس و الإحساس بالهواء على الوجنه و التأكد من فقدان النبض بتشييك the juglar vein لمدة 10 ثواني و إثناءها طلب المساعده و طلب الإسعاف..

Carotid artery شكلك بس نسيتي وبدلتى بينهم .

اقتباس .و بالنسبة لوضع قطعه شاش أو إستعمال الأمبو باج فده بشكل رئيسي لمنع العدوى و يفضل إستعمالها لأن كتير من الأمراض بتنتقل عن طريق الغشاء المخاطي اوmucus membrane

تكملة على كلام العزيزة ايزيس بخصوص اهمية قطعة الشاش ل فى الشارع والAMBU BAG لو المريض فى المستشفي او فى الاسعاف طبعا زى ماقالت عشان تجنب العدوي

بخصوص ال mucous membranes او الغشاء المخاطى المبطن للفم ينقل الامراض فقط لو فى حالة وجود جروح ا خدوش ولكن اهمية استعمال حاجز بين فم المعطى ال MOUTH TO MOUCH BREATHING والضحية لعدم نقل الامراض التى تنتقل عن طريق اللعاب منها الايدز او اى امراض اخرى.


وادى صورة الAMBU BAG عشان عارفه هبة السؤال اللى بعد كدا يعنى ايه امبو باج صحبتى انا عرفاها





يلا يا ايزيس الطالعة الجاية ليكي وانا اللى بعدها

 

 

[Isis]

اقتباس المشاركة الأصلية كتبت بواسطة Badria Mekkawy Carotid artery شكلك بس نسيتي وبدلتى بينهم . يلا يا ايزيس الطالعة الجاية ليكي وانا اللى بعدها

ميرسي على رحابة صدرك يا زميلتي العزيزة و الأكيد أكتر خبرة مني بما إني لسه في بداية الطريق...


فعلا أنا لخبطت بينهم و مش عارفه ليه الفاين ده بالذات عالق في دماغي حتى لما بسمع عن خبرقتل مثلا يكفينا الشر بقطع الرقبة أو إصابة في الرقبة بيجي في دماغي إسم الجوجلار فاين...ميرسي على التصحيح..

 

 

[hoppa]

اقتباس و بالنسبة لوضع قطعه شاش أو إستعمال الأمبو باج فده بشكل رئيسي لمنع العدوى و يفضل إستعمالها لأن كتير من الأمراض بتنتقل عن طريق الغشاء المخاطي اوmucus membrane

طيب سؤال هى الامبو باج دى ممكن تكون فى البيت مع ادوات الاسعاف الاولى و الا هى طبية فقط للاستعمال فى المستشفيات و العيادات

 

 

[Badroora]

اقتباس المشاركة الأصلية كتبت بواسطة hoppa طيب سؤال هى الامبو باج دى ممكن تكون فى البيت مع ادوات الاسعاف الاولى و الا هى طبية فقط للاستعمال فى المستشفيات و العيادات

عيب انا قولت هبة هتسيب كل شيء وهتمسك فى الامبو باج

الامبو باج يا هوبا هو فى الصورة اعلاه ودا موجود فى المستفيات وعربة الاسعاف فقط.
مع انى بافكر اجيب واحد منه فى جهازى محدش ضامن عمره ونعمله موضه للعرائس العريس يجيب جهاز صدمات كهربائية والعروسة عليها الامبو باج

 

 

[hoppa]

و انا اقول برضو مش بشوف الامبو باج دى فى الصيدلية

يبقى بلاش منها كفاية حتة شاش لمنع العدوى



انا لى طلب صغير عند الادمن ياريت لو تغيروا عنوان الموضوع بما ان ايزيس دخلت فيه و بتشارك يبقى ياريت تشيلو اسم بدرية عشان تبقى الفرصة مفتوحة قدام اى حد عايز يشارك

و جزيل و عميق الشكر لبدورة حبيبة قلبى ولاختى العزيزة ايزيس
ربنا ميحرمناش منكم يا ملائكة الرحمة

 

 

[Admin2]

تم تغير العنوان بناءا على طلب الاستاذة هوبا القومر