بلاد تفتح ابوابها للهجرة

[BenoCanada]

الصحف المصرية والعربية

اقتباس المشاركة الأصلية كتبت بواسطة alaashabana مش معقول يا جماعه مفيش اى تفاعل خلاص .. الماس بتدخل تتفرج على الموضوع وتطلع تانى .. يبقى كدة هنفضل طول حياتنا فى مصر او متغربين فى الخليج لازم يكون فية تفاعل بين الاعضاء تعاطفك لوحدة مو كفاية

Alaa, banaheek walahi 3ala el modo3 dah we enta 3agebny gedaaaan dayman bet3afer we in chaa Allah hatelsal fe yoom men el ayam, ya ret netwasel ya Alaa

a5ok Ahmad

 

 

[Eng Hesham]

اقتباس المشاركة الأصلية كتبت بواسطة ysma محدش يعرف نظام الهجرة فى أمريكا اللاتينية؟

انا كنت عامل موضوع عن البرازيل مش عارف راح فين

بس اقل حاجه فيه اثبات ان رصيدك فى البنك يكفيك 2000 دولار شهريا لكل فرد فى الاسره بس مش عارف المده قد ايه

اما بخصوص هجره العماله .. تحديدا مش عارف ومش لاقى مصدر موثوق لا بالعربى ولا بالانجليزى

لقيت بالبرتغالى بس معرفتش اسلك فيه وكان صعب فى البحث عن المعلومه

 

 

[alaashabana]

اقتباس المشاركة الأصلية كتبت بواسطة BenoCanada Alaa, banaheek walahi 3ala el modo3 dah we enta 3agebny gedaaaan dayman bet3afer we in chaa Allah hatelsal fe yoom men el ayam, ya ret netwasel ya Alaa a5ok Ahmad

 

 

[BenoCanada]

اقتباس المشاركة الأصلية كتبت بواسطة alaashabana

Alsam Alykom to all,

What about Malasya? for me it is awesome country, but I have no idea if they accept new immigrant or not? I know they have a immigration programt for retired poeple but I do not if they have skilled worker program

What do you think brothers?

 

 

[eagle eye]

ازيك يا احمد
ايه رايك فى نيوزيلندا
تعرف معلومات عنها

 

 

[hanyhonda]

انا من فترة قريبه دورت على شروط النمارك
من الاخر عاوزة واحد معاه ايلتس سكور سبعه وماجستير
يا اما تتقن اللغه الدنماركيه ............................. ودى ملهاش اى معاهد فى مصر
يعنى لازم تروح هناك تتعملها ............................ وطبعا مش هتعرف تتطلع

 

 

[ابوالتيمان]

مافيش امل تنصلح حال مصر ولا أيه ؟؟؟؟؟مهاجرين ليه؟؟؟،ربنا بنى إسرائيل لمن طلبوا مطائب الارض قال لهم:.(وَإِذْ قُلْتُمْ يَا مُوسَى لَنْ نَصْبِرَ عَلَى طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنْبِتُ الْأَرْضُ مِنْ بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ اهْبِطُوا مِصْرًا فَإِنَّ لَكُمْ مَا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَاءُوا بِغَضَبٍ مِنَ اللَّهِ ذَلِكَ بِأَنَّهُمْ كَانُوا يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَوْا وَكَانُوا يَعْتَدُونَ ،كنانة الله فى أرضه

 

 

[alaashabana]

اقتباس المشاركة الأصلية كتبت بواسطة ابوالتيمان مافيش امل تنصلح حال مصر ولا أيه ؟؟؟؟؟مهاجرين ليه؟؟؟،ربنا بنى إسرائيل لمن طلبوا مطائب الارض قال لهم:.(وَإِذْ قُلْتُمْ يَا مُوسَى لَنْ نَصْبِرَ عَلَى طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنْبِتُ الْأَرْضُ مِنْ بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ اهْبِطُوا مِصْرًا فَإِنَّ لَكُمْ مَا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَاءُوا بِغَضَبٍ مِنَ اللَّهِ ذَلِكَ بِأَنَّهُمْ كَانُوا يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَوْا وَكَانُوا يَعْتَدُونَ ،كنانة الله فى أرضه

انت راجل زى العسل بس انا هوضحك الفكرة من الهجرة ولية الناس بتفكر تهاجر

بس يا استاذنا العزيز
موضوع ان حال مصر ينصلح فدعنى اوضحلك ان العيب مش فى مصر - العيب فى النظام - العيب فى الشعب - العيب فى التعليم - العيب فى الطريقة - الطريقة فى كل حاجة فى المعاملات الحكومية فى معاملات الناس مع بعضها
هوضحلك اكتر - الناس بقيت مخنوقة من الدنيا كلها ولعدة اسباب
اولا قلة الرواتب - الكوسة - الواسطة - عدم الاحساس بالامان - احساس دائما ان الواحج بيطلع عينة علشان ياخد مرتب عدة جينيهات - زيادة الاسعار
كل العوامل دى بتخلى الواحد يمشى فى الشارع يكلم نفسة ومش يبقى طايق نفسة فى الشغل وبكدة مش هبقى طايق انه يشتغل ويخلص مصالح الناس
الناس اللى جاية تقضى مصالحها زهقانة وقرفانة من الورتنين وكثرة الدمغات والامضاءات وبالتالى هو كمان بيبقى اصلا رايح يقضى المصلحة وهو على اخرة

لو هكتبلك الباقى هيبقى انت هتسهر معايا كدة كام يوم لكن باختصار مصر احوالها مش هتتصلح من يوم وليلة دة لو اتصلحت اصلا وانا بصراحة معنديش امل 1% انها تتصلح لان ببساطة لو عاوزة تغير البلد يبقى لازم تغير عقول الناس وتفكيرهم - لازم تغير نظام التعليم علشان الجيل اللى جاى يطلع متعلم صح مش مجرد كلمتين وبعد الامتحان ينساهم - لازم تغير الرواتب علشان الناس تبقى راضية عن الشغل وتقدر تشتغل ونفسها مفتوحه - لازم تغير وتغير وتغير وتغير ...

يعنى بمعنى اصح لو عاوز تغير البلد هات نظام اوربى او امريكى وطبقة واقعد جنب النظام دة نص قرن ساعتها البلد هتبقى احسن من اى بلد فى الدنيا

يبقى الحل فى اية الهجرة
الهجرة لينا ولكل الناس نظام - نظام بنتمنى نلاقية فى بلدنا لكن مش موجود وهياخد وقت كتير علشان يبقى موجود ويمكن كمان مش نلحقة فى الدنيا واولادنا هما اللى يلحقوة او احفادنا - عشلان كدة احنا بنهاجر للنظام دة منه تدريب ووعى وتعود على الانظمة المحترمة ومنه اننا نستنى فى البلاد جى لغاية ما ربنا يكرم والنزام دة يتنقل فى مصر .

الهجرة مش هجرة جسد - الهجرة هجرة عقول - شوفنا التقدم بتوع الغرب وعاوزين نربى اولادنا ونعلمهم العلم اللى طلع العقول النظيفة اللى فى الغرب -
هديك مثل بسيط اوى
لو انت غنى اوى فى مصر - يعنى معاك فلوس ورجل اعمال ومعاك فيزا مفتوحة لجميع بلاد العالم
وابنك او بنتك هيروحوا الجامعه هيبقى قدامك حل من الاتنين
اما تدخلهم الجامعه الامريكية او الالمانية او الكندية
اما هتبعتهم برة امريكا او استراليا او كندا وتدفع لهم الاف الدولارات علشان يرجعولك بالسلامة وفى ايدهم شهادة محترمة صح ولا انا غلطان
طيب والناس اللى مش معاهم فلوس ونفسم بردو يعلموا ولادهم تعليم محترم يعملوا اية
يبقى ممكن يهاجروا وتلاقى ابنك قاعد جنب ابنة فى الجامعه لكن الفرق انك دافع الاف الدولارت علشان يتعلم لكن هو مش دافع ولا دولار بالعكس ممكن كمان يكون واخد قرض من البنك ويسددة براحتة لما يبقى يشتغل

شوفت بقى الفرق - شكلك زهقت - ادعى انت بس وقول يارب يسترها علينا ونلحق الهجرة قبل ما يقفلوها

تقبل تحياتى

 

 

[Mzohairy]

هغلس عليك زي ما بتغلس عليا في الفيس بوك


طب ليه ماتجربش الهجره الداخليه يا علاء؟

يعني شرم الشيخ مثلا او جمصه ؟

منها رزقه كويسه و منها توفر مجهود ولا محتاجه معادله ولا دراسة انجليزي و لا فرنساوي ولا انترفيو ولا حاجه
طالما اللغه المصريه عندك كويسه يبقى امورك متيسره ان شاء الله

 

 

[alaashabana]

اقتباس المشاركة الأصلية كتبت بواسطة Mzohairy هغلس عليك زي ما بتغلس عليا في الفيس بوك طب ليه ماتجربش الهجره الداخليه يا علاء؟ يعني شرم الشيخ مثلا او جمصه ؟ منها رزقه كويسه و منها توفر مجهود ولا محتاجه معادله ولا دراسة انجليزي و لا فرنساوي ولا انترفيو ولا حاجه طالما اللغه المصريه عندك كويسه يبقى امورك متيسره ان شاء الله

ضحكتنى والله يا مايسترو - انت حبيبى يا استاذ محمد ومقدرش اغلسي عليك - دة انا بفرح والله لما بشوف اسمك

نرجع لسؤالك واللى انا حاسس انه ترياة بس هجاوبك بردو - لانك جيت على الحرج

انا قعدت فى شرم 3 سنوات تقريبا على فترات متقطعه يعنى كنت اروح اقعد طول السنة هناك وارجع على ايام الامتحانات فقط
مش عاوز اقولك انى قبل ما اتخرج كنت شغال محاسب ب 800 جنية ولما اتخرجت اشتغل محاسب ب 1200 بس للاسف كانت فعلا فلوس حرام بمعنى ام مفيش فيها اى بركة لان جزء كبير جدا من ارباح الاماكن اللى انا اشتغلت فيها سواء مطاعم او سوبر ماركت كان بيجى من بيع الخمور والبيرة استغفر الله العظيم
عشلان كدة مكناش بنحس بالفلوس نهائى بالعكس كمان كنت تروح تشترى بنطلون من المركات المعروفة تلاقى بعدها باسبوع يحصل له حاجة غريبة

ثانيا والاهم شرم الشيخ والغردقة وسفاجا وطابا والاماكن دى كلها للاسف تحس انها مش بلدنا " انا كلامى قبل الثورة " معرفش بقى بعد الثورة اتغيرت ولا لأ
مش بلدنا بمعنى ان والله والله تلاقى امناء شرطة جاين شرم الشيخ انتداب لمدة اسبوع ولا اتنين عاوزين بقى يبانوا انهم شغالين قدام البية المامور تلاقية ينزل الشارع خصوصا خليج نعمه ويوقف اى واحد مصرى ماشى يقولى بطاقتك كارنيهك اى حاجة من دى ولو الراجل سليم ياخدة بردو علشان يكشف عنه جنائيا .. يبقى الواحد مننا ماشى فى امان الله تلاقى واحد من الزبالة دول يوقفك وياخدك ويجيب معاك 20 ولا 30 واحد بحجة الكشف عنهم جنائيا .. طبعا كانت حاجة مقرقفة وتشوف منظر السياح وهما ماشين يبصوا على الشباب اللى واقفين دول يقولوا فعلا الشرطة ماسكة ارهابيين

لما مبارك او حد من عيالة يجيى شرم ولا فى الاعياد تلاقى البلد قامت والشرطة بتلم بالجملة اى حد ماشى فى الشارع وانت ونصيبك اما حد يضمنك او تترحل كعب داير
الحمد لله انا اخرى كنت بقف صف مع الشباب لكن الحمد لله كنت اعرف هناك رتبة كبيرة ودة اللى كان بيخلينى مش خايف منهم لكن رغم كدة قرفت من الاسلوب المهين بجد لاى بنى ادام رايح يشتغل جوة بلدة . لغاية ما حسينا فعلا انها مش بلدنا

غير بقى المعاملة يعنى لو انت مش رايح سياحة هناك ومعاك فلوس ونازل فى فندق لازم تتمسك فى يوم من الايام .. ويا سلام بقى اللى يمشى مع واحدة اجنبية يبقى نهارة اسود فعلا .. ازاى يا استذا انت تمشى مع اجنية والبية امين الشرطة قاعد محدش بيعبرة .. ما هو الامين الشرطة دة ميعرفش يقول صباح الخير بالانجليزى يبقى هيكلم ويمشى مع اجانب ازاى .

اقول كمان- صدقنى يا استاذ محمد الهجرة لاى بلد فى الدنيا بالنسبالى انظف بكتيييييييييييييير اوى اوى اوى من النزول فى مصر - انا حتى مش بحب انزل اجازات لمصر ويوم ما بنزل بيبقى كبيرى اوى اسبوع ولا اسبوعين

لما كنت هناك قولت بقى اقدم على الفنادق الكبرى يبقى ربنا يكرم .. قدمت فى الهلتون عن طريق واحد صاحبى شغال كاشير هناك - واحد اتعرفت علية هناك المهم بعد فترة 6 شهور الفنجق بيتصل بيه المدير المالى بيكلمنى تخيل اول حاجة يقولى اية
يقولى انت تعرف حد هنا ازاى السى فى بتاعك دخل الفندق - انت ليك واسطة - انطق اعترف قول -

تقولى شرم ولا مصر

عمار يا مصر