Arabic Discussion Forum with a Special Interest in Travel and Immigration

حسام · 18th October 2008, 01:57 PM

هذا الموضوع مفتوح لأى انسان يرى ما لا يفهمة
وما لا يعجبة
وما لا يجد سببا منطقيا لتفسيرة
فى السياسة
الثقافة
الرياضة
الفن
العلم
عاداتنا الاجتماعية
تفكيرنا
حياتنا

استغرب من كل ما تراة خطأا
الاستغراب من الخطأ هو أول خطوة فى علاج الخطأ
لأن الخطوة التالية لة هى الاصلاح
فحتى لو اكتفينا بالخطوة الاولى مؤقتا
فدة أحسن بكتير من التعود على الخطأ
ودة عدونا الحقيقى
بقينا نشوف الغلط ومش مستغربينة
تعودناة
واعتدناة
ولم يعد يثير فينا اى شيئ
الى كل مستغرب
أهدى هذا الموضوع

حسام · 18th October 2008, 02:01 PM

استغرابى الأول
محاكمة هشام طلعت مصطفى
والاهتمام الكبير المصاحب للقضية
والادانة الجاهزة حتى قبل ان يحاكم خلافا للقاعدة القانونية المتهم برئ حتى تثبت ادانتة
أنا مش بدافع عنة
لكن اللى بيحصل دة تقطيع رسمى
الاستغراب التانى
عايزين المحاكمة تبقى علنية
ياسلام
هوة صدام حسين؟
سوزان تميم أغلى من ألف مصرى غرقوا فى البحر الاحمر قبل الفجر؟
أغلى من 4000صعيدى اتحرقوا ليلة العيد؟
أغلى من اللى مش عارفين عددهم اللى خدوا عدوى من أكياس هايديلينا الملوثة؟
مستغرب للصبح

يجعله عامر · 19th October 2008, 12:06 AM

(مستغرب) أني لا زلتُ على قيد الحياة أنعمُ بالعدم !

No Body · 19th October 2008, 12:10 AM

اقتباس

المشاركة الأصلية كتبت بواسطة حسام يوسف


	استغرابى الأول محاكمة هشام طلعت مصطفى والاهتمام الكبير المصاحب للقضية والادانة الجاهزة حتى قبل ان يحاكم خلافا للقاعدة القانونية المتهم برئ حتى تثبت ادانتة أنا مش بدافع عنة لكن اللى بيحصل دة تقطيع رسمى الاستغراب التانى عايزين المحاكمة تبقى علنية ياسلام هوة صدام حسين؟ سوزان تميم أغلى من ألف مصرى غرقوا فى البحر الاحمر قبل الفجر؟ أغلى من 4000صعيدى اتحرقوا ليلة العيد؟ أغلى من اللى مش عارفين عددهم اللى خدوا عدوى من أكياس هايديلينا الملوثة؟ مستغرب للصبح

مستغرب لأنك لسه معتقد إن في حاجة بتمشي صح في بلدك !!!!!!!!!!!!!!!!!

حسام · 19th October 2008, 12:39 AM

ماهية دى قواعد اللعبة اللى عايزين نلعبها يا عم نوبدى
الاستغراب ورفض الخطأ هو اول طريق الاصلاح
الاستغراب أفضل من أن نعتاد الخطأ
ونسلم بوجودة
استغربوا تصحوا

حسام · 19th October 2008, 11:46 AM

نستغرب المرة دى استغراب خفيف
فنى يعنى
فيلم عنتر ولبلب
من أجمل الأفلام اللى حبيتها
واللى مهما الواحد شافة يتابعة
ويتبسط من اللى بيشوفة فى الفيلم
الفيلم اسمة لبلب وعنتر
كل ماحد ييجى فى الفيلم يقول عنتر ألاقى الصوت اتغير
ايا كان الممثل اللى بيتكلم
الرقاصة مراتة
عبد الوارث عسر
شكوكو
تلاقى الوت اتنطق عنتر
لكن بنبرة مختلفة وصوت مختلف تانى خالص
لما دققت فى قراية شفايف الممثلين ساعتها
لقيتهوم بيقولوا شمشون بشفايفهم
مش عنتر
والصوت الغريب ينزل يقول عنتر
حد فاهم قصدى؟
لية اللى بيحصل دة؟
هية شمشمون دى كلمة مش ولا بد؟
ياريت يا جماعة اللى يلاقى اجابة يقول
أخوكم مستغرب

فــيــروز · 19th October 2008, 12:13 PM

اتّصلت سيّده من دوله خليجيه ببرنامج يستضيف دكتور "عمر عبد الكافى" ليرد على أسئلة المشاهدين
وسألت المتّصله هل هناك ظلم أو حرام فى أن أكتفى بإنجاب ثلاثه من الأبناء بسبب محدودية الوقت المتاح رعاية الأبناء بينما زوجى يرغب فى إنجاب المزيد؟

يرد الدكتور بأنّه كى لا يعطيها فتوى يستخدمها غيرها فى غير محلّها ينصحها بالإنجاب مجدّدا و ربنا يبارك فى وقتها !! و يستشهد بحديث "تناكحوا تناسلوا .."

استغرابى له أسباب عديده :

تخوّف الدكتور من منح فتوى قد يستخدمها البعض بينما هى لا تنطبق على ظروفهم ممّا يلمّح أن الفتوى أو الرأى الذى منحه ليس هو بالظبط ما يناسب السائله و ظروفها هى و كأنّها يجب أن تعاقب على سوء استغلال غيرها لآراء المشايخ و المفتين !! يعنى ضحّينا بالمعلوم -وهو سؤال فعلى لمتّصله فعليه- فى سبيل مجهول قد لا يحدث ولا يقع !!

الاستشهاد بالحديث رغم أن السيّده لديها بالفعل ثلاثه من الأبناء أى أنّها حققت الحديث بالفعل أم أن المباهاه لا تكون سوى بعشرات الأبناء !!

قدر من التواكل و عدم الانتباه لمعطيات الظروف الحاليه و صعوبتها و تبسيط الأمر بشكل أراه مخلاّ بمجرّد الدعاء : ربنا يبقى يبارك لك فى وقتك !!

ما هذا ..

حسام · 19th October 2008, 09:25 PM

أهلا بيكى ياباشمهندسة فيروز
مستغربة معانا فى جمعية مستغرب وانا مالى
يابوى وانا مالى
الحقيقة عندك كل الحق فى استغرابك
دة انتى ممكن تستعملى الجوكر زى بتوع تلى ماتش
(حدفاكر تلي ماتش؟)وتستعملى استغراب دوبل المرة دى
أحب أذكر ان عمر عبدالكافى اللى بيتخوف من الفتوى هوة أكثر من تكلم فى المسلمين لتشجيعهم على معاملة غير المسلمين (المسيحيين طبعا)بكل سوءبمايتنافى مع روح الاسلام السمحة
ولله فى خلقة شئون
أهلا بيكى ياباشمهندسة فيروز
باشمستغربة كبيرة معانا

حسام · 20th October 2008, 08:10 PM

استغرابى المرة دى رياضى
الاول بصوا على اللينك دى

هتلاقوا تصنيف لفرق العالم رجال فى كرة القدم
هتلاقوا الكاميرون 12
ومصر 22
واسرائيل 16؟
لية؟
خدت مركز على مستوى القارة؟
نتايجها ماشاءالله؟
هية متقدمة كرويا لكن مش لدرجة ال 16
وسعت أوى دى

https://www.fifa.com/worldfootball/ra...llranking.html

حسام · 1st November 2008, 11:07 AM

السلام عليكم
استغرب من كل من ينادى بالديموقراطية

وحين يكون مسؤولا فى مكان ما
أيا كان هذا المكان
لا يعير الديموقراطية أى اهتمام
بل ويراها نذير شؤم
اية الازدواجية دى؟

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
كل سنة وانت طيب يا دكتور جورج	ترحيبات ... مناسبات ... علاقات عامة	jemkarry	9	2667	4th March 2012 09:56 PM
مرشح المطاريد لرئاسة الجمهورية-FINAL	إقتراحات ... مشاكل تقنية	تومى	5	2274	4th March 2012 09:28 PM
عيد ميلاد سيدة القطرين	ترحيبات ... مناسبات ... علاقات عامة	Virus	14	3062	3rd March 2012 09:32 AM
أخوكم مزنوق فى طلب ترجمة انجليزية	Do you speak English	arwa ahmed	16	7021	1st March 2012 12:38 PM
عيد ميلاد سيدة مصر الأولى	ترحيبات ... مناسبات ... علاقات عامة	حسام	60	6840	1st March 2012 10:27 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انا مستغرب سبحان الله	karimnassar	موضوعات عامة ... موضوعات خفيفة ... منوعات	0	3rd December 2008 09:06 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

موضوعات عامة ... موضوعات خفيفة ... منوعات

مستغرب