أكلات أرديحى حلوة و لذيذه و متجربه

[Farida]

الصحف المصرية والعربية

بصوا يا جماعه بمناسبه العهد الميمون اللى بنعيشه فى مصر و اللى خلى كيلو اللحمه وصل 60 جنيه و كيلو الفراخ بعضمها وصل 20 جنيه .اليكم بعض الوصفات القرديحى المتجربه و اللذيذه و ياريت نحاول نضيف احنا كمان ......وبلاش منها اللحمه و الفراخ دى اللى جابت لنا النقرس و الكوليسترول او ممكن نأكل اللحمه مرتين بس فى الأسبوع ........................يالا نبتدى على بركه الله

 

[Farida]

العدس بجبه بالزيت و الليمون :
المقادير : - 2 كوب عدس مغسول و منقوع نصف ساعه قبل الطبيخ
- 2 بصله متوسطه مبشورة
- 4 حبات طماطم مبشورة بمبشرة البصل
- ملح و فلفل و كمون كتير
- زيت و ليمون
الطريقه : أضع العدس فى الحله و أغطيه بالماء لما يغلى غلوتين اشيل الريم اللى على الوش و بعدين أضيف البصل و الطماطم و الفلفل و لا نضع الملح ابدا اثناء تسوية العدس ...........كل شويه اضيف ماء يبقى مغطى العدس .......لما يستوى العدس اضيف الكمون و الملح و أطفى ......اهم حاجه يبقى العدس فيه ميه شويه مش ناشف
التقديم : اضع فى كل طبق شويه عدس و اضيف الزيت و الليمون و يقدم معه بطاطس مسلوقه و ممكن بصل أخضر و بالهنا و الشفا

 

 

[حسام]

اقتباس المشاركة الأصلية كتبت بواسطة Farida بصوا يا جماعه بمناسبه العهد الميمون اللى بنعيشه فى مصر و اللى خلى كيلو اللحمه وصل 60 جنيه و كيلو الفراخ بعضمها وصل 20 جنيه .اليكم بعض الوصفات القرديحى المتجربه و اللذيذه و ياريت نحاول نضيف احنا كمان ......وبلاش منها اللحمه و الفراخ دى اللى جابت لنا النقرس و الكوليسترول او ممكن نأكل اللحمه مرتين بس فى الأسبوع ........................يالا نبتدى على بركه الله

كل كلمات الشكر لن تكفيكي يا دكتور فريدة على هذة الفكرة
بجد الله يكرمك
الظروف بقت صعبة فعلا على الكل
يارب كندا

 

 

[sanaa]

اقتباس المشاركة الأصلية كتبت بواسطة Farida تعرف يا شينكاوى - مش عارفه ليه الأسم ده معلق معايا- المهم المصريين من زمان و طول عمرهم مش من أكلى اللحوم و مستهلكيها ...........امى بتقولى ان اللحمه و الفراخ دى ايام والدها كانوا بيتاكلوا نص الأسبوع و نص الأسبوع اكل تانى و حلو برضه و طعمه جميل و بيبتكروا فيه مع ان جدى كان تاجر كبير و كان له اراضى و بيوت ................... أمى بتحكى لى عن أطباق بدون لحمه كتير كانوا بيتفننوا فيها مش قلة فلوس لكن شويه نصاحه على شويه تقليل من الدهون على شويه صحه و هكذا ......بس بما انهم كانوا اسكندرانيه يعنى عندهم السمك اكتر بس برضه بتقولى كانوا بيطبخوا الفول الحراتى مثلا و كانوا بيعملوا اصناف من العدس و الفول و الشكشوكه - مكرونه بالبيض - و حاجات كتير و بتقول موضوع اللحوم و استهلاكها ده بقاله مده مش كبيره قوى

لما قريت المداخله دي حسيت كأننا فعلا جيين من نفس المكان عشنا مع نفس الناس



يمكن الفرق البسيط اني عاصرت الاكل الارديحي

زمان ماكناش بناكل لحمه الا كل اسبوع مره او بالكتير مرتين ولازم تكون فرش ماتتحطش في التلاجه

ويوم فراخ او بط وساعات يومين تبع الظروف من المتربي في البيت كان عيب نشتريه من بره
بحجه ماحدش يعرف عيان ولا سليم

والسمك لاننا من بيئة فيها السمك كتير ورخيص كنا بناكل مرتين او تلاته تبع الظروف

ويوم او اتنين اكل ارداحي



الاكل الارداحي كان الاتي

عدس اصفر وجانبه بيض مسلوق ومعرفش لغايه دلوقتي ليه كانوا في الاكله دي لازم بعد مايقشروا البيض يحمروه في السمن تحميره بسيطه كده


رز باللبن مافهوش سكر وجانبه عسل ده يشبه للرز المعمر مسقي باللبن الفرش

مسقعه كذابه مافيهاش لحمه

فتتة عدس

بصاره

مدفونه المدفونه دي بتتعمل بالبطاطس او بالكوسه


مكرونه بس بالتوم مشطشطه


ملوخيه بس من غير لحوم بجانبها وتتاكل بعيش وساعات لما الملوخيه مابتكنش موجوده في السوق بيبقي فيه ملوخيه ناشفه





لما افتكر حاجه تانيه اجي اقولها

 

 

[Farida]

اقتباس المشاركة الأصلية كتبت بواسطة حسام كل كلمات الشكر لن تكفيكي يا دكتور فريدة على هذة الفكرة بجد الله يكرمك الظروف بقت صعبة فعلا على الكل يارب كندا

الله يكرمك يا دكتور و ييسر لك الصعب ...............
كل الكلام جميل الا الجمله دى "يارب ....كندا"

اقتباس المشاركة الأصلية كتبت بواسطة sanaa لما قريت المداخله دي حسيت كأننا فعلا جيين من نفس المكان عشنا مع نفس الناس يمكن الفرق البسيط اني عاصرت الاكل الارديحي زمان ماكناش بناكل لحمه الا كل اسبوع مره او بالكتير مرتين ولازم تكون فرش ماتتحطش في التلاجه ويوم فراخ او بط وساعات يومين تبع الظروف من المتربي في البيت كان عيب نشتريه من بره بحجه ماحدش يعرف عيان ولا سليم والسمك لاننا من بيئة فيها السمك كتير ورخيص كنا بناكل مرتين او تلاته تبع الظروف ويوم او اتنين اكل ارداحي

تقريبا من نفس الجيل ....وده شرف ليا .......بس ده دليل ان المصريين على اختلاف منبتهم كانوا كلهم كده يعنى انتى من المنصوره وانا من اسكندريه لكن الأهالى بيفكروا زى بعض

اقتباس الاكل الارداحي كان الاتي عدس اصفر وجانبه بيض مسلوق ومعرفش لغايه دلوقتي ليه كانوا في الاكله دي لازم بعد مايقشروا البيض يحمروه في السمن تحميره بسيطه كده رز باللبن مافهوش سكر وجانبه عسل ده يشبه للرز المعمر مسقي باللبن الفرش مسقعه كذابه مافيهاش لحمه فتتة عدس بصاره مدفونه المدفونه دي بتتعمل بالبطاطس او بالكوسه مكرونه بس بالتوم مشطشطه ملوخيه بس من غير لحوم بجانبها وتتاكل بعيش وساعات لما الملوخيه مابتكنش موجوده في السوق بيبقي فيه ملوخيه ناشفه لما افتكر حاجه تانيه اجي اقولها

جميل عايزين الوصفات بالتفصيل ..............بس ايه حكاية المدفونه بالبطاطس دى ..............

 

 

[فــيــروز]

عاوزين مسقّعه ..

 

 

[Stream Rock]

السلام عليكم ورحمة الله

لو سمحتم عايزة طريقة البصارة نفسي فيها

والمدفونة معرفهاش :)

 

 

[Prof]

اقتباس المشاركة الأصلية كتبت بواسطة فــيــروز عاوزين مسقّعه ..

يحضر البتنجان ويقطع شرائح.. بعض الناس بتفضل تقشيره والبعض الآخر يفضله بقشره..
يقلى التنجان ثم ينشف على مناديل ورقية ماركة كارمن لتمتص الزيت..
تحضر الصلصلة والتخديعة وتطش الطشة مع لوازمها (الحركة بتاعة زينات صدقي)..
تترك لعدة دقائق حتى يحصل الانسجام المطلوب وكده

تقدم ساخنة ويفضل البعض تقديمها ساقعة (على أساس انها مسقعة يعني).
وبالهنا والشفا.

 

 

[سهى يافا]

اه ما الذها الاكلات الشعبية
أتفضلوا.........الطبق من صنع أيديى


المقادير

نصف كيلو فول مدشوش

2 حزمة بقدونس

2 حزمة كزبره خضراء

2 حزمة شبت

4 بصلات خضراء ( البصل الأخضر الطويل )

ملعقه كبيرة خل

ثوم مفروم........و 6 فصوص ثوم سليم

بصله كبيره مقطعه قطع كبيرة

كزبرة جافه مطحونة ( من التوابل عند العطار )

ملح و فلفل و كمون مطحون

زيت زرة للتقليه


الطريقه

أغسلى الفول و أنقعيه فى ماء لمدة ساعة أو ساعتين
غيرى الماء و ضعى ماء آخر و ضعيه على النار ثم أضيفى البصله الكبيرة و فصوص الثوم السليمه
و النار تكون عالية و من وقت لآخر تقللبى
بعد ما ينضج الفول و شكله يكون تام النضج و الماء يا دوب تكون مش ظاهرة......أضيفى الخضروات السابقة و تكون مغسوله و مقطعه (((((((( بدون أضافه ملح.)))))))))...و أتركيها حتى يقل الماء أكثر
بعد حوالى 10 دقائق أطفى النار و أتركيها تهدأ ثم أضربيها فى الخلاط على دفعات ......
ثم ضعيها فى أناء الطبخ و ضعيها على النار مرة أخرى مع أضافة الملح و الفلفل و (الكمون قليل) و ملعقة كبيرة خل
تغلى قليلا لمدة 5 دقائق ثم أبعديها عن النار

لعمل التقليه......
أضيفى زيت فى طاسه التحمير و الثوم المفروم و البصل المفروم ( فرم خفيف شويه ) مع الكزبرة المطحونه
و ضعيهم على النار مع التقليب حتى يصبح اللون ذهبى
أضيفى نصف التقليه على البصارة و النصف الآخر أحتفظى به لتجميل الأطباق بعد الغرف
ثم قللبى البصارة و أغرفيها فى أطباق التقديم لكل شخص طبق
ثم ضعى فى منتصف الطبق على الوجه قليل من التقليه ....و بالهنا و الشفا




منقول

 

 

[سهى يافا]

مدفونة البطاطس
المقادير 1نصف ك بطاطس مقطعه حلقات
2نصف كبصل مقطع حلقات
3ملح وفلفل اسمر
4 معلقة زبدة
الطريقة توضع الزبدة فى اناء ونرص حلقات البطاطس ثم البصل على شكل طبقات
ونتبلهم بل الملح والفلفل ونرفع الاناء على نار هادئة الى ان تنضج