Car Insurance in Canada

[حشيش]

الصحف المصرية والعربية

اقتباس المشاركة الأصلية كتبت بواسطة maksoof تأمين البيت حوالى 400 دولار و تأمين العربية 1300 فى السنة. هو فعلا ثمن البيت أغلى من العربية بس إحتمال إنى أعمل حادثة بالعربية أكبر شوية من إنى أعمل حادثة بالبيت.

لا يا معنمى مش موضوع حتعمل حادثة بالبيت ... لكن لو لا قدر الله نسيت صنية مكرونة فى الفرن وخرجت ورجعت لقيت البيت وَلَع شركة التأمين حيتخرب بيتها

 

 

[mohsen]

اقتباس المشاركة الأصلية كتبت بواسطة حشيش لا يا معنمى مش موضوع حتعمل حادثة بالبيت ... لكن لو لا قدر الله نسيت صنية مكرونة فى الفرن وخرجت ورجعت لقيت البيت وَلَع شركة التأمين حيتخرب بيتها

سعادتك ما تقلقش على شركات التأمين.. بيتهم مش بيتخرب.

فاكر الحرائق اللى حصلت فى كاليفورنيا من كام سنة و خسائرهم كانت أرقام من اللى ما إتعلمناش فى المدارس إسمها إيه؟ الخسائر دى إتوزعت فى السنة اللى بعدها على أمريكا الشمالية كلها و التأمين بتاعى زاد من 275$ ل 340$ مع إنى والله ما كانش ليا أى دخل فى الحريقة و لا حتى كان عندى كبريت فى بيتى و كمان أنا على بعد 3000 كم منهم.

شركات التأمين بيشتغلوا مع بعض و بيأمنوا على بعض فالخسائر بتتوزع على أمريكا و كندا. و واضح من قيمة التأمين إن حوادث العربيات بتكلفهم 3 أضعاف خسائر الحريق و السرقات بتاعة البيوت.

 

 

[somayasaleh]

اقتباس المشاركة الأصلية كتبت بواسطة حشيش لا يا معنمى مش موضوع حتعمل حادثة بالبيت ... لكن لو لا قدر الله نسيت صنية مكرونة فى الفرن وخرجت ورجعت لقيت البيت وَلَع شركة التأمين حيتخرب بيتها

بيت ايه ده اللي يتحرق يا شيشو يا اخويا

البيوت هنا كلها ....اجباري يتركب فيها .....smoke detector.......يعني من اول شوية دخان عادي.....الدنيا ح تتقلب.....والجيران ح يطلبوا بوليس النجده والمطافي.....وترجع سيادتك البيت....تلاقي الاحتلال الكندي عندك

بالنسبة لموضوع تأمين العربية....بيختلف من شركة للتانية......وكمان لو جديد في البلد زي حالاتي.....لازم تدفع دم قلبك........انا بدفع 285 في الشهر بعد الرأفة

لو قديم وبتسوق في كندا او امريكا مش اقل من تلات سنين....ممكن تنزل ل 100---ـ150 في الشهر مش اقل من كده.....او لو دخلت معاه تامين البيت....العفش....تامين علي الحياة....بيقل المبلغ

بس ما قلتش.....انت ناوي تيجي امتي؟؟؟؟؟...........علشان نفرش لك الارض حشيش

 

 

[mohsen]

أكتر 10 ماركات عربيات إتسرقت فى كندا سنة 2010
(التأمين عليها بيبقى مش رخيص)

https://autos.ca.msn.com/photos/galle...6779581&page=1

 

 

[الأهلاوي الأصيل]

في كيبيك المحروسة تأمين العربية 22 دولار في الشهر...عمار يا كيبيك

 

 

[OmarDent]

اقتباس المشاركة الأصلية كتبت بواسطة الأهلاوي الأصيل في كيبيك المحروسة تأمين العربية 22 دولار في الشهر...عمار يا كيبيك

22 دولار و البديل 250-300 دولار !!!

 

 

[somayasaleh]

اقتباس المشاركة الأصلية كتبت بواسطة maksoof أكتر 10 ماركات عربيات إتسرقت فى كندا سنة 2010 (التأمين عليها بيبقى مش رخيص) https://autos.ca.msn.com/photos/galle...6779581&page=1

يا خبرا بيض....هوندا سيفيك منهم....ده انا كنت ح اشتري واحدة....بس تراجعت في اخر لحظة؟؟؟

امال لو كنت اشترتها بقي......كنت دفعت تامين كام.....وانا بدفع علي التويوتا الكورولا 285 دولار في الشهر.....مش 22 دولار زي اخوانا اللي في كيبك

 

 

[mohsen]

اقتباس المشاركة الأصلية كتبت بواسطة somayasaleh يا خبرا بيض....هوندا سيفيك منهم....ده انا كنت ح اشتري واحدة....بس تراجعت في اخر لحظة؟؟؟ امال لو كنت اشترتها بقي......كنت دفعت تامين كام.....وانا بدفع علي التويوتا الكورولا 285 دولار في الشهر.....مش 22 دولار زي اخوانا اللي في كيبك

موديل 99 و 2000 بس.

غالبا الموديلات الجديدة فيها immobilizer يعنى سرقتها مش سهلة- بس ممكن حضرتك تسألى عن تأمين الموديل اللى ناوية تشتريه.

أما إخواننا بتوع كيبيك فباين عليهم مش بيعرفوا يعملوا حوادث

و كمان التأمين هنا مش بيفرق كتير بالنسبة للموديل و السنة بتاعة العربية (إلا لو ضمنتى لهم إنك مش حتعملى حوادث مع عربيات غالية )

 

 

[ايمن رووف]

برافو علي المجهود الجميل ده

 

 

[medopharm]

ياترى سياره هوندا سيفيك موديل 1999 يكون تأمينها كام؟