فيلم ابراهيم الأبيض

[KANE]

الصحف المصرية والعربية

لم يدر في المطاريد اي نقاش عن الفيلم


وبما انه يُعرض الآن على ART سنيما

رأيت ان نفتح نقاش عن الفيلم




انا ارى ان الفلم جيد بل ممتاز في بعض النواحي

* القصة
* التصوير

عابه
* الإحساس بأنه مختصر زيادة عن اللزوم
* العنف
* بعض اللأمعقول في قصة الحب بين حورية وابراهيم


طبعاً كان اثناء الحورات بعد ما خرج الفيلم اتذكر كلمة عماد اديب في العاشرة مساء

انه يُعتبر توم وجيري بالنسبة لأفلام مثل سلسلة Saw

ولكن بعد المشاهدة -يوجد لقطات عديدة محذوفة في ال ART- انه مرعب لأنه ممكن ان يحدث لك أو أمامك -وربما تكون شاهدت مرة خناقة بمطاوي وسنج-

بينما Saw كان فانتازيا مرعبة صعب ان تحدث



ايه آرائكم عن الفيلم لو كنتم شفتوه

 

[KANE]

لمن لم يشاهده يمكن تحميله من تورنت

ابحث باسم

iBrahiM EL aByaD

 

 

[Raouf]

انا شفت الفيلم من فترة محمله من على النت
و كتير من اصحابى شافوا انه bloody زيادة عن اللزوم
ولكن رأيى ان الفيلم
رائع احمد السقا و هند صبرى و محمود عبد العزيز ادائهم اكثر من رائع
و نجم الفيلم عمرو واكد
بلا منازع
و الحقيقة انا شايفه رائع و واقعى لان انا من بلد بيحصل فيها اكتر من كدة بكتير
و منظر المطاوى و السنج و مية النار عادى جدا و فى الافراح كمان
لكن الفيلم
اداء و تصوير رائع
سيناريو ضعيف شوية بسبب القفز السريع على الاحداث
لكن المجمل فيلم جيد

 

 

[Farida]

انا بقه حأتفقع من الفيلم ده و هو احد أسباب زياده حالة الأكتئاب الحالية عندى.......مستغربه جدا ان الفيلم اخراج شريف عرفه ليه يعمل كده فى نفسه و ايه كم العنف و الدم و القذارة دى و محمود عبد العزيز بيمثل كويس صحيح بس الكاركتر بتاعه مقزز برضه و احمد السقا فى اضعف حالاته ..........معلهش يا جماعه انا شركت الفيلم خالص بس بجد مش فاهمه الفيلم ده عايز يقول ايه ,,,,,,,,,,,

 

 

[شينكاوي]

أهم حاجة الفيلم فيه نسواان
































مش علشان حاجة بس الواحد يعرف هل هيشوف الاشكال الضالة اللي بيقولوا علي نفسهن فنانات وهن في الاخر قلاعات للهدوم كشافات للعورات مغويات للشباب

 

 

[Om nour]

الفيلم واقعي جداً حيث يحدث ما هو أسوأ و أعنف من ذلك في الاحياء الفقيرة و العشوائيات جميع الممثلين ابدعوا في ادوارهم لكن محمود عبد العزيز تفوق على نفسه بعد فترة ركود طويلة و سلسلة من الافلام الغير جيدة جاء في هذا الفيلم ليذكرنا بأدائه العالي المختفي منذ فترة. بالرغم من ان هند صبري ممثلة رائعة الا ان دور بنت البلد او المعلمة لا يناسبها. رغم صغر دور حنان ترك الا انه معبر جداً و مؤثر لفهم سيكولوجة البطل (أحمد السقا) عمرو واكد ممتاز كالعادة و لا ننسى سوسن بدر التي اجادت في تمثيل دور الام الشريرة.

 

 

[KANE]

اقتباس المشاركة الأصلية كتبت بواسطة شينكاوي أهم حاجة الفيلم فيه نسواان مش علشان حاجة بس الواحد يعرف هل هيشوف الاشكال الضالة اللي بيقولوا علي نفسهن فنانات وهن في الاخر قلاعات للهدوم كشافات للعورات مغويات للشباب

لأ يا شينكاوي

الفيلم مافيهوش مناظر

إلا مناظر عنف

حتى المشهدين اليتيمين اللي مفترض يكون فيهم مناظر متصورين بحرفية عالية - بالإيحاء مش بالتصريح-

 

 

[KANE]

اقتباس المشاركة الأصلية كتبت بواسطة Farida انا بقه حأتفقع من الفيلم ده و هو احد أسباب زياده حالة الأكتئاب الحالية عندى.......مستغربه جدا ان الفيلم اخراج شريف عرفه ليه يعمل كده فى نفسه و ايه كم العنف و الدم و القذارة دى و محمود عبد العزيز بيمثل كويس صحيح بس الكاركتر بتاعه مقزز برضه و احمد السقا فى اضعف حالاته ..........معلهش يا جماعه انا شركت الفيلم خالص بس بجد مش فاهمه الفيلم ده عايز يقول ايه ,,,,,,,,,,,

اللي حضرتك بتقوليه ده زي ماقال رؤوف ضعف سيناريو


بس الفيلم واقعي وبيحكي عن بلاوي العشوائيات


ازي المجتمع بيصنع المجرمين



على فكرة الثلات مشاهد اللي ظهرت فيهم حنان ترك مشاهد رئيسية لمعرفة شخصية البطل

وليه هو بقى كدة

مشهد قتل ابوه
ومشهد الخناقة بينها وبين جارتها سوسن بدر على لعب العيال واللي اتسببت في قتل ابوه
ومشهد موتها وهي بتقول له وبتوصيه إن ما حدش يدوس على كرامته


عمرو واكد افضل اداء، لإن شخصيته كانت واضحة 100% في السيناريو علشان كدة كان دورة مميز وده عكس دور السقا اللي كان مش بنفس الحرفية

هند صبري فعلاً ماتنفعش في الدور كان لازم واحدة مصرية هي اللي كانت تؤدي الدور

 

 

[haya]

kane
مش من عادتي اني بأخاف من افلام الرعب
لكن كنت باخاف من افلام العنف
ومن كتر من سمعت عن الفيلم وعن العنف والدم اللي فيه ماحاولتش حتى من باب الفضول اني اشوفه علي النت حتى ..تقريبا الواحد عجز خلاص
افضل الاستماع الي أرائكم عن بعد

 

 

[قائد مدفعيه المطاريد]

بصراحة انا عاجبنى اختيار احمد السقا للنجوم اللى بتظهر معاه .. و خصوصا اللى من نفس جيله .. زى عمرو واكد و مصطفى شعبان و خالد النبوى