الا ابنتي..!!!

[بنت شعنونة]

الصحف المصرية والعربية

لنفترض انك عندك بنوتة في السن ما بين 3 -5 سنين
وانك كنت ماشي او ماشيا في معرض مثلا وفجأة استوقفك شخص انتي شبهتي عليه انه بيطلع في التلفزيون
الراجل عرف نفسه ليكي بكل احترام وطلع مخرج
وابدى اعجابه ب "بنتك" وانه داخل فيلم جديد او مسلسل وانه عاوز بنتك تمثل فيه
وادا حضرتك الكارت وطلب تحديد موعد مقابلة في مكتبه عشان تاخدي السيناريو بتاع الفيلم وتقريه وتبدي رايك في الموضوع ونشوف ها نبتدي امتى
وقبل انصرافه لمح ب لباقة ان بنتك هاتقبض فلوس كويسة في الموضوع دا ف فكري بجدية..




تمام؟


روحتي وحكيتي اللي حصل لزوجك وفوجئتي بثورة عااااااااااااارمة ورفض تام بدون ابداء اسباب و بدون تفكير وممنوع المناقشة من اصله


ها يبقى ايه التصرف؟
ها تروحي تشوفي السناريو وتحاولي تاني مع جوزك
ها تحاولي تفتحي المناقشة تاني معاه بعد كام يوم
ها تسكتي وخلاص بقى خلصت
ها ترفضي انتي كمان اصلا؟

ولو كان الكلام مع الوالد اصلا
ها تقول ايه للمخرج بعد ما يخلص كلامه
ها توافق والا ها ترفض؟ و ليه؟؟

 

[toota]

حرفض تماما... ومن الاصل مش حفكر في العرض........اعرض بنت في ال 4 او ال 5 من عمرها ليه لكل البلاوي المتلتله دي..وتكبر ويكبر معاها الموضوع....جو الممثلين والممثلات ده جو فاسد من كله....

 

 

[حشيش]

الفرضية اللى قالتها توتا على إعتبار إن البنت حتشتهر وتُطلب تانى فى أدوار جديدة وممكن تشب على حب التمثيل والسينما وخصوصاً إنها ستصبح مشهورة فى محيط مدرستها وجيرانها وكده يعنى ... أنا شايف إن لو الدور المعروض عليها جيد وستظهر بدون ابتزال (رقص استعراضى وما شابه) فلا بأس من التجربة لمرة واحدة فقط لأن الفيلم ده ستظل تتذكره بعد ما تكبر وتفرجه لأولادها وتقول لهم أهو أنا البنت دى اللى شفتوها فى الفيلم وإنى إتعرض عليا بعده بطولات مطلقة لكن ماما وبابا مرضيوش

 

 

[toota]

وتضمن منين يا حشيش ان البنت نفسها مش حتتغير تصرفاتها حتى لو متشهرتش وبقت ممثلة...؟؟

يعني تبقى عينيها على الممثلين والممثلات وتبتدي تقلدهم بما انها عاشت "الكار" ده وشافت الجو المهبب ده

 

 

[حشيش]

اقتباس المشاركة الأصلية كتبت بواسطة toota وتضمن منين يا حشيش ان البنت نفسها مش حتتغير تصرفاتها حتى لو متشهرتش وبقت ممثلة...؟؟ يعني تبقى عينيها على الممثلين والممثلات وتبتدي تقلدهم بما انها عاشت "الكار" ده وشافت الجو المهبب ده

مش محتاجة إنها تمثل بنفسها علشان تقلد الممثلات ... البنات من سن 5 سنين وطالع الأيام دى مش بس بيقلدوا الممثلات دول بيقلدوا دينا

 

 

[toota]

طوووول عمري كان نفسي يبقى عندي بنت...وده سر حبي للقطط اهو بيعوضوني ...اما بعد الي بشوفه اليومين دول..فأنا بحمد ربنا على النعمة دي

 

 

[sanaa]

اقتباس المشاركة الأصلية كتبت بواسطة بنت شعنونة لنفترض انك عندك بنوتة في السن ما بين 3 -5 سنين وانك كنت ماشي او ماشيا في معرض مثلا وفجأة استوقفك شخص انتي شبهتي عليه انه بيطلع في التلفزيون الراجل عرف نفسه ليكي بكل احترام وطلع مخرج وابدى اعجابه ب "بنتك" وانه داخل فيلم جديد او مسلسل وانه عاوز بنتك تمثل فيه وادا حضرتك الكارت وطلب تحديد موعد مقابلة في مكتبه عشان تاخدي السيناريو بتاع الفيلم وتقريه وتبدي رايك في الموضوع ونشوف ها نبتدي امتى وقبل انصرافه لمح ب لباقة ان بنتك هاتقبض فلوس كويسة في الموضوع دا ف فكري بجدية.. تمام؟ روحتي وحكيتي اللي حصل لزوجك وفوجئتي بثورة عااااااااااااارمة ورفض تام بدون ابداء اسباب و بدون تفكير وممنوع المناقشة من اصله ها يبقى ايه التصرف؟ ها تروحي تشوفي السناريو وتحاولي تاني مع جوزك ها تحاولي تفتحي المناقشة تاني معاه بعد كام يوم ها تسكتي وخلاص بقى خلصت ها ترفضي انتي كمان اصلا؟ ولو كان الكلام مع الوالد اصلا ها تقول ايه للمخرج بعد ما يخلص كلامه ها توافق والا ها ترفض؟ و ليه؟؟

انا اتعرضت لموقف شبيه اكتر من مره وابنتي صغيره بس مش افلام اعلانات

في الطريق كنت بفكر في الكلام اللي اتقال

بس قبل ماوصل البيت كنت حسمت الموقف بلاااااااااااااااااااا

لما روحت حكيت لجوزي قالي هو كمان قال لا

بعدها بمجرد ماكان يتعرض عليه كنت بقول لا رغم اغراءات كتيره


ولما افتكر الايام دي عمري ماندمت اني قلت لا بل بالعكس الحمد والشكر لله اني ماوفقتش

 

 

[بنت شعنونة]

طب يا توتا
اولا البنت "طفلة" يعني في سن لا يعييييييييييييي اي حاجا ف مش حا تلحق لا تفهم ولا تقلد ولا تتغر
وبعدين انتي كدا حكمتي عليها انك تحرميها من فرصة مادية جيدة
ومش بعيد لو كانت شاطرة انها تكمل

ولكن
ف ايديك انتي انك تخليه تختلط ب "الكار" او لا وفي ايدك برضه انك توجهيها انها تعمل حاجات ممتازة وجيدة وتناسب سنها

مثلا
البنت اللي بتمثل اليومين دول اللي اسمها منة.. عارفاها؟
ايه اعتراضك عليها؟


طب شيشو
انت بتقول توافق مرة واحدا بس
طب فرضا جالك العرض التاني فيلم جاااااااااااااااامد جدا ومحترم ومع ناس من الصف الاول والفيلم البنت ليها دور قوي فيه وها تقبض مالا يقل عن 10 الاف جنيه لكن ها تصور لمدة شهر
ها توافق ؟ والا ترفض؟

 

 

[بنت شعنونة]

حتى الاعلانات يا مدام سناء؟؟

طب ايه السبب انك رفضتي؟؟

 

 

[toota]

شوفي يا شانا البنت الي اسمها منة...لاحظي تطورها في التمثيل من ايام ما مثلت مع احمد حلمي ....عملت برنامج عن المشاهير...خدي بالك من التطور وشوفي لبسها بقت بتلبس ايه وشكلها بقت حاسه انها نجمة...واسلوبها بقى انسة في جسم طفلة....