تاريخ مصر

[O.S.A.M.A]

الصحف المصرية والعربية

الله يفتح عليكى يا سناء اتفضلى دى يا فندم

بصراحة هو ده الكلام
جمعك للفترات التاريخية لتاريخ مصر أكيد هايكون جداً مفيد وبالذات للناس اللى ممكن تكون مادرستش تاريخ مصر أو حتى ماهتمتش بيه وعلى فكرة انا برضه قضيت فترة طويلة من حياتى ما كونتش بادرس تاريخ مصر لكن كان لازم اقرا عن تاريخ بلدى ومش عشان هيا بلدى لأ...
عشان دى مصر اللى لازم كل العالم يعرف تاريخها

دومتى بألف خير يا أختى العزيزة

وتقبلى منى مشاركتى باللى هاقدر عليه

 

 

[Farida]

موضوع جميل با مدام سناء تسمحى لى اضيف مداخلتى فى موضوع شانا هنا بعد اذنك لبيان اهميه دراسه تاريحنا لمعرفه مستقبلنا لأن امه بلا تاريخ هى امه بلا مستقبل للأسف

اقتباس 8 صفحات عايزه اقراهم كلهم بس للأسف وقتى اليومين دول ضيق جدا و لم اقرأ تقريبا الا مداخله شانا و لأن مداخلة شانا لخبطتنى على الأخر و فهمت مشكله كبيره يمكن ماكنتش حاساها و هى ايه لزوم عدم معرفه تاريخ بلدك مشكله كبيره فعلا لو تعرفوا ان اسرائيل عايشه و بتكبر و بتندفع للأماما لأن اهلها مذاكرين تاريخهم كويس و عايشين فى تاريخهم علشان كده بيتقدموا و احنا هنا اكتر من نصف البلد امى و النصف التانى مش عارف تاريخ بلده و مش عايز يعرفه و شاطرين بس نتأفف و نشيل هموم و نتقرف من الشوارع و الناس و العيش و العيشه ..............المأساه - انا باعتبرها ماسأة انك مش عارف قيمه الوطن و المكان اللى انت عايش فيه ماتعرفش ان المصريين خير اجناد الأرض و انمعظم الأخطار اللى كانت بتهدد الأمه الأسلاميه و تكاد تكون الحضارة الأنسانيه كلها يعنى اللى طرد الصليبيين و اللى طرد التتار اللى خربوا الدنيا كلها هم صلاح الدين الأيوبى و قطز بس امتى لما تولوا حكم مصر بمعنى اللى بيتولى حكم البلد دى و مش محتاج وقت طويل قادر على انقاذ الأمه كلها مسلميها و مسيجيها لو كانوا مذاكرين كويس وواثقين من نفسهم يعنى لو عارفين تاريخنا و فخورين به حاناخذ ثقه فى انفسنا و فى ناسنا و فى قدراتنا اللى يقرأ شخصيه مصر و يعرف عبقريه المكان اللى احنا فيه تاريخنا و جغرافيتنا مش حايتكلم باستهانه عننا انا بجد تقريبا ابتديت اعرف جزء كبير من مشكلتنا اننا مش قاريين تاريخ كويس و هو ده اللى عدونا بيتباهى بيه اننا امة اقرأ لا نقرأ جيدا و ده اللى باحاول انقله لبناتى لأن فى لحظات بيقلبوا شفتهم كده لما يلاقونا فى البيت بنتكلم عن الفساد اللى حوالينا و ضعفنا اقولهم خدوا بالكم الصليبين تقريبا احتلوا بيت المقدس 200 سنه تقريبا و اسرائيل فى الوجود بقالها 50 سنه بس يعنى 50 سنه فى عمر الشعوب و لا حاجه المهم نبقى عارفين قدراتنا و وواثقين فى نفسنا و محصنين اولادنا و بناتنا مين عدوهم و حايعرفوا عدوهم منين و يتحصنوا ضده ازاى و هم مش قاريين تاريخ و احنا ايه و مقدرتنا ايه و نقدر نعمل ايه و لازم نغير ازاى لكن نقعد نلعن اللى حوالينا من غير ما نعمل حاجه هى دى السلبيه و حانحاسب عليها واول بدايه للطريق نقرأ تاريخنا كويس و نعرف ان لحظات الأنكسار اللى مرينا بها كان دايما بعدها بيجى امل و الأمل فى تاريخنا مش بيتعمل الا بالمصريين اللى هم احنا مشكله يجب علينا تداركها صدقونى اللى بيحصل لنا ده كله مخطط و مؤامرة لأفلاسنا و تفريغ مصر من علمائها و تفريغ مصر من قوتها و زرع اليأس و الأحباط جوانا علشان لما عدونا يأكلنا يلاقينا سهلين و جعانين و عطشانين و مقراتنا مش بايدينا ....لازم نفوق يا جماعه بجد

 

 

[sanaa]

اقتباس المشاركة الأصلية كتبت بواسطة Abu Youssef الله يفتح عليكى يا سناء اتفضلى دى يا فندم بصراحة هو ده الكلام جمعك للفترات التاريخية لتاريخ مصر أكيد هايكون جداً مفيد وبالذات للناس اللى ممكن تكون مادرستش تاريخ مصر أو حتى ماهتمتش بيه وعلى فكرة انا برضه قضيت فترة طويلة من حياتى ما كونتش بادرس تاريخ مصر لكن كان لازم اقرا عن تاريخ بلدى ومش عشان هيا بلدى لأ... عشان دى مصر اللى لازم كل العالم يعرف تاريخها دومتى بألف خير يا أختى العزيزة وتقبلى منى مشاركتى باللى هاقدر عليه

شكرا يا بو يوسف وياريت اللي تقدر عليه تكمل بيه

اقتباس المشاركة الأصلية كتبت بواسطة Farida موضوع جميل با مدام سناء تسمحى لى اضيف مداخلتى فى موضوع شانا هنا بعد اذنك لبيان اهميه دراسه تاريحنا لمعرفه مستقبلنا لأن امه بلا تاريخ هى امه بلا مستقبل للأسف

عجبتني جدا مداخلتك يامداااااام فريدة جميل جدا انك عملتي كوبي هنا

 

 

[Prof]

أنا ضد هذا الموضوع، اللي عايز يتعلم حاجة لازم يعرف الأول قيمتها، التعليم عن طريق التلقين أثبت فشله على مر السنين وهو اللي أوصلنا لهذه المرحلة وهذه التصورات المطروحة في الموضوع الآخر والتي تبدو كما لو كانت دعوة لعدم المعرفة.

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Prof أنا ضد هذا الموضوع، اللي عايز يتعلم حاجة لازم يعرف الأول قيمتها، التعليم عن طريق التلقين أثبت فشله على مر السنين وهو اللي أوصلنا لهذه المرحلة وهذه التصورات المطروحة في الموضوع الآخر والتي تبدو كما لو كانت دعوة لعدم المعرفة.

بروف باشا .. خد دي

ازاي هايعرف قيمتها من غير ما يعرف تاريخها .. يعني هايشم على ظهر ايده

ممكن نعدل اعتراض معاليك .. بان المفروض يكون قراءته للتاريخ وبحثه عن القيمة نابع من جواته ذات نفسيه




صح يا ريس ؟