تساقط الشعر ..اسبابه..وعلاجه!

[نانا]

الصحف المصرية والعربية

اقتباس المشاركة الأصلية كتبت بواسطة بنت شعنونة جملة كمان

اقتباس المشاركة الأصلية كتبت بواسطة بنت شعنونة انتي بتقولي ماانتيش عارفا بتعملي كدا ليه دا توتر نفسي يا نانا وممكن مع الوقت يتحول الى عادة وهنا تبقى مصيبة بجد بعض البنات ب "تنتف" شعرها من الجدر تقوم تعمل حاجا اسمها traction alopecia يعني صلع نتيجة شد الشعر ودا بيوصل لحالات صلع رسمي وليس لها علالالالالالالالالالالالالالالالالالالالالالاج

يا ماما

انا الحمد لله الموضوع ما وصلش معايا لنتفه من الجدر ( اصله كدة هيوجع اوي )

انا بيبقى من طراطيفه بس

وان شاء الله بما اني نجحت في اني اقلل العادة دي فحاسة انها فعلا شبه مش موجودة عندي حاليا

وهوا فعلا واضح ان سببها التوتر النفسي .. من ساعة ما دخلت الكلية دي وانا متوترة

وشكرا على انك قولتيلي ضرر اللي بينتفوه من جدره
عندي واحدة صحبتي بتعمل كدة وكذا مرة انصحها تبطل العادة دي

كدة بقى هروح اعملها رعب

 

 

[بنت شعنونة]

بصي يا ستي

افضل وضع للشعر انه يكون بيتنفس.. يعني ما ينفعش دائما كعكة ممكن ديل حصان مريح
والافضل على الاطلاق ضفيرة مريحه "يعني مش مشدودة ع الاخر"
الاهم انه بعد الاستحمام يبقى الشعر مش ملموم لفترة ربع ساعة على الاقل عشان ينشف براحته وما يحصلش فطريات في الفروة نتيجة لفه دائما وهوا مبلول او لبس الطرحة عليه وهوا مبلول " ودي من الاخطاء الكتير اللي بتحصل"

التسريح بفرشة مش صحيح
التسريح او البداية دائما من نفس المنطقة مش صحيح عشان ممكن يخليها تنحل

الغسيل في المعتاد بنقول مرتين في الاسبوع شتاء و 3 صيفا
لكن لو الشعر دهني بزيادة ممكن نوافق يبقوا 4 مرات " انا شخصيا ليا تحفظات على الموضوع دا"

من ضمن المصايب تسريح الشعر في الدش وهوا عليه بلسم او شامبو او كريم
من المصايب غسيل الشعر بالصابون
سلق فروة الراس بمية ملهلببببببببببه
نزول البحر من غير التعامل الصحيح مع الشعر نفس الكلام لحمامات السباحة

دي كلها اخطاء بنشوفها كتير

 

 

[حنان]

موضوع رائع
شانا شكلي حذاكر للامتحان النهائي بمواضيعك دي
عايزة كل يوم topic جديد

 

 

[بنت شعنونة]

من بعض ما عندكم يا فندم

ايدك معايا يا دكتر بقى

يعني اشتركي معانا ب اي اضافة " اخوكم مزنووووووووووق"
ولو اخطأت طبعا في اي معلومة ارجو التصحيح عشان الجميع يستفيد ب امر الله



يا ستي افتحي انتي بس الموضوع اللي عاوزاه وانا معاكي بس لو رحتي ورا الشمس ما ليش دعوة

 

 

[نانا]

ميرسي جدا يا شانا على إجاباتك على إستفساراتي

بس بالنسبة لتسريح الشعر
ايه افضل حاجة اسرح بيها شعري

سمعت ان المشط الخشب اللي فرواقاته واسعة احسن حاجة
وسمعت ان المفروض الواحد ما يسرحش شعره إلا لما ينشف
صح دا ؟

طيب وبالنسبة للفُرشة
هل يفضل عدم إستخدامها بتاتاً .. ولا ليها حالات مش بتضر ؟

 

 

[بنت شعنونة]

ولا يهمك يا نانا..
انت تسأل ونحن نجيب
اهو تنقذيني


بصي يا ستي..
تسريح الشعر يفضل من تحت ل فوق عشان ما تشديش شعرك دايما من نفس المنطقة من قدام اللي هيا اضعف منابت الشعر يقوم ينحل نتيجة التسريح

وبعد الدش يفضل تسريحه وهوا مرطب
يعني لا مبلول بيشر مية ولا ناشف خالص يقوم يتقطع منك..


الناس بتفضل المشط الخشب عشان ما بيعملش كهرباء استاتيكية يقوم ما يعملش شحنات داخل الشعر تؤدي الى كلكعته و بالتالي يعمل عقد ومن ثم يتقطع

لو ها نقول بالترتيب
يبقى المشط العاج الافضل على الاطلالالالالالالالالالالاق عشان طري ومش بيعور لا الفروة ولا الشعرة

يليه الخشب
يليه البلاستيك "اسوأهم"

الفرشاة والا المشط؟

المشط.. ليه بقى.. حسابيا. المشط سطر واحد فيه مثلا عشرين سن انما الفرشة عبارة عن خمس او ست سطور كل واحد فيهم فيه العشرين سن!! يبقى مين فيهم ها يوقع الشعر اكتر؟؟!!
فهمتي قصدي

هل ممكن الفرشة تبقى غير مضرة
ممكن
لو كانت rubbery يعني مصنوعة من اللدائن الطرية مش بلاستيك وممكن الخشب
عدد سطور قليل واستعمال هاديء بدون عنف
ممكن نعديها في اللحظة دي

 

 

[جبال الاحزان]

السلام عليكم ورحمة الله وبركاته الموضوع ده حلو اوي فعلا و فهمت منه حاجات كتير مكنتش فهماها و انا فعلا شعري اتقصف من السشوار مع اني مش يعمله كتير خالص و مش عارفة ازاي اعالجه و ضعف و بقي يقع يغباء فا يا ريت لو سمحتي عايزة نصايح ازاي اقدر احافظ عليه و اعالجه و هل فعلا لو سرحته وانا حاطة عليه حمام كريم ده مضر علشان انا دايما بعمل كده

 

 

[بنت شعنونة]

اهلا يا جبال منورانا

بصي يا ستي
معنى انك بتسرحي شعرك وانتي حاطا كريم يبقى دا معناه ان الطبقة الخارجية " طبقة الكيراتين" بتاعت الشعراية بتاعتك تحولت الى شكل الحراشف اللي قولنا عليه
وهنا تتحول من حالة الشعر العادية " مهما كانت" الى حالة اخشن و دا بيخلي الشعر يمسك في بعضه بطريقة تخلي تسريحة صعب جدا ومؤلم وبالتالي عشان تسهلي على نفسك تقومي تحطي كريم ..
اللي بالتالي بيعمل ايه
بيعمل عمل المرطب او بالبلدي كدا "بيمزلق" الشعراية تقوم ما تمسكش في اخواتها وبالتالي تعرفي تسرحي..

هل صحيح اللي انا قولته دا؟

هنا يجب نبحث عن سبب تقصفه الاصلي
انتي بتقولي انك ما بتستعمليش السشوار كتير
على وصفك يبقى على الاقل تستعمليه مرة كل اسبوع عشان يؤدي هذا الضرر وطبعا لفترة سنين
فلازم نعرف اولا انتي بتستعمليه كل اد ايه؟
لو كان مثلا مرة في الشهر
يبقى لا
يبقى فيه اسباب تانية
ممكن تكون حاجات انتي بتعمليها غلط زي نوع شامبو مش مناسب الخ الخ
او انك يكون عندك انيميا او نقص فيتامينات ودا لابد انه يتاخدله دواء مناسب عشان يتعالج
لكن طبعا ها ياخد شوية وقت

 

 

[جبال الاحزان]

السلام عليكم ورحمة الله وبركاته ايوة فعلا زي ما قلتي بالظبط بس انا باه بستخدم السشوار ممكن مرة كل 4 شهور ههههههههههه يعني مش كتير فعلا بس حاسة ان ده اللي عمل كده و معنديش انيميا و لا حاجة المهم باه اني مش عارفة اعالجه ازاي ؟

 

 

[haya]

اقتباس المشاركة الأصلية كتبت بواسطة بنت شعنونة جملة كمان انتي بتقولي ماانتيش عارفا بتعملي كدا ليه دا توتر نفسي يا نانا وممكن مع الوقت يتحول الى عادة وهنا تبقى مصيبة بجد بعض البنات ب "تنتف" شعرها من الجدر تقوم تعمل حاجا اسمها traction alopecia يعني صلع نتيجة شد الشعر ودا بيوصل لحالات صلع رسمي وليس لها علالالالالالالالالالالالالالالالالالالالالالاج

الف الف شكر علي المعلومة
الغلبان اللي فوق نافوخي ده هو الي بيطلع فيه كل التوتر من ايام الثانوية العامه لغايه حماتي
وجيت كملت عليه انا بقي بالاكتئاب الخصوصي بتاعي وطول النهار اجيبه يمين ..اجيبه شمال
المه ديل حصان ..أفك ديل الحصان ..المه بتوكه كليب ..افك التوكه الكليب ..ابله و اشحورة في الوضوء اكندشه ساعه الخناق ..كده يعني

وبعدين ايه ليس لها علاج ديه ؟؟؟
امال الميزو بيعمل ايييييييه