حمدين صباحى .. من هو

[dr-amira]

الصحف المصرية والعربية

عندى اقتراح مش عارفة ينفع ولا لأ.....ممكن نستضيف هنا على المنتدىالاستاذ حمدين والاستاذ ايمن نور وغيرهم يعرفونا بنفسهم وبانجازاتهم ....يعنى مثلا كل شهر واحد على مدار 2010 يكون ضيف دائم طول الشهر ...يجاوب على اسئلتنا...ويوضح وجهات نظرة فى الاحداث الجارية طول الشهر..

 

 

[القصبجي]

اهو كده بانت لبتك يا حمدين

بالمناسبة اشمعنى حمدين
مينفعش حمدي واحد

وبرضه لسة فيه كروت كتير هتطلع كل يوم طالما البرادعي لا يزال مرشحا

 

 

[dr-amira]

اقتباس المشاركة الأصلية كتبت بواسطة القصبجي اهو كده بانت لبتك يا حمدين بالمناسبة اشمعنى حمدين مينفعش حمدي واحد وبرضه لسة فيه كروت كتير هتطلع كل يوم طالما البرادعي لا يزال مرشحا

مش فاهمة .....ممكن توضيح..؟

 

 

[HAMOUDI]

اقتباس المشاركة الأصلية كتبت بواسطة بندق أنا شايف نقاشات كأنه فعلا ممكن يترشح؟ لن يكون هناك شخص واحد مؤهل للترشح سوى مرشح الحزب الوطنى .. ما يجب العمل عليه حاليا هو وضع دستور جديد للبلاد بدل الدستور المفصل الذى لم يستر عورة واباح فجر الحكومة ونوابها اننا حاكمون الا مالا نهاية

لابد من تواجد كومبارس اخرون والا هايكون الفيلم اكثر مسوخا وبالتالي مش هايبقى بتاع الوطني لوحده هايبقى فيه كام واحد كده واخدين موافقات اعضاء مجلس الشعب بناء على تعليمات لهؤلاء الاعضاء

 

 

[dr-amira]

اقتباس المشاركة الأصلية كتبت بواسطة HAMOUDI لابد من تواجد كومبارس اخرون والا هايكون الفيلم اكثر مسوخا وبالتالي مش هايبقى بتاع الوطني لوحده هايبقى فيه كام واحد كده واخدين موافقات اعضاء مجلس الشعب بناء على تعليمات لهؤلاء الاعضاء

اعتقد ان حمدين صباحى هيكون من الكومبارس دول..لانه من الناس المحترمة المطلوبة لتحلية طعم انتصار الحزب الوطنى

 

 

[HAMOUDI]

[SIZE=×4]اهو كده بانت لبتك يا حمدين

بالمناسبة اشمعنى حمدين
مينفعش حمدي واحد

وبرضه لسة فيه كروت كتير هتطلع كل يوم طالما البرادعي لا يزال مرشحا[/SIZE]

اقتباس المشاركة الأصلية كتبت بواسطة dr-amira مش فاهمة .....ممكن توضيح..؟

اذا كنت فهمت صح فقصد القصبجي
القصبجي يقصد انه كل شويه هايطلع واحد وتلاقيه بيتلمع فجأه كده وظهر له تاريخ في النضال السياسي فجأتن يعني ولكن اذا كان ترشيح حقيقي هاتلاقي مثلا له قضايا تزوير تواكيل او مثلا قانونا لايجوز ترشيحه طبقا للماده كذا والتى تم صدوره في فبراير 2010 والتى تمنع ترشح اى شخص كان له علاقه بوكالة الطاقه الذريه الدوليه او لايجوز ان يقوم احد بترشيحه او عمل توكيل له في الشهر العقاري بناء على تعليمات للموظفين او ظهر له ماضي مشين والخاص بمرات عمته والتى تزوجة جوز خاله

 

 

[HAMOUDI]

اقتباس المشاركة الأصلية كتبت بواسطة dr-amira اعتقد ان حمدين صباحى هيكون من الكومبارس دول..لانه من الناس المحترمة المطلوبة لتحلية طعم انتصار الحزب الوطنى

تمام وده الى انا قصدته في الايضاح السابق لما نلاقي واحد عمال يقفز قفزات واسعه ومتلاحقه فجأه ده بيبقى اسمه تلميع حتى ولو كان بيظهر انه معارض وممكن كمان يتجهز له قنبلتين والا حاجه لدعم موقفه
( اعني فضيحتين سياسيتين لاخرون )

 

 

[هدى الخرباوى]

اقتباس المشاركة الأصلية كتبت بواسطة HAMOUDI تمام وده الى انا قصدته في الايضاح السابق لما نلاقي واحد عمال يقفز قفزات واسعه ومتلاحقه فجأه ده بيبقى اسمه تلميع حتى ولو كان بيظهر انه معارض وممكن كمان يتجهز له قنبلتين والا حاجه لدعم موقفه ( اعني فضيحتين سياسيتين لاخرون )

مع احترامى لآراؤكم
لو كان يتم تلميع حمدين الآن - وهو الذى لم يحدث - لتجهيزه لدور كومبارس كانوا على الأقل وافقوا له على (حزب الكرامة) الذى تم رفضه مرتين مع حزب الوسط وبذلك تنطبق عليه شروط المادة 76 من الدستور ويحق له الترشح بصفة رسمية للرئاسة كمرشح لحزب معارض يلعب دور الكومبارس أمام مرشح الوطنى أيا كان
"بالمناسبة ، الحزب رفض أن يتقدم مرة أخرى للجنة الأحزاب للموافقة على قيامه لأننا نؤمن ونعلن بأن قيام الحزب يجب أن يكون بإرادة الشعب وليس لجنة شئون الأحزاب التى يترأسها صفوت الشريف أمين عام الحزب الوطنى "

حمدين صباحى لن ينزل الانتخابات الرسمية أمام من سيترشح ولن تجد اسمه فى صندوق الانتخابات الرسمية ، بل سيكون مرشح شعبى إذا وافق الشعب على ترشيحه ومسئول مع من يوكله الشعب أولا لتعديل المادة 76 من الدستور لاتاحة الفرصة لأكثر من مرشح مستقل للتنافس على الرئاسة لإثبات أن الشعب به من الرجال من يصلح لدور القيادة وهو عكس مايروج له الحزب الوطنى الآن
وأنتم تعلمون أن الشهر العقارى رفض توثيق تلك التوكيلات وصورة الرفض موجودة فى موضوع (أنا الشعب)، وحتى هذا الرفض الذى سنذهب به للمحكمة رفضوا إعطاؤه لمن ذهبوا بعدنا

حمدين صباحى أبعد مايكون عن اللعب مع النظام ، واعتقاله فى المظاهرات (وهو عضو مجلس شعب) أكثر من مرة واستجواباته ومنعه من الظهور فى التليفزيون الحكومى يشهد بأنه ضد النظام قلبا وقالبا

بالنسة لطلب د/ أميرة .. سيتم عمل جروب قريبا على الفيس بوك وسأضع لكم اللينك الخاص به بعد عمله خاص بتوجيه أسئلة لحمدين صباحى وربما حوارات حية إذا استطعنا عمل ذلك
وتوجد طريقة أخرى وهى دعوة موجهة للجميع لحضور لقاء معه يتم تحديده إذا رغبتم ، ولكم الحكم فى النهاية والاجابة عن تساؤل بعض الأصدقاء هنا وهو هل يلعب صباحى دور كومبارس أم أنه وطنى مخلص يحترم نفسه وتاريخه

بالمناسبة ، يوجد مقال اليوم فى جريدة الدستور يتحدث عنه
وأتمنى مرة أخرى عليكم أن تضعوا اسمه على شريط البحث وتقرأوا عنه ، فهو لم يعمل بالسياسة حديثا وقفز على الشاشة فجأة .. من يتابع يعرف أنه متواجد على الساحة بنشاطه وآراؤه ومعارضته للنظام من الثمانينات

 

 

[dr-amira]

هدى ...انت واخده الموضوع بعصبية ليه ؟ الاستاذ حمدين فعلا من الشخصيات المحترمة فى مصر ويشهد له المعارضة والحكومة ...و انا شايفة الناس هنا اغلبها عارفاه وبتشكر فيه يعنى ما فيش ما يدعو للعصبية ...هى وجهات نظر .

 

 

[هدى الخرباوى]

يبدو أن انفعالى واقتناعى بحمدين صباحى أظهر ردى بصورة عصبية
أعتذر بشدة لكل الأصدقاء هنا فأنا فعلا لم أكن عصبية
ولكن تقدروا تقولوا متحمسة

بالعكس تماما ، أنا سعيدة جدا بهذا المنتدى وبالمناقشة فيه
حتى لو كانت اختلاف وليس اتفاق
فالجميع هنا فى منتهى دماثة الخلق حتى فى الاختلاف
وأنا حتى لاأراه اختلاف بل مناقشة واعية
لو قرأتى ردى الأخير مرة أخرى - مع تأكيدى أنى لم أكن أقصد العصبية - ربما تجديه حماسى فعلا وليس عصبى
أقدركم جميعا .. وسعيدة بكم جدا

على فكرة ، أنا كنت داخلة أقولكم أنه بكرة فى المصرى اليوم هايكون فيه حوار مطول لحمدين صباحى ضمن سلسلة حوارات عن مستقبل الحكم فى مصر
وعندما قرأت رد أميرة خجلت من نفسى ( حد يحط لى أيقونة وجه خجلان هنا والنبى)