ترشيح مقاطعة اونتاريو 2015-2016 اكسبريس انتري

[H O N E S T]

الصحف المصرية والعربية

بسم الله الرحمن الرحيم

حبيت اعمل الموضوع ده لأى حد مهتم بالهجرة عن طريق ترشيح اونتاريو و من خلاله هحكى كل حاجة عملتها خلال الفترة اللى فاتت و اللى ان شاء الله هعملها قريب جدا لأنى زى ما استفدت من خبرات ناس كتير و حتى من مواضيع ملهاش علاقة باهتماماتى بس كنت بستفيد جدا من معلومات صغيرة

مبدأيا أى حاجة هذكرها بمقاطعة اونتاريو تنطبق على برنامج 2015-2016 و من المتوقع ان المقاطعة تفتح تانى فى نوفمبر 2016 و برضه خطوات تجهيز الورق هتبقى للمقيمين فى مصر (للاسف) و ممكن تنطبق على ناس تانية

ده التايم لاين بتاعى و هجدده فى البوست ده كل ما يحصل جديد ان شاء الله

Profile created (400 points) : 2 Nov 2015
Ontario PT notification : 6 Nov 2015
OINP Submitted : 16 Dec 2015
OINP AOR : 7 June 2016
CLB9 IELTS Score: 21 Sep 2016
New Profile created (472 points): 22 Sep 2016
OINP ECA Verification request : 29 Sep 2016
OINP Information request : 14 Oct 2016
OINP NLA Status : 25 Oct 2016
Nomination (1072 points): 28 Oct 2016
ITA: Waiting

خلال الردود الجاية هوضح كل حاجة حصلت فى التواريخ دى و فى تواريخ تانية كمان و هحط سكرين شوتس من الايميلات طبعا بعد ازالة المعلومات الحساسة

تابعونا و ياريت تدعولى ان ربنا يكملها على خير

 

[H O N E S T]

2 نوفمبر 2015

تاريخ انشاء ملف الاكسبريس انترى بتوتال سكور 400 و نتيجة ايلتس L7 - R8 - W7 - S6.5 و ECA لشهادة بكالوريس صيدلة من PEBC و خبرة وظيفية خاصة بـ NOC 3131
لما تيجى تعمل البروفايل بيخيرك انك لو حبيت تستلم ترشيح مقاطعة تستلمه من انهى واحدة .. انا كنت مختار كل المقاطعات لانى وقتها مكنتش عارف ظروفى ايه و كنت بدور على اى طريق ازود بيه السكور و قلت لنفسى كده كده مش فارق المكان حتى لو كان Yukon المهم انى ادخل كندا الاول

 

 

[H O N E S T]

6 نوفمبر 2015

Ontario PT notification

و دى كانت البداية
اونتاريو فتحت التقديم ليها عن طريق الاكسبريس انترى فى يونيو 2015 تحت مسميين هم:
Ontario Express Entry: Human Capital Priorities Stream
Ontario Express Entry: French-Speaking Skilled Worker Stream

https://www.ontarioimmigration.ca/en/pnp/OI_PNP_EE.html

كل برنامج منهم ليه شروطه و اغلبيتنا مش معاه فرنساوى(باستثناء طبعا اللى بيقدم على كيبيك) فالمتاح ليا وقتها كان اول برنامج و هو Human Capital Priorities Stream
ده بيشترط وجود ملف اكسبريس انترى بسكور 400 بالضبط او اكتر و تكون معاك خبرة سنة على الاقل و سكور ايلتس 6 فى كل الفروع مع بعض او اكتر و انك تنوى الاقامة فى اونتاريو وانك تكون محقق 67 نقطة على الاقل زى النظام القديم

تحذير :

ليك مهلة 45 يوم فقط من يوم استلامك للنوتيفيكيشن عشان يستلموا كل اوراقك فى مكتبهم و الالتزام بالمهلة دى مهم جدااااااااااااااا عشان اى ملف اتأخر فى البريد و وصلهم بعد 45 يوم كانوا بيرجعوه و بتضيع عليه الفرصة .. تجهيز ورقى خد منى شوية وقت و كمان اتأخر فى بريد DHL لانى كنت باعته فى الشتاء و كان فيه عواصف و وصلهم مكتبهم قبل انتهاء المهلة ب 3 ايام بس ف الحمد لله

 

 

[H O N E S T]

6 نوفمبر 2015 - 16 ديسمبر 2015

تجهيز الاوراق المطلوبة للتقديم

بعد ما جاتلى النوتيفيكشن فرحت الصراحة لانى مكنتش متوقع انها تجيلى و انا جايب سكور 400 و كنت فاكر انى لازم ابقى اعلى من 400 بس الحمد لله
قلت لنفسى دى فرصة و جاتلك و لازم تستغلها فدخلت على الموقع بتاعهم و نزلت الجايد و بدأت اقراه و لقيت ان الموضوع ممكن يخلص فى 3 شهور زى ما مكتوب (محصلش طبعا) و كان مطلوب مصاريف 1500 دولار كندى .. استكترت الفلوس فى الاول عشان باقى المقاطعات مكنوش بيطلبوا فلوس او كانوا بيطلبوا اقل من كده بكتير بس قلت لنفسى تانى شيل البلاطة وادفع محدش ضامن حاجة ادام

هشرح الاوراق حسب الـ Checklist اللى كانت فى اخر الابليكيشن

I. Fees

Important: Check off the box below to indicate the method of payment and amount enclosed. All fees are to be made payable to the Minister
of Finance, Ontario. Consult the Application Guide for details about the application fees.
Method of Payment *
Money Order
Cashier/Certified Cheque
Postal Money Order
Bank Draft
Amount Enclosed *
$1,500

دى كانت مشكلة رئيسية بالنسبة لي طبعا بسبب العملة لانهم عايزين الفلوس توصلهم بالدولار الكندى و ليس الامريكى و من خلال طريقة من اللى مكتوبين فوق
سألت وقتها فى ويستيرن يونيون و البنك الاهلى قالوا بيبعتوا دولار امريكى بس .. رحت HSBC اسأل قالى لازم يكون عندك حساب و عدى عليه 6 شهور .. كانت قفلت رسمى بالنسبة لي
فاستعنت بقريبي اللى عايش فى اونتاريو عشان يدفعلى و علمت فى الابليكيشن على خيار Cashier/Certified Cheque
طبعا مكنش معايا دولار امريكى وقتها و اضطريت اشترى من السوق السودة و لفيت كتييييييير على ما لقيت .. بعد كده بعت الفلوس بالدولار الامريكى لقريبي فى اونتاريو عن طريق ويستيرن يونيون و استلمهم بالكندى .. لكن للاسف معرفش يعمل من عنده خيار الشيك اللى كنت مختاره فى الابليكيشن و عمل Money Order ساعتها خفت ليرفضوا الملف عشان غيرت طريقة الدفع لكن الحمد لله عدت (واضح انهم عايزين فلوس بأى طريقة و خلاص)
السؤال دلوقتى لو حد قاعد فى مصر(للاسف) و عايز يدفع الفلوس بالدولار الكندى فى الظروف اللى احنا فيها دى يعمل اييييه؟ فيه حلين
الاول انك تستعين بصديق فى دولة من دول الخليج يعملك الشيك المصرفى بالدولار الكندى و يبعتهولك بالبريد تحطه مع الملف بتاعك
الحل التانى فيه مصريين كانوا مقدمين معايا عملوه من بنك CIB و HSBC بس طبعا يكون عندك حساب عدى عليه اكتر من 6 شهور

I. Forms

Ontario Immigrant Nominee Program Nominee Application for Ontario Express Entry Streams form *

ده الابليكيشن الرئيسى بتملا فيه كل بياناتك و فيه شبه كبير جدا من ابليكيشن الـ ITA: فيه الاسم - تاريخ الميلاد - محل الميلاد - الجنسية - عنوان السكن - عنوان المراسلة - هل زرت كندا قبل كده و لا لأ - بيانات الباسبور(لازم يبقى صالح لمدة سنتين ادام) - ارقام التليفون الخاصة بيك و بالعمل - الايميل(مهم جدااااااااااااااااااا تكتبه صح) - وظيفتك الحالية - الوظيفة اللى عايز تشتغلها فى اونتاريو- تاريخك الشخصى و ده فيه كل حاجة عملتها فى اخر 10 سنين او بعد ما تميت 18 سنة - تاريخك الوظيفي - مؤهلك - سكور الايلتس او الفرنساوى - خبرة الزوجة فى كندا لو عندها - شهادات الزوجة فى كندا لو عندها - سكور الايلتس فى الفرنساوى للزوجة لو عندها - عدد افراد الاسرة -المبلغ المتوافر عندك - ليك او لزوجتك قرايب فى كندا - الروابط فى اونتاريو - بيانات الزوجة و الاطفال

الابليكيشن ممكن يتملى بقلم او PDF و طبعا الاحسن كومبيوتر
الامضاءات فى اخر الابليكيشن مهمة جدااااااا اوعى تنساها

Authorizing or Cancelling a Representative form (if applicable)

ده لو مخلى محامى ماسك ملفك و ده شخصيا مش بحبذه الا فى الحالات المتشابكة جدا يعنى
احسن حاجة تقرا و تدور بنفسك و عندك منتديات كتير اسأل فيها و اعمل كل حاجة بنفسك عشان احيانا بعض مكاتب المحاماة بتلخبط الدنيا

 

 

[your soul is]

معلش استفسار انا يعتبر زيك بالظبط ولكن طب بيطرى اخلى المقدم الرئيس زوجى محاسب ولا ااقدم انا مع العلم ان اسكورى هيعدى 400 وهوا 380
posted via mobile device

 

 

[gogty]

تسجيل متابعه باهتمام يادكتور
posted via mobile device

 

 

[Mohamed.j]

تسجيل متااابعة يا دكترة والف مبرووك وربنا ييسرلك اللى جي بس رجاء لو سمحت خطوات تقييم الشهادة من البيبك بالتفصيل وخطوات تخليص الورق المطلوب انا عارف ان فى موضوع هنا عن المعادلة بس قديم ياريت لو تعملنا ابديت باسلوبك المنظم الشيك ده وربنا يوفقك وشكراا

 

 

[sameh abdu]

طب ممكن الاوراق المطلوبه و طريقه تجهيزها علشان اذا حد اتقبل يكون ورقه جاهز؟
posted via mobile device

 

 

[sameh abdu]

اقتباس المشاركة الأصلية كتبت بواسطة H O N E S T بسم الله الرحمن الرحيم حبيت اعمل الموضوع ده لأى حد مهتم بالهجرة عن طريق ترشيح اونتاريو و من خلاله هحكى كل حاجة عملتها خلال الفترة اللى فاتت و اللى ان شاء الله هعملها قريب جدا لأنى زى ما استفدت من خبرات ناس كتير و حتى من مواضيع ملهاش علاقة باهتماماتى بس كنت بستفيد جدا من معلومات صغيرة مبدأيا أى حاجة هذكرها بمقاطعة اونتاريو تنطبق على برنامج 2015-2016 و من المتوقع ان المقاطعة تفتح تانى فى نوفمبر 2016 و برضه خطوات تجهيز الورق هتبقى للمقيمين فى مصر (للاسف) و ممكن تنطبق على ناس تانية ده التايم لاين بتاعى و هجدده فى البوست ده كل ما يحصل جديد ان شاء الله Profile created (400 points) : 2 Nov 2015 Ontario PT notification : 6 Nov 2015 OINP Submitted : 16 Dec 2015 OINP AOR : 7 June 2016 CLB9 IELTS Score: 21 Sep 2016 New Profile created (472 points): 22 Sep 2016 OINP ECA Verification request : 29 Sep 2016 OINP Information request : 14 Oct 2016 OINP NLA Status : 25 Oct 2016 Nomination (1072 points): 28 Oct 2016 ITA: Waiting خلال الردود الجاية هوضح كل حاجة حصلت فى التواريخ دى و فى تواريخ تانية كمان و هحط سكرين شوتس من الايميلات طبعا بعد ازالة المعلومات الحساسة تابعونا و ياريت تدعولى ان ربنا يكملها على خير

طب بالنسبة للاوراق و المستندات المطلوبه في خلال45 يوم..ايه المطلوب و ازاي نجهز الاوراق؟
posted via mobile device

 

 

[Remon.soliman]

دعوه لموضوعي

مطاريد الكويت

تسلم ايدك يا باشا على المجهود الكثر من الرائع ده

ومقاطعة ماحدش بيتكلم عنها كتير لصعوبة الحصول على الترشيح فيها

محضر الورقة والقلم وبكتب وراك وبتعلم

تسلم على الموضوع المهم ده جزاك الله كل خير