طلب مساعدة

[dr.why]

الصحف المصرية والعربية

السلام عليكم
انا طبيب لسه متخرج من كام شهر ... انا عارف ان مش مجال اوي يا جماعه للطلب ال هطلبه بس الواحد شويه حاسس بنوع من القهر او تقدروا تقولوا اني desperate

انا كنت كتبت من كام سنه هنا موضوع طلبت فيه المساعده بالراي و الحمد لله كان في اراء ساعدتني و خدت بيها ... حاليا انا في حاجه لمساعده من نوع اخر

انا الحمد لله ماشي في طريق المعادلة الاميركية ... خدت تدريب 4 شهور هناك ... و ناشر بحثين ... و السي في بتاعي بقالي سنين بجهزه للتقديم بره مصر ... حاليا مشكلتي الجيش انا مرشح ضابط احتياط ... وده معناه 3 سنين من عمري هيروحوا في لا شيء ... لا هتعلم و لا هعرف اعمل اي حاجه و فرصتي ال شغال اني اجهزلها من اكتر من 5 سنين هتروح

انا محتاج لو حد منكم يعرف واسطه تقدر تنزلني عسكري مش محتاج اكتر من كده حد ينزلني عسكري بحيث اقلل الاضرار الواقعه علي مستقبلي لسنه واحده وده لان كشف الهيئة يوم السبت وهو اخر حاجه ممكن اي واسطه تدخل فيها و تنزلني
شكرا مقدما يا جماعه
posted via mobile device

 

[حشيش]

سيب دقنك ما تحلقهاش لغاية يوم كشف الهيئة ... حيفتكروك إخوان وإحتمال تترفد خالص من الجيش مش بس تتخفض عسكرى!

 

 

[حشيش]

على فكرة 3 سنين من العمر مش حتغير مستقبلك كما تعتقد! ... حاول تستغل فترة الجيش فى المذاكرة والمراسلات مع الجامعات الأجنبية وحاول تحضر للزمالة البريطانية أثناء فترة تجنيدك ... مستشفيات الجيش أفضل بكثير من مستشفيات الجامعة ووزارة الصحة لأنهم شافطين فلوس البلد كلها فى جيوبهم!

 

 

[dr.why]

هاها شكلك خرجت من الجيش من فتره ... الاخوان دلوقت بيدخلوهم 3 سنين و يشحنوهم ع سيناء
انا عاوز اقولك اعرف قيادات طلابيه منهم معروفين للامن في الكليه اتاخدوا احتياط و الباقي في المعتقلات
كان قبل 2010 بيخرجوهم انا عامه مليش علاقه بالسياسه بشكل عام ... انا مركز في مهنتي و ترك البلد
posted via mobile device

 

 

[dr.why]

ياباشا ياريتهم يبعتونا مستشفيات كتير منا مش بيدخلها و بيشغلونا ف حاجات تانيه غير ابطب و ده هيخليك تنساه غصب عنك
و اذا دخلوك هيبقي هيشغلوك ف الحاجات الناقصه بس زي مثلا الطواريء

اما 3 سنين فدي صدقني ف الطب كفيله تقضي ع مستقبلك :0D
posted via mobile device

 

 

[ysma]

اقتباس المشاركة الأصلية كتبت بواسطة dr.why السلام عليكم انا طبيب لسه متخرج من كام شهر ... انا عارف ان مش مجال اوي يا جماعه للطلب ال هطلبه بس الواحد شويه حاسس بنوع من القهر او تقدروا تقولوا اني desperate انا كنت كتبت من كام سنه هنا موضوع طلبت فيه المساعده بالراي و الحمد لله كان في اراء ساعدتني و خدت بيها ... حاليا انا في حاجه لمساعده من نوع اخر انا الحمد لله ماشي في طريق المعادلة الاميركية ... خدت تدريب 4 شهور هناك ... و ناشر بحثين ... و السي في بتاعي بقالي سنين بجهزه للتقديم بره مصر ... حاليا مشكلتي الجيش انا مرشح ضابط احتياط ... وده معناه 3 سنين من عمري هيروحوا في لا شيء ... لا هتعلم و لا هعرف اعمل اي حاجه و فرصتي ال شغال اني اجهزلها من اكتر من 5 سنين هتروح انا محتاج لو حد منكم يعرف واسطه تقدر تنزلني عسكري مش محتاج اكتر من كده حد ينزلني عسكري بحيث اقلل الاضرار الواقعه علي مستقبلي لسنه واحده وده لان كشف الهيئة يوم السبت وهو اخر حاجه ممكن اي واسطه تدخل فيها و تنزلني شكرا مقدما يا جماعه [size5]posted via mobile device

لو لك قريب غير مصرى أو قريب عنده حالة أمنية بلغ إدارة التجنيد، ساعتها هيحولوك على المخابرات العسكرية.

ميزة الموضوع إنهم ممكن يضطروا يخلوك عسكرى حفاظاً على الأمن الأومى المسرى زى ما حصل معايا.... أو ممكن تأخذ إعفاء حسب خطورة الملف..

عيبها إنهم بيأخروا الملف حسب الحالة: يعنى أنا والدتى أردنية نص قرايبى غير مصريين فحالتى مش صعبة، فأخروا ملفى ثلاث أشهر. فى حالات تأخرت أكثر من كده زى إللى متجوز من أجنبية أو واحد قريبه عنده حالة أمنية.

رأيي الشخصى، فى ظل ظروف البلد الحالية إنك ترضى بقضاء الله و تقضى وقتك فى تقوية الإنجليزى و تعلم لغة أخرى مثل الفرنسى أو أى داراسات عليا.....[/SIZE]

 

 

[ysma]

اقتباس المشاركة الأصلية كتبت بواسطة dr.why اما 3 سنين فدي صدقني ف الطب كفيله تقضي ع مستقبلك :0D posted via mobile device

فى مهندسين أعرفهم متخرجين من سنة 2000 و حد دلوقتى ما إتجوزوش و منهم هاجر وإضطر يبتدى من الصفر... إنت زعلان من ثلاث سنين ؟!