Arabic Discussion Forum with a Special Interest in Travel and Immigration

only you · 19th July 2011, 04:47 PM

من هم ضباط 8 ابريل ولماذا نزلوا التحرير؟

only you · 19th July 2011, 04:52 PM

الضباط دول نزلو عشان يحققو مطالبنا ويتضامنو معانا يا ترى هنقدر نجيب لهم حقهم؟

بطاطا · 20th July 2011, 04:15 PM

هما خدوا 10 سنين بس؟

دة كويس جدا لأن لو كانوا عملوا كدا ايام مبارك كان ممكن ياخدوا اعدام .

وبعدين نجيب لهم حقهم من مين ؟ من القانون اللى مفترض انهم يلتزموا بية ؟

انا شايف انهم غلطوا وكان لازم ياخدوا عقاب رادع علشان محدش فى الجيش يفكر يعمل زيهم.

وبعدين التقرير دة مليان معلومات اظن انها مفروض تبقى سرية زى التدريبات والفرق اللى خدوها .

Dr.Samo · 20th July 2011, 04:45 PM

هو المفروض الجيش بتاعنا يبقى مخترق ؟؟؟
المفروض يبقى مفتوح أى حد معدى يعرف عنه اى حاجة
بيتهيألى منى عين إسرائيل إن الجيش المصرى بالذات ينهار
وما ينفعش إحنا اللى نوقعة بإيدينا
جيش الولايات المتحدة الأمريكية قمة الديمقراطية فى العالم مابيرحمش المخالفين
مش فاهم برضه ...المطلوب ايه ؟؟؟؟
اللى ارتضى انه يشتغل ضابط فى الجيش كان عارف قبل ما يدخل الكلية طبيعة العمل فى الجيش
مش طالع القناطر الخيرية

only you · 20th July 2011, 05:52 PM

تقصدو يسكت عالفساد ويحط جزمه فى بقه؟مع اعتراضى على نشر معلومات تكاد تكون سريه

only you · 20th July 2011, 05:53 PM

صفحة ظباط من اجل الثورة " جيش"

قائد الحرس الجمهوري لمبارك
ثم رئيس المخابرات العامة
و اختاره مبارك ليكون نائب الرئيس
في عز الثورة نظرا لولائه الشديد لمبارك
متواطئ في جرائم تعذيب دولية
لصالح ادارة جورج بوش
و كان يستقبل المرسلين من الولايات المتحدة
لتعذيبهم في مصر حيث انه غير قانوني التعذيب في الولايات المتحدة
مدنسا اسم مصر أرض السلام المذكورة باسمها في الكتب السماوية الثلاث
له علاقات واسعة النطاق في اسرائيل و هو عميل اسرائيل الاول في مصر
يدير مصر منذ سقوط مبارك و يتحكم في الفتن الطائفية و توجيه البلطجية
و القبض على الثوار و تعذيبهم و ارتفاع الاسعار و هو بذلك ينتقم لولي نعمته
تقدر ثروته و اسرته بالمليارات

يجب القبض عليه فورا ووضعه تحت الاقامة الجبرية و أخذ أقواله فورا
فهو أخطر شخصية على مصرنا العزيزة

هو من يدير مصر واضعا المجلس كواجهة....
أفيقوا يا مصريين

abysaleh · 20th July 2011, 06:43 PM

اقتباس

المشاركة الأصلية كتبت بواسطة only you


	يجب القبض عليه فورا ووضعه تحت الاقامة الجبرية و أخذ أقواله فورا فهو أخطر شخصية على مصرنا العزيزة هو من يدير مصر واضعا المجلس كواجهة.... أفيقوا يا مصريين

مع احترامي لوطنيتهم واعتراضي على أسلوبهم لكن....

كله كلام يحتاج الى دلائل مثبتة...أوراق موثقة

علشان يتقبض عليه ويتحاكم لازم دليل ادانة قوي مش بس كلام

القضاء ما بيعترفش بـــ قلنا وقالوا ... واللا ايه؟؟؟

طالما وطنيين بجد يبقى يتحركوا ويقدموا الدلائل اللي معاهم ( ان وجدت) للنيابة ويتخذ القانون مجراه... هو دا اللي اعرفه

لكن كلام كلام كلام ... طب والنتيجة ؟؟؟؟

بطاطا · 20th July 2011, 06:55 PM

اقتباس

المشاركة الأصلية كتبت بواسطة only you


	تقصدو يسكت عالفساد ويحط جزمه فى بقه؟مع اعتراضى على نشر معلومات تكاد تكون سريه

لو واحد منهم اتكلم او قدم بلاغ عن فساد فى الجيش كان ممكن احترمة بس دا ماحصلش.

البهوات كانوا نازلين بمطالب سياسية.

يعنى اية ظابط جيش ينزل الشارع يطالب بمجلس رئاسة مدنى ؟

Dr.Samo · 20th July 2011, 07:08 PM

انا مش عارف بصراحة .... هو مسئولية الضباط يكشفوا الفساد
مؤسسة الضبط والربط خلاص كدا ..... كل واحد يقول اللى العميد الفلانى واللوا الفلانى فاسد
أيوة فى فساد فى الجيش ...زى ما فى فساد فى جيش إسرائيل وجيش أمريكا
طلع الجنود الأمريكان والضباط الإسرائيلين يطالبوا بتطهير الجيش
مابحبش نظرية الخطوط الحمرا والخضرا .... ويمكن ليا إعتراضى على بعض التصرفات للمجلس العسكرى
لكن الجيش والمخابرات .... الأتنين دول خصوصا ماينفعش ننهش فيهم
واللى ماقراش تاريخ ومش عايز يقرا ..... ياريت يقر جيش مصر دا عمل إيه على مر التاريخ
علشان اليهود جايين دلوقت عايزين يهدوه ..... فرصة جت وعلى طبق من ذهب
ماينفعش احنا قاعدين على كومبيوتر فى التكييف وولادنا بيسفوا تراب فى تدريبات وتعليم وإجهزة فى الكتايب والأسلحة نقول نطهرهم
ماينفعش قائد شارك فى مناورات وفى حروب وكان شايل روحة على كفه ..... نيجى إحنا علشان واد هرب من الجيش وراح أمريكا أتجوز واحدة يهودية نقول نطهر الجيش

Dr.Samo · 20th July 2011, 07:19 PM

اقتباس

المشاركة الأصلية كتبت بواسطة only you


	صفحة ظباط من اجل الثورة " جيش" قائد الحرس الجمهوري لمبارك ؟؟؟؟ ثم رئيس المخابرات العامة و اختاره مبارك ليكون نائب الرئيس في عز الثورة نظرا لولائه الشديد لمبارك متواطئ في جرائم تعذيب دولية لصالح ادارة جورج بوش و كان يستقبل المرسلين من الولايات المتحدة لتعذيبهم في مصر حيث انه غير قانوني التعذيب في الولايات المتحدة مدنسا اسم مصر أرض السلام المذكورة باسمها في الكتب السماوية الثلاث له علاقات واسعة النطاق في اسرائيل و هو عميل اسرائيل الاول في مصر يدير مصر منذ سقوط مبارك و يتحكم في الفتن الطائفية و توجيه البلطجية و القبض على الثوار و تعذيبهم و ارتفاع الاسعار و هو بذلك ينتقم لولي نعمته تقدر ثروته و اسرته بالمليارات يجب القبض عليه فورا ووضعه تحت الاقامة الجبرية و أخذ أقواله فورا فهو أخطر شخصية على مصرنا العزيزة هو من يدير مصر واضعا المجلس كواجهة.... أفيقوا يا مصريين

حتى مش عارفين يكدبوا .....دا أيه دا
عمر سليمان عمره ما كان قائد الحرس الجمهورى
دا حتى الناس مش قادرة تخش على ويكبيديا قبل ما تكدب
فى حديث للرسول عليه الصلاة والسلام يقول فيه من أيات المنافق (وإذا خاصم فجر)
والله حاجة تحزن ....
على العموم أنا خدمت فى جيش مصر ..... وأخويا فى جيش مصر وليا الفخر
وجيش مصر دا ولاده كلهم رجالة تاكل الزلط ..... وتعرف قيمة البلد دى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مصر ..تطرد السفير التركى	شؤون مصر الداخلية	abo_hammad	83	4444	23rd November 2013 12:42 PM
لأول مرة..مرسى بالصوت والصورة من داخل مقر احتجازه	المفسدون فى الأرض	only you	7	2162	3rd November 2013 01:38 PM
الاهلى يتاهل لنهائى دورى افريقيا	الشباب والرياضة	only you	1	837	20th October 2013 07:08 PM
متابعه :محاكمة محمد مرسى وقيادات جماعة التنظيم...	شؤون مصر الداخلية	جدة حبيبه	662	29602	9th October 2013 01:35 PM
طلب صغنتوت خالص	إقتراحات ... مشاكل تقنية	دكتور مهندس جمال الشربيني	2	1958	2nd October 2013 09:21 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من هم ضباط 8 ابريل ولماذا نزلوا التحرير؟	مصري سكندري	شؤون مصر الداخلية	3	7th April 2014 02:10 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شرفاء هذا الوطن

من هم ضباط 8 ابريل ولماذا نزلوا التحرير؟