مجلس عباس هل يعيد زمن الأمجاد

[KANE]

الصحف المصرية والعربية

بعد فوز قائمة عباس هل يعود الزمالك لسابق عهده

انا شخصيا كنت اتمنى ان يستمر مجلس عامر أو ان يرشح نفسه لأنه بالرغم من الفترة القصيرة التي تولى فيها الزمالك إلا انها كانت افضل فتره في عمر الزمالك منذ فتره

ولكن عموماً بين مرتضي ودرويش وعباس كان افضلهم عباس



حازم فاز بالإجماع تقريباً

ايضا العتال والمستشار احمد جلال فازوا بأصوت كبيره



وحشتنا يا زمالك

 

[حسام]

فعلا
الزمالك هيرجع يا عم كين
هيرجع زي ما كان هينزل ويهبط
هيرجع أجوجو الخامورجى
وأيمن عبد العزيز اللى بكام وعشرين مليون ويطفش
وجمال حمزة اللى بيتخلى عن النادي اللى عمله
وشيكابالا القرفان ومش لاقى لمون
هيرجع الدلع
والاستهتار
هترجع الديون تزيد
هيرجع الرئيس الكذاب
السافل اللى بيشتم كل اللى قبله انهم سفلة وحرامية
هيرجع مجلس شوية طرابيش
يمشوا كلام الفنطاس الكذاب
يارب كندا

 

 

[حسام]

وهنخسر الشباب اللى زي الورد
الميرغنى وعلاء على وصبري رحيل وغيرهم اللى رجعولنا البسمة تانى
ولأول مرة ييجي ماتش أهلى والزمالك يطمع فى الماتش

 

 

[قائد مدفعيه المطاريد]

بصراحه التلاته مفيش واحد فيهم من وجهه نظرى يستحق كرسى الاداره فى نادى الزمالك .. و الله النادى يستحق انسان افضل من كده .. على الاقل علشان الناس الغلابه اللى نست طعم الفرحه و الاحتفال اللى كان موجود زمان .. خلينا ما نسبقش الاحداث و نشوف الراجل ده جايب ايه فى شنطته

 

 

[انسان بقلب ملاك]

اقتباس المشاركة الأصلية كتبت بواسطة قائد مدفعيه المطاريد بصراحه التلاته مفيش واحد فيهم من وجهه نظرى يستحق كرسى الاداره فى نادى الزمالك .. و الله النادى يستحق انسان افضل من كده .. على الاقل علشان الناس الغلابه اللى نست طعم الفرحه و الاحتفال اللى كان موجود زمان .. خلينا ما نسبقش الاحداث و نشوف الراجل ده جايب ايه فى شنطته

عزيزى القائد ... اختلف معاك رغم انى احب ..د/درويش لانة رجل علم وقائد وعميد كلية
ورغم انة فى عهدة كان نادى الزمالك على اول السلم ويعتلى الصدارة فى الحصول على البطولات
رغم كل هذا تم اهانتة من الجميع فى الجمعية العمومية ولم يحصل على اصوات تساوى عباس ومرتضى ورغم انى اعجب بشجاعة مرتضى ومثابرتة على الظلم وانة تعلم من اخطاءة تمنيت ان يفوز الدكتور درويش لاننا نحتاج الى العلم فى كل مؤسسات الدولة التى يحتلها رجال اعمال كل ما يفهمو فية هو جمع المال
اما عباس فهو لة رصيد فقير فى البطولات وكأس اهدوة اياة بأمر سياسى لان الدولة تتجه نحو الرأس مالية وتساعد على انهيار العلم وتهدم الاكاديميات ومعها الصناعات
وسنرى جميعآ تبعات اختيار الجمعية العمومية التى اختارت سابقآ مرتضى فحاول بكل سرعة وعدم خبرة فضح السرقات التى تتم فأقدمت الدولة ممثلة فى جهاز الرياضة بمحاربة مجلسة واسقاطة
وعندما تعلم اسقطوة رغم انة كان سيغير دفة المركب الى الامام ...
واخيرآ كل تمنياتى ان يكذب عباس ظن الجميع ويحاول ان ينجح بالزمالك تلك الصرح الشامخ
والجناح الثانى للرياضة فى مصر واتمنى ان تكون الجمعية العمومية على قدر المسؤلية هذة المرة والا تترك ناديها يغرق مرة ثانية ان حدث بهذة الدورة تجاوزات وتدخل سياسى
فلينهض الزمالك من كبوتة اولآ وهذا امل كل انسان عاقل يحب الرياضة

 

 

[قائد مدفعيه المطاريد]

اقتباس المشاركة الأصلية كتبت بواسطة انسان بقلب ملاك عزيزى القائد ... اختلف معاك رغم انى احب ..د/درويش لانة رجل علم وقائد وعميد كلية ورغم انة فى عهدة كان نادى الزمالك على اول السلم ويعتلى الصدارة فى الحصول على البطولات رغم كل هذا تم اهانتة من الجميع فى الجمعية العمومية ولم يحصل على اصوات تساوى عباس ومرتضى ورغم انى اعجب بشجاعة مرتضى ومثابرتة على الظلم وانة تعلم من اخطاءة تمنيت ان يفوز الدكتور درويش لاننا نحتاج الى العلم فى كل مؤسسات الدولة التى يحتلها رجال اعمال كل ما يفهمو فية هو جمع المال اما عباس فهو لة رصيد فقير فى البطولات وكأس اهدوة اياة بأمر سياسى لان الدولة تتجه نحو الرأس مالية وتساعد على انهيار العلم وتهدم الاكاديميات ومعها الصناعات وسنرى جميعآ تبعات اختيار الجمعية العمومية التى اختارت سابقآ مرتضى فحاول بكل سرعة وعدم خبرة فضح السرقات التى تتم فأقدمت الدولة ممثلة فى جهاز الرياضة بمحاربة مجلسة واسقاطة وعندما تعلم اسقطوة رغم انة كان سيغير دفة المركب الى الامام ... واخيرآ كل تمنياتى ان يكذب عباس ظن الجميع ويحاول ان ينجح بالزمالك تلك الصرح الشامخ والجناح الثانى للرياضة فى مصر واتمنى ان تكون الجمعية العمومية على قدر المسؤلية هذة المرة والا تترك ناديها يغرق مرة ثانية ان حدث بهذة الدورة تجاوزات وتدخل سياسى فلينهض الزمالك من كبوتة اولآ وهذا امل كل انسان عاقل يحب الرياضة

جايز حضرتك يكون معاك حق (فعلا يعتبر الوحيد فيهم اللى كان فترته مستقره كمال درويش) .. بس بالنسبه لى كمشجع كوره بوجه عام انا عايز اتفرج على فريق مستقر بيلعب كوره نظيفه فقط لا غير .. اما موضوع السياسات ده المفروض يكون مستقر و منظم عن كده .. نادى الزمالك كيان كبير .. مش لسه الناس هتيجى تتعلم شويه و تسرق شويه .. النزاعات و الخلافات و المصالح الشخصيه وصلت نادى الزمالك السنه دى فى الدورى انه كان قريب فى وقت من الاوقات من الهبوط .. عايزين واحد يصون الامانه .. صعبه دى؟
تقبل تحياتى

 

 

[انسان بقلب ملاك]

عزيزى القائد تحياتى واحتراماتى

عزيزى دى اخلاق الفرسان بحق انت فارس

عزيزى القائد .. ما يحزننى على الرياضة انها المتنفس الوحيد لكثير من ابناء الوطن