نت ورك كنديين مصر ومصريين كندا !

[somayasaleh]

الصحف المصرية والعربية

الموضوع مش جديد....وفيه زيه موضوع مثبت فعلا في باب الاجتماعيات للفاضل سليمان( النوبة حبيبتي)

وقلت نعمل احنا هنا في المغارة ده التعارف ده

بس انا غرضي هنا اننا نبدأ بتكوين النت ورك اللي نادي بها اخونا المهندس ياسر

بمعني ان كل مهاجر ناوي فعلا يكون عضو في النتورك ده....يعني يفيد ويستفيد .....ونكون مع بعض جالية كبيرة هناك....يتقدم هنا في التوبك ده ويقول علي بيناته

الاسم.....لو مش عايز يكتب اسمه الاصلي لاسباب شخصية مش مشكلة

السن......طبعا السيدات معفيات من الشرط ده

الحالة الاجتماعية.....وده مهمة جدا لتكوين الرابطة والعلاقات العامة...وطبعا عدد الاولاد وسنهم لو ممكن

الوظيفة....برضة مهمة ( اجباري)...علشان نعرف نفيد بعض في اختصاصاتنا المختلفة

الوضع الحالي....يهني في اول الهجرة....عمل اللاندنج....مهاجر مستقر هناك

التقديم للهجرة....من مصر او اي بلد تاني

البيانات ده ح تكون اول قاعدة بيانات نقدر نساعد بعض بها....قبل السفر....وبعده

وكمان اللي عنده اي اقتراح ممكن يقوله....


ابدأ انا.......بسم الله الرحمن الرحيم

الاسم سومية صالح.....التقديم باسم الزوج.....دكتور
السن.......
الحالة الاجتماعية....متزوجة...وتلات اولاد اتنين في الجامعة وواحد في اولي ثانوي
الوظيفة....مهندسة طبية
الوضع الحالي....تم اللاندنج بفضل الله...والاستقرار علي اغسطس القادم بمشئة الله تعالي
التقديم...من مصر ...2008 واالاندنج 2010


وكمان انا لي غرض من موضوع التعارف ده....ان الناس الجداد يعرفوا احنا مين وظروفنا ايه وبالتالي يقدروا يسألوا اللي في نفس ظروفه


يلا ياجماعة الخير.......مين عايز يدخل معانا في النت ورك الاجتماعية ده؟؟؟؟؟؟؟؟؟؟

 

[kodo]

دعوه لموضوعي

Canada way أخبار يومية مباشرة

طول عمرك سباقة بالخير يا سمسة يا قلبي ربنا يباركلك في زوجك واولادك 0
وان شاء الله اوعدك اول لما ربنا يسهل ويوصل الرفرنس نمبر اكيد هجيلك اتحايل عليك عشان ادخل الليستة الجديدة 0
وهبقي افكرك بكلمات عمنا نزار قباني عشان ده هتبقي كلمة السر اللي بينه يا قمر0

نسيت اقولك يا سمسمة خلي البيانات بلون مختلف عشان تكون مميزة و واضحة للي بيقرأ 0

في رعاية الله

 

 

[نهر النيل]

انا ..انا.. انا


خدوني معاكم الله يخليكي يا ابلة

انا صحيح لسة قاعدة في بيتنا ولا ايلتس ولا موافقة ولا حاجة خااااااااااااالص


لكن بحجز مكاني قبل ماتقفلوا باب الحجز


ادعولي وان شاء الله اكون من اول المساهمين في انشاء كوميونتي ونت وورك عااااااااااااااااااااااااااااااااااااااااالي الجودة بإذن الله


المغارة دي اتفتحت في وقتها

ما شاء الله ياباشمهندسة

 

 

[أمل]

انا حابة اوى المبادرة دى ويارب تساعدنا كلنا وده مش غريبة عليك يا بشمهندسة سمية
ففعلا بالرغم من الجالية المصرية كبيرة هناك لكنهم متفرقين ومش مع بعض معرفش ليه
بالرغم من ان 99% من اعلى المستويات دول متنقيين على الفرازة

احب انضم معاكم
الاسم قمر مؤقتا
الوظيفة مهندسة مدنى
التقديم باسم الزوج مهندس مدنى وظيفة مدير تكنولوجيا المعلومات
اربع اولاد 1 اعداديه 3 إبتدائى
تاريخ التقديم لسفارة القاهرة 9/2009
فى انتظار الميديكال

 

 

[HAMOUDI]

اقتباس المشاركة الأصلية كتبت بواسطة somayasaleh الموضوع مش جديد....وفيه زيه موضوع مثبت فعلا في باب الاجتماعيات للفاضل سليمان( النوبة حبيبتي) وقلت نعمل احنا هنا في المغارة ده التعارف ده بس انا غرضي هنا اننا نبدأ بتكوين النت ورك اللي نادي بها اخونا المهندس ياسر بمعني ان كل مهاجر ناوي فعلا يكون عضو في النتورك ده....يعني يفيد ويستفيد .....ونكون مع بعض جالية كبيرة هناك....يتقدم هنا في التوبك ده ويقول علي بيناته الاسم.....لو مش عايز يكتب اسمه الاصلي لاسباب شخصية مش مشكلة السن......طبعا السيدات معفيات من الشرط ده الحالة الاجتماعية.....وده مهمة جدا لتكوين الرابطة والعلاقات العامة...وطبعا عدد الاولاد وسنهم لو ممكن الوظيفة....برضة مهمة ( اجباري)...علشان نعرف نفيد بعض في اختصاصاتنا المختلفة الوضع الحالي....يهني في اول الهجرة....عمل اللاندنج....مهاجر مستقر هناك التقديم للهجرة....من مصر او اي بلد تاني البيانات ده ح تكون اول قاعدة بيانات نقدر نساعد بعض بها....قبل السفر....وبعده وكمان اللي عنده اي اقتراح ممكن يقوله.... ابدأ انا.......بسم الله الرحمن الرحيم الاسم سومية صالح.....التقديم باسم الزوج.....دكتور السن....... الحالة الاجتماعية....متزوجة...وتلات اولاد اتنين في الجامعة وواحد في اولي ثانوي الوظيفة....مهندسة طبية الوضع الحالي....تم اللاندنج بفضل الله...والاستقرار علي اغسطس القادم بمشئة الله تعالي التقديم...من مصر ...2008 واالاندنج 2010 وكمان انا لي غرض من موضوع التعارف ده....ان الناس الجداد يعرفوا احنا مين وظروفنا ايه وبالتالي يقدروا يسألوا اللي في نفس ظروفه يلا ياجماعة الخير.......مين عايز يدخل معانا في النت ورك الاجتماعية ده؟؟؟؟؟؟؟؟؟؟

ممكن نضيف بلد الاقامه في كندا يامدام

 

 

[نهر النيل]

وعشان اكون مساهمة فعالة معاكم (حتى لو لم يكن مقدر لي اني اهاجر معاكم)

هبدأ بشئ بسيط يارب ينفع ....


عندي فكرة مش عارفة ممكن تتنفذ ولا لا

طبعا اصدقائنا في كندا هم اللي يقدروا يحللوا الموضوع ويشوفوا مدى صلاحيته

بالنسبة لكل اللي رايحين في البداية مش بيقدروا يشتغلوا الا بالمعادلة واشياء عايزة وقت شويه على ما الحال يضبط

اذا الاسرة كلها راحت على كندا وكانت الزوجة لسة ما ركزت في شئ تدرسه او معادلة تعملها

هل في مشكله ان الزوجة تعمل بيبي سيتر (اذا تحب هي طبعا)

اعتقد ان شئ زي ده مش محتاج مجهود في بداية الاقامة على شرط طبعا انها تظل في بيتها والاولاد هم اللي يأتوا لها


انا سمعت كتييير عن مشكلة الحضانات والمربيات في كندا ده غير الاسعار

فبم اننا هناك هنكون على استعداد لبدء العمل في اي شئ فليه ما تكونش دي فكرة تستحق التفكير وخاصة ان فلوسها ممكن تكون كويسة

ممكن حد يفيد اذا الوظيفة دي عايزة تصريح ولا لا واللي ينفعها الموضوع واولادها كبار شوية تقدر تبدأ فيه لغاية ما يتم الاستقرار وبعدها تشوف هي هتدرس ايه او هتشتغل ايه تاني


وممكن دي تكون نت وورك بينا فعلا ان كل واحد تبدأ تدل عن اختها مننا لأي اسرة تكون محتاجة

ومين عارف مش يمكن دي تكون نواة لمشروع حضانة كبيييير يكون شركة بيننا جميعا


ووقتها هنحتاج لمحاسبين ولأطباء ولخريجي خدمة اجتماعية ويمكن مدرسين لغة للصغار

وكمان عمال ودادات وهكذا


الفكرة بقى كمان اللي عندي


هي ان اخواننا من العرب اللي في بعثات هناك عندهم مشكلة كبيرة في موضوع الحضانات

بسبب عدم توافرها وكمان قلة المورد اللي معاهم من مساهمة حكوماتهم للاطفال

يعني الحضانات حتى اذا وجدوها غالية عليهم


طيب ليه ما نكبرش النت وورك ونخليه عربي

ويبدأ المهاجرات الجدد في القيام بهذا العمل

في اكتر من فايدة

اولاانتو هاتتعاملوا مع عرب زيكم يعني حكاية اللغه هتكون اقل صعوبه واللي تراعى الاطفال الصبح هيكون عندها وقت بعد الظهر لدراسة اللغة تبقى ما ضيعتش وقت


كمان هيكون في دخل كويس يعني لو كل واحدة قعدت بطفلين بس على الاقل وكل طفل بيدفع 1000 شهريا ده على اساس ان احنا مش هنعضل الاخرين وخاصة لو عرب وناخد اقل من سعر السوق

المهم دي افكار مبدأية قابلة للتحليل والتعديل والنقد



موفقين بإذن الله ... لكم مني أجمل تحية .

 

 

[محمدابوسمرة]

بسم الله الرحمن الرحيم
شرف لى الانضمام لهذه القائمه
الاسم-محمد ابو سمره
تاريخ التقديم-2006
تاريخ الحصول على الفيذه2010
الحاله الاجتماعيه-متزوج
الاولاد اثنان 1اعدادى 4ابتدائى
المهنه--محاسب
مهنة الزوجه--محاميه
لم اعمل الاندنج بعد احتمال بعد امتحانات الاولاد

 

 

[نهر النيل]

ممكن اللي مقيمن دلوقتي في كندا اذا يحبوا يراسلوني على الخاص بس عشان اعرف مكان اقامتهم وابدأمحاولاتي في تسويق الفكرة

يعني هشوف مدى قبول بعض الاسر العربية على الفكرة يعني نشوف مبدأيا الى اي حد ممكن ينجح موضوع الاسر العربية اللي بتدرس هناك

واذا ما لاقى اقبال يبقى ممكن تتم العملية بالشكل اللي اخواني المقيمين في كندا شايفينه صح


ويلا عشان نبدأ الاكتتاب في مشروع الحضانة زي ما المصريين اكتتبوا لتمثال نهضة مصر

 

 

[cherie]

يا فندم بارك الله فيكي على المبادرة دي
طبعاً أحب اشترك
الاسم؛ شيرين وجيه
الحالة الاجتماعية؛ متزوجة
الزوج؛ محاسب
الاولاد؛ مصطفى- سنة خمسة إبتدائي
معتز - سنة تانية إبتدائي
الوظيفة؛ صيدلي
التقديم بأسمي سنة ٨- ٢٠٠٥
التأشيرة؛ ٣ -٢٠١٠
ناويين بإذن الله على لاندنج و إستقرار في شهر 6.
إنشاء الله هننزل في هاملتون و نعمل تور في أونتاريو
و نشوف هنستقر فين.

يشرفني الانضمام اليكم

 

 

[znaty]

باي وسيلة كانت ..برده هانعمل نيتوورك ان شاء الله

زناتي
بي ار من ديسمبر 2009
الوقت المقترح للانتقال لكندا : خلال سنة 2012 ..اتمني قبل كدة ان شاء الله
المكان المقترح للاقامة ...سكاربروه .او .ميساساجا
متزوج طبعا الحمد لله
والمهنة مهندس مدني
الزوجة مهندسة كهربا
التواصل ان شاء الله من خلال الخاص في المطاريد