هاتشتري أسهم في البورصه؟

[محلاوي]

اقتباس المشاركة الأصلية كتبت بواسطة brain استاذه ناش اسف لعدم الرد زي ما حضرتك قلتي ردم المواضيع بقى ظاهره المهم خلينا في الموضوع البورصه ليست كيان مستقل بذاته البورصه مرتبطه ارتباطا عضويا و قويا بالبلد الموجوده فيها و علشان مدخلكيش في دوامه من المصطلحات الاقتصاديه الغير ذي اهميه هاجيب لحضرتك من الاخر البورصه المصريه هتعتمد الفتره اللي جايه على حالة البلد الانتخابات خلصت و كل شيئ تمام و الاوضاع سليمه يبقى نبدا نبص على البورصه بشكل اخر هتقولي برضه برين مقلش حاجه جديده هاقولك حاضر من عينيا البورصه اول يوم هتنزل نزول كبير جدا و هذا لا يعني ابدا انها سيئه و لكن لاسباب منطقيه منها الناس اللي معهاش فلوش و فلوسها محجوزه كاسهم الاجانب اللي خايفين الحيتان اللي بتهرب و الحيتان اللي عايزه تلم الموضوع ده هيستمر فتره ليست بالطويله هنا بقى انا اقولك مافيش بورصه في العالم - حتى موزمبيق - بتكسب على طول او تخسر على طول لو معاكي فلوس و مش مستعجله عليهم اشتري اسهم و انسيهم حوالي من 6-8 شهور هتلاقي قيمة اسهمك اتضاعفت و علشان ااكدلك قيمه الاسهم المصريه المتداوله حاليا اقل من قيمتها الحقيقيه على الاقل 50% و الحكومه ستلجأ الى استخدام الودائع الموجوده في البنوك - المتاح يفوق ال 400 مليار - لضمان استقرار سوق الصرف على المدى المتوسط و الطويل ادي نصيحتي و لما تكسبي متنسينيش في الاتعاب

رغم عدم خبرتي بالبورصه لكن من سماعي لبرامج اذاعيه اقتصاديه
انهيار البورصه ليس معناه انهيار للاقتصاد ولكنه تاديب للمضاربين
لان عند هبوط السهم لا يخسر الا من يبيع
والدعوه للشراء والتي هي منتشره هذه الايام بتقول اشتري اسهم ولو 100 جنيه
ستذهب حصيلتها في جيوب الناس اللي اشار اليها الاستاذ براين (باللون الاحمر)

 

[nash]

اقتباس المشاركة الأصلية كتبت بواسطة محلاوي رغم عدم خبرتي بالبورصه لكن من سماعي لبرامج اذاعيه اقتصاديه انهيار البورصه ليس معناه انهيار للاقتصاد ولكنه تاديب للمضاربين لان عند هبوط السهم لا يخسر الا من يبيع والدعوه للشراء والتي هي منتشره هذه الايام بتقول اشتري اسهم ولو 100 جنيه ستذهب حصيلتها في جيوب الناس اللي اشار اليها الاستاذ براين (باللون الاحمر)

طيب المفروض نعمل أيه؟

نشتري ونتوكل علي رب العالمين ولا نستني شويه ؟

 

 

[محلاوي]

اقتباس المشاركة الأصلية كتبت بواسطة nash طيب المفروض نعمل أيه؟ نشتري ونتوكل علي رب العالمين ولا نستني شويه ؟

اذا كانت دعوة حضرتك بغرض دعم الاقتصاد فالمفروض يكون عن طريق اكتتابات جديده تقوم بها الحكومه( حاجه زي تنفيذ مشروع فاروق البار اللي ذكر انه عند البدء فيه سيتم طرح اكتتاب عام )
لكن لو بغرض المضاربه او استثمار مالديك من اموال نصيحتي الانتظار لفتره لحين تطهير البورصه من رموز فسادها وخصوصا انك زي حالاتي زيرو في البورصه

 

 

[brain]

اقتباس المشاركة الأصلية كتبت بواسطة nash طيب المفروض نعمل أيه؟ نشتري ونتوكل علي رب العالمين ولا نستني شويه ؟

نشتري يا ناش
بس المهم امتى
امتى دي هتكون صعبه عليكي
و على ناس كثيره اوي
علشان تعرف اذا كانت الاسهم وصلت الى القاع ام لا
في حالتنا احنا
صعب علينا اننا نشتري في القاع تماما
لاننا مش هاي بروفيشينال
بس ممكن نشتري في حاله من الاتنين
قبل القاع بشويه
فنتحمل ان السهم يهبط بنا قليلا حتى يستعيد عافيته
او بعد ان يرتد من القاع فنخسر جزءا من ربح كان من الممكن تحقيقه
بالنسبه للاسهم
مافيش سهم معين
و الافضل انك تنوعي محفظتك
لكن من الطبيعي ان الاسهم التاليه ستكون ذات ربح عالي بعد الارتداد
اسهم شركات البناء و التشييد و المقاولات - لانه من المتوقع زياده كبيره في بناء وحدات اسكان متوسط
اسهم شركات الاتصالات - الاسهم الذهبيه في كل البورصات في الوقت الحالي
اسهم شركات البترول - خصوصا اذا تم تعديل عقود الغاز مع اسرائيل
اسهم البنوك - اذا ما تقرر ان تشارك بجزء من الودائع في البورصه

 

 

[brain]

اقتباس المشاركة الأصلية كتبت بواسطة محلاوي رغم عدم خبرتي بالبورصه لكن من سماعي لبرامج اذاعيه اقتصاديه انهيار البورصه ليس معناه انهيار للاقتصاد ولكنه تاديب للمضاربين لان عند هبوط السهم لا يخسر الا من يبيع والدعوه للشراء والتي هي منتشره هذه الايام بتقول اشتري اسهم ولو 100 جنيه ستذهب حصيلتها في جيوب الناس اللي اشار اليها الاستاذ براين (باللون الاحمر)

الاسهم المصريه مضغوط عليها بفعل فاعل
القيمه الحقيقيه للاسهم المصريه اعلى من الحاليه بكثير
معظم الاسهم المصريه الان
قيمتها السوقيه اقل من القيمه الدفتريه
بمعنى انه لو قامت الشركه بالتصفيه
فان نصيب حامل السهم في الواقع
اعلى من قيمة السهم السوقيه

 

 

[brain]

تقليص الهبوط الى
4.62 %
والون الاخضر يظهر الان في كثير من الاسهم
محفظة الشركه صاعده عن امس 2%
الخساره تقلصت حوالي 400 الف دولار