مقتل شاب على يد مخبرين في الإسكندرية

[فــيــروز]

الصحف المصرية والعربية

اقتباس المشاركة الأصلية كتبت بواسطة nash فيروز أنا مش هاقدر أساسا أشوف المنظر علشان أقدر أتدخل

طيب بلاش انتِ ..

لو حدّ من أقاربك أو أعزّائك كان حاضر موقف مماثل و قدر يشوف و يتفرّج و قال لك فكّرت أتدخّل .. فكّرت أجيب صُحابى من ع القهوه و نشتبك مع المخبرين دول و كان عندنا أمل إن هينضمّ لنا آخرين أمّا يلاقوا حدّ خد زمام المبادره ..

فكّرت أجيب الكوريك من عربيتى و أنزل بيه على نفوخ المخبر اللىّ ماسك راس الولد يضربها فى الدرابزين و محدّش أحسن من حد ..

فكّرت أجيب طفّاية الحريق اللىّ مالهاش لزوم غير وقت الترخيص و أفتحها فى وِِش المخبرين لحد ما الناس تستوعب إنّها لازم تتدخّل ..

فكّرت أجيب أى شاشة كمبيوتر من السايبر اللىّ شهد الواقعه و أفجّرها فى اللىّ موجودين كلّهم و أنا باهتف من قلبى تعيشى يا "مصر" ..


هيكون تعليقك إيه؟

 

 

[nash]

اقتباس المشاركة الأصلية كتبت بواسطة فــيــروز طيب بلاش انتِ ..

اقتباس المشاركة الأصلية كتبت بواسطة فــيــروز لو حدّ من أقاربك أو أعزّائك كان حاضر موقف مماثل و قدر يشوف و يتفرّج و قال لك فكّرت أتدخّل .. فكّرت أجيب صُحابى من ع القهوه و نشتبك مع المخبرين دول و كان عندنا أمل إن هينضمّ لنا آخرين أمّا يلاقوا حدّ خد زمام المبادره .. فكّرت أجيب الكوريك من عربيتى و أنزل بيه على نفوخ المخبر اللىّ ماسك راس الولد يضربها فى الدرابزين و محدّش أحسن من حد .. فكّرت أجيب طفّاية الحريق اللىّ مالهاش لزوم غير وقت الترخيص و أفتحها فى وِِش المخبرين لحد ما الناس تستوعب إنّها لازم تتدخّل .. فكّرت أجيب أى شاشة كمبيوتر من السايبر اللىّ شهد الواقعه و أفجّرها فى اللىّ موجودين كلّهم و أنا باهتف من قلبى تعيشى يا "مصر" .. هيكون تعليقك إيه؟

هافرح وكنت هاشجعه وممكن ألومه انه فكر فقط وما أخدش فعلا خطوة أيجابيه

بس علشان أكون صريحه أكتر هاقول البؤين دول وأنا بحمد ربنا في سري أنه معملش كده مش حابه أظهر بمظهر العنتريات وأكذب







فيروز مش قادرة أتخيل أصلا لو كان حد من ولادي حصله كده ربنا يحفظ كل حبايبنا ويربط علي قلب والده الشاب

أنتي طلبتي الصراحه

 

 

[فــيــروز]

اقتباس المشاركة الأصلية كتبت بواسطة nash بس علشان أكون صريحه أكتر هاقول البؤين دول وأنا بحمد ربنا في سري أنه معملش كده مش حابه أظهر بمظهر العنتريات وأكذب

دى صراحه أحترمها جدّا ..

بس السؤال هو يا ترى التدخّل فى مثل هذه المواقف يعتبر عنتريات؟ يعنى الأجدى و الأسلم إن الناس ماتتدخّلش و تكتفى بالفُرجَه؟

 

 

[sincere]

اقتباس و محدّش اعترض !! 20 دقيقه و محدّش فتح بقّه ولا حتى فكّر يدلق عليهم جردل ميّه وِسخه يمكن المتفرّجين يفوقوا من سِحر الفُرجَه و يتدخّلوا بأى شكل من الأشكال !! اتنين بلطجيه وقفوا يضربوا القتيل 20 دقيقه و محدّش فكّر فى أى شكل من أشكال التدخّل !! هذا الصمت و العجز المخزى و المُخجِل كان أمام اتنين بلطجيه لا يقول الخبر أنّه كان بحوزتهم أى أسلحه قد تخيف من يرغب فى التدخّل و رغم كده محدّش فكّر حتى يجيب شومه ولاّ سنجه من اللىّ بيطلعوا فى الفاضيه و المليانه و آثر المتفرّجون الفُرجه حتى النهايه !!

مصدومة بجد

 

 

[oskasan]

اقتباس المشاركة الأصلية كتبت بواسطة Mohamed Hassan عندي حل انا يا ناس اننا نكلم ماما امريكا وخالتي فرنسا يرزعونا قنبلتين علي كام صاروخ ويحتلوا البلد وبكدا نبقي كلنا امريكان وانجليز طالما طموح ال 80 مليون الحصول علي الجنسية البديلة , انا شايف ان دا خطير جدا علي الأمن القومي وسيولد جيل ليس لديه ادني شعور بالوطنية وحب هذا البلد ونبقي نكلم بقي السودان تدافع عننا لما تحتلنا اثيوبيا ولا اوغندا ولا بقول نبيع البلد وكل واخد ياخد نصيبه وبراحته باه , انا خايف ان اولادي يكرهوني لاني مخدتش جنسية تانية واكره انا مصر ,ربنا يستر _______________________________ حلو كدا يا عم اوسكا وبعدين خط كوفي ايه اللي بتتكلم عليه صحيح انت baby boomer دي مش شتيمة يا اوسكا دي تقسيمة للشخصية

شوفت .... التنسيق يبقى كده
انا كده فهمت انت عايز تقول ايه



اللى عمله أخو الولد ده من ضيقته وخنقته وقلة حيلته أمام ظلم جبار
وما ينفعش نحاسبه عليه بالبساطه اللى انت بتقولها دي
لما يكون في حالة نفسية سويه يبقى نحاسبه

واحد اخوه اتسحل بطريقة غير آدمية من ناس شغلتهم انهم يحموه من بطش الغوغاء
راحلهم قالوله اخوك بيشم فى الحجز ومات من اللى بياخده
يعنى حاجه تحزن وتخنق بجد كأنهم بيقولولك احنا بنكذب واذا كان عاجبك
اي حد لو في مكانه هايعمل اي حاجه ... لو في ايده مدفع رشاش هايرشهم بيه
انت لو في مكانه هاتعمل ايه
هاتحسبن عليهم وتروح تاخد العزاء

 

 

[nash]

اقتباس المشاركة الأصلية كتبت بواسطة فــيــروز دى صراحه أحترمها جدّا .. بس السؤال هو يا ترى التدخّل فى مثل هذه المواقف يعتبر عنتريات؟ يعنى الأجدى و الأسلم إن الناس ماتتدخّلش و تكتفى بالفُرجَه؟

أكيد هاتبأة عنتريات يا فيروز طالما دمه هايضيع هدر بين القبائل

أسئلتك صعبه يا فيروز

بجد مش عارفه أجاوب بس واثقه ان أغلبهم هايخاف من نفس المصير الأسود

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة فــيــروز دى صراحه أحترمها جدّا .. بس السؤال هو يا ترى التدخّل فى مثل هذه المواقف يعتبر عنتريات؟ يعنى الأجدى و الأسلم إن الناس ماتتدخّلش و تكتفى بالفُرجَه؟

أكيد عنتريات .. بس عنتريات واجبة

 

 

[nash]

مع أحترامي للجميع

حد بجد فاهم اللي حصل؟

وأن فيه روح راحت هدر

وأن فيه أم قلبها مفطور وأخ مش فاهم أخوة مات إزاي وأمتي؟

 

 

[شينكاوي]

لا يا اوسكا انا مش بلوم اخوه ولا هلومه حتي لو استعان بسفير اي دولة علشان يجيب دم اخوه بل انا مع القصاص كمان لكن انا بتكلم عن ثقافة اصبحت منتشرة ودي خطر علي مصر وهتأثر علي فكرة حب البلد بس مش اكتر , بالنسبة للنقطة اللي تكلمت عنها فيروز وهي اللامبالاة اللي كانت في الناس اللي شايفة الحادثة ليه متدخلوش ؟ طبعاً موقف رد الفعل بتاع الناس دا مش مفهوم وخصوصا ان دووول مخبرين يعني كانت الناس رزعولهم وخلصوا الشاب من بين ايديهم ولو حد عنده اي واسطة المووضوع هيرسي علي صلح لكن السلبية والخوف من الشرطة بقي طبع في المصريين حتي انه وصل للصعيد وبقي طبع وتطبع

 

 

[مدى]

اقتباس المشاركة الأصلية كتبت بواسطة Mohamed Hassan لا يا اوسكا انا مش بلوم اخوه ولا هلومه حتي لو استعان بسفير اي دولة علشان يجيب دم اخوه بل انا مع القصاص كمان لكن انا بتكلم عن ثقافة اصبحت منتشرة ودي خطر علي مصر وهتأثر علي فكرة حب البلد بس مش اكتر , بالنسبة للنقطة اللي تكلمت عنها فيروز وهي اللامبالاة اللي كانت في الناس اللي شايفة الحادثة ليه متدخلوش ؟ طبعاً موقف رد الفعل بتاع الناس دا مش مفهوم وخصوصا ان دووول مخبرين يعني كانت الناس رزعولهم وخلصوا الشاب من بين ايديهم ولو حد عنده اي واسطة المووضوع هيرسي علي صلح لكن السلبية والخوف من الشرطة بقي طبع في المصريين حتي انه وصل للصعيد وبقي طبع وتطبع

صح..!