أبشع جريمة

[مصرية]

الصحف المصرية والعربية

يلقى ابنه الرضيع فى النار انتقاماً من زوجته

كتب سامى عبدالراضى ٢٨/ ١٠/ ٢٠١٠

ألقت أجهزة الأمن فى الجيزة القبض على عاطل، أفادت التحريات والتحقيقات بأنه تشاجر مع زوجته لرفضها العمل والإنفاق عليه وأنه أغلق عليها الباب وأخذ طفله الرضيع وأشعل النار فى كمية من الورق والخشب والبنزين وألقى بالرضيع فيها وتركه يحترق.

وأضافت التحريات أن الطفل أصيب بحروق فى الصدر والذراعين والقدمين والبطن وتمكن الجيران من انتشال الضحية من النيران ونقله إلى مستشفى إمبابة، وتم إخطار المستشار محمد ذكرى، المحامى العام لنيابات شمال الجيزة، وتولى التحقيق أحمد معاذ، وكيل نيابة إمبابة، بإشراف رئيسها المستشار خالد الأتربى.

تلقى اللواء محسن حفظى، مساعد أول الوزير لأمن الجيزة، إخطارا بوصول طفل يدعى «محمود»، عامان، مصابا بحروق متفرقة فى الجسم وحالته سيئة.. وتبين من التحريات والتحقيقات أن والد الضحية - «٢٦ سنة» مسجل خطر - وراء الجريمة.

https://www.almasry-alyoum.com/article2.aspx?ArticleID=275037&IssueID=1937

 

[مصرية]

(ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ) [البقرة:74].

 

 

[oskasan]

المجنون ده لازم نولع فيه على نار هادية علشان ما يموتش بسرعة

 

 

[مصرية]

اقتباس المشاركة الأصلية كتبت بواسطة oskasan المجنون ده لازم نولع فيه على نار هادية علشان ما يموتش بسرعة

والله مش عارفة إزاي الناس ممكن توصل قلوبها للدرجة دي من القسوة ... فعلا لازم يتحرق زي ما حرق الطفل الصغير

 

 

[dr-amira]

اقتباس المشاركة الأصلية كتبت بواسطة oskasan المجنون ده لازم نولع فيه على نار هادية علشان ما يموتش بسرعة

للاسف الموضوع ما بقاش حالة فردية ...الوضع محتاج دراسة ايه اللى خلى ردود افعال الناس غير طبيعية كده ...اللى بيقتل ابنه و اللى بيقتل امه و اللى يضرب النار على الناس عشان ركنه العربية .....الغلط فين ...الشعب بقى كله مرضى نفسيين ؟؟؟؟؟؟؟؟؟ولا مدمنين مخدرات ؟؟؟؟؟؟؟؟؟؟؟؟؟ ولا ماعدش فيه قيم و لا دين .؟؟؟؟؟؟؟؟؟؟؟

 

 

[حشيش]

انا اللى مش قادر افهمه واحد مسجل خطر ليه الداخلية لا تقوم بسجنه مدى الحياة ليأمن الناس شره!!!!! ... كل شوية مصيبة بسبب المسجلين خطر!!!!! ... طالما واحد ما تابش مره واتنين وتلاته خلاص بقى يعيش بقية عمره فى السجن ... هذا الرضيع بأى ذنبٍ أُحرق! ... من لا يرحم لا يُرحم وهذا الأب إن جاز وصفه بصفة الأبوه لا يستحق أن يرى إلا أسوار السجن مدى الحياه أو أن يُعدم ليرتاح منه البشر!

 

 

[nash]

ضيق ذات اليد والمحاولات الفاشله للبحث عن عمل إلي جانب حاله الإستفزاز المتصاعده من ناحيه الزوجه وتحقير الزوج لعدم إستطاعته توفير متطلبات المعيشه العاديه تجعل الوضع بإستمرار علي حافه الإنفجار ويبدو المستحيل والغير منطقي منتهي الواقعيه

الطفل سبب تعاسه الأسرة لإنه لن يستطيع الصبر قسوة الحياة وهو سبب تأنيب الزوجه وتقريعها لزوجها ... فالحل هو الإنتقام من الطفل وحرق قلب الأم

وهذا ماحدث ببساطه لحظه شيطان فجرت الموقف كله

 

 

[مصرية]

لا يا نوشة ده مكتوب إنه عمل كده علشان بيضغط على مراته تشتغل وتصرف عليه وهي رفضت فكان رده عليها إنه حرق الطفل ... يعني أنا مش متخيلة بلطجة بالطريقة دي
هي فعلا قلة دين ومستنقع فساد بقينا عايشين فيه

 

 

[nash]

الصراحه يا مصريه انا قريته الصبح في اليوم السابع وماذكروش أنه مسجل خطر فقط انه عاطل عن العمل وزوجته كل شويه تعايرة بإنه مش قادر يصرف علي البيت

طبعا إذا كان غير كده فالحرق بنفس الطريقه قليل فيه

ربنا يعفو عنا