التطهير العرقى لمسلمى الروهينجا والتخاذل العربى والإسلامى

[حشيش]

الصحف المصرية والعربية

كلنا يقرأ ويشاهد يومياً المجازر المروعة والتطهير العرقى الذى يتعرض له مسلمى الروهينجا على أيدى حكومة بورما البوذية الكارهة للإسلام وكل من يدين به!

لماذا لا يقوم (خادم الحرمين الشريفين) وبقية (حماة الإسلام) من مشايخ الخليج ورئيس مصر (بلد الأزهر) بالتدخل فوراً دون مزيد من الإبطاء والتخاذل وغض الطرف مخافة إغضاب الصين الراعى الأساسى لدولة بورما وحليفها الرئيسى!

لماذا لا تطرد السعودية ودول الخليج العمالة البوذية التى تقدر بعشرات أو مئات الألوف وإعادتهم إلى بلدانهم إحتجاجاً على مذابح المسلمين فى بورما على أيدى الحكومة البوذية وبمباركة الجيش والشرطة!

أين مشايخ الحكام والسلاطين فى كل مكان؟! ... أين علماء ودعاة الفيس بوك وتويتر من كل هذا!

أين منظمات حقوق الإنسان والغرب (المتحضر) من كل هذا التطهير العرقى البشع والمتنامى ضد المسلمين فى بورما؟!

ألا لعنة الله على الظالمين

 

[NazeeH]

اقتباس ايه اللي بيحصل في "بورما" ؟!! ***** - خلينا في الأول نفهم تاريخ دولة بورما- او رسميا جمهورية اتحاد ميانمار - اللي ببساطة كانت تحت سيطرة مستعمرة الهند البريطانية .. وبعدين اليابان ساعدت بعض الميليشيات المسلحة في مواجهة الاستعمار البريطاني .. بس مع خسارة اليابان في الحرب العالمية التانية، رجعت بورما تحت الاستعمار بس وقتها الإنقسام بقا أسوا بكتير لان الشعب اتقسم ل3 فرق .. ناس عايزين بريطانيا وناس عايزين اليابان وناس عايزين الاستقلال !! - المهم نجحت بورما في الاستقلال سنة 1948 .. بيحصل ايه بعد كدا ؟؟ برافو عليك فوضى وإنقسام ومشاكل .. وهوبا حكم عسكري يا باشا من 1962 لحد 2010 .. ومن هنا بقا حدث ولا حرج في حقوق الانسان .. عمالة بالسخرة، اختفاء قسري، عمالة اطفال، إتجار بالبشر، تعذيب واغتصاب للستات .. بص كل اللي قلبك يحبه كان بيحصل (ده ع الكل، لسة المسلمين هنتكلم عنهم بعد شوية). - وبعد كمية مظاهرات ومعارضة على مر السنين .. الحمد لله في 2010 تحصل انتخابات .. ايه اللي بيحصل ؟؟ برافو عليك تاني .. شبهات بالتزوير ونجاح الحزب اللي انتخبه العسكريين بنسبة 80% (حاسس اني اتفرجت ع الفيلم ده قبل كدا ). ***** - فزى ما حضرتك شفت معانا، تاريخ البلد وسياستها حاجة حقيرة ما شاء الله .. بس اللخبطة التاريخية دي كان ليها دور كبير جدا في تشكيل السكان اللي بيتكون من اكتر من 140 عرق مختلف. - تعداد السكان حوالي 55 مليون، أغلبيتهم بوذيين جايين من اسيا الوسطى .. وفي حوالي 15% مسلمين معظمهم بأصول عربية من اليمن وشبه الجزيرة العربية (كانوا جايين كتجار ونشروا الإسلام) وشوية من اصل فارسي على حبة من بنغلاديش والهند. - طائفة المسلمين في بورما بيسموهم "الروهينغا" أما البوذيين من اغلبية الشعب أسمهم "البورمان". ***** - في اقليم كدا اسمه "أراكان" دي اكتر من 80% من سكانه مسلمين .. في 2012 تحصل أعمال شغب بين البوذيين والمسلمين نتايجها كانت حظر التجول وسيطرة الجيش ع المنطقة ده غير 90 الف نازح واكتر من 2500 بيت أتحرقوا .. بص ده كان ع البوذيين والمسلمين ولكن الغريب ان الجيش والشرطة كانوا بيمارسوا العنف والاعتقالات ع الروهينغا بس !! - ومن بعدها والدنيا بقت زى الزفت .. ضرايب تعسفية ع الروهينغا .. منع من السفر او الجواز بدون تصريح .. عنف وتهجير وحرق بيوت واغتصابات واعتقالات وقتل .. اكتر من 30 الف لاجئ في بنغلاديش بس .. وفي 2015 يزيد الاضطهاد جدا وتحصل "أزمة لاجئين الروهينغا" وكل البلاد ترفض تاخد اى منهم وسابوهم يموتوا بداخل بورما، ده طبعا غير الصورة الشهيرة بتاعة مراكب ال8000 لاجئ اللي فضلت في نص البحر بين ماليزيا وبنغلاديش مش عارفين يروحوا فين !! - من كام يوم بقا والوضع بقا أسوأ .. اكتر من 3000 شخص من الروهينغا يتقتلوا في مذابح جماعية .. قرى كاملة تتحرق واطفال تتقطع راسهم وستات تغتصب واهالي تتشرد .. عدد المسلمين اللي بيحاولوا يهربوا برا حدود بورما يوصل 60 الف شخص في خلال اسبوع واحد !!! - حكومة بورما رسميا بتقوم بتطهير عرقي ضد مسلمين الروهينغا .. ومبقتش معترفة بيهم كمواطنين اصلا ومسمينهم "قبائل بنغلاديش الغير قانونيين" !! ***** رد الفعل الدولي بقا الصراحة قمة في الضحك (ضحك كالبكاء للاسف )؛ - اولا الدول ذات اغلبية مسلمة عاملين مش من هنا ولحد دلوقتي محدش عمل اى حاجة غير يا دوب أردوغان طلع اتكلم عن الروهينغا وقال ان تركيا هتقدم الدعم والمساعدات الانسانية الى جانب الضغط الدولي. - الامم المتحدة بتشجب وتدين من سنة 2012 لحد دلوقتي .. ربنا ينتعهم بالسلامة. - مساجد المسلمين سكوووووت وامام الحرم بيدعي للملك سلمان ربنا يباركله على تطوير وتوسيع الحرم .. في الوقت اللي فيه البابا فرانسيس ياخد دقيقة ونص من خطبته يتكلم فيها عن الروهينغا ويدين التطهير العرقي ضدهم لمجرد انهم مسلمين .. ده غير ان الفاتيكان اعلن ان البابا هيزور بورما في نوفمبر ويحاول يتدخل. - يا مؤمن ده جريدة "هارتز" التابعة للكيان الصهيوني نزلت مقال بتتهم فيه وزارة الدفاع بتاعتهم بدعم جيش بورما بالسلاح في وقت ما هما بيقوموا بالتطهير العرقي ضد الروهينغا .. لا وبتفكر وزارة الدفاع ان دي مش اول مرة وانكم كنتوا برضه بتدعموا الصرب في التطهير العرقي ضد مسلمي البوسنة. - على صعيد اخر الدول العربية قاطعوا قطر ومخاصمين تركيا. - بالمناسبة في بعض الناس اللي واخدهم الحماس بقوا ينشروا صور واخبار مغلوطة عن الروهينغا ع السوشيال ميديا .. يا ريت تبقوا تتأكدوا قبل علشان انت كدا بتضر بالقضية اكتر ما بتساعدهم !! ***** طيب وهى ايه بورما دي اصلا .. ما الدول تتجمع ونروح نطربقها عليهم ؟؟ - بص انا معاك ان بورما كدولة لوحدها كدا مش قوية .. بس احب اقول لحضرتك ان الصين واقفة في ظهرها علشان ليهم مصالح تجارية مع بعض. - وبعدين اللي بيته من إزاز ميحدفش الناس بالطوب .. ولو الدول العربية مثلا فكرت تشجب وتدين هى كمان، هتفتح على نفسها بلاوي .. زى مثلا ملف جرايم الحرب في سوريا .. او حرب السعودية في اليمن والاضطهاد الشيعي .. وطبعا مصر وتهجير اهل سينا. - وبعدين تتكلم ايه ؟؟ ده حتة وفد من الصين جه مصر خد طلبة الازهر الصينيين رحلهم ع الصين علشان يبهدلهم والحكومة المصرية هى اللي كانت بتلمله الطلبة .. يا شيخ اسكت !! ***** مين الست اللي في الصورة ؟؟ - دي "أون سان سو تشي" حاليا في مقام رئيسة الوزرا في بورما وعقبالك كدا واخدة نوبل في السلام (اه والله ) .. الهانم في كل مرة بتتسأل عن الروهينغا بتقول انها يا حبة عيني مش متأكدة اذا كان ينفع نعتبرهم مواطنين في بورما اصلا ولا لأ .. وانها خايفة من تعاظم قوة الاسلام في العالم وهو ده اللي بيولد مناخ من الرعب !!! ***** احنا نقدر نعمل ايه ؟؟ - والله لو اعرف كان زماننا عملناه لفلسطين او سوريا .. بس احنا أضعف بكتير من انتا نعمل اى حاجة للاسف حاليا، فإدعولهم واتكلموا عنهم ده في رأيي اضعف الايمان يعني !! - وانا في اندونيسيا تواصلت مع مراكز الامم المتحدة هناك علشان يوصلوني بالروهينغا واروحلهم .. واتقالي باللفظ "صعب جدا ندخلك بس لو حصل ودخلتلهم، هيبقا شبه مستحيل تخرج سليم بالذات انك مسلم" !! https://www.facebook.com/photo.php?f...7930280&type=3

 

 

[NazeeH]

 

 

[NazeeH]

 

 

[NazeeH]

اللهم انصرهم و تبت اقدامهم اللهم زلزل عدوهم اللهم كما أرونا قوتهم وونحن لا حول ولا قوة لنا فأرنا فيهم عجاءب قدرتك يا مستجيب الدعاء يا من قلت و قولك الحق أدعوني أستجب لكم اللهم منا الدعاء و منك الاستجابة يا أرحم الراحمين

 

 

[NazeeH]

 

 

[NazeeH]

 

 

[NazeeH]

 

 

[NazeeH]

 

 

[NazeeH]

القصة الكاملة ..

اقتباس حقيقة ما يحدث لمسلمي الروهينجا .. *** البوست طويل شوية .. فاللي ملوش في القراية الكتير يشوف الفيديو ده .. قايل كل حاجة في البوست : * النهاردة وكالة رويترز نشرت تقرير عن اللي بيحصل في ولاية راخين غرب دولة ميانمار او بورما سابقا .. https://bit.ly/2xJ0m44 * رويترز قالت في التقرير ان خلال الايام الاخيرة بس .. تم تهجير اكتر من 90 الف من مسلمي الروهينجا الى بنجلاديش .. ووصل اجمالي عددهم خلال الشهر ده بس 150 الف نازح .. https://bit.ly/2xJ0m44 * النزوح ده تم بعبورهم نهر ( ناف ) الفاصل بين الحدود البنجالية البورمية .. النهر ده اللي عرضه بيوصل في بعض الاماكن لـ 3800 م .. وعمقه بيوصل 120 م .. وبيعدوه بقوارب غاية في الضعف والفقر .. https://bit.ly/2xJGkXo * النازحين دول فيهم 16 الف طفل في سن المدرسة .. واكتر من 5 الاف طفل اقل من 5 سنين .. وطبعا خلال عبورهم النهر غرق منهم المئات .. واللي محدش قدر ينتشل جثثهم الى الان .. * ده غير عدد 53 جثة جرفها النهر ناحية بنجلاديش .. وكان فيهم اثار ضرب بالرصاص او طعن بالسكين .. https://bit.ly/2xJ0m44 * الحكومة البنجالية عملت كردون امني كبير حوالين النازحين .. وهيئات الاغاثة الدولية عملتلهم مخيمات .. لكن المخيمات لازالت ناقصة كتير من المرافق والخدمات والادوية .. ده غير الغذاء اللي مش بيكفي العدد الكبير ده .. * طب ايه القصة من الاول .. * مسلمي الروهينجا هم ( أكثر أقلية مضطهدة في العالم ) حاليا حسب اخر تقرير للأمم المتحدة .. https://bit.ly/2xJxHfd * قصتهم بدأت مع هجرات المسلمين الاوائل لمناطق جنوب اسيا .. بعض المسلمين الاوائل دول نزلوا على ارض تقع حاليا غرب بورما والتحموا باهلها .. * ومع مرور الزمن كونوا فيها منطقة حكم ذاتي ومملكة قوية اسمها ( مملكة اراكان ) سنة 1430 م .. ده طبعا زي ماليزيا واندونيسيا وبروناي وغيرهم وغيرهم .. https://bit.ly/2x4VCsv * المملكة دي اتوسعت في فترات وانكمشت في فترات .. لكن فضلت مملكة اسلامية حكمها 48 ملك مسلم لحد سنة 1784 م .. * في سنة 1784 دي ..غزاها الملك البوذي ( بودوييه ) .. وارتكب فيها مجازر ومحارق من ابشع ما يكون .. لكن فضلت ( اراكان ) معروفة بتمركز مسلمي بورما فيها .. https://bit.ly/2x4VCsv * في عهد الاحتلال الانجليزي لشبه القارة الهندية .. خلوا بورما بحالها منطقة حكم ذاتي منفصل عن الهند .. وده عشان تبقى ثرواتها منفصلة وحساباتها غير .. والسياسة الشهيرة للانجليز اللي اسمها ( فرق تسد ) .. نفذوها بالحرف في ولاية ( اراكان ) .. * ولان البوذيين في بورما اكثر بكثير من المسلمين اللي بيتمركزوا في اراكان بس .. فالانجليز مولوا البوذيين بالسلاح .. وقوموهم على بعض في اكتر من حادث مصطنع .. وكانت دي البداية لسلسلة الاضطهاد البوذي لمسلمي الروهينجا في اراكان .. https://bit.ly/2x4CyuF * سنة 1930 حصلت مذبحة العمال الاركانيين بعدد 200 قتيل .. سنة 1935 حملة بورما للبرموين فقط .. بهدم 113 مسجد وتدمير واحراق عدد من البيوت ، وزيها ( مذبحة الروهينغا في 1942 ) غيرهم وغيرهم .. https://bit.ly/2x4CyuF * وبالرغم من توحد الشعب البورمي بوذيين ومسلمين تحت راية ( ميليشيات الرفاق الثلاثون ) ضد الانجليز .. https://bit.ly/2x5eIyW * الا ان بعد رحيل الانجليز .. المجلس العسكري الحاكم عمل اكتر من قانون للفصل العنصري بين البوذيين والمسلمين .. وبسبب القوانين دي وغيرها تم حرمان المسلمين من الجنسية وكافة الحقوق المدنية .. وتم اعتبار الـ 1.2 مليون مسلم اركاني هم مهاجرين غير شرعيين من بنجلاديش .. https://bit.ly/2x4CyuF * وبالرغم ان بورما نفسها فيها اكتر من 8 فصائل وعرقيات مختلفة .. وكمان كل عرقية لها شبة جيش منفصل بيدافع عنها .. لأ ومعترف بيهم كأحزاب سياسية .. ابرزهم العرقية الصينية .. لكن للاسف مسلمين اراكان مخدوش الخطوة دي .. https://bit.ly/2xMeQjN * اللهم الا دلوقتي ظهرت مليشيات ضعيفة وباعداد قليلة .. وغير مدعومة من أي دولة .. فاتكررت اعمال العنف والاقصاء زي سنة 1978 باسم ( عملية الملك التنين ) .. بنزع ملكيات الاراضي والاعتقال والاختفاء القسري والقتل .. مما ادى لتهجير 200 الف روهينجي الى بنجلاديش .. https://bit.ly/2x4SkFV * وزيها سنة 1997 و( حركة الرهبان البوذيين ) وعدد 1500 بوذي لنهب وهدم مساجد وبيوت المسلمين .. وسنة 2001 والحملة البوذية ( الخوف من ضياع العرق ) .. وادت لقتل 200 مسلم وتدمير 11 مسجد وحرق اكتر من 400 بيت .. https://bit.ly/2x56wi7 * انظار العالم اتجهت لمذابح الروهينجا سنة 2012 لما مجموعة من افراد الجيش البورمي .. اتصوروا وهم بينزلوا 11 مسلم روهينجي من اتوبيس خط سير داخل اراكان .. ودبحوهم قدام الاهالي .. https://bit.ly/2x56wi7 * قامت احتجاجات من المسلمين .. واتقابلت بحملة ابادة من الجيش .. وكان نتيجتها .. خروج حوالي 90 ألفا نازح .. واحراق 2528 بيت .. منهم 1336 للروهينجا .. و1192 للهنود الراخين .. https://bit.ly/2x56wi7 * ماساة مسلمي الروهينجا مش بس في بلدهم .. لأ .. ده في كل دولة بيلجأوا لها .. فمثلا بالرغم من وجود 111 الف لاجيء على الحدود التايلاندية من الروهينجا .. الا ان الحكومة البوذية التايلاندية لا تتوانى بطردهم وتهجيرهم من جديد .. واندونيسيا نشرت تقرير في 2009 بيثبت بالادلة ان الحكومة التايلاندية رمت اعداد منهم في البحر .. https://bit.ly/2xJxHfd * وفي سنة 2005 بالرغم ان (المفوضية العليا للأمم المتحدة لشؤون اللاجئين) .. اصدرت حزمة مساعدات لاعادة توطين مسلمي الروهينجا على حدود بنجلاديش .. الا ان التقارير وقتها واللي بتثبت عنصرية حكومة بنجلاديش ضدهم وقفت المساعدات دي .. https://bit.ly/2x5s4ek * الدول الاسلامية كانت ولازالت بترسل مساعدات غذاء ولبس وادوية زي ( السعودية – تركيا – ماليزيا – اندونيسيا ) .. لكن المساعدات بتوصل عن طريق الحكومة البورمية صاحبة السيادة على الارض .. فايه اللي بيوصل من المساعدات .. الله اعلم .. * للاسف دلوقتي معظم دول العالم الاول زي ( امريكا – الصين – روسيا ) بيحكمهم رؤساء قومجين وشعبوين .. ومبيبصوش خالص على موضوع حقوق الانسان والانتهاكات العنصرية دي .. وبالرغم ان كان فيه بارقة امل لمسلمي الروهينجا لما صعدت الزعيمة البورمية ( أونج سان سو ) https://bit.ly/2x56S8q * والحاصلة على جايزة نوبل للسلام بعد اضطهادها سنين في فترة الحكم العسكري لبورما .. الا ان انها بعد ما مسكت الحكم طغت المصالح السياسية على الضمير الانساني .. ورجعت تسمية مسلمي الروهينجا الاركانيين للتسمية العنصرية القديمة ( المهاجرين البنجالة الغير شرعيين ) .. * حتى لجنة ( كوفي عنان ) المعنية بدراسة اوضاعهم سمتهم نفس التسمية عشان اللجنة دي مستدعاه وممولة بالكامل من الحكومة البورمية .. وكمان الحكومة البورمية رفضت امبارح اصدار تاشيرات لمندوبين الامم المتحدة لتقصى الحقائق .. https://bit.ly/2x4Zk5p * مش بس كده .. بالرغم ان السوشيال ميديا هي الحاجة الوحيدة اللي ممكن كان يتم استغلالها لدعم حقوق الروهينجا في ارضهم وحقوقهم المدنية .. الا ان التشوية نالهم من مرضى الاسلاموفبيا .. وباللذات المسلمين اللي بيكرهوا كونهم مسلمين .. ولا معترفين باي حاجة في دينهم .. * عملوا ايه بقى دول ؟ .. * ميعوا قضية مسلمي الروهينجا .. جابوا صور مفبركة لمواقع هزلية لمذابح في بلاد تانية بتقول انها لمسلمي الروهينجا .. فييجي المسلم اللي بالاسم ده .. ويقول صورهم وفيديوهاتهم كلها مفبركة .. https://bit.ly/2xM2FDw * بالرغم ان لو حد فيهم تعب نفسه وبحث في وكالات الاخبار وهيئات الاغاثة هيلاقي الاف الصور والفيديوهات لمذابح الروهينجا على ايد البوذيين .. وكمان باعتراف الامم المتحدة ومنظمات حقوق الانسان العالمية .. https://bit.ly/2xM97uh * لكن المسلمين الصوريين دول مبسوطين بفكرتهم القذرة دي .. وهي ان المسلمين عموما هم اسفل اهل الارض .. ويستاهلوا اللي يجرى عليهم من أي حد معدي في الشارع .. وبدل ما يدعم أي قضية تخص أي مسلم .. https://bit.ly/2xM97uh * لا بيشوهها في سبيل دعم أي حد غير مسلم .. وعلى فكرة بقى اللي بيصور وبيظهر نفسه سيلفي في فيديوهات الابادة دلوقتي هم افراد الجيش البورمي نفسهم .. بصوا كده .. https://bit.ly/2x4PikU * ادعموا قضية مسلمي الروهينجا .. واتكلموا عنها عشان يجيلهم جزء من حقهم الضايع .. زي ما حصل مع مسلمي البوسنة قبل كده .. * â€ھ#stop_killing_rohngiya_muslim‬ #أوقفوا_قتل_مسلمي_الروهينغيا * Ahmed Mohsen MO7SN