أحمد أبو الغيط وزير الخارجية المصري يخرج عن صمته

[مصرية]

الصحف المصرية والعربية

وزير الخارجية المصري أحمد أبو الغيط يتحدث عن ما وراء كواليس أحداث غزة وعن الموقف المصري الكلام بين السطور يخفي الكثير والكثير، البرنامج طويل موجود في 13 جزء.

 

[مصرية]

 

 

[Farida]

انا لفت نظرى موضوع انه خرج عن صمته دى لأنه من اول حرب غزة و هو لسانه شغال الله ينور ده غير انه كل مرة بيبلبخ فى الكلام و فى الجزيره بالذات كانوا بيعتبروه فقره ضاحكه ..........انا لما اتابع البرنامج فهل ممكن رؤيه حضرتك لما قاله احمد ابو الغيظ

 

 

[مصرية]

هو قصدي يخرج عن صمته إنه وضح حاجات حصلت ورا الكواليس إحنا بنشوف آثارها بس مش بنفهمها. رأيي الشخصي في الكلام ممكن ميعجبش ناس كتير بس اللي أنا شايفاه إن كلامه معناه كارثة بكل المقاييس معناه إن الكارثة العربية اللي ناس كتير حاسين بها مصر هي المسؤول الأول والأخير عنها. بيقول إن مصر وراء إفساد قمة الكويت مع سبق الإصرار والترصد، بيقول إن مصر وراء عدم إلغاء مبادرة السلام العربية مع سبق الإصرار والترصد بيقول إن مصر وبيقول الكلام ده بصراحة ووضوح جليين يعني ده مش بين السطور ولا حاجة.

بيقول إن مصر فيه بينها وبين قطر ما صنع الحداد بجد وبحق وحقيقي ولما قطر تقول يمين مصر تقول شمال، شخصيا شابفة إن مصر طلع مخها صغير أكتر من اللازم وإن سياسة السلام اللي هي منتهجاها مع إسرائيل ولسة مصدقاها لغاية دلوقتي فرضاها على العالم العربي كله.

أرجو تشوفي البرنامج قبل ما تردي على كلامي، هو طويل فعلا مدته أكتر من ساعتين بس أرجو تشوفيه وبعدين نتناقش فيه وصدقيني أرجو بل وأتمنى يكون تفسيري لأمور كتير غلط وتكون الصورة أفضل من اللي وصلتني.

 

 

[Farida]

يا نهار اسود ................انا فعلا اول ما لاقيت عمرو أديب بيعلن عن استضافه احمد ابو الغيظ لأ و مين اللى حايحاوره أحمد موسى بسلامته انا قلبت القناة دوغرى بجد قلت انا استكفيت من التلاته احمد ابو الغيط و لغته الركيكه و عدم قدرته على رص جمله عربيه مفيده زائد صورته المستفزة و هو ماسك بايد بسلامتها ليفنى ده غير لما قال على الريس انه قاله هاتى لى الست دى - على ليفنى - قام جابها حاجه فى منتهى قلة الذوق و الجليطه و الأستهانه بمكانة مصر لما يبقى واحد ى ده وزير خارجيتها ............بجد مش قادره اوعدك انى حأشاهده هو و السخيف احمد موسى لكن حأخلى حد ثقه يشوفه و اقولك رأيي .....تحياتى لحد لما نتناقش

 

 

[Excellence]

هناك فارق كبير جدا بين الديبلوماسية المصرية وبين الديبلوماسية القطرية .في التعامل مع كل المواقف .. لصالح القطريين.. بصرف النظر عن موقف مصر أو قطر...

..وأيضا نفس الفارق الكبير بين أسلوب ابو الغيط وبين أسلوب وزير خارجية قطر... الأخير كان محترفا ..رغم الاتفاق أو الاختلاف مع كل منهما..


الديبلوماسية القطرية فازت بلمس الأكتاف... في كل الجولات...

 

 

[مصرية]

اقتباس المشاركة الأصلية كتبت بواسطة farida يا نهار اسود ................انا فعلا اول ما لاقيت عمرو أديب بيعلن عن استضافه احمد ابو الغيظ لأ و مين اللى حايحاوره أحمد موسى بسلامته انا قلبت القناة دوغرى بجد قلت انا استكفيت من التلاته احمد ابو الغيط و لغته الركيكه و عدم قدرته على رص جمله عربيه مفيده زائد صورته المستفزة و هو ماسك بايد بسلامتها ليفنى ده غير لما قال على الريس انه قاله هاتى لى الست دى - على ليفنى - قام جابها حاجه فى منتهى قلة الذوق و الجليطه و الأستهانه بمكانة مصر لما يبقى واحد ى ده وزير خارجيتها ............بجد مش قادره اوعدك انى حأشاهده هو و السخيف احمد موسى لكن حأخلى حد ثقه يشوفه و اقولك رأيي .....تحياتى لحد لما نتناقش

أنا شفت البرنامج مرتين؛ أول مرة كان عندي حالة صدمة من اللي شايفاه مش مصدقة إن ده وزير خارجية مصر ومش مصدقة إن اللي قدامي ده حقيقي مش مسلسل تريقة مثلا يعني الطريقة اللي قاعد بيها، نبرة صوته، أسلوب كلامه عن بعض الناس وبعض الدول، وحاجات تانية كتير.

تاني مرة كنت فقت من الصدمة وبدأت أفهم بيقول إيه لاقيته بيقول شوية مصايب منها مثلا وعلى غير الحصر إنه بيدافع عن رايس لعدم دعوتها وزير الخارجية القطري وأمين عام جامعة الدول العربية على أساس إنها نسيت تدعوهم ولما هو فكرها راحت مكلماهم وكونهم لم يحضروا الاجتماع فده موقف شخصي منهم هي مش مسئولة عنه.

طبعا كنت أتمنى تشوفي البرنامج بنفسك علشان تشوفي السكنات والحركات ونبرة الصوت وحركة الإيد وتعبير الوجه أثناء الكلام بس أنا مقدرة إن ممكن فعلا متقدريش لإني شخصيا تعبت جدا بعد ما شوفته ومازلت أعاني لغاية النهاردة من عدم التصديق.

في انتظار مناقشتك وتقبلي تحياتي حتى يحين الوقت.

 

 

[مصرية]

اقتباس المشاركة الأصلية كتبت بواسطة Excellence هناك فارق كبير جدا بين الديبلوماسية المصرية وبين الديبلوماسية القطرية .في التعامل مع كل المواقف .. لصالح القطريين.. بصرف النظر عن موقف مصر أو قطر... ..وأيضا نفس الفارق الكبير بين أسلوب ابو الغيط وبين أسلوب وزير خارجية قطر... الأخير كان محترفا ..رغم الاتفاق أو الاختلاف مع كل منهما.. الديبلوماسية القطرية فازت بلمس الأكتاف... في كل الجولات...

مع إني متأكدة من التعاون القطري الإسرائيلي ومتأكدة من محاولة قطر فرض زعامتها ومتأكدة من إن قناة الجزيرة موجهة لأهداف قطرية لكن بعد مشاهدتي برنامج أبو الغيط اكتشفت إن قطر فعلا فازت في الجولة دي مش بس دبلوماسيا لكن بتجميدها العلاقات مع إسرائيل اتسببت في إحراج مصر لإن مصر من الآخر معملتش حاجة في رأيي.

شكرا على مشاركتك في الموضوع.

 

 

[diab]

هو ماله قاعد مأنتخ قوي كدة وشوية شوية حيحط الجزمة في وش المذيع

علي فكرة مصر معملتش حاجة أصلا

وحكاية خلف الستار والعلم ببواطن الامور والكلام ده كان ينفع من 15 سنة انما دلوقت في الزمن ده السياسيون بيبقوا اخر من يعلم فعلا
فاكرين الناس زي زمان مسبهلة قدام حكمة الريس وعظمته والكلام التخين ده

الله يرحم الناس بتوع احمد سعيد كان سذج فعلا وقلبهم ابيض
*

 

 

[شينكاوي]

بجد الراجل ده مستفز جداً وانا الان بسمع في الجزء الأول وما أعتقدش اني هكمل الباقيين , لأنه وهو بيتكلم بحسسني اننا اغبيا ويكأننا معندناش غير الإعلام الرسمي بتاع الجمهورية والاهرام , انا حاسس اني هنام من نبرة صوته.