شفت مين من المشاهير

[عبقرينو]

اقتباس المشاركة الأصلية كتبت بواسطة Farida تخيلوا نسيت واحد مشهور جدا جدا قابلته و نسيت احكى لكم عنه تفتكروا مين ؟؟؟؟

مين هة هههههههه ؟

 

[Farida]

اقتباس المشاركة الأصلية كتبت بواسطة عبقرينو مين هة هههههههه ؟

أكبر رأس فى البلد
اللى مستغرباه ماجاش على بالى مطلقا فى الأول يعنى انعام سالوسه تيجى على بالى و هو لأ تخيلوا

 

 

[فــيــروز]

اقتباس المشاركة الأصلية كتبت بواسطة Farida أكبر رأس فى البلد اللى مستغرباه ماجاش على بالى مطلقا فى الأول يعنى انعام سالوسه تيجى على بالى و هو لأ تخيلوا

قولى بقى بلاش تحنيس

 

 

[أحمد باشــا]

جميل جدا الموضوع ده

انا بقى شفت كل الفنانين تقريبا القدام و بعض الجداد ...منهم من يسكن بجواري و آخرين قابلتهم بسبب طبيعة عملي و آخرين في مصايف او اماكن عامة.... لكن دول موش مهم

المهم اني شفت عبد الناصر شخصيا 3 مرات من البلكونة كان بيركب سيارة مكشوفة و يمر امام منزلنا و شقيقي الأصعر كان يناديه بصوت عالي فيرفع رأسه و يشاور بكلتا يديه محييا

و شفت السادات في استراحة القناطر و شفت جيهان السادات اكثر من مرة و سلمتني مرة جائزة و شفت كل عائلة عبد الناصر في ظروف عمل مختلفة و منهم زوجته الفاضلة مرة واحدة احسست فيها انها ام مصرية طيبة القلب

القنبلة .... شفت مناحم بيجن يتجول في شارعنا بيسلم على البوابين و السياس ... و القصة كانت ان مصطفى خليل رئيس الوزراء وقتها نظم اجتماع بينهما في الأسكندرية وقت مباحثات السلام و كانت في فندق فلسطين بالمنتزة ... و عندما علم بيجن انهم سيجتمعون في فندق يحمل اسم فلسطين رفض .... فمصطفى خليل عاقبه بأن جعل الإجتماع في فندق سان جيوفاني الصغير جدا و يومها رأيت عمال الفندق يهجمون على السوق و يحملون اي شئ يجدونه من مواد غذائية و واحد بيوقع عالكميات .... و طبعا بيجن وصل بدري قبل ما يجهز الفندق لإستقباله فتجول على قدميه في الشوارع المحيطة و التي كانت خالية تماما من المارة فلا احد كان يستقبله ... و لكنه بكل برود اخذ يصافح البوابين و سياس الجراجات معرفهم بنفسه انه مناحم بيجن و هم مندهشون لا يعرفونه تماما و لا يفهمون ما يقول ..... برضه قابلت موشيه شاسون سفير اسرائيل السابق في مكتبي و قد اتى لعمل ما و رفضت العمل الذي كان المفروض لصالح شخص مصري ثم اتضح لي بعد مجيئه انه سائقه الخاص

و من الأجانب شفت كرامنليس رئيس وزراء اليونان وقتها و كان يقود سيارته بنفسه في شوارع اثينا و طبعا لم اكن اعرفه فرأيت سائق التاكسي الذي اركبه يصيح اوو كرامنليس و لفظ اوو هو حرف التمييز ال باللغة اليونانية و يسبق الأسم للتفخيم فحسبت انه يحيى رئيس سواقين التاكسي مثلا فسألته من هذا ؟؟؟ فقال لي كرامنليس رئيس الوزراء

و ايضا كنت اقف بطابور لدخول السوبر ماركت في جنيف و خرج رجل عجوز جدا هو و زوجته يجر امامه عربة المشتروات و يضع مشترواته بمساعدة زوجته في السيارة و وجدت الواقفين يصفقون له و هو يخجل منهم فسألت الواقفة امامي في الصف من يكون هذا فقالت لي انه مستشار سويسرا ... و هو منصب يعادل رئيس الجمهورية عندنا

و قابلت " شخصية هامة " فلسطينية كنت احسبه مناضل بحق و وجدت كل اهتماماته بالفتيات و شرائط الأفلام اياها على فكره لسه حي احسن تفتكرو حد تاني

و في ميونخ قابلت كل اعضاء منظمة الأوبيك وقتها و على رأسهم اليماني رئيس المنظمة و موفد السعودية

آه افتكرت .... هههههههههه

شفت حسني مبارك لما كان نائب السادات في مطار النزهة يوم عيد الجيش تقريبا و كنت في استعراض فريق الجودو بنادي سموحة

 

 

[HAMOUDI]

اقتباس المشاركة الأصلية كتبت بواسطة farida أكبر رأس فى البلد اللى مستغرباه ماجاش على بالى مطلقا فى الأول يعنى انعام سالوسه تيجى على بالى و هو لأ تخيلوا

على فكرة انا كنت هاقول كده. بس عما جيت ارد عليكي كنتي سبقتيني
بس شوفتيه ازاي وكان بيعمل ايه؟؟؟

على فكره انعام سالسوه وخيريه احمد من المحببين الى قلبي

 

 

[قائد مدفعيه المطاريد]

انا ما شوفتش حد خالص يمكن علشان محافظتى صغيره و مفيهاش اى عوامل جذب



ده ما يمنعش ان فى واحد من المشاهير بشوفه كل يوم و انا واقف قدام المرايه بسرح شعرى

 

 

[sam 6]

دعوه لموضوعي

تأملاتى ,تخيلاتى , أمنياتى : فى ساعة العصارى .

اقتباس المشاركة الأصلية كتبت بواسطة قائد مدفعيه المطاريد ده ما يمنعش ان فى واحد من المشاهير بشوفه كل يوم و انا واقف قدام المرايه بسرح شعرى

ياااااااااااة تصدق انا برضة شوفتة فى مرايتى .

 

 

[قائد مدفعيه المطاريد]

اقتباس المشاركة الأصلية كتبت بواسطة sam 6 [/color] ياااااااااااة تصدق انا برضة شوفتة فى مرايتى .

اوعى يكون غير اللى انا بشوفه .. هو اسمرانى كده و بنظاره؟ و وسيم جدا فوق ما يتخيله عقل

 

 

[sam 6]

دعوه لموضوعي

تأملاتى ,تخيلاتى , أمنياتى : فى ساعة العصارى .

اقتباس المشاركة الأصلية كتبت بواسطة قائد مدفعيه المطاريد اوعى يكون غير اللى انا بشوفه .. هو اسمرانى كده و بنظاره؟ و وسيم جدا فوق ما يتخيله عقل

هو اخر مرة شفتة كان ابيضانى بس يمكن يكون شكلة اتغير اصل بقالى كتير مرحتش المراية حاجة بتاع تلات سنين كدة .

 

 

[Sonesta]

دعوه لموضوعي

ليالى المطاريد.,,,هل تعلم

اللى كنت متعايشة معاه فعلا

إبراهيم خان كان جارى إلى أن توفى

كان ساكن فى الشقة اللى قبلى بدورين فى العمارة

الله يرحمه كان طيب وكان نفس الشكل اللى فى التليفزيون

وترك إبنه عمرها ثلاث سنوات وزوجته حتى الآن صاحبتى

رغم إنها نقلت فى شقتها الثانية فى المهندسين بعد وفاته مباشرة