نداء إلى لينوكس القاطن بدرب النحاس

[حشيش]

الصحف المصرية والعربية

لينوكس الحبيب

بقى خير فى سلامة وسلامة فى خير

ويابخت من بكانى وبكى عليا ولا ضحكنى وضحك الناس عليا

صلى بينا عالنبى

بقى إحنا هزرنا ورحبنا وسيبناك تكتب ما شاء الله 18 مداخلة ومحدش إتكلم ... ندخل بقى فى الجد ... بقى إنته عارف إن مودست الله يستره ركب لنا استايلات وهاكات وعمل شغل على ميه بيضه ... واوسكا قدم لنا هدية ونقطنا فى الإفتتاح ببانر 4 سلندر 2 كامة ... وإنته يعنى ما تأخذنيش ما شفناش منك لحد النهاردة لا أبيض ولا أسود ... وبعدين زى منته عارف المنتدى فيه حريم ودخول شبان زيك كتير المطرح خصوصاً وإيدك فاضية مش تمام ... آخره يعنى عايزينك تدخل فى أم لوحة التحكم بتاعة المنتدى تعمل لك منظر بدل الخيلة الكدابة اللى إنته عاملها لنا دى ... مش عايز أشوف خرم فى اللوحة ... عارف لو لقيت خرم يدخل نملة حيبقى ده آخر ما بينا ... فكر يابن الناس ورسينا على بر ... مش عايزين نصحى من النوم نفتح المنتدى نلاقى الصورة دى



والسلام ختام

 

[Badroora]

الا يا شيشو صحيح الفلينه دى هالانكا ولا قطن؟!!

عشان بس لينوكس يعرف يحدد نوع الحماية لان على حد علمى على حسب نوع الخامة تكن الحماية

 

 

[ابتسامــة]

نفهم من كده إن لينوكس خبير الأمن والمتانة في الجبل

 

 

[ابتسامــة]

اقتباس المشاركة الأصلية كتبت بواسطة Badria Mekkawy الا يا شيشو صحيح الفلينه دى هالانكا ولا قطن؟!! عشان بس لينوكس يعرف يحدد نوع الحماية لان على حد علمى على حسب نوع الخامة تكن الحماية

يا بدارة لازم تكون كشمير في الشتا
وحرير في الصيف...

لأني سمعت ان لينوكس بيشاور عقله
لما عرف ان المغارة مش في شرم الشيخ

 

 

[حشيش]

اقتباس المشاركة الأصلية كتبت بواسطة ابتسامــة نفهم من كده إن لينوكس خبير الأمن والمتانة في الجبل

ده إسمه نفسه أمن ومتانة ياإبتسامة ... بصراحة منتدى يتواجد فيه عمالقة الأمن والمتانة لينوكس ومودست يبقى قولى على الدنيا السلامة ... بس أرجع وأقولك الحارس الله والصلاة على النبى ... بالنسبة للفنلة يابدرية حبعت للينوكس المكونات الداخلة فى تركيبها على الخاص علشان يحللها ويعرف مين اللى بيفكر يختركنا

 

 

[حشيش]

أخونا العزيز لينوكس أرسل لى رسالة مفادها أنه لن يستطيع لظروف ضغط العمل أن يساهم فى أمور الدعم الفنى بالمنتدى وأنا لم أقصد بهذا الموضوع إلا المزاح معه وجر شكله فقط وبالطبع متفهم لظروفه التى أعرفها مسبقاً وقبل الشروع فى إنشاء هذا المنتدى الصغير مع الأخت العزيزة بدرية مكاوى ولهذا أود أن أتقدم بالإعتذار عن سوء الفهم الذى حدث من طرح هذا الموضوع وقد أوضحت للعزيز لينوكس أننا نريده بيننا كعضو نكن له كل المودة والتقدير طوال السنوات التى عرفناه فيها كلما تيسر وقته بالمشاركة ... تحياتى

 

 

[hoppa]

ربنا يوفقك يا لينوكس و يعينك على متاعب الشغل
و نتمنى نراك بيننا كعضو مشارك مشاركة فعالة
اما امور الدعم الفنى فحشيش و بدرية هيتعلموا و يتصرفوا و ربنا يستر علينابقى هنصحى فى يوم نلاقى المنتدى واقع
و نتسوح احنا بقى