المنتدى في الفترة اللي فاتت

[فالحة هانم]

غبت عن المنتدى حوالي شهرين وحصل بعض الأحداث فيه .. ومن احساسي انه قريب من قلبي اوي .

بعد إذنكم حبيت اشارككم بعض مقتطفات من أرائي في المنتدى الفترة اللي فاتت .

عجبني اوي شوية تعديلات في الجـبل حصلت من فترة وكان نفسي اعلق على بعض .

اول حاجة عجبتني ... إضافة شريط ( آخر التعليقات ) اللي طلع فوق ده وبيمشي بيتمخطر ويبان اسم الكاتب
وعجبني زيادة لما بأة بيتلون .. وحسيت ان طلتها مش غريبة عليا ..قلت تلاقيها طلة من انجازات الأخ الفاضل موديست..

برافو يا معنـمي

واحب بالمناسبة السعيدة دي اهنئ الأخ الفاضل سي الأستاذ حشيش على انجازاته الرائعة في ترتيب المغارة واللي بدأ يطلع بيها من الدور العالي لسطوح العمارة وعقبال الفضائيات

زعلني شوية المشاحنات اللي حصلت .. وكنت بأقول في نفسي :
يااااااه حتى المكان اللي بأحب استريح فيه وأرفه عن نفسي وأقرأ المشاركات المختلفة اللي بتعرف الواحد على الشخصيات من وراء شاشة الكمبيوتر... يحصل فيه كده يا خسارة ..

بس ارجع واقول برضه لنفسي : معلش مش مشكلة .. ما هي مصارين البطن بتتخانق فيها ايه يعني لما الواحد يفك عن نفسه .. وإن شاء الله يرجع اقوى واحسن من الأول ..واهو حصل بفضل الله.

بس انا كان من رأيي نخلي مواضيع المغص دي جوه مش لازم نطلعها بره وشوية بنادول يمشوا الموضوع وإذا لزم مضاد حيوي ميضرش برضه علشان الشـفاء النوهائي .. وعلشان منفرحش فينا المتربصين والمتربصات

بالمناسبة عجبني أوي أوي قرار .. ( إغلاق مركز الحقن المجهري للتوائم المتماثلة )

مع تحيات أختكم فالحة هانم فــالوح