هشام رامز يتحدث عن الازمه الاقتصاديه

[Open Mind]

الصحف المصرية والعربية

اقتباس المشاركة الأصلية كتبت بواسطة tafshan الدين المحلى = الدخل القومى سنة 2010 .. ده الوقت بقى اكثر من الدخل القومى .. يعنى موضوع الخطوط الحمراء دى عديناها من زمان .. احنا مستلمين مركب غرقانه اصلاً ..

معلشي آخر حاجة كنت أتخيلها إني أدافع عن سجل مبارك .. بس هي الحقيقة إن في 2010 كان الدين المحلي 73.6% من الناتج المحلي .. ولما مبارك سقط كان التصنيف الائتماني للدين الحكومي المصري BBB وده تصنيف استثمار وأعلى ب 6 درجات من التصنيف الحالي عند B- اللي هو عميق جدا في مستوى ال Junk .. فالمركب معلش ماكانتش غرقانة ولا حاجة من الناحية دي.

نقطة مهمة كمان لما مبارك مشي كان عجز الموازنة حوالي 8 ونص في المية .. احنا دلوقتي عدينا ال 11 ويمكن نوصل السنة دي ل 13% .. العجز داخل في 200 مليار جنيه في سنة واحدة .. هو ده الغرق الحقيقي ومبارك مش مسئول عنه .. هي دي الحقيقة.

 

 

[tafshan]

اقتباس المشاركة الأصلية كتبت بواسطة Open Mind معلشي آخر حاجة كنت أتخيلها إني أدافع عن سجل مبارك .. بس هي الحقيقة إن في 2010 كان الدين المحلي 73.6% من الناتج المحلي .. ولما مبارك سقط كان التصنيف الائتماني للدين الحكومي المصري BBB وده تصنيف استثمار وأعلى ب 6 درجات من التصنيف الحالي عند B- اللي هو عميق جدا في مستوى ال Junk .. فالمركب معلش ماكانتش غرقانة ولا حاجة من الناحية دي. نقطة مهمة كمان لما مبارك مشي كان عجز الموازنة حوالي 8 ونص في المية .. احنا دلوقتي عدينا ال 11 ويمكن نوصل السنة دي ل 13% .. العجز داخل في 200 مليار جنيه في سنة واحدة .. هو ده الغرق الحقيقي ومبارك مش مسئول عنه .. هي دي الحقيقة.

سيبك من النسبه .. بص يا سيدى :

صافى الدين العام الداخلى والخارجى ارتفع إلى تريليون و253 مليار جنيه، نهاية العام المالى 2010/2011، مقابل تريليون و80 ملياراً فى العام المالى 2009/2010.

يعنى مبارك سلمنا دين 1.08 ترليون و المجلس زود 173 مليار ..

https://www.almasryalyoum.com/node/805031

الدين العام المحلي والأجنبي وصل حتى أكتوبر الماضي إلى تريليون و520 مليار جنيه.

https://www.almasryalyoum.com/node/1348941

يعنى 2012 عملت عجز 347 مليار .. كام منهم مرسي و كام مجلس عسكرى الله اعلم ..

نرجع للنسبه .. اكيد الناتج المحلى قل بسبب الثوره .. فما ينفعش نقارن فتره مستقره بفتره فيها صراع سياسي ..

بالنسبه لعجز الموازنه فده مش ح يتغير لأن حجم الايرادات اقل من المصروفات .. العلاج : تخفيض القطاع العام و الجهاز الادارى للدوله او رفع الضرائب او الاثنين مع بعض .. هل البلد تستحمل اي حل من ده ؟؟

نجيب من الاخر :

البلد حالتها زي الزفت من ايام مبارك و حالياً احنا مستلمين مركب غرقانه : ما تقولش 1.08 ترليون جنيه ديون بيعملوا فوائد بتساوى ربع الموازنه كل سنه ما تبقاش غرقانه ..

الحل اننا نمشى حال البلد كلنا لأن الاخوان لو غرقوا ح نغرق معاهم و ساعتها مش ح يبقى فاضل حاجه يتخانق عليها السياسيين و يرجع البرادعى النمسا و يرجع حمزاوى لندن و اقعد انا و انت نصيف في جمصه سوى ماسكين شواشى بعض و بنقول " ما كانش المفروض يلعبها كده .. كان المفروض يلعبها كده "


تحياتى

 

 

[Open Mind]

النسبة أدق في المقارنة .. والناتج المحلي زاد ماقلش بعد الثورة بس زيادة في حدود الواحد أوالاتنين في المية في السنة .. إنما العجز والدين زادوا زيادة مخيفة سواء حسبتهم بأرقام مطلقة أو بنسب .. وده اللي بيلخصه الهبوط الكبير في التصنيف الائتماني.

بس معاك حق في نقطة إن ماينفعش نقارن فترة مستقرة بفترة فيها صراعات.

تحياتي

 

 

[tafshan]

عموماً ربنا يعديها على خير ..

اللى نقدر نعمله ( عن نفسي و المصريين في الخارج ) اننا نحول فلوس لمصر بالدولار و نسيبهم دولار .. ده ممكن يقلل انحدار الجنيه امام الدولار .. و يبقى عملنا حاجه بدل ما نقضيها نواح ..

تحياتى ..

 

 

[brain]

بالخطأ