حدي يرغي معاااااااااااااااياااااااااااا...

[Sonesta]

الصحف المصرية والعربية

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة princess اها نسيت ببعت سلامي قبل ما امشي لاستاذ انا عنيدي وشانا ومدي و وفا وسونيستا لو حد شفهم يبعتلهم سلامي بللللللللليز

الله يسلم قلبك ياعيونى

واحشانى اوييييييييييييييييييي

عاملة ايه يابنتى

جيتى ومشيتى فجأة كده؟

ياريتك تدخلى تانى وانا بأمر الله حأفوّقك

يارب تكونى شايفانى

لالالازم تيجى

بجد

شغلتبنى عليكى بعد ماقريت مشاركتك ديه

كلنا فى ازمة بجد

وعاملة ايه فى كليتك؟

 

 

[princess]

اقتباس المشاركة الأصلية كتبت بواسطة Sonesta الله يسلم قلبك ياعيونى واحشانى اوييييييييييييييييييي عاملة ايه يابنتى جيتى ومشيتى فجأة كده؟ ياريتك تدخلى تانى وانا بأمر الله حأفوّقك يارب تكونى شايفانى لالالازم تيجى بجد شغلتبنى عليكى بعد ماقريت مشاركتك ديه كلنا فى ازمة بجد وعاملة ايه فى كليتك؟

انا تمام الحمد لله علي كل شئ

حضرتك عامله ايه

انا حولت من الاكاديميه بعد طلوع الروح علشان الادراره هناك زفت وكمان طلع مش معتمد من النقابه ومش عايزين يعملوا المعادله بتاعتنا وياريتني ما حولت المعهد التاني زفت بردك
هما بدأئين من شهر 9 وانا عقبال ما رضيو يدوني بيان الحاله والمقاصه بتاعتي طلعو روحي في الوزاره والاكاديميه حاجه فا المهم حولت اول ما حولت بقه كل معهد خاصه بتبقه ليه لائحه مواد معتمده من الوزاره وكل معهد بمواد مختلفه الا المواد الاساسيه مع اختلف التسميه وكمان الاكاديميه بتاعتي ساعات معتمده واللي انا حولتلوا ترمات قالولي هيبقه اكيد معتمد وفعلا دخلت موقع النقابه ولاقتو متقيد رقم 26 قولت تمام اروح اقدم ومش مهم لو شيلوني مواد ابقه اخدها في الدور التاني روحت وكتبت المقاصه بتاعتي اذا بيا افوجئ اني انا بس موادي كمله لغيت اعدادي هندسه واولي اتصالات نقصلي فيها مادتين من الترم الاول و3 من الترم التاني ده في لائحه المعهد الجديد لكن انا في الاكاديميه كنت اصلا في ثالثه اتصالات المهم قولت لماما وبابا يستحيل احول للمعهد ده روحت شوفت اكاديميه نيو كيرو مرضوش يقبلوني لانهم اخدوا العدد الكافي من التحويلات مع العلم كل اصحابي البنات اتقبلوا وجات علي حظي الزفت والطينه
قولت مش مهم خلاص لانها اصلا كانت بعيده جداا عننا لكن التاني ده قريب مش قوووي يعني بس قريب
ماما قعدت تقنعني وتزن علي وداني زي المره اللي فاتت بالظبط انا اصلا كان الاول جايلي معهد المدينه العالي هندسه بس قلتلي لا ده بعيد هقدملك في واحد قريب احسن وادي النتيجه

رجعت وحطه علي دماغي مئه جزمه للمعهد الزفت اللي متقيد بالنقابه ده لان كل المعاهد اللي سئلت فيها كانت قفلت ابواب التحويل

شوفت واحد في الادراره اسمو استاذ شريف حسسسني ان الدنيا بمبي مش عارفه ايه البرود اللي في ده

قلي احنا هنبعت ورقك علي الوزاره وهنشوف هتحط في انهي سنه المهم قلي المقاصه بتاعتك هتيجي من الوزاره قبل امتحانات الفينل << هاااااااااااااااااااا يا سلام وانا هقعد ده كلوا مش متقيده في المعهد بكلم نفسي طبعا

المهم احضري مع اولي اتصالات المادتين بتاعت الترم ده وبعدين الترم الجاي تحضري معهم ال3 مواد بتاعتوا بردك ماشي ووافقت وروحت حضرت مع اولي اتصالات بقه وخلاص حضرت معهم اسبوع يعني محضرتين وبعدين وانا طلع في يوم السلم لاقت استاذ شريف ده بيشاور ليا تعالي روحت رايحه << يارب خير مش مطمنلك والنعمه من اول ما دخلت الهبب ده
دخلتلوا قلي بصي ياتقي اانا قولتلك احضري مع اولي اتصالات صح صح يا استاذ فا دلوقتي بصي احضري انا قولت اكيد الوزاره مش هتنزلك ده كلوا بصي يابنتي احضري مع تانيه اتصالات حاليا لغيت ما ورقك يجي
بس خلي بالك من محاضرات اولي اتصالات لاني ممكن يخلوكي تمتحنيها <<نعم يا حاج
ازاي يعني احضر مع تانيه ونتظم واحضر مع اولي يعني ايه
المواعيد مش هتتركب فوق بعضها

المهم حضرت مع تانيه اتصالات اللي انا في المقاصه بتاعتهم واخده منها ماده واحده

االباقي 5 مواد منهم ماده انسانيات كده ملهاش اي ستين لازمه بس بيدش في الامتحان ونجيب امتيازات وترفع التقدير وخلاص وكده يعني 4 مواد قول ده تمام قوووووووووووي

الزفت كلوا بقه في دفعه تانيه اتصالات ديه رذلين ورخمين رخامه هاااار اثود

قولت مش مهم لسه مش متعوده عليهم ولا هما متعودين عليكي عادي هتعدي

قولت بلاش اطلب المحاضرات وووش لحسن يفكروني اننا هعرفهم مصلحه وانا مش كده اصلا

اتعرفت علي البنت الفروده بتاعت الدفعه كانت طلعه الاولي علي الدفعه في سنه اولي اتصالات واعدادي كمان هندسه

والله جات معايا بالصدفه يعني مش صحبتها علشان كده المهم قعدت معهم فتره عقبال ما اخدوا عليا وبعدين طلبت المحاضرات وحسيت في الاول انها بتتعمد تجبهالي بس بعد كده عرفت انها بتنسي فعلا المهم اخدت منها المحاضرات بتاعت المواد وقولت بقه اشوف المعيدين علشان يشرحولي لاني مرضتش اتقل عليها واقولها تشرحلي كمان كفايه انها جبتلي مجهودها كلوا

فا روحت للمعيدين كل لما اروح لواحد كلهم فاكرني جيه متأخر ومحوله متأخر بمزاجي زي الناس اللي بتيجي في اخر السنه كده وعايزه تلم المواد وخلاص

وانا كنت فاكره انهم اصلا مش عايزين يشرحولي المهم معيد من المعيدين واحنا قاعدين في السيكشن قولتلوا انا عايزه حضرتك تشرحلي الماده لو سمحت سكت وبعدين قلي خلي حد من اللي معايك في الدفعه يشرحهالك وراح قايل لو سمحت ياشباب حد يشرحلها كان في ولدين معايا ساعتها لان البنات مش كانوا عايزين يحضروا مش عارفه ليه بس قولت انا مليش دعوه راح واحد منهم رد علي المعيد انا مش فاضي علشان اشرحلها
والتاني اانا اصلا مش ذكرت الماده والاتنين ردهم رد بطريقه استهذاء بقت محرجه جداا لما ردوا عليه بالطريقه ديه

هكمل الروايه ديه بعدين لحضرتك ان شاء الله

انا هقوم انام بقه لاني عندي محاضرات بكره تصبحوا علي خير جميعآ

 

 

[مدى]

اقتباس المشاركة الأصلية كتبت بواسطة راضى السلام عليكم يا قوم انتوا با أهل المغارة رحتوا فين هه مافيش حد هنا طيب جنة في قلوبكم كلكم

عاش من شافك أستاذ راضي

 

 

[راضى]

اقتباس المشاركة الأصلية كتبت بواسطة مدى عاش من شافك أستاذ راضي

مدى هانم
ربنا يخليكي
ايه أخبارك ودنيتك عاملة معاك ايه
يارب دايما تكوني بخير وراحة بال

فعلا بقالي فترة كبيرة مادخلتش المطاريد
بس الحقيقة ان معظم الناس هنا وحشوني جدا
والموضوع بتاع الرغي ده وحشني جدا
بس جيت لقيت الموضوع مهجور مش عارف ليه
والناس اللي فيه مش شايفهم في مواضيع تانية
هو الشعب راح فين

 

 

[dreamyeyes]

محبط

 

 

[dreamyeyes]

مضايق

 

 

[dreamyeyes]

عندى اكتئاب

 

 

[dreamyeyes]

اسيب مصر والا اقعد مع الاخوان

 

 

[dreamyeyes]

75757575757575757575

 

 

[dreamyeyes]

السلام عليكم ورحمة الله وبركاته وعليكم السلام ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . كيف حالك إن شاء الله دائما بخير ؟ ألف مبروك .. لقد سعدت بهذا الخبر