أغرب دورى فى العالم ...... الدورى المصرى

[Dr.Samo]

الصحف المصرية والعربية

قرر مجلس إدارة الاتحاد المصري لكرة القدم إلغاء دورة الترقي الثلاثية بين أندية الترسانة والمنصورة وأسوان والاكتفاء بلعب دوري الموسم المقبل بـ19 ناديا فقط.

وذكر اتحاد اللعبة عبر موقعه الرسمي يوم الثلاثاء أن القرار جاء بعد امتناع الأندية الثلاثة عن الحضور لإجراء القرعة يوم الاثنين، فضلا عن رفضهم اللعب والمطالبة بصعودهم جميعا.

ولعبت الأندية الثلاثة دورة ترقي للممتاز خلال الأسبوع الماضي، وتساوت في رصيد ثلاث نقاط في نهايتها مما تحتم إجراء ملحق للدورة خلال الأسبوع الجاري.

ووقعت الأندية على اتفاق ثلاثي لشروط الدورة، ولعبت بالفعل دورة الترقي بنفس الشروط المتفق عليها، ثم عادوا وتراجعوا عن نفس الشروط فى ملحق الإعادة.

ولم تحضر الأندية الثلاثة مراسم القرعة رغم أن اتحاد الكرة أرسل كتابيا لهم مما ترتب عليه إلغاء ملحق الدورة وإقامة دوري الموسم المقبل بمشاركة 19 فريقا.

وكلف مجلس إدارة الاتحاد اللجان والإدارات المختصة بعرض مشروع لشكل الدوري الجديد لإقراره فى مجلس الإدارة وإعلان جدول المسابقة.

وهكذا يخترع الإتحاد المصرى نظاما جديدا للدورى بجعل عدد اندية الدورى رقم فردى فى سابقى لم تحدث فى العالم أجمع ...وبكدا فى فريق هيريح أسبوع ومش هيلعب خالص .....الدورى المصرى ....أم الأجنبى

 

[Dr.Samo]

المصدر : https://www.filgoal.com/Arabic/News.aspx?NewsID=81443

 

 

[ana_3enady]

دعوه لموضوعي

RobertInole

أيوة يا أستاذ علشان تعرف ان الاتحاد المصري لا أي أي ولا زي زي

 

 

[حسام]

السلام عليكم ورحمة الله وبركاته
ولا حول ولاقوة الا بالله
والله العظيم أفعال اتحاد الكورة بتاعنا شبه أفعال ابن المجنونة معمر القذافي
فى افتكاسة جديدة وهي ليست آخر الافتكاسات لكنه سيظل يفتكس لآخر فكسة فى حياته قصرها الله
قرر اتحاد الكرة المصري اقامة الدوري الممتاز 2011-2012 من 19 ناد
بالغاء صعود فريق أخير كثان من الدوري ب
لان الأخوة التلاتة سكر نباتة المنصورة واسوان والترسانة اتفقوا على أنهم مايلعبوش الدورة الثلاثية
ويغصبوا أنهم يلعبوا همة التلاتة مش واحد بس منهم فى الممتاز
و22 مش هتفرق عن 20
وحسبي الله ونعم الوكيل فيك يا زاهر أنت واتحاد الندامة واللى حطكم فى هذا المكان

 

 

[Prof]

يعني هم كده بيتحدوا اتحاد الكورة قوم اتحاد الكورة قالهم ولا انت ولا هو ولا هو الكورة بتاعتي هالعب اللي انا عايزه!
ده اللي حصل يا حس؟

 

 

[حسام]

هقولك انا متابع القصة م الأول
الاتحاد ده-مش الاتحاد الل هبط ورجع تانى-حاصل من الاول
وقرار موحد بين ال3فرق انهم مايلعبوش
ليه تلعب وتخسر كرسيين
لما ممكن ماتلعبشي وتكسب ال3كراسي؟
قوووووووووووووم ايه
قبل البداية
المنصورة بحركة لؤم فلاحين ودقة نقص
قالت لا
انا هلعب
فاضطروا يلعبوا
المنصورة كانت فاكرة انها هتخلص
بعد الدورة ماخلصت
كله لقى المستويات متقاربة
قالك بس
نتفق
ومانلعبشي
ونطلع احنا ال3
وأصلا كل ده تهريج
لأنهم توانى
ولأن ماينفعشي مايحصلشي هبوط
لكن هوة ده اتحاد البلياتشوهات
فيه حاجة فى الدنيا اسمها دورى من عدد فردي؟
بتفكرني لما يونس شلبي فى العيال كبرت بيقول لأحمد زكي
لا دي مش بريزة
دي مكتوب عليها 8
فأحمد زكي رد مشلولا فيه حاجة فى الدنيا مكتوب عليها 8 يا عاطف؟

 

 

[Virus]

اقتباس المشاركة الأصلية كتبت بواسطة حسام المنصورة بحركة لؤم فلاحين ودقة نقص

اوعى يغرك جسمك

احنا ممكن ننقل أسوان نوديها شلاتين ياكابتن..

وبعدين شوف تاريخك وشوف تاريخنا في الممتاز بقى لو سمحت..


سمير زاهر ده عايز ميدان التحرير يركز مع أمه شويه...له روقة برضو

 

 

[Eng Hesham]

طب ماهى دى حاجه كويسه
علشان ميشتكوش من الاجهاد و بتاع
هانديلكوا اسبوع راحه فى نص كل دور علشان تريحوا اللاعيبه

الدورى المصرى ....... ام الاجنبى

 

 

[aymanology]

 

 

[حسام]

فيرس
بسسست بسسست
انا م الدقهلية على فكرة ومقيم فى أسوان بس
ولو حد سالنى منين بقول المنصورة
بس كلمة الحق تتقال
المنصورة فعلا اللى عملت حركة دقة النقص دي