تخفيض التصنيف الإئتمانى لمصر للمرة الرابعة

[حشيش]

الصحف المصرية والعربية

صرحت وكالة "ستاندرد آند بورز" العالمية للتصنيف الائتماني، عبر موقعها الإلكتروني، الخميس، خفض التصنيف الائتماني السيادي لمصر من Bإلى C، مع الإبقاء على النظرة المستقبلية مستقرة.

ووكالات التصنيف الائتماني هي التي تصدر تصنيفها لتقيس مدى قدرة حكومة أو شركة أو مؤسسة ما مقترضة على الوفاء بالتزاماتها المالية لدى الجهة المقرضة، أي أن هذا التصنيف هو شهادة بشأن الوضع المالي للجهة المعنية وهي احدى وكالات تصنيف ائتماني التي صنفها مجلس أوراق المال الأمريكي "كمنظمة معايير إحصائية وطنية معترف بها". وهي تصدر تصنيفات ائتمانية قصيرة وطويلة الأجل.

وتقيّم الوكاله المقترضين بمقياس يبدأ من AAAإلى D وتكون المعايير المتوسطة تكون بين AAو CCC(مثال: +BBBو BBBو-BBB) وتقدم الوكالة عن بعض المقترضين (مايسمى توجيه "مراقبة الائتمان") وماإذا كان من المرجح أن يتم ترقيته (إيجابية) أو خفضه (سلبية) وربما تكون غير مؤكد (محايد).

وبخصوص التصنيفC الذي اعطته اليوم ستاندرد أند بوروز لمصر حسبما ذكرت علي موقعها يعني أن المقرض في خطر وان الدولة المقترضة ربما تكون في حالة إفلاس أو متأخرة عن السداد إلا إنها مازالت تواصل دفع الالتزامات.

يذكر أن وكالة ستاندرد آند بورز للتصنيف الائتمانى قد خفضت تصنيفها طويل الأمد لمصر إلى B- من B مع نظرة مستقبلية سلبية، في ديسمبر 2012، وقالت إن تصنيف مصر معرض لمزيد من الخفض إذا تدهور الوضع السياسي بدرجة كبيرة.

- See more at: https://rassd.com/3-61044.htm#sthash.BqCtnjKb.dpuf

 

[حشيش]

خلينا نقضيها إضرابات واعتصامات ومظاهرات وقطع طرق وبلطجة ومولوتوف!

 

 

[أحمد فاروق]

اقتباس المشاركة الأصلية كتبت بواسطة حشيش خلينا نقضيها إضرابات واعتصامات ومظاهرات وقطع طرق وبلطجة ومولوتوف!

ولا ليها أي تأثير. ليه؟ لأن الريس ربنا معاه. وعلشان تتأكد إن مالهاش تأثير، اقرا كتاب إنجازات الرئيس

 

 

[ysma]

فاضل خطوة واحدة لو عملها د/ مرسى سيكون فيها إنقاذ لمصر:

تحويل إيرادات مصر و خاصة قناة السويس بالعملة المصرية بدلاً من الدولار لأنه بهذه الطريقة سيضطر الناس لشراءه مما يزيد من قيمته..

 

 

[س. نورينجتون]

اقتباس المشاركة الأصلية كتبت بواسطة ysma فاضل خطوة واحدة لو عملها د/ مرسى سيكون فيها إنقاذ لمصر: تحويل إيرادات مصر و خاصة قناة السويس بالعملة المصرية بدلاً من الدولار لأنه بهذه الطريقة سيضطر الناس لشراءه مما يزيد من قيمته..

البلد مينفعش تمشى منغير عُملة صعبة , و بعد إنهيار السياحة , لم يعد للدول مصدر فى العُملة الصعبة سوى القناة

 

 

[Eng Hesham]

اقتباس المشاركة الأصلية كتبت بواسطة ysma فاضل خطوة واحدة لو عملها د/ مرسى سيكون فيها إنقاذ لمصر: تحويل إيرادات مصر و خاصة قناة السويس بالعملة المصرية بدلاً من الدولار لأنه بهذه الطريقة سيضطر الناس لشراءه مما يزيد من قيمته..

بالعكس دا هايسبب انهيار اكبر للجنيه
لان التجارى هايشترى من السوق السودا علشان سعرها هايبقى اعلى من الرسمى
وبالتالى انت فقدت المصدر الاخير للعمله الصعبه

 

 

[جرديز]

يخلي دخل القناة بالجنيه ده اذا كان شبه مستكفي ومش بيستورد , فمش عايز عملة صعبة .
تخفيض التصنيف الائتماني متوقع وليس له علاقة بعدم الاستقرار الداخلي .
ده حاجة كده زي الراجل اللي بيسابق ضله .
طول ما انت بتستلف , هتستلف اكتر . لأن فوائد الدين القديم بتبقى عاوزة دين جديد يسددها ... وهكذا .
فبيحصل تخفيض لتصنيفك الائتماني عشان ما تفضلش تستلف فلوس العالم عارف انك مش هتسددها في الأجل المنطقي .
الحل واحد مفيش غيره , هو ثلاثة خطوط متوازية
الخط الأول هو التوقف فورا ونهائيا عن الاقتراض الخارجي .
طب هنجيب عملة صعبة نستورد بيها منين , ده بقى الخطين التاليين .
الخط الثاني هو تقليص الاستيراد الى اقل اقل اقل مستوياته , وقصره على السلع والخدمات الاستراتيجية التي لا يمكن الاستغناء عنها بحال .
مش تنزل السوق تلاقي شوكولاتة مستوردة وبعدين تقولي تخفيض التصنيف الائتماني !!!
مين ده اللي بيسمح في الظروف اللي احنا فيها دي باستيراد شامبو وكريم وسيارات فارهة وشوكولاتة !!!
الخط الثالث , تعظيم التصدير وتوفير جميع التسهيلات له . وده لازم يقترن بإدخال قيمة مضافة على السلع والخدمات المصدرة بحيث يتضاعف عائد تصديرها . زي القطن مثلا . تصديره كمنتج مصنوع ( Linens ) يساوي اضعاف اضعاف اضعاف تصديره خام .
واحنا بنصدره خام لعدم وجود رؤية حقيقية لعمل صناعة موضة قطن .
نفس الكلام في البترول والغاز والحديد وبعض انواع الخضراوات والفواكه ( الممكن إضفاء قيمة عليها ) .
يبقى يصدر قرار بمنع تصدير الخام .

بالشكل ده مش هيبقى فيه اساسا احتياج للهاث وراء التصنيف الائتماني ( اللي هيرتفع لوحده ) .
لأن البعض فاهم ان مصر بتقترض من الصندوق الدولي عشان تصرف على الناس . ده مش صحيح . هي بتقترض عشان تخدم الدين القديم وعشان تستورد وعشان كمان تستلف قرض جديد , يعني على طريقة أسرة فقيرة بتستلف عشان تشتري كيس بقسماط مطحون بدلا من ان تقوم بتجميع بقايا الخبز الهالك لديها وتحميصه ثم طحنه واستخدامه في القلي .
ألمانيا نجت من الأزمة الأوروبية بفضل صادراتها . حجم الصادرات في ألمانيا مهول لدرجة لا توصف .
مع ان واردات ألمانيا ضخمة جدا برضه وتخرب بيت اي دولة . لكن حجم صادراتهم بلع الزيادة في الواردات واستوعبها .

 

 

[Samuel]

اقتباس المشاركة الأصلية كتبت بواسطة ysma فاضل خطوة واحدة لو عملها د/ مرسى سيكون فيها إنقاذ لمصر: تحويل إيرادات مصر و خاصة قناة السويس بالعملة المصرية بدلاً من الدولار لأنه بهذه الطريقة سيضطر الناس لشراءه مما يزيد من قيمته..

استاذ ياسر سؤال من اخوك الصغير
من اين لك بمصدر هذه المعلومه الاقتصاديه دى ؟؟؟

 

 

[Samuel]

على فكرة كلام الاستاذ جرديز جدير بالاحترام
و لكن يبق العائق الاكبر ان تفعيل هذه النظريه عايز ناس عندها فكر اقتصادى عالى لكن مع هذه القيادات السياسيه و اختيارهم العشوائى لناس لا خبرة لهم او علم حتى لادارة شئون البلاد لم و لن تنجح
عارفين احنا عايزين صنايعى زى بطرس غالى
ايه خلصتو شتيمه
عارفين مثلنا القديم اعطى الخبز للخباز حتى لو اكل نصفه
الاقتصاد ده لعب كبير و لازم تقرا كتير علشان تفهم سياساته النقديه و سياسات السوق و امتى تنزل مشروع جديد للتدوير العجله و امتى تعلى الفايده و امتى تعلى سعر الدولار (الى بيحصل فى مصر دلوقتى سمك لبن تمر هندى)
انا فاكر سنه ٢٠٠٨ فى كارثه البنك الامريكى نزل مشروعين رفعو البلد فى وقت كان المفروض البلد تبقى فى اسواء حالاتها الاقتصاديه
المشروعين دول ابنى بيتك و مشروع التاكسي فاكرين (ده صنايعى او خباز اللى عملهم)
المعروف ان صناعتى البناء و السيارات من اكثر الصناعات التى تقوم على عماله كثيفه و بالطبع كل ما يتعلق بها
بمعنى بتبنى يعنى عايز حديد و اسمنت و طوب و سيراميك و اسلاك و رمل و نقل و مقاول و عمال ....الخ
فى السنه دى نزل حوالى ٦٠ الف قطعه ارض على ما اتذكر فى مدينه ٦ اكتوبر وحدها
هو ده الفكر و هى دى الدماغ مش
سلفنى شكرا

 

 

[جرديز]

يا صمويل بطرس غالي انتحار . وعكّاك على فكرة ياريته شاطر حتى .
انت يا باشا لو دخلت بس مركز الاهرام للدراسات الاقتصادية ... هتطلع وفي ايدك ميت خبير والف دراسة .