الظواهري: إذا لم تجلب المظاهرات الإسلاميين للحكم فإن العنف سيكون إلزاميًا.

[Raouf]

الصحف المصرية والعربية

الظواهري: إذا لم تجلب المظاهرات العربية الإسلاميين للحكم فإن العنف سيكون إلزاميًا.

في أول رد فعل صريح منذ اندلاع ثورات العالم العربي، اعتبر تنظيم القاعدة، «ثورات التغيير» التي اندلعت في الأشهر الماضية، «هبة من الله»، وأنها تصب لصالح «الثورات الإسلامية» التي تقودها «القاعدة» في تلك البلاد وخاصة مصر، مضيفاً أن تلك الانتفاضات العربية تعتبر «قفزة إلى الأمام» بالنسبة لمجاهدي القاعدة.
وقال أيمن الظواهري، الرجل الثاني في تنظيم القاعدة، في مقاله «خطط مابعد الثورة» في العدد الخامس من مجلة Inspireالإلكترونية التي تصدر عن «تنظيم القاعدة» باللغة الإنجليزية، إن القاعدة ليست ضد «الثورات والمظاهرات السلمية» التي تُطيح بالديكتاتوريات؛ ولكنها ضد «استخدام القوة في تلك التظاهرات»، مستطرداً أنه ما لم تجلب المظاهرات السلمية الإسلاميين لحكم البلاد؛ فإن «استخدام العنف يعد أمراً إلزامياً».
وأوضح الظواهري أن الإسلاميين عليهم تغيير الأنظمة الفاسدة في بلادهم عبر «كسب تعاطف شعبي تجاه حركة المجاهدين الإسلامية»، مضيفاً أن ما تريده واشنطن من مصر هو إما «حكومة مستبدة» أو حكومة «ديمقراطية يحكمها حزب واحد أو أحزاب عدة تتصارع فيما بينها حول خلافة الحكم».
بينما أكدت افتتاحية المجلة أنه «ما لم يستخدم الثوار الليبيون الأسلحة في احتجاجاتهم ضد نظام العقيد معمر القذافي؛ لكانت انتفاضتهم قد انكسرت»، مشيرةً إلى «تفاؤل تنظيم القاعدة بما هو قادم من أحداث».
في المقابل، قال أنور العولقي، أحد أعضاء تنظيم القاعدة في شبه الجزيرة العربية في مقاله «تسونامي التغيير»، إن «إخواننا المجاهدين في تونس ومصر وليبيا وبقية العالم حصلوا على فرصة للتنفس مرة أخرى بعد ثلاثة عقود من الاختناق»، مضيفاً أن «العلماء والناشطين في مصر أصبحوا قادرين على التحدث مرة أخرى بحرية».
وأضاف العولقي أن الثورات في العالم العربي التي تقودها وتغذيها «الحركات الشبابية والديمقراطية تشكل نكسة للجماعات المتطرفة»، موضحاً أن «القاعدة لا تعرف بعد ما ستكون عليه النتائج في أي دولة بعينها وأن النتيجة لا ينبغي أن تكون بالضرورة حكومة إسلامية، لنعتبر أن ما حدث خطوة في الاتجاه الصحيح».

 

[Prof]

أنا لسه معلق على نفس الموضوع

 

 

[Prof]

اقتباس وقال أيمن الظواهري، الرجل الثاني في تنظيم القاعدة، في مقاله «خطط مابعد الثورة» في العدد الخامس من مجلة Inspireالإلكترونية التي تصدر عن «تنظيم القاعدة» باللغة الإنجليزية، إن القاعدة ليست ضد «الثورات والمظاهرات السلمية» التي تُطيح بالديكتاتوريات؛ ولكنها ضد «استخدام القوة في تلك التظاهرات»، مستطرداً أنه ما لم تجلب المظاهرات السلمية الإسلاميين لحكم البلاد؛ فإن «استخدام العنف يعد أمراً إلزامياً»

يعني الحركات اﻹسلامية بعمومها قبل 25 يناير ترفض المظاهرات عشان العنف والقوة.. وبعدين لما تنجح المظاهرات في إسقاط الديكتاتور ونظامه.. تيجي بأة بالقوة.
قعدنا عن مشاركة أهلنا في تغيير المنكر وفي مواجهة الظلم واﻵن لا بأس في مواجهة أهلنا وقتالهم بعد أن ذهب الظالم.

 

 

[ana_3enady]

دعوه لموضوعي

RobertInole

ممكن أعلق من غير ما أتوقف ؟!!!!!!!!!!!!!!!!

 

 

[AlexG]

ربنا ينتقم منه هوا وبن لادن ... كانو السبب فى ضياع افغانستان والعراق

وبيدوروا على مصر ....

الحكم الاسلامى جاى لانها ارادة شعب ... مش بالعنف ولا الارهاب ولا ممكن هنكون جزائر جديدة ياقتلة

فكركم اثبت فشله وافلاسه ... وكلنا هنقفلكم بالمرصاد

 

 

[savary]

اقتباس المشاركة الأصلية كتبت بواسطة ana_3enady ممكن أعلق من غير ما أتوقف ؟!!!!!!!!!!!!!!!!

تصدق يا عندى

انا كنت هعمل توبك عشان الموضوع دا

بس خفت الاداره تفهم انى بهاجمهم و بعمل تكتلات و كدا

مع انى كنت هعمله فى باب مواضيع شخصيه - بعيد عن الباب الادارى .


طيب بالله حد يفهمنى - وينوبه فيا ثواب

دايما بأتهم انى سليط اللسان و الفاظى حاده و خشنه و غير مهذب

دلوقتى حد زى الفاضل الظواهرى دا عاوز ايه ؟؟

يعنى ايه ( العنف ) هيكون لازم ؟؟؟

لما اقول ان دا تهديد و دى بلطجه و دى قله أدب -------- أبقى انا قليل الادب ؟؟

ابقى انا وصفت من اختلف معاه بأوصائف لا تليق !!

نفس الوضع مع الأخ اللى كان بيقول (ليبراليه يعنى امك متلبسش حجاب !! وقعدت يكيل السباب للدكتور البرداعى و يتهمه فى عرضه و شرفه ووطنيته وانتمائه و يقول ياللى ضيعت العراق , ياللى بنتك متجوزه نصرانى وهو كله كلام كدب وخالى من الصحه )

لما اقول ان دى عقليات جحشيه و ان دا جهل صرف و قله أدب برده

ابقى انا قليل الأدب ؟؟

ابقى انا وصفت من اختلف معهم بأوصاف لا تليق ..؟؟

طيب بعد اللى بيصرحوا بيه دا او بيقولوه دا

ماهى الاوصاف التى تليق و اللى ينفع الواحد يستخدمها معاهم ...؟؟

بلال فضل كان وصف اصحاب موقعه الجمل من اعضاء الحزب الوطنى و الداخليه
انهم عقليات جحشيه !

برده هنا كان قليل الأدب .؟

ماهو بجد احيانا الواحد مش بيلاقى اوصاف تانيه تناسب جرم ما يفعله او يقوله هؤلاء

هم لم يكنونوا مهذبين فكيف نكوت مهذبين معهم ؟؟

 

 

[brain]

اقتباس المشاركة الأصلية كتبت بواسطة Prof يعني الحركات اﻹسلامية بعمومها قبل 25 يناير ترفض المظاهرات عشان العنف والقوة.. وبعدين لما تنجح المظاهرات في إسقاط الديكتاتور ونظامه.. تيجي بأة بالقوة. قعدنا عن مشاركة أهلنا في تغيير المنكر وفي مواجهة الظلم واﻵن لا بأس في مواجهة أهلنا وقتالهم بعد أن ذهب الظالم.

بصراحه انا فهمت غير كده
اللي فهمته و يمكن انا غلط
انا اذا كانت الثوره المصريه مثلا فشلت في اسقاط نظام مبارك
فأنه لزاما على التنظيمات الاسلاميه استخدام العنف
لازاحة هذا النظام

 

 

[شينكاوي]

الشيخ لا يتحدث عما بعد الثورة إنما يتكلم عما هو قبل الثورة فهو يقول ان لو لم تنجح الثورة السلمية في ازاحة حكم مبارك لكان لزاماً للعنف ان يفعل , رد فعل بعض الزملاء يذكرني بقصة غير قصة الكهرمان الشهيرة ألا وهي قصة تتحدث عن ان احد طلبة العلم قرأ ان النبي صلي الله عليه وسلم دخل بإحدي زوجاته في شوال ( شهر شوال ) ولكن الأخ قرر ان يدخل بزوجته في شوال ( قنطار) معتقداً انه يستن , الواحد منهك وملوش نفس يضحك بس يجد يقال ان شر البلية ما يضحك ولن ازيد علشان محدش يزعل .

 

 

[savary]

اقتباس المشاركة الأصلية كتبت بواسطة شينكاوي الشيخ لا يتحدث عما بعد الثورة إنما يتكلم عما هو قبل الثورة فهو يقول ان لو لم تنجح الثورة السلمية في ازاحة حكم مبارك لكان لزاماً للعنف ان يفعل , رد فعل بعض الزملاء يذكرني بقصة غير قصة الكهرمان الشهيرة ألا وهي قصة تتحدث عن ان احد طلبة العلم قرأ ان النبي صلي الله عليه وسلم دخل بإحدي زوجاته في شوال ( شهر شوال ) ولكن الأخ قرر ان يدخل بزوجته في شوال ( قنطار) معتقداً انه يستن , الواحد منهك وملوش نفس يضحك بس يجد يقال ان شر البلية ما يضحك ولن ازيد علشان محدش يزعل .

يبقى مش غلطنا يا كبير

غلطه الجريده المدلسه اللى نشرت الخبر دا فى الوقت دا
ولم تشر ان التصريح كان قبل الثوره

لانى فهمتها زى ما فهمها مستر برووف

الظاهر الواحد بقى عنده فعلا حاله فوبيا من الاسلام السياسى


بس كويس انك هنا يا عم شينكاوى

دلوقتى يعنى هى حاجه من اتنين
- ياما طاعه مطلقه وعمياء للحاكم مهما يتقلو يعذب ويسرق وينهب و يهتك الاعراض ويذل البشر
برده نفضل نحرم الخروج عليه

- يا اما نشيل سلاح و نزيل الحكم بالقوه , يعنى حرب اهليه وشهداء وناس بتموت ملهاش ذنب
زى الجزائر اللى راح فيها 250 الف شهيد فى دوامه العنف دى

مفيش طريق تالت ابدا !!
التظاهر السلمى او الاعتصام السلمى او الاضرابات او العصيان المدنى

يا تنتن يا تنتن !!

 

 

[savary]

يعنى بعد اللى حصل فى تونس واللى حصل فى مصر

واسقاط نظامين من اشد الانظمه القمعيه الفاشيه اللى اذاقت شعبها المرار و التعذيب والظلم وهتك الاعارض والتجسس على الناس ومحاربتهم فى قوتهم و معيشتهم

ودا كان بالتظاهر السلمى والاعتصام السلمى

مش شايف ان فكره تحريم المظاهرات و تحريم الخروج السلمى على الحاكم الظالم والطاغى

محتاجه مراجعه ؟