عيشوا الوهم مع محمد مرسى

[رؤيا]

الصحف المصرية والعربية

فريق تدريب لـ«مرسى» الإتيكيت.. والدرس الأول: «افتح صدرك»




مرسي اثناء حلفه اليمين في ميدان التحرير

إشارات وإيماءات الدكتور محمد مرسى رئيس الجمهورية فى خطاباته ولقاءاته وأشهرها «فتح الجاكيت» أثناء خطابه الثورى فى ميدان التحرير، لم تكن وليدة الصدفة بل نتيجة تدريبات خاضها الرئيس مع فريق مكون من خمسة مدربين فى فن الخطابة والتنمية البشرية والتعبيرات الجسدية أو (body language)، ومهمة هذا الفريق تعليم الرئيس الإتيكيت فى تعامله مع رؤساء وزعماء الدول وفى خطبه ولقاءاته، لتتميز بالقوة ولا تكون مجرد كلام مرسل.

من الفريق المكلف بتدريب مرسى، صلاح عبدالمقصود وزير الإعلام، وياسر على المتحدث باسم الرئاسة، بالإضافة إلى أستاذ فى كلية الإعلام ومدرس تنمية بشرية ومدرس لتعليم «البادى لانجوتش».

أحد أعضاء فريق مرسى أكد لـ«الوطن» أنه كان لا بد من تأهيل الرئيس لأن كل إشارة أو حركة بالجسد تصدر منه تكون محسوبة، وقال إنه بدأ مع الرئيس بعد جولة الانتخابات الرئاسية الأولى التى صعد فيها مرسى مع منافسه الفريق أحمد شفيق، فقبل جولة الإعادة رأت جماعة الإخوان المسلمين أنه لا بد من تدريب مرسى على كيفية إلقاء خطابات رنانة خاصة أنهم كانوا متأكدين من نجاحه فى الانتخابات.

التدريبات كانت فى البداية مكثفة وبطريقة دورية وكان الفريق يذهب إليه فى منزله خاصة بعد أول خطاب له عقب توليه الرئاسة، لأن هذا الخطاب من وجهة نظر الفريق وجماعة الإخوان المسلمين كان سيئا للغاية ويحتوى على مشاكل فنية كثيرة، ولم يحسن مرسى فيه التعبير بالوجه والنظرات، كما أنه استرسل فى نقاط عديدة خاصة أثناء توجيه حديثه لأصحاب المهن المختلفة.

ملاحظة أخرى رصدها الفريق فى خطاب مرسى الأول وهى أنه كان مهزوزا فى طريقة إلقائه للخطاب، فتم تدريبه على كيفية الثقة بالنفس وعدم التوتر من أى سؤال يوجه إليه.

تم تدريب مرسى أيضا على الكلام المركز والجمل التى تصلح لتكون مانشيتات صحف وتليفزيون، مثل جملة «أقول للمتطاولين لا يغرنكم حلم الحليم» خلال خطابه فى حفل تخريج دفعات جديدة من الكلية الحربية، وفتحه الجاكيت أثناء حلفه اليمين فى ميدان التحرير.

تدريبات مرسى تشمل أيضا طريقة جلوسه أثناء التصوير التليفزيونى وفى زياراته الخارجية وطريقة نظرته إلى الكاميرا. وتدخل فريق التدريب فى ملابس مرسى واختياره للبدل، واعترض على ارتدائه بنطلونا و«جاكيت» من لونين مختلفين أثناء ظهوره فى ميدان التحرير، فحظر الفريق على مرسى ارتداء جاكيت من لون مختلف عن البنطلون

 

[ysma]

ما السبب فى تحامل بعض الناس على الرئيس مرسى و كأنه أسوأ من مبارك أو السادات أو غيره بالرغم أنه لم يمضى على توليه الرئاسة بضعة شهور فقط؟

سأكررها للمرة العاشرة إنه لو حكمنا النبى نفسه, ستجد من يعيب عليه....

 

 

[رؤيا]

اقتباس المشاركة الأصلية كتبت بواسطة ysma ما السبب فى تحامل بعض الناس على الرئيس مرسى و كأنه أسوأ من مبارك أو السادات أو غيره بالرغم أنه لم يمضى على توليه الرئاسة بضعة شهور فقط؟ سأكررها للمرة العاشرة إنه لو حكمنا النبى نفسه, ستجد من يعيب عليه....

ده مش تحامل ده اسمه كشف المستور

 

 

[waleedelrefiey]

اقتباس المشاركة الأصلية كتبت بواسطة رؤيا ده مش تحامل ده اسمه كشف المستور

بفرض صحة المقال و التصريحات
ما هو المستور الي أنكشف؟

يعني مثلا مرسي الي بيطلع لينا ده مش مرسي الي احنا انتخبناه؟

كله عادي و شئ طبيعي و رؤساء دول بيحطو مكياج كان قبل ما يطلعوا في أي حوار

 

 

[رؤيا]

اقتباس المشاركة الأصلية كتبت بواسطة waleedelrefiey بفرض صحة المقال و التصريحات ما هو المستور الي أنكشف؟ يعني مثلا مرسي الي بيطلع لينا ده مش مرسي الي احنا انتخبناه؟ كله عادي و شئ طبيعي و رؤساء دول بيحطو مكياج كان قبل ما يطلعوا في أي حوار

ايوة تمام انت كده كلامك مظبوط

لكن ميجيش يضحك على الناس و يقولهم انا جاى و فاتح صدرى

يعنى من الاخر ميعملش بطل قومى و التصرفات مش نابعه من جواه

****** ماهو كله تمثيل فى تمثيل سيبك انت انا قايمه اتفرج على تاكسى السهرة

الافلام الامريكية محبوكة اكتر من المرسية

 

 

[tafshan]

اقتباس المشاركة الأصلية كتبت بواسطة رؤيا ده مش تحامل ده اسمه كشف المستور

هو فين المستور ؟؟

ده خبر ايجابي جداً في مصلحة مرسي ..

لو الخبر ده اتكتب عن اوباما .. كانت التعليقات ح تبقى ايه ؟؟

شفتوا الطريقه العلميه ؟؟

ما بيسيبوش حاجه للصدفه ..

طبعاً مش ممكن رئيس مصري يعمل كده !!!


الحقيقه انا شايف ان "لو" فعلاً الرئيس بيستعين بخبراء لتحسين ادائه .. فهو شيئ يستحق الاحترام ..

و "لو" الاخوان فعلاً كويسين قوى كده و مش بيسيبوا حاجه للصدفه .. يبقى يستاهلوا يبقوا حزب الاغلبيه ..

بس خلاص !

 

 

[waleedelrefiey]

اقتباس المشاركة الأصلية كتبت بواسطة tafshan هو فين المستور ؟؟ ده خبر ايجابي جداً في مصلحة مرسي ..

تحياتي يا ريس

 

 

[waleedelrefiey]

اقتباس المشاركة الأصلية كتبت بواسطة ysma ما السبب فى تحامل بعض الناس على الرئيس مرسى و كأنه أسوأ من مبارك أو السادات أو غيره بالرغم أنه لم يمضى على توليه الرئاسة بضعة شهور فقط؟ سأكررها للمرة العاشرة إنه لو حكمنا النبى نفسه, ستجد من يعيب عليه....

بس لو كان شفيق الهربان ... بقي الرئيس
الي مرة يحترم القضاء لم رجعه الأنتخابات و مرة يقول عليه مسيس
مكنتش لقيت المواضيع دي أصلا

 

 

[waleedelrefiey]

اقتباس المشاركة الأصلية كتبت بواسطة رؤيا ****** ماهو كله تمثيل فى تمثيل سيبك انت انا قايمه اتفرج على تاكسى السهرة

الفرق
**** أنثي
و مرسي رجل

 

 

[محمد علي عامر]

طبيعي أن يكون هناك تدريب لأي رئيس على البروتوكولات المتعلقة بمقابلة غيره من الرؤساء من مختلف بلاد العالم
ولكن بما أن صحيفة الوطن بتحب الدكتور مرسي فزودت التوابل والبهارات كي يخرج الخبر بتلك الصورة.