Positive Canada

[3omda To]

الصحف المصرية والعربية

اقتباس المشاركة الأصلية كتبت بواسطة memma التايم فاكتور....فى مصر الزمن=صفر (ملف المستفبل)

المسافة = السرعه X الزمن
لما الزمن يبقى صفر (الوقت مالهوش قيمة)
يبقى مهما جريت بسرعه
مش هتنجز حاجه وتعبك على فاشوش (المسافه صفر)

وان جريت جري الوحوش غير رزقك ما تحوش

د٠ عتريس عتريس

دكتوراه في فيزياء الكم ومعلم الوميتال

 

 

[Amro Elsayed]

حبيبي يا دكتره


بص بقي يا سيدي لا تقولي مستقبل عيال و الكلام الكبير بتاع الاخلاق و الكويسين و الوحشين انا مسافر عشان اعيش حياه احسن

عشان ابني يتربي في بيئه محترمه عشان لما اكون عايز اتفسح الاقي مكان اتفسح فيه عشان لما احب اشتري حاجه ابقي عارف اني بشتريها بتمنها المظبوط الخ الخ الخ الخ


انا رايح هناك عشان انا زهقت من هنا ولو هناك مطلعش مختلف عن هنا وطلع هوا هوا هنا

انا هدور علي هناك تاني مختلف واروح فيه ....... بس


انا عايز اعيش سعيد عايز اصحي الصبح وعلي وشي ابتسامه مش اصحي شايل هم الحر و الرمل والجيوب الانفيه

وهم النهارده هعمل ايه واسوي ايه ؟؟؟؟ يا عم قناوي انا عايز اعيش سعيد بس عايز هموم كتير تقع من دماغي هم الفلوس و التوفير والتعليم والصحه وهموم كتير

عايز اشتغل و انتج و الاقي نفسي ايه يعني ما ادرس حاجه تانيه ولا اشتغل شغلانه بسيطه لو حد اتفرج علي خواطر النهارده بتاعت احمد الشقيري ........

كان هيرد علي السؤال ده بكل بساطه لما سال واحد وقاله ايه معني وطن ؟؟؟

 

 

[Dr-Alrefa3y]

المميزات كتيرة جداا يا د.قناوى وايضا المعوقات معروفة

لكن السؤال الاهم هل مع كل تلك الميزات هى ضمان لشعورك بالرضى والسعادة ؟
بتختلف حسب طموح واولويات كل شخص

ارى انها مسألة فردية ,قد تجد فى كندا كل ماتتمنى وعدم تعرضك لمعظم سلبيات بلدنا
ولكن بالرغم من ذلك تشعر بعدم الراحة او قد تشعر بكامل الرضى

قد يضخم بعضنا من سلبيات كندا بشكل كبير وبالذات فى البدايات ,لكنه سرعان مايغير رأية اذا نجح فى البلد وقد يظل على رأية اذا فشل فى تحقيق تقدم ما دراسيا او وظيفيا

طبقا لمدى طموحك واولياتك قد ترضى اولا ترضى
فيه ناس بتعتبر كندا البداية وناس بتعتبرها فترة الاستجمام وناس بتعتبرها حلقة وصل وناس بتعتبرها بريستيج والمعظم بيعتبرها حياة

 

 

[السيد ميدو]

احنا فى لاندنج حاليا بمونتريال
الايجابيات== النظام واخلاق الناس وحسن المعامله
السلبيات=== الاسعار نارررررررررررررررررررر واعتقد ان فرص العمل قليله
مع العلم انى اعمل بالسعوديه بمرتب عالى جدا ومع ذلك سوف اضحى وسأستقر بكندا مع يقينى من عدم التمكن من مزاولة مهنه الطب الا بعد حصولى على معادله==وحيث انها من المستحيلات == وهذا ماسبب لى كثير من الاحباط---- الا ان الانسان لايأخذ كل شئ مره واحده--ويجب موازنة الامور حتى لو ضحيت بمهنتك التى تعشقها وذلك فى سبيل أشياء اخرى

 

 

[elmadysm]

دعوه لموضوعي

CharlesSwide

اقتباس المشاركة الأصلية كتبت بواسطة qenawy يوسف بك ارفع القبعة تحية لحضرتك بس يعني اول فترة بقي ومافيش شغل عدل ووضعية الواحد اللي متعود عليها انا منتظر الافاضة من حضرتك

بص يا دكتور قناوى
انت جيت للكلام الصعب

نفترض انك هتبدأ فى المعادلة و دى هتاخد شويه وقت
بس انت لما دخلت كليه الطب ودرست 6 سنين كنت بتنظر الى مابعد ال6 سنوات
هى نفس القصة

طيب هاعمل ايه ؟
اولا اعرف الميزانية المتوقعه شهريا واضربها فى المدة = المصروفات المتوقعه
ثانيا كيف اغطى المصروفات
1 فلوسى
2 شغل مناسب لك
3 ممكن فكرة مشروع
4 تقليص المصروفات

وكل واحد له وجهة نظر

وهنا فى المنتدى اراء كتير عن الميزانية الشهرية ممكن تبقى كام

 

 

[3omda To]

اقتباس المشاركة الأصلية كتبت بواسطة Dr-Alrefa3y طبقا لمدى طموحك واولياتك قد ترضى اولا ترضى فيه ناس بتعتبر كندا البداية وناس بتعتبرها فترة الاستجمام وناس بتعتبرها حلقة وصل وناس بتعتبرها بريستيج والمعظم بيعتبرها حياة

الكلام ده كبير
انا مشكلتي اني لسه مش عارف كندا تبقى بالنسبة لي ايه
لا يا حبيبتي اطمني ,, الجواب عندك لائيه
لما تجري جوه دمي ,, لما تبقي كل همي
لما اعيش وياكي حلمي ,, تبقي بالنسبه لي ايه ؟

 

 

[elmadysm]

دعوه لموضوعي

CharlesSwide

واحد صاحبى من بلد عربى
جاى بقاله سنة
كان معاه 10.000 دولار
عنده 3 اولاد
بيشتغل سكيورتى
الايرادات =1200 اعانة الاطفال +حوالى 1300 من الشغل =2500 دولار شهريا
المصروفات = حوالى 2500 (سكن + معيشة + سيارة + فسح + ................)

بعد سنة
رصيد البنك = 7000 دولار


لو عاوز تعرف ازاى

افتح ال
skype

 

 

[Dr.Samo]

اقتباس المشاركة الأصلية كتبت بواسطة 3omda To الكلام ده كبير انا مشكلتي اني لسه مش عارف كندا تبقى بالنسبة لي ايه لا يا حبيبتي اطمني ,, الجواب عندك لائيه لما تجري جوه دمي ,, لما تبقي كل همي لما اعيش وياكي حلمي ,, تبقي بالنسبه لي ايه ؟

مين .... العمده هانى شاكر

 

 

[Rapt]

اقتباس المشاركة الأصلية كتبت بواسطة Amro Elsayed حبيبي يا دكتره بص بقي يا سيدي لا تقولي مستقبل عيال و الكلام الكبير بتاع الاخلاق و الكويسين و الوحشين انا مسافر عشان اعيش حياه احسن عشان ابني يتربي في بيئه محترمه عشان لما اكون عايز اتفسح الاقي مكان اتفسح فيه عشان لما احب اشتري حاجه ابقي عارف اني بشتريها بتمنها المظبوط الخ الخ الخ الخ انا رايح هناك عشان انا زهقت من هنا ولو هناك مطلعش مختلف عن هنا وطلع هوا هوا هنا انا هدور علي هناك تاني مختلف واروح فيه ....... بس انا عايز اعيش سعيد عايز اصحي الصبح وعلي وشي ابتسامه مش اصحي شايل هم الحر و الرمل والجيوب الانفيه وهم النهارده هعمل ايه واسوي ايه ؟؟؟؟ يا عم قناوي انا عايز اعيش سعيد بس عايز هموم كتير تقع من دماغي هم الفلوس و التوفير والتعليم والصحه وهموم كتير عايز اشتغل و انتج و الاقي نفسي ايه يعني ما ادرس حاجه تانيه ولا اشتغل شغلانه بسيطه لو حد اتفرج علي خواطر النهارده بتاعت احمد الشقيري ........ كان هيرد علي السؤال ده بكل بساطه لما سال واحد وقاله ايه معني وطن ؟؟؟

قالة الوطن هوة المكان الذى تحفظ فية كرامتى
ويكون فية معاشى

ويبقى شغال نجار ولية بيت وعندة حمام جاكوزى ومخلف بنت زى القمر نايمة
نوم الملايكة بالفعل
وعندة عربية
بس شغال نجار
فلتحيا البلاد الاسكندانافينة ماتعرفش يا مووور اية اسم البلد الى راحها احمد شوجيرى دية
بتاعت النجار اللى فىيها التلج

 

 

[ماندو]

اقتباس المشاركة الأصلية كتبت بواسطة qenawy موفق بس اكيد هناك ما يدفعك لتكملة الموضوع شاركنا لمذا الاصرار علي الاكمال

بص يا دكتور قناوى

انا حتكلم معاك بصراحة

انا لا يهمنى الهوا النضيف و لا الطبيعه الخلابه

ولا يهمنى التعليم الكويس ولا غيره ....لانى خلاص مش ناوى ابدأ فى النقطه من جديد لان خلاص

الدماغ مش مستحمله اللى شفته هنا توبنى وعقدنى بمعنى الكلمة
وخلاص العمر ماعدش فيه

ولا تفرق معايا نقطةالاحترام او غيره لانى بعرف اتعامل مع الناس كويس اوى واجيب حئى تمام

لكن عندى سببين حيخلونى امشى واحتمال كبير اوى مرجعش تانى ايا كان مصيرى هناك

حتى لو حنام على الرصيف

1- الاول ان فيه مشاكل بينى و بين اهلى وصلت لدرجة التصلد و الجمود لا يمكن تغييره لانه وصلنا لطريق مسدود

2-الحرية ........انا مش حاسس انى حر ولا 25 يناير ولا حتى 26
ولا حتى بعد مليون سنه وانا مش حعيش مليون سنه....
العمر قصير و الفرصه مبتجيش غير مره واحده
ومش حقدر استحمل اكتر من كده


اكتر حاجة بتتعبنى ان الناس بتبص لبعض ....الناس مركزين دايما على بعض
وهو ده اسوأ انواع التعدى على الحريات

واسوأ انواع الابتلاءات انه يكون اكبر مشكله فى حياتك هما
اهلك
وانا تعبت خلاص مش قادر استحمل اكتر من كده ... دا اخرى معنديش القوة اكتر من كده