إستطلاع رأى بخصوص الرسائل الخاصة

[Admin]

الصحف المصرية والعربية

بسم الله الرحمن الرحيم

الأخوة والأخوات أعضاء المنتدى الكرام

السلام عليكم ورحمة الله وبركاته

نود أن نطرح على حضراتكم هذه المسألة للتعرف على رأيكم فيها وما ستسفر عنه نتيجة إستطلاع الرأى سنأخذ به إن شاء الله علماً بأننا سنترك هذا التصويت مفتوحاً لمدة أسبوع ... قمنا بعد إنشاء المنتدى بفترة طويلة بقصر إستخدام خاصية الرسائل الخاصة ونشر موضوعات جديدة على من لديهم 50 مشاركة فأكثر فقط وكان الغرض من ذلك هو منع بعض المتطفلين من إنتهاك خصوصية صندوق رسائل الأعضاء خاصةً الآنسات والسيدات وكان الغرض من عدد 50 مشاركة أن نعطى لأنفسنا وقتاً نتعرف من خلاله على العضوية الجديدة بدل ما نلاقى واحد ما نعرفهوش عمل رشه جريئه من الموضوعات والرسائل وما قد تحتويه من كلام خارج أو فاحش! ... فى المقابل هناك أغلبية من الأعضاء الجدد يقومون بالتسجيل كل يوم بغرض التواصل البناء وتبادل الخبرات مع بقية الأعضاء خصوصاً فى أقسام الهجرة وحظر خاصية التراسل عنهم يسبب لهم حالة من الضيق والإحباط ومحاولة كتابة ردود أى كلام زى (مشكوووووور) فى أى مواضيع مطروحة لإستكمال الحد الأدنى المطلوب من المشاركات لإستخدام خاصية التراسل! ... والسؤال الآن نفتح الشباك ولا نقفله؟ ... تحياتى للجميع

 

[نانا]

ليا سؤال قبل التصويت ...

بالنسبة لكتابة موضوعات جديدة .. ليه مربوط بموضوع الرسايل الخاصة في نفس الإستفتاء

ممكن نعمل إستفائين بدل واحد
يعني مثلا حلو ان الرسايل الخاصة تكون بعد 50 مشاركة
لكن كتابة الموضوعات الجديدة .. أفضل يكون أقل من كدة مثلا 25 أو 30 مشاركة
خاصة إنه بمجرد رؤية أي موضوع جديد في آخر المشاركات تستطيع الإدارة الحكم بعدها إما بحذفه أو حذف العضو ( كاتب الموضوع ) .. أو وضعه تحت الميكروسكوب
أجدها فكرة جيدة للأعضاء الذين يقومون فقط بنقل الإعلانات وما شابه ذلك .. وهم بمجرد معرفة أن عليهم كتابة 25 مشاركة مثلا ليستطيعوا كتابة موضوع جديد سيتجهون لمنتدى آخر لتحقيق غرضهم .. لأنهم مش عايزين يضيعوا وقت ومش هيستنوا لحد ما يكملوا 25 مشاركة

أما الأعضاء اللي نيتهم تخريب المنتدى مش هيفرق معاهم الموضوع دا .. و25 مشاركة زي 50

المفروض نفكر في الأعضاء اللي ممكن نكسبهم للمنتدى .. حاسة إننا كدة بنصعب عليهم الأمور شوية
نفترض عضو عايز يكتب موضوع بنية الإستفسار عن شيء
أو لأي غرض آخر غير تخريبي .. أعتقد كدة ممكن خسارته أو تصعيب الامور عليه بزيادة

هذا رأيي

 

 

[Mafia]

انا مع الرسائل 50
وخلي الموضوعات 15 او 25 وذالك للتقليل من ردود مشكور وبارك الله فيك وغيرها
واطلب منك تخلي الزوار مايشوفوش الروابط ولا الردود ولا المواضيع ولا اي شي الا بعد الرد
يعني خلي المرفقات بعد 5 ردود وهكذا وهاذي خطة قوية لتنشيط المنتدى وايظا فتح موضوعات جديدة

 

 

[Admin]

الأعزاء نانا وعلى سمير

إقتراح 50 مشاركة للرسائل الخاصة و 25 لنشر موضوعات جديدة جدير بالمناقشة ومحتاجين نعرف رأى بقية الزملاء فيه ... شكراً لكما

 

 

[نهر النيل]

في رأيي زي كتير من الاعضاء ان موضوع 50 مشاركة لو فرضنا ان في يوم واحد مثلا اشترك 5 اعضاء هيكون عندنا 50*5 يعني 250 مشاركة غير هادفه الادارة ممكن تتعب بعد كده عشان تقلل عدد الصفحات وازاله المشاركات دي


وبعدين فعلا الموضوع سهل جدا للي ناوي يخرب ممكن ساعة او ساعتين بالكتير وتكون ال 50 مشاركة تمت

عشان كده عندي اقتراحين

اولا زي ما بعض الاخوان قالوا ان يتعمل ايقونات للتحيه وللشكر وبكده اي عضو هيقدر يقدم التحيه او الشكر للعضو الاخر بدون ما نستهلك صفحات كتير وكمان في نفس الوقت يزود عدد المشاركات


الاقتراح الثاني

ان تكون فترة الانتظار بالايام

يعني مثلا العضو يسجل وبعد اسبوع من تسجيله (وغير محدد بالمشاركات)يقدر يفتح موضوع او يرسل رسالة خاصة


وبكده هيكون عندنا اكثر من مكسب

المكسب الاول ان المشترك الجديد مش هيستسهل ويفتح موضوع يسأل فيه سؤاله ويمشي وبعدين ممكن بعد مشاركة او اثنين او ثلاثه ماتلافيهوش في المنتدى تاني ويكون كل اللي حصل ان الموضوعات زادت بدون ما تكون مهمه او فعاله

المكسب ده هيحصل ببساطه لأنهالفترة دي إما هيبحث ويتصفح الموضوعات على ما يقدر يفتح موضوع جديد ويمكن يلاقي اجابة سؤاله في احد الموضوعات او ممكن كمان يضع سؤاله في اي موضوع والاعضاء هيدلوه على الموضوع المناسب لسؤاله او هيردوا عليه فورا على حسب طبيعة السؤال


يبقى ادي

مشاركة مفيدة له ولكل الاعضاء لأن اي استفسار لواحد فينا اكيد اجابته بتفيد كتير مننا وبكده طالما لقى الرد يبقى هيبدأ ياخد ويدي في المفيد



ثانيا

ان اللي سجل ده وعايز يفتح موضوع فورا لحاجه وقتيه او شعور مؤقت بناء على شئ حدث له في الوقت الحالي او شخص هو متضايق منه في هذا الوقت

بعد مرور ساعات او ايام هتكون الحاله دي ضعفت وراحت ويمكن يكون نسيها كمان بعد اسبوع مثلا(ده لو فعلا نيته وحشه وعايز يخرب علينا المنتدى)
وكذلك اذا كان عنده رساله عايز ينشرها على الخاص ممكن حالة العنفوان اللي عنده دلوقتي تروح بعد فترة ويهدى


وموضع الرسائل مالوش حل في كل الاحوال لأن اللي عايز يرسل رسالة سيئه هيرسلها في اي وقت وكل اللي على الأعضاء انهم يبلغوا الادارة وخلاص





(رغيت كتير ... صح؟!)


تحياتي

ولكم جزيل الشكر

 

 

[great expectations]

مع الغاء التحديد

 

 

[dr-amira]

بصراحة مش شايفة لازمة للتحديد ...يعنى لو عضو بعت رسايل خارجة يمكن ابلاغ الادارة فورا و اتخاذ اللازم

 

 

[نهر النيل]

احب اقول للأدارة ان عشان الرسائل اتمنعت اضطرت احدى الاخوات هنا انها تحط ايميلها على العام عشان محتاجه شئ مهم ومش عارفة تاخده على الخاص

يعني عشان نحميها من الرسائل الخاصة هي بتعرض نفسها دلوقتي لخطر اكبر هو صحيح اختيارها انها تحط الايميل بس في الحالة دي هي مضطرة فعلا


انا متأكده ان الادارة مش ممكن يرضيها كده وانها حريصه على العضوات والاعضاء حرصهم على اخوانهم واخواتهم

 

 

[بنت شعنونة]

انا موافقة تماما

بس عندي سؤال
مش المفروض انه العضو اللي ما يقدرش يبعت رسايل
يقدر يستلم رسايل عادي؟
صح؟
عشان كلام استاذ نهر النيل؟
يعني لو حد عايز يعرف حاجا يطلبها على العام واللي عاوز يبعتها للمستجد ف يستقبلها
صح والا ايه؟

 

 

[Farida]

موافقه بعد عدة تجارب مريرة فى المطاريد يمكن الأعضاء الجدد لا يعلموها