صحة الأبناء سؤال لكل أم وأب ؟

[أمة العزيز]

الصحف المصرية والعربية

سؤال لكل الامهات والاباء الموجودين هنا ..
وياريت تساعدوني

لو فيه يوم منظم للاطفال .. حاجة زي توعية صحة ليهم .. سلوكيات او من امراض او غيره
شايفين المحتوى بتاعه يكون ايه
يعني ايه التوبيكس اللي ممكن نكلمهم فيها .. وايه الطرق الفعالة علشان يستفيدوا منها ..

عندي يوم الجمعة مع اطفال وبصراحة اول مرة اتعامل مع اطفال في حاجة زي كده
ومش عارفة اتعامل معاهم ازاي ..
مش معقول اروح اقولهم اغسل ايدك يا بابا بالمياة والصابون ولما تعطس امسك منديل والكلام ده

عايزاهم فعلا يستفيدوا ويطلعوا بحاجة ..

ارجو تقديم المقترحات والافكار ..

ساعدوني الله يباركلكم في اولادكم

 

[sanaa]

سن الاطفال مهم اوي في الموضوع ده

بس عموما اكتر حاجه بتشد الاطفال لما تحكي حكايه وفي ضمن الحكايه تقولي اللي انت عوزاه

 

 

[أمة العزيز]

من ابتدائي واعدادي .. نصهم مدارس اجنبية .. وفيه من دار ايتام

عموما اليوم في مركز شباب الجزيرة .. وفيه انشطة كتير اوي تانية ..

احنا بس هيكون لينا بوث هناك ..

يعني لو حد حابب يرفه عن اطفاله

 

 

[بنت شعنونة]

MUPPETS
+ اغنية وكدا تبقي وصلتي
انا بنتي عندها سنتين ونص علمتها ال abcd باغنية وكانت على مرجيحة نزلت حافظا معظمهم من على المرجيحة
ودلوقتي بحاول اعلمها جدول الضرب

 

 

[Farida]

الوان و رسومات وتلوين و حكايات و عرايس .......كل ده يمشى ..........بس ابوس ايديكم بلاش دى جى حاجه مزعجه اخر حاجه

 

 

[أمة العزيز]

اقتباس المشاركة الأصلية كتبت بواسطة بنت شعنونة MUPPETS + اغنية وكدا تبقي وصلتي انا بنتي عندها سنتين ونص علمتها ال abcd باغنية وكانت على مرجيحة نزلت حافظا معظمهم من على المرجيحة ودلوقتي بحاول اعلمها جدول الضرب

ما شاء الله ربنا يباركلك فيها يارب ..

اقتباس المشاركة الأصلية كتبت بواسطة Farida الوان و رسومات وتلوين و حكايات و عرايس .......كل ده يمشى ..........بس ابوس ايديكم بلاش دى جى حاجه مزعجه اخر حاجه

جميل .. بس نكلمهم عن ايه
يعني انا قلت يبقى فيه كلام عن first aids
بس مظنش فيه دي جي .. احنا مش منظمين الموضوع احنا بس ضيوف
وفيه سفارات تانية موجودة .. متهيالي روسيا وقطر والهند
هو يوم ثقافي عموما ..

 

 

[dr-amira]

مش عارفة انا كئيبة ولا ايه ...لو المطلوب حاجة جادة يستفيدوا منهاممكن تكلميهم عن المعاقين ...اطفال كتير لما بيشوفوا حد معاق مش بيعرفوا يتعاملوا معاه واحيانا بيخافوا منه
وممكن عن صحتهم النفسية وازاى يعبروا عن نفسهم بدون خجل
وممكن عن الصداقة واختيار الصديق

 

 

[Farida]

كلميهم عن الميكروبات و الجراثيم و عن الحاجات اللىمش بنشوفها بعينينا بس موجوده ولازم تتوضح .................بصى افتكرت اعلان ديتول لما بيقربوا من الأيد و يعملوا زووم ان لحد ما تلاقى الجراثيم حيه و بتلعب فى الأيد .......افتكرت كمان كلميهم عن الأكل الغير صحى ......شوفت فى فتافيت واحد بيقدم برنامج اسمه nacked chief بيعمل محاضرات لتوعيه الأطفال بالأكل الصحى و اكتشف - ممكن تلاقى الفيديوهات على القناة او على اليوتيوب- ان فيه اطفال مش عارفه الخضار من اصله و اساميه ايه و بعدين كانت من اسوأ الفيديوهات - زى موضوع يع بتاع حمودى كده - و اكثرها قرف لما صورلهم الدهون اللى بيتناولوها بديلا عن الغذاء الصحى بانه احضر حاجه زى قلاب الزباله و ملاه دهن و لبس بدله بلاستيك و غطس فيه و خلى الأولاد يلمسوه علشان يعرفوا قد ايه الأكل ده مقرف ممكن تعملى نفس الموضوع عن الألوان الصناعيه فى الشيبسى و الكاراتيه مثلا و اهميه الخضار بعمله بطرق لذيدذ مثلا او هم يطبخوا بايديهم او يقطعوه مثلا ............و ابقى افتكرينى بقه و ادعى لى دعوتين حلوين

 

 

[أمة العزيز]

اقتباس المشاركة الأصلية كتبت بواسطة dr-amira مش عارفة انا كئيبة ولا ايه ...لو المطلوب حاجة جادة يستفيدوا منهاممكن تكلميهم عن المعاقين ...اطفال كتير لما بيشوفوا حد معاق مش بيعرفوا يتعاملوا معاه واحيانا بيخافوا منه وممكن عن صحتهم النفسية وازاى يعبروا عن نفسهم بدون خجل وممكن عن الصداقة واختيار الصديق

لا مش كابة ولا حاجة بالعكس .. بس الفكرة اننا فريق توعية صحية ..
والناس اللي منظمين اليوم دعونا علشان كده
واحنا في الاساس شغلنا تنمية صحية كمان مش توعية ..
وبنركز على التوبيكس الحيوية .. واول مرة نتعامل مع الاطفال ..

اقتباس المشاركة الأصلية كتبت بواسطة Farida كلميهم عن الميكروبات و الجراثيم و عن الحاجات اللىمش بنشوفها بعينينا بس موجوده ولازم تتوضح .................بصى افتكرت اعلان ديتول لما بيقربوا من الأيد و يعملوا زووم ان لحد ما تلاقى الجراثيم حيه و بتلعب فى الأيد .......افتكرت كمان كلميهم عن الأكل الغير صحى ......شوفت فى فتافيت واحد بيقدم برنامج اسمه nacked chief بيعمل محاضرات لتوعيه الأطفال بالأكل الصحى و اكتشف - ممكن تلاقى الفيديوهات على القناة او على اليوتيوب- ان فيه اطفال مش عارفه الخضار من اصله و اساميه ايه و بعدين كانت من اسوأ الفيديوهات - زى موضوع يع بتاع حمودى كده - و اكثرها قرف لما صورلهم الدهون اللى بيتناولوها بديلا عن الغذاء الصحى بانه احضر حاجه زى قلاب الزباله و ملاه دهن و لبس بدله بلاستيك و غطس فيه و خلى الأولاد يلمسوه علشان يعرفوا قد ايه الأكل ده مقرف ممكن تعملى نفس الموضوع عن الألوان الصناعيه فى الشيبسى و الكاراتيه مثلا و اهميه الخضار بعمله بطرق لذيدذ مثلا او هم يطبخوا بايديهم او يقطعوه مثلا ............و ابقى افتكرينى بقه و ادعى لى دعوتين حلوين

بجد يا دكتورة ربنا يكرمك ويباركلك في بناتك ..
انا عمالة افكر في حاجات زي طريقة غسل الادين والممارسات الصحية اللي كنا بنقولها في الانفلونزا .. بس الحقيقة مش مقتنعة بيها .. علشان كده قلت اكيد الامهات يفيدونا في الموضوع ده ..

 

 

[Farida]

مشكلة المشاكل هى فى موضوع الكل الغير صحى و خصوصا الشيبسى و الكاراتيه و الحاجات المقرفه دى و عدم اكلهم الحاجات المفيده و طبعا المياه الغازيه و الهامبورجرات و غيره