العربيات الصينى

[Farida]

الصحف المصرية والعربية

امامى صفقه مش عارفه كويسه ولا لأ ...........واحد قريبنا اشترى عربية من سنتين لبنته صينى ماركة QQ كانت ب 55 الف و العربيه كانت ممكن تشتغل مانيوال و ممكن اتوماتيك ...العربيه كانت حلوة و زى الفل و البنت راحت و جت بيها عال العال ...المشكله ان العربيه بعد شويه حصل مشكله فى الفتيس و بالتالى بقوا بيشغلوها مانيوال ورجعوها التوكيل قالوا لهم ممكن نقلبها لكم مانيوال - يعنى يحطوا فيها دبرياج - بس عند ميكانيكى شاطر و تشتغلوا بها مانيوال بس .......المهم هم عايزين يدوهالى حتى ولو من غير فلوس ولما رفضت قالوا لى موافقين بيعى عربيتك الشبح و ادينا تمنها و احنا راضيين المهم يتخلصوا منها ...وانا طبعا عربيتى الشبح الفيات الأصيله الناس اصلا بتخاف منى وانا سايقه لأن اى فانوس عندى مما يتكلفش اكتر من 10 جنيه بالكتير و هم الخبطه عندهم بجون .........
طبعا البنات عندى نفسهم فى عربيه فيها اوبشنز و تكييف و حكايات و انا و زوجى مش عايزين الهديه حتى ولو كانت ببلاش ده غير ان اى تصليح فيها لازم اروح التوكيل فى حين ان اصيله بتاعتى اى واحد على ناصيه اى شارع يعرف فيها .....لما قلت لهم كده قالوا لى ان الQQ دى عامله زى ال دايو Matiz ممكن اى حد يصلحها و بلاش شغل الوسوسه ده ......
انا الأن محتارة ..عزيزى العضو ماذا تفعل لو كنت مكانى

 

[Farida]

انا عندى .......................عايزاك تنتشر فى الموضوع و تجيب لى قراره

 

 

[ana_3enady]

دعوه لموضوعي

RobertInole

هههههههههههههه .. حاضر يا دكتورة

 

 

[ana_3enady]

دعوه لموضوعي

RobertInole

اقتباس بصراحة يا جماعه أنا عاوز أشارككم معايا تجربتي مع العربية الصيني "شيري QQ" وهنا في الموضوع ده هانتناقش عن كل ما يخص التجربه دي بكل ما فيها سواء جيد أو سيئ أولا أنا أخدت قرار شراء سياره صغيره فئة الـ1000cc أو 1100cc لأني محتاج عربيه صغيره للمدام والأولاد عشان زهقوني في عشتي وأحتلو العربيه الماتركس بتاعتي أحتلال أمريكاني وبصراحه زهقت خصوصا أن الأولاد مشاورهم كِترت المهم قرار شراء عربيه صغيره ماكنش مرتبط بماركة معينه يعني ما كنتش منحاز لماركة معينه وإن كنت افضل العربيه الـ"كيا بيكانتو" أو الـ"الدايهاتسو شاريد" لأنهم من وجهة نظري أحسن عربيتين في الفئة دي وبعدهم تيجي الـ"شيفورليه سبارك" وفي زيل القائمه تيجي العربيه الـ"شيري كيو كيو" طيب أيه يا "بايوو" إللي خلاك تروح لديل القائمة؟ هاقول لكم أولا البيكانتو عليها مشاكل كتيره جدا بين الوكيل القديم والوكيل الجديد لدرجة أن العربيات الكيا عموما موقوف إستيرادها لأي شركه لحين البت في القضيه وأنا سالت أكتر من حد معاه العربيه البيكانتو لقيته بيأكد أنه بيلاقي مشاكل لما بيواجه عطل معين محتاج لقطعة غيار خاصة شويه أو بمعنى آخر طول ما العربيه محتاجه زيت وفلتر وبوجيهات وسيور مش هاتواجه مشكله لكن لو احتجت حاجه في الموتور وللا الفتيس أو أي حاجه تانيه ممكن يركنوك جنبهم شهور على مايبعتو يجبهوالك ده غير أن العربيه سعرها بقى 59500 جنيه تكييف وباور فقط ولو حبيت يكون فيها زجاج كهرباء وسنتر وأكصدامات بلون العربيه يبقى هاتدفع 62500 جنيه وبكده يبقى العربيه دخلت في فئة أعلى منها بكتير يعني الفيرنا أحسن منها في الحالة دي العربيه الـ"الشاريد" عربيه زي الفل صناعه وتقفيل وخامات وكل حاجه ماحدش يقدر يقول عليها نص كلمه لكن شكلها مش حلو خالص (ودي مسألة أزواق) أنا شايف شكلها مش حلو وكمان سعرها زي الـ"بيكانتو" وإن كانت الـ"شاريد" كصناعه أفضل من الـ"بيكانتو" وكمان الشاريد هاينزل منها شكل جديد على السنة الجديده وده إللي خلاني مافكرش أني أشتريها حاليا وبعد كام شهر ألاقي شكل جديد ودي تبقى قديمه نيجي بقى للعربيه إللي كماليتها حلوه وشكلها كمان كويس وأسم وماركه وكل حاجه وسعر معقول مع كماليات كويسه الـ"شيفورليه شبارك" ودي بقى رحت حجزتها يوم الخميس إللي فات من فرع منصور شيفورليه سور نادي الزمالك ولكن مالقيتش عنده ولا عربيه واحده حتى للعرض عشان أتفرج عليه على الطبيعه ولكن لثقتي في أسم شيفورليه أكتفيت بالصور الموجوده على الموقع الخاص بمنصور شيفورليه والكماليات المذكوره وثمنها 55000جنيه وأدي الوصل طبعا كتبته باسم المدام مش خوف والله ولا حاجه يا جماعه المهم بعد ما حجزت سألت مسئول المبيعات إللي أتعاقدت معاه وسألته على مكان او موزع أو أي حد يكون عنده ولو عربيه واحد عشان أتفرج عليها وأخد فكره برضه وبصراحه الراجل ماتأخرش دلني على موزع أسمه "الغلبان" ومكانه في عمارات أغا خان على الكورنيش روحت للغلبان وأتفرجت على العربيه وأتصدمت والصدمة سدت نفسي عن العربيه بأختصار وعشان ماطولش عليكم العربيه لا تمت إلى أسم شيفورليه بصلة ولا حتى اسم دايوو إللي كانت صاحبته قبل ما شيفورليه تشتري مصانع دايوو يعني بصراحة الـ"ماتيز" القديمه برقبتها المهم قررت أني أشتري الأرخص طالما أن الأغلى مافيهوش إللي أنا عاوزه والمدام شجعتني على كده خصوصا أنها كانت متضايقه من موضوع إننا هانستلم العربيه الشيفورليه سبارك بعد شهر وروحت لشركة شيري إللي في طريق مصر الأسماعيليه الصحراوي وأشتريت العربيه الـQQ إللي تقفيلها وكماليتها محترمين جدا وبلذات موضوع الكماليات ده حاجه كده ماتتحطش في عربيه صغيره أبدا يعني فيها تكييف باور سنتر راديو كاسيت نظام امني يمنع إدارة السياره إلا بمفتحها الأصلي 4 زجاج كهرباء مرايات كهرباء ماكينات لرفع الزجاج عند أغلاق السياره بالريموت مساحة خلفيه فوانيس شبوره اماميه فوانيس شبوره خلفيه فتح الشنطه من الداخل فتح التنك من الداخل جنوط أسبور زجاج حراري بالخلف زجاج ملون أمامي أمكانية طي الكنبه الخلفيه إلى جزئين كل جزء على حدا60/40 الأستبن جنط أسبور مثلث تنبيه مع شنطة عده متكامله ساعة رقميه بالتابلوه عداد كيلو متر و عداد رحلات ديجيتال العربيه مرفق معها جنش قلاووظ يتم تركيبه في الامام او الخلف لشد العربيه (تقريبا كده عاملين حسابهم أنها هاتعطل كتير وتحتاج تتشد كل شويه) وإن شاء الله هاقول لكم أول بأول على تجربتي معاها إللي أظاهر كده والله أعلم أنها هاتبقى تجربه مش ولا بد

بعد التجربة أن أن أأأأن

اقتباس متشكر قوي يا جماعه على زوقكم وأدبكم وتهنئتكم وأنا عارف انكم ناس محترمه ومش عاوزين تزعلوني وتقولولي أن العربيه زباله لكن هيه دي الحقيقه العربيه فعلا زباله وأنا عارضها للبيع ولسه مارخصتهاش ومش ناوي أرخصها لأني مش هاخللي عيالي يركبو عربيه بالثبات ده ... ثبات أيه ؟... دي مافيهاش ثبات اصلا العربيه كده زي ماتكون راكب ريشه ريشه في هواء ده غير العيوب إللي ظهرت من أول يوم إللي هاحكيلكم عليها بس بعد ما ربنا يوفقني في بيعها ومش مهم خساره 500 جنيه في كام يوم المهم ولادي يبقوا راكبين في أمان وابقى متطمن عليهم وهما في رعاية ربنا طبعا وفي عربيه ثابته على الأرض مش نفخه تطيرها بجد يا جماعه أنا نفسي مسدوده ومش هاحكيلكم على حاجه دلوقتي إلا بعد ما ربنا يوفق وأبيعها وأنا هاعمل اعلان هنا في المنتدى للبيع عشان بس الناس إللي ممكن تشك في أني فعلا أشتريت العربيه وبعد يومين عاوز أبيعها لكن انا هاعرضها في معرض ومش عاوز اقابل إللي هايشتريها عشان مش عاوز اكدب واقول له أن العربيه حلوه أنا يدوب هابقى موجود ساعة أستلام الفلوس وكتابة العقود وخلاص لكن لو سالني مش هاكدب وأقوله ان العربيه ممتازه ولا حاجه وهاقوله العربيه مش ثابته على الأرض بالرغم من الأمكانيات والكماليات إللي في العربيه لكن الواحد مش بيشتري كماليات معلش يا جماعه أنا متضايق حبيتن كده بعد ما أخلص من العربيه دي هاجي وأحكي لكم على كل حاجه وعلى الفصول البايخه إللي عملتها العربيه في اليومين دول (حاجه تكسف وتقرف بعيد عنكم) وبصراحه لو الوكيل بيخللي العميل يسوق ويجرب العربيه قبل الشراء كنت عمري ما فكرت أني أخللي زوجتي والأولاد يركبو عربيه منعدمة الأمان زي كده

 

 

[Farida]

نهار ازرق .............مع انى باشوف ناس ماشيه بيها و الراجل نفسه مشى بيها شويه ......بس انا اما جربتها حسيت فعلا انى راكبه عربيه لعبه ............
طيب يعنى رأيك اخلينى مع الشبح بتاعتى أحسن و أأمن

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Farida نهار ازرق .............مع انى باشوف ناس ماشيه بيها و الراجل نفسه مشى بيها شويه ......بس انا اما جربتها حسيت فعلا انى راكبه عربيه لعبه ............ طيب يعنى رأيك اخلينى مع الشبح بتاعتى أحسن و أأمن

هههههههههه

أشاسي تفضلي مع الشبح
داحنا الفيات دي بالذات قطع غيارها ممكن تجيبيها من أي سوبر ماركو

 

 

[بنت شعنونة]

جي عربيته اسبيرانزا اللي شبه الصابونة دي
سيءءءءءءءءءءه للغاية
انا ها اقولك مقارنة بالعربيات التانية زي الهونداي مثلا
تكييف ضعيف
اتدى يظهر فيها مشاكل صيانه بعد 8 شهور بالظبط و خنقته
خفيفة ومش بتاعت سفر نهائي
صاج خفيف ةمتور ماشي حاله




















نصيحة مني
بلاها صيني خالص

 

 

[Farida]

تخيلوا كل ما أقول لقريبى ده لأ لأ خلاص بقه خلينا فى عربيتى احسن و حأركب لها مروحه صغيره كده تبقى فى وشى و تهوى للبنات و حأروقها و حأعملها بوتكس و حاتبقى اخر جنان .........تعرفوا يرد بقول ايه .........طيب خديها جربيها شهر اتنين مش مهم على راحتك حتى لو من غير فلوس ...انا مستخسرها فى الغريب ....

 

 

[ana_3enady]

دعوه لموضوعي

RobertInole

بلاها نادية وخد سوسو

شوفتيش الاسبيرانزا بتاعتشي الجديدة

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Farida تخيلوا كل ما أقول لقريبى ده لأ لأ خلاص بقه خلينا فى عربيتى احسن و حأركب لها مروحه صغيره كده تبقى فى وشى و تهوى للبنات و حأروقها و حأعملها بوتكس و حاتبقى اخر جنان .........تعرفوا يرد بقول ايه .........طيب خديها جربيها شهر اتنين مش مهم على راحتك حتى لو من غير فلوس ...انا مستخسرها فى الغريب ....

فريدة يا أختشي

لو كان فيه الخير ما كان رماه الطير

وبعدين مستخسرها في الغريب ..

هو أشاسا كان الغريب رضي يا خدها

اوعي تاخديها يا فريدة بدل ما ترجعي تغني .. بقى كدة تعملها فيا تفقعني الزومبة ديه