العربيات الصينى

[ana_3enady]

الصحف المصرية والعربية

دعوه لموضوعي

RobertInole

اقتباس المشاركة الأصلية كتبت بواسطة فــيــروز سبحانك يا رب !! كنت لسّه باكلّم زمايلى فى الشغل و أقول لهم إن عمرى ما سقت توماتيكى بس بما إن مفيش دبرياج يبقى يمينى على البنزيم و شمالى ع الفرامل و أعيش بقى !! المنطق بيقول كده .. التاريخ بيقول كده .. و حتى "عبّاس الضوّ" بيقول كده ..! لقيت واحد فيهم ضحك و قال لى لا حضرتك الشمال دى تنسيها خالص .. ممكن تعملى زى بعض الإخوه العرب و تربّعى رجلك الشمال تحتيكِ و انتِ سايقه أو الأسهل اقطعيها و ارميها .. ليه يا سيدى الكلام ده !! قال لأن حساسية الرجل الشمال على الفرامل عمرها ما هتبقى زى اليمين .. إييييييييييه ربنا يجلعنا من أهل اليمين و مبروك عليكِ يا ستّى و ليا عندك لفّه

عنده حق
بس بالتدريب هاتقدري تضبطي حساسية الرجل الشمال .. لكن بعد ما توني خبطتي نفسك في الدريكسيون عشرميت مرة

لكن زي ما قالك كدة انسي الرجل الشملى (عبد المعنم ابراهيم) خالص
ولا ليها أي لازمة

 

 

[فــيــروز]

اقتباس المشاركة الأصلية كتبت بواسطة ana_3enady عنده حق بس بالتدريب هاتقدري تضبطي حساسية الرجل الشمال .. لكن بعد ما توني خبطتي نفسك في الدريكسيون عشرميت مرة

أخبط فى الدريكسيون إزّاى !! تقصد يعنى أفرمل فجأتن فأتخبط فيه ولاّ إيه؟ أصل إيه هيجيب رجلى الشملى للدريكسيون !! أفيدونا

 

 

[Farida]

أختى بقى اول ما ساقت التوماتيكى بعد الضنى .............بقت تلبس فرده جزمة السواقه فى رجلها اليمين علشان تعلمها و تخلى رجلها الشمال بالجزمة العاديه بتاعتها و مرة اتخبطت العربيه نزلت بالفردتين اللى مش زى بعض كانت حاتقع على وشها ...........بس صاحبتى فعلا اول الأمر بقت تربع رجلها الشمال و تحطها تحتها .................انا بقى عملت الأنقح جبت تكت من بتاع كراريس البنات و كتبت بالفلوماستر .......بلاش رجلك الشمال و لزقتها على الدريكسيون

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة فــيــروز أخبط فى الدريكسيون إزّاى !! تقصد يعنى أفرمل فجأتن فأتخبط فيه ولاّ إيه؟ أصل إيه هيجيب رجلى الشملى للدريكسيون !! أفيدونا

أيون .. هذا هو القصد

اقتباس المشاركة الأصلية كتبت بواسطة Farida أختى بقى اول ما ساقت التوماتيكى بعد الضنى .............بقت تلبس فرده جزمة السواقه فى رجلها اليمين علشان تعلمها و تخلى رجلها الشمال بالجزمة العاديه بتاعتها و مرة اتخبطت العربيه نزلت بالفردتين اللى مش زى بعض كانت حاتقع على وشها ...........بس صاحبتى فعلا اول الأمر بقت تربع رجلها الشمال و تحطها تحتها .................انا بقى عملت الأنقح جبت تكت من بتاع كراريس البنات و كتبت بالفلوماستر .......بلاش رجلك الشمال و لزقتها على الدريكسيون

ههههههههههه .. فكرة مفتكسة

 

 

[فــيــروز]

اقتباس المشاركة الأصلية كتبت بواسطة ana_3enady أيون .. هذا هو القصد

لا ماتخافش أنا مش بادوس فرامل جامد خالص بالعكس أنا بافضل مستنيه لحد آخر لحظه يمكن ماحتاجهاش
بس ده لسبب إنّى باخاف العربيه تبطّل أو أضطرّ أغيّر السرعه و دى أكتر حاجه بتخلّينى أفقد التركيز خلال السواقه ..

 

 

[Farida]

اقتباس المشاركة الأصلية كتبت بواسطة فــيــروز لا ماتخافش أنا مش بادوس فرامل جامد خالص بالعكس أنا بافضل مستنيه لحد آخر لحظه يمكن ماحتاجهاش بس ده لسبب إنّى باخاف العربيه تبطّل أو أضطرّ أغيّر السرعه و دى أكتر حاجه بتخلّينى أفقد التركيز خلال السواقه ..

كنت باعمل زيك كده فى الأول لحد الحادثه اياها و بعدها عرفت اهمية الفرامل فى لحظتها و العربيه تبطل ايه المشكله ما تبطل .....و اللى ورايا يستنوا ايه المشكله ما يستنوا .......و يزمروا لى للصبح ولا يهمنى ايه المشكله ما يزمروا .........و بعد كده شويه شويه حاتلاقى ان العربيه مش بتبطل ولا حاجه و انك حاتعرفى تهدى و تفرملى و تنقلى فى السريع السريع .............بافتكر كل مرة جوزى كان ينزل معايا يمرنى شويه على السواقه يعمل لى امتحان الفرامل الفجائيه ده لازم فجأة يقولى فرملى .................ولو اتأخرت شويه يقولى صفر فى الأمتحان ...........فيروز فرملى

 

 

[Mizo]

نفسي يعملو قانون يمنعو السيدات من القيادة

وياسلااااااام باه لما بنت كده تبقي راكبه عربيتها وتعمل نفسها " سعاد شوماخر"

---

طبعاً القيادة الأتوماتيك نوع من انواع الرفاهية للسيارة ، ويفضل في اماكن زحمة السير ، يعني في مصر يكون ممتاز جداً..وبعدين مش محتاج ممارسة ولا غير ممارسة بنزين وفرامل وشكراً

المانول له متعه في القياده وخصوصاً لو كانت السيارة سبورت.

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة فــيــروز لا ماتخافش أنا مش بادوس فرامل جامد خالص بالعكس أنا بافضل مستنيه لحد آخر لحظه يمكن ماحتاجهاش بس ده لسبب إنّى باخاف العربيه تبطّل أو أضطرّ أغيّر السرعه و دى أكتر حاجه بتخلّينى أفقد التركيز خلال السواقه ..

مليون المية غلط .. ما تبطل ولا تغيري سرعة .. هو انتي أساسا ضامنة ان الفرامل تبقى شغالة .. علشان تستنيها لآخر لحظة .. افرضي استنيتي لآخر لحظة ولا قدر الله بتدوسي فرامل لقيتي الفرامل سايبة ومافيش فرامل .. لا يا فيروز لازم تهدي أول ما تلاقي اختناق في الطريق علشان لا قدر الله لو لاقيتي الفرامل خفيفة أو مافيش فرامل .. تقدري تشوفي حل بديل .. ربنا ما يحوجنا للحلول البديلة

اقتباس المشاركة الأصلية كتبت بواسطة Mizo نفسي يعملو قانون يمنعو السيدات من القيادة وياسلااااااام باه لما بنت كده تبقي راكبه عربيتها وتعمل نفسها " سعاد شوماخر" طبعاً القيادة الأتوماتيك نوع من انواع الرفاهية للسيارة ، ويفضل في اماكن زحمة السير ، يعني في مصر يكون ممتاز جداً..وبعدين مش محتاج ممارسة ولا غير ممارسة بنزين وفرامل وشكراً المانول له متعه في القياده وخصوصاً لو كانت السيارة سبورت.

الراجل ده بيتكلم صح

 

 

[فــيــروز]

اقتباس المشاركة الأصلية كتبت بواسطة Farida فيروز فرملى

عينى ..

اقتباس المشاركة الأصلية كتبت بواسطة ana_3enady مليون المية غلط .. ما تبطل ولا تغيري سرعة .. هو انتي أساسا ضامنة ان الفرامل تبقى شغالة .. علشان تستنيها لآخر لحظة .. افرضي استنيتي لآخر لحظة ولا قدر الله بتدوسي فرامل لقيتي الفرامل سايبة ومافيش فرامل .. لا يا فيروز لازم تهدي أول ما تلاقي اختناق في الطريق علشان لا قدر الله لو لاقيتي الفرامل خفيفة أو مافيش فرامل .. تقدري تشوفي حل بديل .. ربنا ما يحوجنا للحلول البديلة

حاضر يا فندم عُلِم و ينفذ بس أشترى الزعطوره بقى

اقتباس المشاركة الأصلية كتبت بواسطة Mizo نفسي يعملو قانون يمنعو السيدات من القيادة وياسلااااااام باه لما بنت كده تبقي راكبه عربيتها وتعمل نفسها " سعاد شوماخر".

ده طبعا باعتبار إن الرجّاله اللىّ بتسوق يبقوا قرايب "عبد البديع سينا" قريب و نسيب "آرتون سينا" الله يرحمه و يبشبش الطوبه اللىّ تحت دريكسيونه !!

 

 

[Farida]

اقتباس المشاركة الأصلية كتبت بواسطة ana_3enady .. افرضي استنيتي لآخر لحظة ولا قدر الله بتدوسي فرامل لقيتي الفرامل سايبة ومافيش فرامل .. لا يا فيروز لازم تهدي أول ما تلاقي اختناق في الطريق علشان لا قدر الله لو لاقيتي الفرامل خفيفة أو مافيش فرامل .. تقدري تشوفي حل بديل ..

ايوه ستووووووووووووووووووووووووب هنا الله لا يسيئك ايه الحلول البديله بقه .......كلى اذان صاغيه ..............

اقتباس الراجل ده بيتكلم صح

وانا اللى كنت باقول عليك امير و طيب .........ياخوفى لا تروح تجيب فتوى من فتاوى السعوديين عن تحريم قيادة المرأة للعربيات لكن تروح و تيجى و تخرج و تتفسح مع السواق حلال حلال حلال