عن الوفد ، العليمى "مشغول" بالفيس وتويتر فى البرلمان

[Sweet Heart]

الصحف المصرية والعربية

اقتباس المشاركة الأصلية كتبت بواسطة إكرام يوسف [SIZE="4"]بس هي المشكلة ان زياد لازم يتقطع عشان اللي قاله في الجلسة النهارده.. ربنا يحميك يازياد انت وزملاءك الأحرار ويحفظكم وينصركم..وليخسأ العبيد https://www.youtube.com/watch?feature...&v=xrBZ34GjWLA

آمين آمين آمين يا رب إستجب، قلوبنا تدعي لهم قبل ألسنتنا وربنا يحفظ مصر سالمة آمنة لجميع أولادها.

 

 

[إكرام يوسف]

اقتباس المشاركة الأصلية كتبت بواسطة HanyMan ربنا يحمي ذياد واللى ذية دولا هما أخر أمل

اقتباس المشاركة الأصلية كتبت بواسطة Sweet Heart آمين آمين آمين يا رب إستجب، قلوبنا تدعي لهم قبل ألسنتنا وربنا يحفظ مصر سالمة آمنة لجميع أولادها.

آمين يارب العالمين.. ربنا يبارك لكم ويحفظكم ويبارك في كل أحبابكم ويحفظهم



هههه.. شفتوا بوابة الوفد لما قراء ردوا وقالوا ان زياد أصلا ماعندوش حساب على تويتر وإن صفحته على الفيس بوك يحررها 9 أدمنز مش من بينهم زياد، قامت غيرت العنوان وبقت بدل ماهو زي ماجه في مداخلة ماكين "زيادج مشغول بصفحته على تويتر والفيس بوك" بقت: "زياد مشغول بالإنترنت في البرلمان" .. ومن غبائهم جايبين صورة مش لجلسة في المجلس خالص .. وإنما لاجتماع اللجنة التشريعية وكانت تناقش موضوع تعمير سيناء.. وزياد مش قاعد معاهم أصلا في المناقشة.. وإنما قاعد على جنب بعيد عنهم ينتظر دوره لمناقشة توصيته باعتبار شهداء مجلس الوزراء ومحمد محمود شهداء ثورة ومنحهم التعويضات.. وطبعا قاعد على جنب بيراجع على موبايله البيانات اللي محضرها لمناقشة توصيته.. يعني مش قاعد في جلسة وسط الناس ومشغول عنهم..
بصراحة أنا لو كنت شفته نايم مثلا في البرلمان كنت نزلت الصورة أول واحدة على الفيس بوك واتريقت عليه لأني محذراه من كده عشان ما بينامش باليومين.. لكن الكذب والتدليس المفضوح حرام.. وأهو برضه دليل على انهم ـ لغاية دلوقت ـ مش لاقيين له غلطة.. ربنا يسترها معانا على طول

 

 

[doctor farouk]

استاذه اكرام ربنا يحميه ليكي وكل شباب الثوره

انتوا لسه شفتوا حاجه لسه لما يخشوا علي التقيل
ربنا يعينك ويصبرك

 

 

[إكرام يوسف]

مش عارفة أنزل الصورة كويسة.. ياريت حد من اللي بيفهموا في التقنية ينزلولنا صورة النائب زياد العليمي وهو قاعد في البرلمان بيلعب بالموبايل.. حسب العنوان الأولاني "يتابع صفحته الشخصية على تويتر والفيس بوك".. وبعد ما القراء صححوا المعلومة وقالوا ان زياد أصلا ماعندوش صفحة على تويتر وان صفحته على الفيس بوك بيحررها أدمنز من أنصاره مش هو.. الجماعة صصحوا العنوان وكتبوا في الخبر انه بيتابع الانترنت كده حافز. وكل واحد يفسرها براحته.. ياريت تنزلولنا الصورة كويس عشان الناس تشوف وتتحقق بنفسها.. وعلى رأي قارئ باعت معلق بيقول ان خبر زي ده كان المفروض يحطوه صفحة أولى في جريدة زي الوفد.. أنا رأيي كمان ينزل على كل القنوات التليفزيونية.. مارشات عسكرية وقرآن.. وبعدين ..زياد بن المعلم العليمي بيلعب بالموبايل يارجالة .. وهو قاعد مستني دوره في عرض توصيته بمشروع القرار .. كويس انه لغاية دلوقت ماقعدش جنب واحدة من بنات المجلس كان جاب لنا الجرسة

 

 

[إكرام يوسف]

أخيرا زياد رد عليا.. وقلت له انت قاعد تلعب في الفصل وجالي استدعاء لولي الأمر.. فضحك وقال لي أنا فعلا كنت فاتح الموبايل على إيميلي.. والحكاية ومافيها إن:
[/LIST]*[/LIST]دي مش جلسة برلمان خالص.. ده اجتماع للجنة حقوق الإنسان.. وزياد مش عضو في اللجنة دي لأنه عضو في اللجنة التشريعية..

• *

لكن هو كان مقدم توصية للجنة حقوق الإنسان عشان تتبنى مشروع قانون هو مقدمه لاعتبار شهداء محمد محمود ومجلس الوزراء من شهداء الثورة وتعويضهم.

• *

لجنة حقوق الإنسان بقى كانت قاعدة تناقش مشروع قانون تاني لتنمية سيناء، مقدم للجنة من عضو تاني.. وزياد مش مشترك في المناقشة

• *

زياد بقى كان قاعد على جنب بعيد عن اجتماع اللجنة مستني دوره لما يخلصوا مناقشتهم ويستدعوه لعرض توصيته

• *

في الفترة دي بقى كان قاعد بيراجع إيميله يشوف البنود اللي حيحطها في توصيته


شفتوا المسألة بسيطة ازاي؟ يعني لا هي جلسة برلمان ولاهي اللجنة بتاعته أصلا ولا هو قاعد وسط أي مناقشة.. يعني قاعد في الفسحة وبيلعب بالموبايل

 

 

[سيدة مصر الاولى]

استاذة اكرام......زياد لا يحتاج لتبرير موقفه او تصرفاته فى البرلمان
يكفى كلماته و مطالباته بحقوق الشباب

 

 

[إكرام يوسف]

اقتباس المشاركة الأصلية كتبت بواسطة سيدة مصر الاولى استاذة اكرام......زياد لا يحتاج لتبرير موقفه او تصرفاته فى البرلمان يكفى كلماته و مطالباته بحقوق الشباب

ههههه.. ربنا يسعدك.. صدقيني مش بابرر.. اصلي النهارده تعبانة شوية وماليش مزاج اشتغل فباتسلى.. محتاجة موضوع هايف اشغل نفسي بيه.. بذمتك دا كلام؟ واحد قاعد جنب ناس مجتمعين مع بعض وبيلعب في موبايله يشغل الناس ويتعبوا قلبهم ويضيعوا وقتهم.. طيب انا ست عجوزة وبييجي عليا وقت وازهق من أي حاجة جد..وابقى عايزة اتفرج على فيلم هايف ما يخلينيش أشغل دماغي خالص.. زياد نفسه عارف اني مش ممكن أدافع عنه ابدا لو اتصرف غلط.. وأنا بصراحة ما كنتش عايزاه يدخل الانتخابات لكن اصحابه حسسوه انه حيبقى بيبيع دم الشهدا..ما باتدخلش في قراراته.. لكن ما ساعدتوش في الانتخابات ولا حتى حضرت له مؤتمر..واللي يعرفوني كويس عارفين اني اسرع واحدة أبيع أقرب الناس ليا لو اتصرفوا غلط.. لكن الناس بقى اللي تاعبه نفسها وبتدور على مأخذ وبتضيع وقتها وجهدها وصحتها تقوليلهم ايه
طيب أهي الوفد نفسها شالت الموضوع كله لما لقته عبيط ههههههه

 

 

[إكرام يوسف]

اقتباس المشاركة الأصلية كتبت بواسطة doctor farouk استاذه اكرام ربنا يحميه ليكي وكل شباب الثوره انتوا لسه شفتوا حاجه لسه لما يخشوا علي التقيل ربنا يعينك ويصبرك

آمين يارب العالمين.. آسفة ما شفتش المداخلة.. ربنا يتقبل دعوتك الطيبة ويبارك لك في صحتك وفي جميع أحبابك






هههههههه أخيرا عرفت انزل الصورة كبيرة.. زياد اتقفش وهو بيراجع ايميله .. وجنبه لجنة مش بتاعته خالص بتجتمع اجتماع مالوش فيه أصلا.. هههههه تصبحوا على خير بقى

 

 

[الفرعون المجهول]

اقتباس المشاركة الأصلية كتبت بواسطة إكرام يوسف آمين يارب العالمين.. آسفة ما شفتش المداخلة.. ربنا يتقبل دعوتك الطيبة ويبارك لك في صحتك وفي جميع أحبابك هههههههه أخيرا عرفت انزل الصورة كبيرة.. زياد اتقفش وهو بيراجع ايميله .. وجنبه لجنة مش بتاعته خالص بتجتمع اجتماع مالوش فيه أصلا.. هههههه تصبحوا على خير بقى

وكمان حاطط رجل علي رجل خلاص هزلت وبقت شئ لا يصدقه عقل

 

 

[O.S.A.M.A]

أنا الحقيقة شوفت الموضوع كله لو كان حقيقى بمنظور مختلف شوية ...

طبعاً لو كان زياد كان فاتح على حسابه على الفيس بوك وبيكتب مداخلة وبخاصة أنه مش عضو فى اللجنة المنعقدة دى
أكيد المداخلة اللى كان بيكتبها ليها علاقة باللى بيحصل فى زواريق مجلس الشعب واللجان المنبثقة منه واللى الشعب ما يعرفش أصلاً هيا بتعمل ايه ..
ولإحساس زياد انه واحد من الشعب اللى قاعد مش فاهم حاجة فقال لازم افهم الشعب الغلبان اللى بره ده ايه اللى بيحصل جوه هنا