Arabic Discussion Forum with a Special Interest in Travel and Immigration

kokomen · 12th September 2010, 02:47 PM

تعليمات بإزالة "الأجهزة التناسلية" و"الحيوانات المنوية" و"طرق الإخصاب" من كتاب المادة..

"التعليم" تقرر حذف دروس "الثقافة الجنسية" من منهج الأحياء

الأحد، 12 سبتمبر 2010 - 14:42

وزير التربية والتعليم أحمد زكى بدر
كتب حاتم سالم

علم "اليوم السابع" أن وزارة التربية والتعليم قررت إدخال تعديلات "جوهرية" على مادة الأحياء المقررة على طلاب الثانوية العامة بمرحلتيها الأولى والثانية، وتقضى التعديلات بحذف صفحات كاملة تتعلق بدروس "الثقافة الجنسية وعلوم الوراثة وطرق التكاثر"، على أن يبدأ تطبيق المحذوفات بدءًا من العام الدراسى الجديد 2010/2011.

وأوضح مصدر رسمى بـ"التعليم" أن الوزارة قررت حذف درس "طرق التكاثر"، وهو عبارة عن 10 صفحات من ص 166 وحتى ص 176، ودرس "التلقيح والإخصاب"، من ص 180 وحتى 181، ودرس "تركيب الجهاز التناسلى الذكرى، من 183 وحتى 184، ودرس "تركيب الحيوان المنوى وتركيب الجهاز التناسلى للأنثى"، من ص 185 وحتى 187، والفصل الأول من الباب الثانى، والخاص بـ"الوراثة".

كما شَمِلَت المحذوفات من "الأحياء" أجزاء أخرى من المادة، منها البناء الضوئى، من ص 22 وحتى ص25، والجهاز الليمفاوى، ص 56، وجهاز التنفس عند الإنسان، ص 71 و 72، وتجربة إثبات التخمر، من ص 76 وحتى 78، وتركيب الخلية العصبية، ص 111 و112 وتركيب الزهرة ص 177 و178.

وأوضح المصدر أن النبذة الخاصة بـ"الثقافة الجنسية والأجهزة التناسلية للإنسان" بمادة الأحياء للثانوية العامة تقلصت، وأصبحت شبيهة بدروس "الجهاز التناسلى" المقررة على طلاب الصف الثالث الإعدادى.

وأضاف أن الحذف تم بواسطة لجنة من مركز تطوير المناهج والمواد التعليمية تضم خبراء فى المادة، ومعلمين، وأستاذ أكاديمى، وموجه، ومستشار المادة بديوان الوزارة، وممثل عن إدارى التعليم الثانوى العام، مؤكداً أن "التعليم" أرسلت بياناً بالمحذوف من "الأحياء" للمديريات التعليمية تمهيداً لإخطار المدارس الثانوية بها لإزالتها من الكتب والتوقف عن تدريسها للطلاب.

**************************************

للأسف تصرف خاطئ من وجهة نظري كمدرس
أحياء أكثر من 30 سنة فهي دروس علمية مفيدة

للطلاب حيث يتم تدريسها كمادة علمية

بدلا من أن يأخذ الطلاب المعلومات من مصادر أخرى
وهذه الفقرات تدرس منذ زمن طويل

على رأي المثل ( ده الكلام اللي بيتقال في الأفلام)
يخدش الحياء عندما يدخل كل منزل وألا البرامج
والإعلانات التي تتحدث بدون حياء عن أشياء كثيرة

اسكندراني · 12th September 2010, 03:15 PM

ياااا مش ممكن الشاذه جنسيا ليز تشيني الي جت زارت مصر و امرت الحكومه المصريه بازاله الايات القرأنيه والدين من المدارس وادخال الثقافه الجنسيه والحريه الجنسيه وثقافه الجنس الامن

ممكن يشيلوا من هنا ويقلك نعمل ماده الحياه الجنسيه

جه الوقت الي تيجي واحده[COLOR="rgb(160, 82, 45)"]........ عندها حاجه وعشرين سنه والاعجب انها لا تمثل الحكومه الامريكيه بشكل صريح والدول العربيه ارتعدت من تهديتها ونفزت طلبتها

.................................................. ...
[/COLOR]

Eng A7m3d · 12th September 2010, 10:49 PM

الحمد لله أنا خلصت الكلام الفارغ ده من زمااااااااااااااااااااااان واخويا دلوقتي علمي رياضة
وعلشان كده أحب اتبع سياسة:

وأنا مالي

MeMo · 13th September 2010, 03:48 AM

بجد الراجل عنده حق , و في ذلك تلات فوايد مهمين

الاولي : ان الثقافة الجنسية دي هتخدش حياء الطلاب ( يا عيني علي الطلاب )

ثانيا : ان الوزير جزاه الله خير عاوز يقلل المنهج علي الطلاب

ثالثا : عاوز ينمي ثقافة الغباء عند الطلاب نظرا لان الطلاب ما زال فيهم رائحة الذكاء

قائد مدفعيه المطاريد · 13th September 2010, 07:08 AM

دراسة حاجة زى كده مهمه لكل الناس مش بس طلاب الثانيه العامه - قسم علوم .. لكن المشكلة امتى الوقت المناسب اللى يتم تدريس الكلام ده فيه ؟الثانويه و لا الجامعه و لا يكون مقرر اختيارى و لا نلغيها خالص و نشترى دماغنا

Prof · 13th September 2010, 08:12 AM

يمكن الوزير عايز يزود اعتماد العيال على النت كمصدر للمعلومات.

kebomix · 13th September 2010, 10:27 AM

اقتباس

المشاركة الأصلية كتبت بواسطة Prof


	يمكن الوزير عايز يزود اعتماد العيال على النت كمصدر للمعلومات.

دا على كده العيال هيفرحوا اوى

MeMo · 13th September 2010, 11:50 PM

اقتباس

المشاركة الأصلية كتبت بواسطة kebomix


	دا على كده العيال هيفرحوا اوى

هههههههه

PDLISA · 25th November 2010, 11:02 AM

دة اكبر غلط و اللهى ... " ليس فى الدين حياء " دة حديث ,,,,,,,,,

و كمان دلوقتى احنا كعرب معندناش ثقافة جنسية .. كل الى نعرفة هو الى بنشوفة فى الافلام (قليلة الادب ) :)
غير كدة القعدة الى ابوك بيقعدها معاك ليلة الدخلة عشان متكسفش نفسك !!!! بذمتكو دة كلام الموضوع كبير جدا و لازم نفهمة

و لا اهم عندنا نعرف ان الدنيا بتمطر امتى فى استراليا و امريكا و و العالم الى اخترع نظرية البربء اتولد فين و سنة كام و الساعة كام .... و متعرفش حاجة مهمة جدددااااا فى حياتك و مستقبلك معتمد علية !!! )

PDLISA · 25th November 2010, 11:04 AM

الا صحيح هى الاموشن فين و احطها ازاى !!! هموت و احط واحد مذبهل ....

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
نسألكم الدعاء لمريضة سرطان	ترحيبات ... مناسبات ... علاقات عامة	حشيش	1	4015	25th September 2020 11:08 AM
كل عام وأنتم بخير ... عيد أضحى مبارك	ترحيبات ... مناسبات ... علاقات عامة	samirhussein	2	3498	1st September 2017 02:41 PM
كل عام وأنتم بخير عشر ذي الحجة 1436	شؤون إسلامية	حشيش	3	1849	16th September 2015 05:01 PM
خطوات الحج والعمرة ... تقبل الله منكم جميعا ..	شؤون إسلامية	kokomen	2	1917	16th September 2015 04:56 PM
البقاء لله .. وفاة الزميل العزيز حسن Moka Mooka	ترحيبات ... مناسبات ... علاقات عامة	مزاياإنسانة	21	9965	21st May 2015 10:13 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

التعليم ماقبل الجامعي والجامعي

للأسف حذف الثقافة الجنسية من الثانوية العامة ( الأحياء ) !!!!