المنزل الصينى ...!! هل سيحل مشكلة اسكان الشباب ؟

[أحمد باشــا]

الصحف المصرية والعربية

اقتباس المشاركة الأصلية كتبت بواسطة ehabtaher عايز اعرف حاجه ... فى الاطراف .. ايه اللى بيحكم ربط الحوائط ببعضها بحيث مثلا الزلزال ما يأثرش فى البيت سابق التجهيز ويروح موقعه كأنه بيت من الكوتشينه

الحوائط تثبت في الأرضيات بمجرى و بالأسقف لمقاومة القوى الأفقية مثل الزلازل و الرياح ... و لا فعالية لتثبيتها معا لمقاومة هذه القوى ... هذا في العناصر الإنشائية الخفيفة مثل المنزل الصيني

لكن في الحوائط الحاملة مثلا فإن قوى الترابط بين الحوائط اقوى من ترابطها بالأسقف و الأرضيات ... لكن وزن الحوائط نفسها و ما عليها من احمال ثابتة و أحمال حية هو الذي يقاوم القوى الأفقية

أما في الإنشاء الهيكلي ... فالهيكل الإنشائي هو الذي يعمل في الأحمال الرأسية ... و أيضا الأفقية حيث تقاوم الكمرات القوى الأفقية في المباني المنخفضة الإرتفاع و يتم تعزيزها في الأبراج الشاهقة بعناصر إنشائية مائلة bracing و نفس الأمر في المنشئات المعدنية و الخشبية

 

 

[MFaisal]

طب كده حلينا مشكلة المنزل ... عاوزين بقى حتة أرض صينى نبنى عليها

المشروع ده عمره ما هيمشى فى مصر .. المبانى عندنا بتتاخد عافية .. كل واحد بيدور على خرسانة وحديد لأنه بيعتقد انها أحسن

الحل الوحيد هو مشروع حكومى قومى لتطبيقه فى المدن الجديدة والمساكن الأقتصادية وساعتها الناس هتعرف انه نظام كويس ويبدأ ينتشر .

 

 

[كريم يوسف]

السلام عليكم ورحمة الله وبركاته
طب يا جماعة حد يعرف تكلفة وحدة مسطحها 100 م2 تقريبا كام؟

 

 

[حسام]

بجد موضوع رائع متضايق انى مشفتوش من زمان
وتسجيل متابع وسط تجمع المهندسين المعماريين الجميل ده
طبعا أساتاذنا كلنا د.سامو وباقي المهندسين المعماريين والمدنيين منورين
وبتعلم منهم بجد والله

 

 

[حسام]

للرفع
موضوع رائع

 

 

[مغتربة]

مموضوع ممتاز شكرا لك

 

 

[monylife]

فكرة حلوة للشاليهات

انما بيت اساسى صعب جدا

 

 

[yosr]

و الله فكره تحفه و بتهيألى لو اتنفذت فى مصر لو الدوله سمحت للناس بأستغلال بعض المساحات و لو بأسعار بسيطه ممكن نلاقى شباب كتيييييييير قدروا يتجوزوا خصوصا ان مسأله المسكن هى اصعب حاجه فى الجوازة كلها
بس لو الناس تقتنع انها تقعد فى بيوت زى دى و لو هى تكلفتها فى مصر معقوله ساعتها يبقى مشروع ناجح فعلا و حل ازمه
بس ربنا يبعد عنهم الهجامه عشان لو عرفوا ان البيت خشب ممكن يطربقوه على اللي فيه (انا كتبتها صح يطربقوه دى ؟)