ورق الحائط

[أحمد باشــا]

الصحف المصرية والعربية

ورق الحائط اختراع قديم جدا عمره من عمر اختراع الطباعة

حاليا يوجد على شكل لفات " رولات " بعرض 50.5 سم أو 52 سم أو 101 سم أو بطول 10 متر و هناك بعض المقاييس الخاصة لكن الرول القياسي يعطي مسطح 5 متر مربع تغطية تقريبا


يلصق على الحوائط المدهونة او غير المدهونة مباشرة بشرط ان تكون ناعمة الملمس و لا يوجد بها ثقوب او شروخ

بعض انواع ورق الحائط بها لاصق ذاتي بحيث يتم نزع غلاف رقيق من على ظهر الورق ليظهر اللاصق و معظم ورق الحائط يلصق بغراء شفاف عبارة عن مسحوق يتم تذويبه في الماء .... و بعض الأنواع لها مواد لاصقة مخصوصة

انواع ورق الحائط

ورق حائط نسيجي

ورق حائط معدني

ورق حائط ورقي

ورق حائط حريري

ورق حائط فينيل

النوع الفينيل هو أكثر الأنواع المنتشرة حاليا و التي تتحمل الأحتكاك و الغسيل

يتبع

 

[فــيــروز]

معلش هو سؤال مفروض يستنّى لآخر الموضوع بس هو ورق الحائط بيتشال إزّاى أمّا نزهق منّه !!

 

 

[أحمد باشــا]

اقتباس المشاركة الأصلية كتبت بواسطة فــيــروز معلش هو سؤال مفروض يستنّى لآخر الموضوع بس هو ورق الحائط بيتشال إزّاى أمّا نزهق منّه !!

بإمرار فوطة بها ماء ساخن فيتم نزعه بسهولة

لكن هناك بعض الأنواع الصعبة النزع و ده طبعا من شروط المفاضلة بين نوع و آخر

على فكرة .... المفروض ان ورق الحائط من الحاجات اللي بيسموها Do it your self

 

 

[أحمد باشــا]

و يمكن تصنيف ورق الحائط ايضا لورق ناعم الملمس او خشن الملمس يعطي ايحاء بالمادة او منقوش بزخارف بارزة

و ايضا هناك اشكال من الورق تتراوح من السادة للمزخرف بزخارف هندسية او فنية للبوسترات التي تحتوي على صور حقيقية او لوح فنية

من المهم جدا الكتفاء بجانب واحد او اثنان على الأكثر من جوانب الغرفة لتغطيتها بنفس النوع من ورق الحائط و الباقي دهانات او نوع آخر من ورق الحائط ايضا

يراعى تكامل و تناسق الألوان و معالجة عيوب الغرف الصغيرة او الكبيرة او الأبعاد الغير مرغوب بها بأختيار التصميم المناسب الذي يحقق ذلك

الحوائط التي بها عيوب في البياض و غير منتظمة السطح يراعى ان يستخدم بها الأنواع المط غير اللماعة و ذات التحبيب السطحي فهي تخفي عيوب الحائط بكفاءة

اما الأنواع اللامعة الملساء فيلزم لها حوائط مخدومة جيدا من قبل و لا يظهر بها اي عيوب على الأطلاق

يتبع

 

 

[أحمد باشــا]

يعني عملت الموضوع ده علشان تساؤلات فريدة

و فريدة لا حس و لا خبر

اين انت يا فريدة

 

 

[Farida]

ان اهو شايفنى
بجد موضوع جميل .....بس كالعاده عندى عدة ملاحظات ..........
1- زمان ايام الثورة الأولى لورق الحائط كان احيانا بيتقطع او بيفقد اللزق بتاعه ايه العلاج فى الحاله دى و لو العلاج انى اخزن رول زياده مثلا ايه اقصى مده ممكن اخزنه فيها
2- مش الفينيل ده بيستخدم فى الأرضيات ازاى استخدمه مع انى متهيألى انه الأفضل لأنه الوحيد اللى ممكن يتغسل و كده
3- مش واصلنى قوى موضوع شويه ورق حائط و شويه دهانات ممكن امثله
4- فى اماكن فيش الكهربا و كده بيتعالج ازاى موضوع الروق ده - لو طبها كان اللى بيلزق من غير المتخصصين
5- باختصار بقه ايه افضل نوع و اطولهم عمرا و يمكن غسله و اسعاره تتراوح بين كام و كام
و شكرا جزيلا

 

 

[Doudy]

انا كمان يا استاذ احمد عايزة اسال

على افضل الانواع مين الحريرى و لا الورقى ولا المعدنى ولا الفينيل

من حيث الجودة

و كمان سعره ايه

بجد موضوع جميل و مفيد

 

 

[أحمد باشــا]

اقتباس المشاركة الأصلية كتبت بواسطة Farida ان اهو شايفنى بجد موضوع جميل .....بس كالعاده عندى عدة ملاحظات .......... 1- زمان ايام الثورة الأولى لورق الحائط كان احيانا بيتقطع او بيفقد اللزق بتاعه ايه العلاج فى الحاله دى و لو العلاج انى اخزن رول زياده مثلا ايه اقصى مده ممكن اخزنه فيها 2- مش الفينيل ده بيستخدم فى الأرضيات ازاى استخدمه مع انى متهيألى انه الأفضل لأنه الوحيد اللى ممكن يتغسل و كده 3- مش واصلنى قوى موضوع شويه ورق حائط و شويه دهانات ممكن امثله 4- فى اماكن فيش الكهربا و كده بيتعالج ازاى موضوع الروق ده - لو طبها كان اللى بيلزق من غير المتخصصين 5- باختصار بقه ايه افضل نوع و اطولهم عمرا و يمكن غسله و اسعاره تتراوح بين كام و كام و شكرا جزيلا

الله يكرمك

مفيش ثورة اولى أو أخيرة ورق الحائط يستخدم في العالم كله منذ أكثر من مائة عام و هنا في مصر رأيته مركب منذ اكثر من 75 عام و مازال يحتفظ برونقه حتى الآن

استخدام اللصق الجيد مع درجة التخفيف المناسبة لنوع الورق يعطي نتائج جيدة

اما اسباب انفصال الورق فهناك اسباب كثيرة لذلك منها عدم نظافة الحائط او وجود رطوبة به او ان الحائط ليس مدهونا بطبقة اساس ( لصق عالمحارة ) أو لسقوط اشعة الشمس مباشرة على الورق فيتشقق او تشقق طبقة دهان الأساس لسوء خاماتها .... و كلها اسباب سوء مصنعية أو سوء أختيار من الأصل

تخزين ورق الحائط في ظروف جيدة تجعله يدوم مدة طويلة

الفينيل احدى مركبات البلاستيك يستخدم في استعمالات عديدة و ليس للأرضيات أو الحوائط فقط ابسطها اقراص الجرامفون و لعب الأطفال

ورق الحائط الفينيل هو الأكثر تحملا للأحتكاك و الغسيل و لكن الأنواع الباقية تتحمل الغسيل ايضا لكن بدرجات متفاوتة

امثلة على الأستخدام سأخصص لها عدة مداخلات بأذن الله ... لكن عامة من غير المقبول شغل الأربع حوائط للغرفة بنقوش متكررة

سأخصص مداخلة لطريقة اللصق بطريقة اصنعها بنفسك ... و المفاتيح مثلا يتم نزع غطاء المفتاح قبل التركيب ... ثم يشق الورق اعلا مكان المفتاح على شكل صليبي أقطاره هي اركان علبة الكهرباء و يتم ثنيه للداخل أو يسوى الحرف بالقاطع .... و بعدها يتم اعادة تركيب غطاء المفتاح .... ايضا يشق على شكل صليب صغير نقطة التقاطع هي محور مسمار تعليق البرواز ليسمح بالتركيب مع وجود المسمار ... ده شرح سريع

هنا فيديو يشرح طريقة تركيب لونين من ورق الحائط و بينهما بوردر ( كنار ) طريقته لا بأس بها لكن الأفضل استخدام قاطع CUTTER مع مسطرة طويلة بدلا من المقص ايضا طريقة خرمه للورق لأبراز المسمار سيئة و المفروض على شكل صليب مثل علبة المفتاح ... ايضا هناك شئ هام يختلف عندنا و هو دهان كلا من الحائط و الورق بالمادة اللاصقة لأنه من الواضح انه يلصق على حائط خشبي ... و برضه هو مفذلكها كتير بكثرة المقاسات



ورق الحائط يتراوح سعره بين 15 جنيه الى 90 او ربما 120 جنيه للرول الواحد .... حسب الخامة و بلد الصنع لكن عامة الأنواع المستعملة بكثرة تتراوح بين ال 30 جنيه الى 45 جنيه .... و موضوع الأسعار ليس ثابتا من محل لآخر .... انصحكم بشوية لف و مقارنة الأسعار ستجدون تفاوتات ملحوظة و غالبا هناك هامش للفصال و المساومة

و مفيش حاجه اسمها احسن خامة .... فممكن مثلا استخدام الورق الساتان او الحريري في الحائط خلف السرير مثلا و لا يخشى عليه لأن هذا المكان محمي بطبيعته

لكن غرف الأطفال يجب ان تكون الخامة ملائمة للخدمة الشاقة .... هناك انواع نسيجية تباع مع نفس نقوش الستائر أو المفارش ... ايضا البوردرات بنفس ارضية لون االورق و يمكن تكوين نفس اللون لدهانات الحائط بالكمبيوتر

الأختيارات عديدة جدا و لا نهائية ... و لا يمكن ان اشرحها كلها .... لكن ربما زيارة لمحلات الديكور قد تعطي للمرء اختيارات على حسب ذوقه

 

 

[أحمد باشــا]

اقتباس المشاركة الأصلية كتبت بواسطة Doudy انا كمان يا استاذ احمد عايزة اسال على افضل الانواع مين الحريرى و لا الورقى ولا المعدنى ولا الفينيل من حيث الجودة و كمان سعره ايه بجد موضوع جميل و مفيد

زيارتك للموضوع هي الأجمل

اعتقد ان اجابات اسئلتك في المداخلة السابقة ... و منتظر اي استفسار آخر

 

 

[أحمد باشــا]

صنايعي 100 % .... بيلصق بوسترات و عامل اعلان عن نفسه برغم انه وقع الجردل

لاحظو تأثير تركيب البوستر في مكان ضيق و ما اضفاه من شعور بالرحابة في المكان بعد التركيب





آه نسيت اقول .... من الممكن صنع بوسترات على حسب الطلب و بالصورة التي ترغبون بها بالفينيل بالطباعة بالبلوتر

هناك شركات للطباعة تمكنك من ذلك ..... و ممكن لو حد حب يحط صورته على الحائط مكبرة