بناء العضلات

[استشارى]

الصحف المصرية والعربية

الى الامام
الى الامام

ثورة ثورة


هو ده الكلام

 

 

[تكسير]

طبعا في أشياء كثيرة قوي لو عايز تشتري , بس أنا جبتلك المهم والمفيد
يعني ممكن مثلا تشتري حاجة علشان تلعب ضغط
زي دول مثلا

بس انا شايف انك ممكن تلعب ضغط بأساليب كثيرة ومش حتحتاج الجهاز الصغير ده

المهم

لازم قبل ما تبتدي التمارين تبقي مفكر كويس وعامل حسابك انك تفضي نفسك علي الأقل مرتين في الأسبوع , وإنها تكون في أوقات ما تكنش فيها تعبان او مجهد , يعني لازم تكون مريح قبل التمرين , يعني ما تخلصش الشغل وتكون تعبان ومُرهق , وتيجي تلعب وتبقي عايز التمرين يدي فايدة , يبقي انت كدة بتضحك علي نفسك أو هترهقها قوي ومع الوقت حتخسع علي الاخر

طيب تمام

بداية المشوار

جهز الشنطة

حيكون فيها فوطة حلوة كبيرة , زجاجة مية عادية يعني لا باردة قوي ولا سخنه جدا , مية عادية حسب حالة الجو , ترنج اللعب ويا سلام لو تعمل حسابك في تشرتين , علشان لو عرقت قوي في واحد تغيره علشان ما تبردش لو واحد فتح الشبك جمبك , او تيشرت بكم تقيل لان في صالات بيحطوا التكيف وده ممكن يتعبك قوي , فتكون مأمن نفسك علي الاخر , زجاجتين عصير , واحدة حتضربها وانت بتلعب وواحدة بعد ما تخلص , ممكن تاخد معاك برطمان عسل أبيض أو أسود أو معكب حلاوة طحينية , ودي علشان تلحق نفسك بعد التمرين وما يجلكش هبوط وأنت خارج من التمريين , ممكن بقي والاهم بس أنا عارف في ناس كتير حتكسل وحتقرف , تحط في الشنطة ثلاث بيضات غير مستويين , وتقوم شفطهم بعد التمرين

طبعا مش حتكلم في مزيل العرق والكلام ده عندك شغال معندكش يبقي لما تروح البيت ولو ان الدش بعد التمرين مهم وبيريح قوي, وياسلام لو حمام بخار أو جاكوزي أنبوبة بوتاجاز يا متعلمين يا بتوع المدارس هههه

هيا بنا إلي الصالة

اوعي السجاير قبل التمريين بساعتين علي الاقل أو بعده , أوعي تكون مالي بطنك أكل , لو الصالة قريبة يبقي أجري لحد الصالة , جري منتظم خفيف , يعني ما تفتحش سبرنت أو تجري بسرعة , لأ براحة تسخين , كدة حتبقي مش محتاج تجري في الصالة

وبدل الشنطة ما بين الإيد اليمين والشمال بس تكون جمبك مش أمامك , ما تجريش بيها وهي علي ظهرك

بالنسبة للمسافات البعيدة ما تجريش أستني لما توصل , بالنسبة للي في البيت لازم تنزل تجري علي الأقل 10 دقائق 20 علي الأكثر, مجرد تسخين , لأنك حتجري تاني بعد ما تخلص التمريين , بالنسبة للي عايز ينفخ ويبقي زي البطة , ما يجريش كثير , علشان الجري بينزل عضلة الحديد , بس مشكلتك حتبقي في عضلة القلب يا حلو , وعضلة القلب لازم تتمرن هي كمان علشان تبقي مستعدة للجسم الجديد إلي حتضخ ليه الدم

وصلت الصالة

حتغير وتلبس عدة الشغل , تقول بسم الله وتدخل

اول حاجة

التسخين

شوية جري علي مكنة الجري , بتحطها علي جري بسيط وانت بتجري بتحاول تحرك إيديك كلها , كتفك , وسطك كدة يعني , علشان العضلات تتحرك شوية وتسخن , في ناس ممكن تجري شوية وتنزل بعد كدة علي مكنة التجديف , يلعب شوية , وممكن شوية ضغط وممكن شوية عقلة وممكن شوية عجلة , بيعمل شوية إيطالات للعضلات , المهم مرحلة التسخين دي مهمة قوي لازم لازم تسخن , أوعي تكسل , ما هو انت لو كسلت في التسخين أمال حتعمل إيه في الثقيل إلي جاي ؟؟؟ أوعي تقول التسخين مش مهم وحخش علي التقيل والمهم , لأ انت كدة حتتعرض للإصابات وحتتعب كمان في التمرين , اوعي تفتكر ان التسخين حيتعبك , أبدا أبدا , بس ما تقعدش تسخن ساعة يعني ههههه

المهم حنخش في التسخين إن شاء الله ونتوسع بالصور وكل حاجة ما تقلقوش يا رجالة
معلش والله نفسي أخلص الموضوع في يوم بس اه احنا مع بعض إن شاء الله ومس سايبكم إلا ما تبقوا وحوش


ازعق يا وحش

 

 

[imatinib]

اقتباس ازعق يا وحش

متعرفش متوسط الدمبلو و الاستك فى السعودية يعمل كام يا تكسير

عشان مينضحكش عليا

 

 

[imatinib]

ايه النظام يا تكسير

 

 

[Jonathan]

يللا يا كابتن تكسير انزل بالبرامج قبل ما الناس تبقى زي ست الحاجة

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة تكسير بسم الله الرحمن الرحيم كنت عايز من زمان أفتح موضوع هنا عن بناء العضلات , والحمد لله خت القرار , وححاول إن شاء الله أفيد الناس , اهلي وعشيرتي ليه رياضة بناء العضلات ؟ لانها رياضة مملة وعايزة صبر , ولو سبتها أسبوع تعيد وكانك معملتش حاجة , وده حيسبب عقدة نفسية , أو تتجنن وتزود العيار وتصبح مدمنها , وام العيال حترقع بالصوت لكن لو عندك صبر وفي نفس الوقت تراعي العشيرة , حتبقي نجم النجوم , شكل وقوة لعبنا كورة وسلة وووووووو , جميل ما فيش مشاكل , بس الناس تحس من منظرك انك حشاش , رفيع ومقتم او طخين وبكرش , مع انك مكحرت نفسك جري ومشي , لأ كفاييييييييييييييييييييييييييييييييييياااااااااا عايزين بقي شكل , ما هو الشكل مهم برضوا , بس يا حلو لازم يبقي شكل وقوة , لانه لو شكل بس حيبان , ضريب الكماويات بيبان , تحس انه منفوخ هوي , ولما تجربه تلاقيه فشنك , اما الواد الصح , تشوف عضلاته تموت لوحدك تمام أول حاجة اعرف انك حتغير مقاسك في اللبس بعدين , فا ما تزعلش لو في بنطلون او تشيرت عزيز عليك , لانك مش حتعرف تلبسه تاني اعرف أنك حتكلف نفسك فلوس كثيرة في الاكل , فا وفر فلوسك إلي مضيعها علي الاونظة اعرف انك لو اكلت أكله تعبانه حتفضل تعبان وولو اكلت اكله كبيرة حتكبر أعرف انك بتبني جسم وقوة , فحاول انك ما تكونش شرير , علشان ربنا كبير وقادر اعرف انك لو بصيت للأقوي منك حتحتقر نفسك فا ما تبصش , لان في الصالة حتلاقي ناس غاوية تعقدك , تبقي انت بترفع خمسة كيلوا بالعافية وهو بيرفع مية كيلو وما تبصش للأقل منك لأنك حتتغر في روحك , وتكتفي يبقي أبص لنفسي بس الحديد عايز نفس طويل وصبر , والنتائج مش حتبقي بسرعة الريح , لأ حياخد وقت طويل , يعني اول نواية بلحة في الدراع ممكن تاخد 6 شهور مش بالوقت الطويل والحديد التقيل , لأ لأ بالطريقة الوقت مهم جدا وطريقة اللعب برضوا يعني ممكن تلعب ثلاث ساعات ولا ليهم لزمة , وممكن تشيل أوزان وتموتلك نمو العضلة , وممكن تلعب ساعة وتشيل أوزان خفيفة وتبقي ما شاء الله ولكن اللعب الطويل والاوزان الثقيلة ليها وقتها فانا ححاول احطلكم برنامج علي اعلي قدر من الأحترافية وباسهل أسلوب , وحتلاقوني مجاوب علي كل سؤال إن كان البداية حتبقي إزاي , واعمل إيه , والوقت , والاكل ,الراحة والنوم , وكل حاجة حتي لو في إصابات برضوا حعمل إيه وإزاي , قبل التمرين وبعد التمرين , حتكلم بصراحة وربنا يعين طبعا انا مش كوتش ولا حاجة , بس بمارس الرياضة دي علي إيد ناس محترفة , وتعبت جدا , وعملت اخطاء بالجملة , وإصابات بالكوم , فمتعلم بالغالي , ومازلت بمارس الرياضة دي , ووصلت فيها لمستوي حلو , مش هرقل يعني بس الحمد لله لان القوة كانت اهم عندي من الإنتفاخ , فدي بتاخد وقت شوية لان حتي في تمرين إي عضلة في تمرين للنفخ وفي تمرين للقوة , وممكن تعمل الأثنين مع بعض طبعا ده حشرحه إن شاء الله في كل تمرينة وفي كل عضلة بس كنت عايز أبتدي بسرعة كدة , العضلة لما بتلعب وبتشيل وزن مش معتاده عليه , بالبلدي كدة بتفهم انها لازم تشيل الوزن ده , فبتقوم متكسرة , وبعد ما تتكسر تلحم وتكبر اكثر من الاول , علشان هي فهمت انها لازم تشيل الوزن الجديد عليها ده , العضلة بتكبر في الراحة , او أثناء النوم , وكل مرة تشيل وزن اكبر , حتعمل نفس العملية , فحتحس بوجع خفيف في كل مرة , ده عادي , لكن وجع اول تمرينة حيبقي صعب شوية ولو وقفت اللعب لفترة كبيرة , العضلة حتفهم انها مش حتشيل , تقوم تنام وتريح , ولما تيجي ترجع تشيل تاني حتحس انك مش قادر تشيل إلي كنت بتشيله قبل كدة , وتعيد من الاول , وكانك يا زيد ما غزيت المهم انا طولت انتظروا جديد الكوتش تكسير دماغ إن شاء الله

قشطة عليك يا تكسير نجم يا ولدي

انا ازاي ماشفتش الموضوع ده غير دلوقتي

أتكلم عن كمال الاجسام في حياتي

انا ابتديت اللعبة دي سنة 97 بالصدفة كنت بروح مع حد صاحبي

ومن 97 لحد شهر 12 اللي فات فضلت العب شهر في السنة - اشترك شهر في الجيم وماكملش وارجع السنة اللي بعدها وهكذا

فالنتيجة طبعا ماعملتش جسم ولا حاجة بس عملت معلومات عن التمارين كلها وازاي تتلعب

والحمدلله قررت شهر 12 اللي فات اني اشترك وأكمل

واشتركت فعلا 16 ديسمبر والحمدلله مكمل لحد دلوقتي بس برضو كتير بكسل يعني ممكن يومين يقعوا في الاسبوع

وحاليا بعد اللي حصل في موضع كيبك مأثر على نفسيتي جدا لدرجة اني امبارح رحت ماكملتش التمرين ومشيت

بس اتفق معاك في كل اللي الكلام اللي قلته بس مافهمتش قوي النفخ والقوة بس اللي بفهمه ان النفخ غالبا بيبقى بالامينو والبودر والهرمونات ربنا يبعدنا عن كل الكلام ده - بس جايز قصدك الواحد لما يتمرن بوزن مش تقبل عليه ويبجيب تكرار ده بيعمل تشريح لكن انك تشيل وزن تقيل ده بيعمل حجم عضلي

انا طول عمري كنت بقول ايه الفايدة ان الواحد يشيل تقيل ويلعب غلط ويجيب 5 عدات لا الواحد يخفف ويلعب صح دي كانت مدرستي

بس غيرتها لما لقيت حد بيلعب بقاله 16 سنة - قالي انا ندمت اني طول عمري بلعب خفيف عشان ماعملتش حجم

فبقيت بعمل الاتنين انا بلعب لكل تمرين 4 ادوار دور خفيف بجيب تكرار والادوار التنانية بلعب بس التقيل بالنسبة لي يعني اجيب 7 عدات لكن لو جبت أقل بخفف والعب تاني ومش بحسب الدور ال5 عدات

مثلي الأعلي في اللعبة ارنورلد جوزيناجر - بحب ناس كتير دوريان يتس - وناصر السنباطي الله يرحمه و شون راي - روني كولمن - كيفن ليفرون - بس ارنولد ده مدرسة حتى فيه طريقة فب التمرين بالدمبلز اسمها Arnold Press

بالنسبة للأكل كلام صح جدا شهيتك بتتفتح جدا - وبعد الجيم ببقى عندي استعداد اكل اي حد - يعني مثلا الاول كنت باكل واجبتين دلوقتي باكل 3 غير الكيمة زادت وفي النص باكل فاكهة كتير بكميات كبيرة عشان الكيبهيدراتس


تركيزي في الاكل انه يبقى فيه نشويات رز او مكرونة ودهون لحمة او فراخ او سمك وكيبوهيدراتس خضار وفاكهة والصبح البان مع الاكل

عجبني كلامك على الغرور وعلاقته باللعبة وانك تقارن نفسك باقل او اكتر

انا مش ببص على الناس دي في الصالة انا اهم حاجة عندي اني اكون بلعب صح وبشيل الوزن التقيل عليا اللي يشغل العضلة ده اللي يخليني مبسوط واني بلعب صح - يعني انا بلعب متواصل بقالي شهرين الراجل التاني بيلعب بقاله سنين اقارن نفسي ازاي - جايز هو بياخد امينو او بودر او حقن اقارن نفسي بيه ازاي وليه

حاجة كمان انا بكتب على الموبايل اوزاني كل مرة عشان ازود واعرف انا بتقدم ولا لا ودي من ضمن الحاجات اللي بتدي حافز

في نقطة انت ماتكلمتش عليها ليها علاقة وثيقة باللعبة هو هوس المرايا الذي اصبانا جميعا

سواء في الجيم او في الحمام او في اي مرايا بتعدي عليها انا بحاول اقاومه بقدر الامكان انب بعد كل تمرين ابص في المرايا

لسة في كلام كتير هنتكلم فيه - ده بس ردي على اول مدخلة ليكك ماقرتش غيرها - عاش يا وحش كمل يا كابتن وانا معاك

متابع جدا ومبسوط اني لقيت موضوع زي ده - عشان نأخد برأي بعض

 

 

[تكسير]

أنا كنت نسيت الموضوع ده كويس أنك فكرتني يا ريمون
طيب نتكلم شوية في حجات قبل ما نخش في البرامج والتكنيك بتاع اللعبة , لأن التأهيل الذهني في تلك الرياضة مهم , كما قلت أنها رياضة مملة نوع ما , لما فيها من إجهاد للجسم
أولا
لازم نعرف عدد التمارين في الأسبوع كام وكام ساعة ممكن نتمرن
وأسال مجرب ولا تسألش طبيب
في ناس بتفتكر أنها لو لعبت 7 ايام في الأسبوع حتبقي مية مية , بالطبع وأكيد لأ , مفهوم غلط , حتجهد العضلة وتتعرض للأصابات أكيد
اللعب الصح والمفيد بيبقي 3 تمرينات في الأسبوع , مدة التمرين بتبقي ساعة واحدة فقط وكل دقيقة بعد ذلك بتبقي تحميل زيادة علي العضلات
يعني بعد ساعة من التدريب الصح العضلات حتصرخ وتكاكي وتقولك أرحم أبويا
بتريح يوم أو أثنين ما بين كل تمرينة وتمرينة , يعني ما بين 24 ساعة لحد 72 ساعة

حتي وأنت بتلعب التمارين في التدريبة الواحدة , ما بين كل تكرار وتكرار بتحط أقل حاجة دقيقة لحد خمسة راحة ما بين تكرار العدادت بتاعة التمرين الواحد
الراحة مهمة جدا جدا جدا
في حاجة كمان
الحديد وكمال الأجسام محتاج أنك ما تلعبش لوحدك , لو لعبت لوحدك عمرك ما حتزود في الأثقال المرفوعة , أنسي صحيح , طيب فرضنا ما عندكش حد يروح معاك
اعمل زيي انا بطلب أي حد موجود في الصالة أنه يساعدني في الحمل , بس يعني ما تبقاش طماع وتلطع الراجل جمبك , لأ خليه في التمرينة إلي فعلا محتاج تشيل فيها وزن صعب عليك أو لو عايز توصل بوزن لعشرة عدادت
وحاول تساعده برضو
بكرة نكمل إن شاء الله