أوباما..تانى..

[محمد جادالله محمد]

الصحف المصرية والعربية

أوباما..تانى..
جلسا معا على طاولة فى كافتيريا على شاطئ النيل
طلبا مشروبان مختلفان
تناول قهوته بسرعة
وتركها تمزمز فى عصيرها المفضل
منشغلا عنها بتصفح جريدته المسائية..
عاتبته بصوت عال قائلة له
مش من الذوق.. تسيبني قاعدة لوحدي
وأنت قاعد تبص فى جرنالك
فى البيت ماشى أهو بانشغل فى المطبخ..
أو مع العيال..أو مع الغسيل..
إنما فى اليوم اللى بتفسحنى فيه كمان
تتركنى لوحدي .وتروح لجرنالك..
يا ستي أنا قلت أقرأ الجرنال على ما تشربى العصير
انت مش عارف..انى ما أعرفش أشرب حاجة لوحدى..
ولا أعرف..أبلعها إلا لما تبص لي..وتكلمني..
أيه بقى اللى فى الجرنال.. أحسن مني..
أوعى تقول.. أوباما تانى
هههههههههههه...لا مش هوه
أمال مين..
مشيل..
مشيل مين
مراته..
مرات مين
مرات أوباما
أوباما تانى
ومالها الست مشيل
جميلة
أنت بتتغزل فيها قدامي
ما أقصدش..أقصد أن تصرفها جميل
فى أيه بقى..
إشتركت فى المظاهرات..ضد بوكو حرام..
بتاعة نيجيريا..
أيوة..
بتطالب بالإفراج عن البنات المخطوفين..
..ده شيئ عادى.. وأكيد فيه مظاهرات كتير
خرجت فى دول اخرى علشان كده..
يبقى أيه الجمال.. اللى عجبك فيها..
ما هو جوزها..يعتبر.. هوه اللى بيدعم بوكو حرام..
إزاى بقى...
مش ساب لهم سلاح القذافى..
أنت قصدك.. إنها..بتعارض جوزها..وبتعمل..مظاهرات..ضده..
فيه عندك تفسير.. غير كده..
ليه..يعنى..
هوه أوباما حد يقدر..يطيقه..
مش..أوباما..لوحده..
قصدك أيه..
شوف نفسك..أنت كمان..
فى اليوم.. اللى بنخرج فيه.. نتفسح..
بدل ما تكلمنى.. كلمة.. حلوة..
بتكلمنى فى المظاهرات..وفى بكو حرام..وأوباما..
طيب .. يلا.. بينا.. علشان.. نروح
أهو.. ده.. اللى..أخدته.. منك..
أنا.. لو.. أعرف..أنظم.. مظاهرات..
كنت نظمتها..ضدك..كل يوم..
ليه..أنا..خطفت..منك..حاجة..
.. خطفت..مني..عمري..
عمرك..
ايوة.. انت..مش.. مصدق..
ده..اسمه..كلام..
هوه.أنا..أقدر..ما..أصدقش..
بحسب...
طيب.. يلا.. يا عمري..
فين..
علشان..نلحق..نلاقي..تاكسى..
يروحنا..البيت..
أيوة..بقينا نصف الليل..
والناس اللى بتسهر للفجر..
دول معاهم عربيات..
وفين عربياتك..
بكرة تفرج..
وأشتري لك مرسيدس..
ما بكولش من الكلام ده..
هات التوك توك الأول علشان أصدقك..
وأنت تسوقيه..
لما تعلمني السواقة..
يا سلام..بس كده..
أيوة بس بس..ألحق التاكسى ..
شاور له..
حاضر..
كلماتي وبقلمي..
محمد جادالله محمد الفحل