الحجامة

[مدى]

الصحف المصرية والعربية

اقتباس المشاركة الأصلية كتبت بواسطة Prof كمان سؤال من فضلكم وكرمكم.. عندي حد قريب عنده سكر.. ربنا يعافيه ويعافينا جميعاً.. هل الحجامة لها علاقة بالسكر؟

بابا مثلا عنده السكر من سنين ..
بنعمله حجامة كل 6 شهور نفعت في ايه
1- ثبات جرعات الدوا من ساعتها ..مش بيزيد جرعة الأنسولين عنده .
2- بتساعد ع أمتصاص الدوا .
3 - بتخفف من خطر مضاعفات السكر .


ماما ظهر عندها السكر من سنتين ..اول ما ظهر ماما كانت بتخليني أعملها كل شهر دلوقتي أختفى تماما ( يمكن عشان كانت في البدايات فلحقته ويمكن كان سكر نفسي ) الله أعلم.

بس مريض السكر محتاج عناية جدا في التشريط ..مش اي حد..

 

 

[مدى]

اقتباس المشاركة الأصلية كتبت بواسطة حسام هل ممكن حد مش طبيب يتعلم الحجامة ويشتغل كمعالج بيها؟ ولو اه يبقي فين وازاى وبكام ومدة التعليم قد ايه؟ وألف شكر على الموضوع الرائع ده يا د.أميرة

انا مش طبيبة ..
واتعلمتها أول حاجة ع إيد دكتورة ألمانية هي اللي مترجمة أصلا الكتب الألمانية للعربية في موضوع الحجامة ..
كنت بتعلمها في البداية غصب كده لأن ماما كانت بتأخد فيها دورة ومكنتش حابة تسبني في البيت لوحدي فخدتني معاها ..

المهم من كام شهر خدتها ع أيد د. أمير صالح وده من أشهر الدكاترة في الحجامة وكان عاملها كورس في كلية علاج طبيعي في جامعة القاهرة ..

ده عن التعليم ..
عن الشغل ..المفروض أنه يكون دارس تشريح ..ويكون عنده ع الأقل مبادئ اسعافات أولية ..ويدرب كثير ع أيد دكاترة ..عشان يكتسب ثقة في التعامل مع التشريط..


مدة التعليم ممكن تتعلمها في يوم وليلة وممكن 3 ايام ..سهلة يعني جداً مش أزمة..
مجرد حفظ مواضع + معرفة طريقة التشريط الصحيح ..وشوية تعليمات وكده..

بس

 

 

[dr-amira]

اقتباس المشاركة الأصلية كتبت بواسطة مدى تسجيل مشاركة.. لو أي حد حابب يسأل عن حاجة بحكم إن والداتي طبيبة وبتعالج بالحجامة ومسجلة فيها رسالة الدكتوراة .. فجاهزة لأي استفسار .. بعد إذن دكتورة أميرة..

جزاكى الله خير يا مدى ...الحقيقة انا كنت داخلة اعرف الناس يعنى ايه حجامة عشان ناس كتير ما تعرفهاش و ناس كتير معتبراها دجل و شعوذة ...يس و الله ربنا يجعل كلامك فى ميزان حسناتك
اول مرة عملت حجامة كان عندى انزلاق و عملتها من باب اتباع السنة فقط لاغير و انا متأكدة انها مش هتفيد ....سبحان الله النتيجة كانت مذهلة ....و الحمد لله من يومها و كل ما انصح حد بيها بيشكر فى النتايج
حالات الام الركبة اللى بتغلب الستات ...حالات الكحة المزمنة اللى مافيش دوا نافع معاها
حالات الغدة الدرقية و الصداع .
سبحان الله كنز فى التداوى ربنا اكرمنا بيه

 

 

[dr-amira]

اقتباس المشاركة الأصلية كتبت بواسطة حسام السؤال بيقول هل ممكن حد مش طبيب يتعلم الحجامة ويشتغل كمعالج بيها؟ ولو اه يبقي فين وازاى وبكام ومدة التعليم قد ايه؟

نظرا لان وزارة الصحة اعتبرت الحجامة دجل و شعوذة و نتيجة لاصرار د. حمدى السيد و الساده الاطباء على منع ممارسة الحجامة للاطباء فحاليا ممنوع عمل الحجامة فى عيادات المحروسة رسميا ...لكن الغير رسمى ان دكاترة كتير بتعملها و انا نفسى علمتها لدكتورة عشان عاوزة تعملها لمرضاها ...كمان اكتر مساجد انصار السنة عندهم ناس بيعملوها
و التعليم سهل جدا لانه تشريط سطحى بس بتحتاج دايما كتاب معاك فيه خريطة للمواضع المطلوب عملها فى كل مرض و التجربة بايدك مع حد بيعرف كويس .
و طبعا التعقيم و الاحتياطات اللازمة لمنع انتقال الامراض .

 

 

[nash]

موضوع رائع ربنا يجعله في ميزان حسناتكم كلكم يارب:wub2:

طيب والشاب اللي عنده ضغط تنفع معاه؟:(:

والتخسيس يعني ممكن أنزل السبعه كيلو بتوع كل سيزون من غير رجيم وآكل كل اللي في نفسي؟:blink:

 

 

[dr-amira]

اقتباس المشاركة الأصلية كتبت بواسطة كلزار * لكن ازاى بقي الحجامه بتقوى المناعه طول ما نفسيه المريض وحشه وهل هتنفع معايا

كلزار الف سلامة عليكى ....طبعا الاساس ان الشافى هو الله مش الحجامة ...الحجامة مجرد سبب او وسيلة الرسول صلى الله عليه وسلم عرفنا بيها و نصحنا بيها ....
خدى ديه ..

عملية الحجامة تزيد من قوة جهاز المناعة لزيادة نشاط الجمله الشبكية البطانية ، كما ان التروية الدموية الجيدة للنسج والاعضاء من شأنه رفع مناعة الجسم بسبب كثرة تعرض العامل الممرض لعناصر جهاز المناعة . ان الانتروفيرون اسرع خط دفاعي يتم تكوينه وافرازه بعد تعرض الجسم لاي فيروس ، يقول البروفيسور (كانتيل) - ان الكريات البيض تستطيع انتاج الانتروفيرون بمعدل يزيد على عشرة اضعاف مما تنتجه خلايا الجسم . وقد دلت افلام دم الحجامة على وجود نسبة لا تذكر من الكريات البيض فيه ، اضافة الى اثرها الكبير في تحريض نقي العظام على توليد كريات جديدة وخاصة اذا كان الجسم في حالة تستدعي انتاج خلايا مناعية كالملتقمات في حال وجود اي عامل ممرض اذ ان تمايز خلايا الدم البدئية يسير باتجاه تشكيل كريات بيض ، هنا نستطيع القول : ان الحجامة تحافظ على الكريات البيض وتنشط انتاجها مما يساعد على تحرير الانتروفيرون بكميات كافية لمواجهة الفيروس الكبدي او الخلايا السرطانية .. وهذا ما اكدته الفحوصات المخبريه . كما ان عملية الحجامة تحسن الرؤية الناتجة عن نقص التروية وتخفف تجلط الاوعية الدماغية بازالة الدم المحتقن الزائد، وبالتالي تقلل حدوث الجلطات الدماغية ، كما انها بتخفيضها للضغط الشرياني تقلل من حدوث النزف الدماغي ، كذلك تقويتها للمناعة تقلل من حدوث الافات العصبية المناعية ، ولا شك ان العلم سيكتشف فوائد اخرى للحجامة مع تقدم الزمن ليظهر انها وسيلة مفيدة ممتازة في علاج كثير من الامراض .

 

 

[راضى]

اقتباس المشاركة الأصلية كتبت بواسطة dr-amira نظرا لان وزارة الصحة اعتبرت الحجامة دجل و شعوذة و نتيجة لاصرار د. حمدى السيد و الساده الاطباء على منع ممارسة الحجامة للاطباء فحاليا ممنوع عمل الحجامة فى عيادات المحروسة رسميا ...لكن الغير رسمى ان دكاترة كتير بتعملها و انا نفسى علمتها لدكتورة عشان عاوزة تعملها لمرضاها ...كمان اكتر مساجد انصار السنة عندهم ناس بيعملوها و التعليم سهل جدا لانه تشريط سطحى بس بتحتاج دايما كتاب معاك فيه خريطة للمواضع المطلوب عملها فى كل مرض و التجربة بايدك مع حد بيعرف كويس . و طبعا التعقيم و الاحتياطات اللازمة لمنع انتقال الامراض .

طيب على أساس إيه و بأى مبرر وزارة الصحة إعتبرته دجل و شعوذه ؟
يعنى هل الحجامة لها مخاطر أخرى (بفرض نظافة و تعقيم الأدوات المستخدمة)
وهل الوزارة بتعتبر العلاج بالأبر الصينيه مثلا دجل زى الحجامة ولا بتعترف به؟

 

 

[سيدة مصر الاولى]

ربنا يجازيكوا كل خير و يجعل الموضوع ده فى ميزان حسناتكم دكتورة اميرة و مدى

 

 

[sondos]

جزاكم الله خيراً على المعلومات المفيدة والجميلة عن الحجامة.. ربنا يجعله فى ميزان حسناتكم..
تحياتى د. أميرة
تحياتى مدى

 

 

[sondos]

عندى سؤال من فضلكم..
هل يوجد عالج بالحجامة لمريض ضيق شرايين القلب والذبحة الصدرية..
وشكراً