دولة الإمارات الهنديه

[محمد أبوزيد]

الصحف المصرية والعربية

اقتباس المشاركة الأصلية كتبت بواسطة د:تيسير ياراجل ...... فين الحق ده؟؟؟ ..وفين المصرية دى ؟؟؟

الله يسامحك يا دكتورة بتشككي في مصريتي

هو انا لازم اسب السعودية علشان اكون مصري

 

 

[محمد أبوزيد]

اقتباس المشاركة الأصلية كتبت بواسطة د:تيسير لو جاءت الفرصة باتفاق مقنن منصف لكلا المتعاقدين أهلا وسهلا بها أما أن تجيىء فى ظل هذا الإجحاف والمهانة فلا وألف لا

الرحمة يا دكتورة تيسير

هو انتي قرأتي العقد وقررتي ان الاتفاق غير منصف للجانب المصري وفيه اجحاف ومهانة

 

 

[د:تيسير]

اقتباس المشاركة الأصلية كتبت بواسطة محمد أبوزيد الرحمة يا دكتورة تيسير هو انتي قرأتي العقد وقررتي ان الاتفاق غير منصف للجانب المصري وفيه اجحاف ومهانة

ماتزعلش ياأستاذ محمد أنا حطة لك إبتسامة
بس العقد ياترى بكام ؟
إن كان مش مجحف وهاتضمن معاملة السعوديين هاجى أنا

 

 

[د:تيسير]

اقتباس المشاركة الأصلية كتبت بواسطة محمد أبوزيد الله يسامحك يا دكتورة بتشككي في مصريتي هو انا لازم اسب السعودية علشان اكون مصري

لاعشت ولاكنت يوم مااشكك فى مصريتك ياكبير
هى بس مزحة معاك

 

 

[Badroora]

بسم الله ...

عزيزتى دكتورة تيسير ..سالخير
انا احترم حضرتك جدا وكان عجبنى دفاعك عن المصريين والاطباء فى المواضيع السابقة لكن اسمحى لى اختلف معكى قليلا فى هذا الموضوع ..وبالطبع قدرك محفوظ واحترام راى حضرتك ع العين و الراس

مبدئيا دا رجاء من حضرتك ولكى مطلق الحرية فى ذلك العنوان صعب اوى وخصوصا معنا هنا اخوة و اخوات وكم هو مؤلم هو تجريد هويتهم وتغير اسم بلدهم ..وانا عارفه ان حضرتك لا تقصدى ابدا ايذاء مشاعر الغير ولكنك تنتقدي الوضع او الحال العربي جمعاء.. دا مبدئيا بخصوص العنوان الذى اغضب الاخوة الاماراتيون ومعهم حق بالطبع..


الجزئية الثانية اللى بردوا اختلف مع حضرتك فيها..
اى بلد فى الدنيا من حقها تجلب العمالة التى تفيد البلد بغض النظر عن الجنسية وليس معنى اننا عرب يبقي الاولوية للمصريين حتى لو هما مش كفاءة اساسا.. الا كان من الاولى نحل مشكلتنا فى مصر والقضاء على البطالة التى اصبحت كالآفة تفشت فى كل الشباب.. اذن حضرتك من حق اى دولة تجلب العمالة اللى شيفاها مناسبة بغض النظر عن الجنسية والعواطف..
حضرتك لو ادارية فى مستشفي وكنتى فى وضع اخيتار عمالة اكيد هتلاقى فى التصنيف او فى اى شركة عموما كفاءه عالية مع اسعار رخصية وهذا هو سبب وجود الجنسيات الهندية بكثرة وغيرها عن المصريين فى الخليج نظرا لان اجورهم ااقل من المصريين بكثير وكمان كفائتهم كويسة يبقي اى حد طبيعي هيفكر من هذا المنطلق بعيد عن الوطنية والشعارات...

اختلف معكى ايضا فى محاسبة دولة مستقلة عن جلب عمالة من بلاد غير عربية او مصرية ومش بتتكلمى عن العمالة الاجنبية فى مصر..هل حضرتك مصر خلاص مبقاش فيها ناس تشتغل لدرجة جلب عماله من الخارج...

على سبيل المثال لا الحصر... قرات من مدة قرار من وزير الصحة (حاتم الجبلى) عشان يطور التمريض ويرفع مستوى الممرضات فى مصر هيجلب ممرضات من كوريا وبلغاريا لتعليم الممرضات.!!!
السيد وزير الصحة و كان مدير اكبر مستشفي فى الشرق الاوسط قبل توليه الوزارة وكان يشجع العمالة الاجنبية اكثر من المصرية وكانت المستشفي مليئة بالهنود والرومانيين والفلبين واحنا المصريات اللى مش عجبينه احنا اللى كنا بنعلمهم وندربهم وفى الاخر يحطهم رؤساء علينا؟!!
السيد وزير الصحة لما كان بيجيب خبراء فى المستشفي زى دكتور مجدى يعقوب ولا خبراء من اليابان لاجراء عمليات زرع الكبد احنا المصريات اللى كنا بنباشر الحالات مش الاجانب ..ولما كان اى خبير يقوله مستوى الممرضات فوق الممتاز كان رده اى ممرضة تديها مرتب كويس تاخد منها شغل كويس بغض النظر عن الكفاءة والمهارات ولا حتى التعليم..
ويوم ماحب يطور نزل قرار بجلب بلغاريات وكوريات للتدريب التمريض...!! وانا واثقة وعارفه باقول ايه اى ممرضة مصرية متعملة صح ومتدربه كويس وعندها لغة بتعادل طبيب فى الخليج او فى مصر ..
حد قاله ليه بتجيب اجانب وانت عندك كليات تمريض ممكن تطور فيها وتطلع ناس منهم يذهبوا الى المستشفيات ويدربوا الممرضات.. بدل ودنك منين يا حجا..

حضرتك من راى يا ريت نحاول نركز على الداخل بدل نقد الخارج ونحاول نشوف الخطأ فين ونسعى الى تصحيحه...

الخلاصة ... كل بلد حرة فى جلب العمالة اللى شيفاها كفاءه وبتعود ع البلد بفائدة العواطف والعروبة مش هتنفع ولا هتجيب ولا هتودى..

ومتنسيش حضرتك مستشفي الشيخ زايد ومدينة الشيخ زايد فى 6 اكتوبر من خير الامارات...تحياتى

 

 

[د:تيسير]

اقتباس بسم الله ... عزيزتى دكتورة تيسير ..سالخير انا احترم حضرتك جدا وكان عجبنى دفاعك عن المصريين والاطباء فى المواضيع السابقة لكن اسمحى لى اختلف معكى قليلا فى هذا الموضوع ..وبالطبع قدرك محفوظ واحترام راى حضرتك ع العين الراس مبدئيا دا رجاء من حضرتك ولكى مطلق الحرية فى ذلك العنوان صعب اوى وخصوصا معنا هنا اخوة اخوات وكم هو مؤلم هو تجريد هويتهم وتغير اسم بلدهم ..وانا عارفه ان حضرتك لا تقصدى ابدا ايذاء مشاعر الغير ولكنك تنتقضي الوضع او الحال العربي جمعاء.. دا مبدئيا بخصوص العنوان الذى اغضب الاخوة الاماراتيون ومعهم حق بالطبع..

الأخت العزيزة بدرية
أولا :أشكرك على كلماتك الرقيقة
ثانيا :لقد أكدت كثيرا أننى لاأنتقص الإمارات فى شيىء وإنما هى إحصائية وصلت إلى بالبريد وبهذا العنوان . وأنا لم أخترعه . واعترف أن ذلك لايعفينى من المسئولية عنه ولكن ماكان للإمارتيين أن يغضبوا خصوصا وهى إحصائية موثقة . وطالما هم يثقون فى قرارات دولتهم ..فلم الغضب إذن ..ولكن ماأتعجب له أن المصريين المقيمين هناك هم الذين أغضبهم جدا هذا الكلام وتناولوا مصر بالتجريح والتهكم وكأنها بلدى أنا وحدى ومسئولة كل المسئولية عما يحدث بها من فساد . ثم يابدرية ألا تعلمين أن العرب جميعهم يسخرون من مصر والمصريين على مرآى ومسمع من الجميع ولا أحد يرد عليهم ؟
أحكى لك واقعة بسيطة ..وأنا فى السعودية كان حسنى مبارك هناك فى زيارة للمملكة ..تعرفى السعوديين كانوا بيقولوا لنا إيه ؟ قالوا حسنى مبارك جاى يأخذ بدل السكن . وأكثر من ذلك كثيرا من تهكمات من أمثال بتوع شارع الهرم وبتوع شارع محمد على ....إلخ
أنا لاأقول دى قصاد دى ..لكنى أتعجب من الكيل بمكيالين .
أنا سمعت أن الإمارتيين على خلق رفيع وأنا لاأساويهم بغيرهم وأنا أيضا لم أنتقص من قدرهم

اقتباس الجزئية الثانية اللى بردوا اختلف مع حضرتك فيها.. اى بلد فى الدنيا من حقها تجلب العمالة التى تفيد البلد بغض النظر عن الجنسية وليس معنى اننا عرب يبقي الاللوية للمصريين حتى لو هما مش كفاءة اساسا.. الا كان من الاولى نحل مشكلتنا فى مصر والقضاء على البطالة التى اصبحت كالافة تفشت فى كل الشباب.. اذن حضرتك من حق اى دولة تجلب العمالة اللى شيافها مناسبة بغض النظر عن الجنسية والعواوطف.. حضرتك لو ادارية فى مستسفي وكنتى فى وضع اخيتار عمالة اكيد هتلاقى فى التصنيف ا فى اى شركة عموما كفاءه عالية مع اسعار رخصية وهذا هو سبب وجود الجنسيات الهندية وغيرها عن المصريين نظرا لان اجورهم ااقل من المصريين بكثير وكمان كفائتهم كويسة يبقي اى حد طبيعي هيفكر من هذا المنطلق بعيد عن الوطنية والشعارات...

بدرية : فى ردودى على الإخوة الأفاضل كنت أتحدث من منظور قومى عربى وحدوى .. يمكن البعض لا يعنيه ذلك الآن أو ربما يتجاهله ولكن صدقينى لن تقوم لنا قائمة فى هذه المنطقة والتى جعلنا فيها مطمع لأعداء الأمة العربية الذين يتربصون لنا . بدون وضع أيدينا على الأسباب الحقيقية لتخلفنا وضعفنا وذلنا وانهزامنا كأمة عربية تجمعها اللغة والهدف والتاريخ وأيضا الجوار . لايجب أن ننظر دائما إلى مواقع أقدامنا وننسى أو نتناسى الخطر المحدق بنا من كل صوب وجانب

اقتباس اختلف معكى ايضا فى محاسبة دولة مستقلة عن جلب عمالة من بلاد غير عربية او مصرية ومش بتتكلمى عن العمالة الاجنبية فى مصر..هل حضرتك مصر خلاص مبقاش فيها ناس تشتغل لدرجة جلب عماله من الخارج...

من قال إننى حاسبتهم على ذلك . وهل لى أو من حقى أن أحاسبهم ؟
أنا فقط أقول رأيى . أم أنه لايحق لى إبداء الرأى ؟

اقتباس على سبيل المثال لا الحصر... قرات من مدة قرار من وزير الصحة (حاتم الجبلى) عشان يطور التمريض ويرفع مستوى الممرضات فى مصر هيجلب ممرضات من كوريا وبلغاريا لتعليم الممرضات.!!! السيد وزير الصحة كان مدير اكبر مستشفي فى الشرق الاوسط قبل توليه الوزارة وكان يشجع العمالة الاجنبية اكثر من المصرية وكانت المسشتفي مليئة بالهنود والرومانيين والفلبين واحنا المصريات اللى مش عجبينه احنا اللى كنا بنعلمهم ونضربهم وفى الاخر يحطهم رؤساء علينا؟!! السيد وزير الصحة لما كان بيجب خبراء فى المستشفي زى دكتور مجدى يعقوب ولا خبراء من اليابان لاجراء عمليات زرع الكبد احنا المصريات اللى كنا بنباشر الحالات مش الاجانب ..ولما كان اى خبير يقوله مستوى الممرضات فوق الممتاز كان رده اى ممرضة تديها مرتب كويس تاخد منها شغل كويس بغض النظر عن الكفاءة والمهارات ولا حتى التعليم.. ويوم ماحب يطور نزل قرار بجلب بلغاريات وكوريات للتدريب التمريض...!! وانا واثقة وعارفه باقول ايه ان ممرضة مصرية متعملة صح ومتدربه كويس وعندها لغة بتعادل طبيب فى الخليج او فى مصر .. حد قاله ليه بتجيب اجانب وانت عندك كليات تمريض ممكن تطور فيها وتطلع ناس منهم يذهبوا الى المستشفيات ويدربوا الممرضات.. بدل ودنك منين يا حجا..

إذا كان هذا حدث بالفعل - مع إنى لم أسمع به قبل ذلك - فهذه وصمة عار تضاف إلى مخزون تلك الوزارة من وصمات .
نحن نستطيع تدريب الممرضات المصريات إن كان ينقصهم التدريب ..ولكن لانسمح مطلقا بوضعهن على الرفوف .والإتيان بالأجنبيات ونحن فى حاجة إلى كل مليم ينفق فى الدولة وشبابنا العاطل من شأنه أن يفنى الدولة فناء تاما إذا ترك بهذا الوضع

اقتباس حضرتك من راى يا ريت نحاول نركز على الداخل بدل نقد الخارج ونحاول نشوف الخطأ فين ونسعى الى تصحيحه...

هل هذا أمر من الإدارة يابدرية أو من منشئين المنتدى ؟
معذرة أنا لاأتقبل أن يملى على أن أكتب فى هذا ولا أكتب فى ذاك ....ولكن إذا كان الأمر كذلك فلا أكتب بالمرة ذلك هو أشرف لى ..

اقتباس العواطف والعروبة مش هتنفع ولا هتجيب ولا هتودى..

ده رأى مين حضرتك ؟

اقتباس ومتنساش مدينة الشيخ زايد ومدينة الشيخ زايد فى 6 اكتوبر من خير الامارات..

معنى ذلك أن نخرس خالص ولا ننطق بعد اليوم ؟
غريبة والله ليس الإخوة العرب فقط هم من يعايرون مصر بما فعلته أموالهم لها!!!!!!!!ولكن أبناؤها أيضا يفعلون ذلك
سلام الله عليكم ورحمته وبركاته

 

 

[Badroora]

صباح الخير يا دكتور تيسير
بليز ممكن حضرتك تهدي ..حضرتك احنا بنتناقش بعيد عن الادارة مين جاب سيرة الادارة دلوقتى.!!
انا لا مليت على حضرتك تكتبي ايه ولا مش تكتبي ايه انا كان قصدي اننا نركز على مشاكلنا راى عادي بعيد عن الادارة والمنشئين هنا حضرتك حرية الكتابة والطرح مكفولة للجميع بما فيهم انا وانتى ولا احد يجرؤ على حجر اراء اى شخص ..

تانى نقطة ليس معنى كلامى بان الشيخ زايد او مدينة زايد عندنا سبب اننا نخرس انا اقصد ان الناس بتساعد اهى يعنى مش براويين..
عموما لحضرتك مطلق الحرية فى ابداء رايك ونقد ما تشائين وطرح ما تودين ايضا..
خالص تحياتى