مبارك يصدر قراراً جمهورياً بدعوة المواطنين لانتخابات الشعب .. وكوميديا المصريين

[O.S.A.M.A]

الصحف المصرية والعربية

كنت باتصفح مصراوى لقيت الخبر ده أحلى ما فيه الحقيقة التعليقات عشان كده حطيته فى موضوعات خفيفة

الأول نبدأ بالخبر ...

اقتباس مبارك يصدر قراراً جمهورياً بدعوة المواطنين لانتخابات الشعب القاهرة - أصدر الرئيس حسنى مبارك الأربعاء القرار الجمهورى رقم 295 لسنة 2010 والذى يتضمن دعوة المواطنين لانتخاب أعضاء مجلس الشعب طبقا للقانون 73 لسنة 56 التى ستجرى يوم الأحد 28 نوفمبر 2010 .ونص القرار على أنه فى حالة إجراء انتخابات الإعادة فى اللجان التى تحتاج إلى إعادة سوف تعقد الأحد 5 ديسمبر. وتضمن القرار دعوة مجلس الشعب الجديد للانعقاد الأثنين 13 ديسمبر الساعة 11 صباحا.

وبعدين ندخل على بعض التعليقات

اقتباس 1) دا عند امه يااادهم 2) الراجل ده بيتكلم صح شافنا عواطليه علي القهاوي قال يعملنا سبوبه الانتخابات دي . الواحد يروح ينتخب الجحش ابن الحمار (اوعي حد يفهمني صح )و ياخدلة شلن كبير. ربنا يجعله عامر يا كبير و نرضهالك في ابنك الصغير 3) (مبارك يصدر قراراً جمهورياً بدعوة المواطنين لانتخابات الشعب فى 28 نوفمبر ) سقط سهوا من الخبر (وأيضا دعوةأموات مصر للتصويت) 4) علن السيد فلان الفلاني رئيس اللجنة العليا للإنتخابات نتائج إنتخابات مجلس الشعب وهي كالآتـــــي: عدد مقاعد مجلس الشعب 508 مقعد فاز الحزب الوطني ب 420 مقعد (بنسبة 83%) حزب الوفد 60 مقعد حزب التجمع 6 مقاعد الحزب الناصري 4 مقاعد المستقلين 18 مقعد الإخوان المسلمين صفر يذكر أن الإنتخابات تمت بمنتهى النزاهة والحيدة والشفافية لم تشهدها أمريكا أوإنجلترا شخصيا وقد أعلن الرئيس الأمريكي أوباما على تهنئته الشخصية لمصر على هذه الإنتخابات النزيهة وأعلن عن إرسال خبراء أمريكان لمصر لتقييم التجربة تمهيدا لتطبيقها في أمريكا. وحظ سعيد في المرة القادمة لمن لم يحالفه الحظ. وشكرا لحسن الإستماع إنتهى البيان 5)مش هنروح يا عم الحج شوف لك حد غيرنا احنا ما نستاهلش تعبك دور لك على ناس تقدر تعبك دا كتر خيرك 6)هو احنا معزومين عالغدا خرجنا يا رب من دار البلا بلا بلا 7)و المصحف منا رايح لو فيه ديلافاري ماشي 8)أنا هصوت . انا هصوت يالهوووووووى يالهووووووووووووو... يالهووووووووووووو... اى خدمة عايز اصوت تانى احنا خلاص ملناش غير الصويت

المصدر

 

[ahmedali]

فعلا موضوع خفيف .. و خصوصا التعليقات اللي عليه ..
لكن أنا شايف ان من المهم نفتح توبيك لموضوع الانتخابات ( ان لم يكن هناك بالفعل ) .. يتناول كل أخبار الانتخابات و المرشحين ( خلاف الوطني طبعا ) و العمل علي جمع الأصوات لهم .

 

 

[مطرودالجبل]

هههههههه
عجبنى قوى تعليق انا اصلا كنت داخل الموضوع هنا عشان اكتبه..

هو مبارك عامل دعوة للمواطنين عالاكل ولا ايه... انا شميت ريحة جاتوه قلت لما اجى يمكن ينوبنا من الحب جانب..

 

 

[Prof]

اقتباس 1) دا عند امه يااادهم 2) الراجل ده بيتكلم صح شافنا عواطليه علي القهاوي قال يعملنا سبوبه الانتخابات دي . الواحد يروح ينتخب الجحش ابن الحمار (اوعي حد يفهمني صح )و ياخدلة شلن كبير. ربنا يجعله عامر يا كبير و نرضهالك في ابنك الصغير 3) (مبارك يصدر قراراً جمهورياً بدعوة المواطنين لانتخابات الشعب فى 28 نوفمبر ) سقط سهوا من الخبر (وأيضا دعوةأموات مصر للتصويت) 4) علن السيد فلان الفلاني رئيس اللجنة العليا للإنتخابات نتائج إنتخابات مجلس الشعب وهي كالآتـــــي: عدد مقاعد مجلس الشعب 508 مقعد فاز الحزب الوطني ب 420 مقعد (بنسبة 83%) حزب الوفد 60 مقعد حزب التجمع 6 مقاعد الحزب الناصري 4 مقاعد المستقلين 18 مقعد الإخوان المسلمين صفر يذكر أن الإنتخابات تمت بمنتهى النزاهة والحيدة والشفافية لم تشهدها أمريكا أوإنجلترا شخصيا وقد أعلن الرئيس الأمريكي أوباما على تهنئته الشخصية لمصر على هذه الإنتخابات النزيهة وأعلن عن إرسال خبراء أمريكان لمصر لتقييم التجربة تمهيدا لتطبيقها في أمريكا. وحظ سعيد في المرة القادمة لمن لم يحالفه الحظ. وشكرا لحسن الإستماع إنتهى البيان 5)مش هنروح يا عم الحج شوف لك حد غيرنا احنا ما نستاهلش تعبك دور لك على ناس تقدر تعبك دا كتر خيرك 6)هو احنا معزومين عالغدا خرجنا يا رب من دار البلا بلا بلا 7)و المصحف منا رايح لو فيه ديلافاري ماشي 8)أنا هصوت . انا هصوت يالهوووووووى يالهووووووووووووو... يالهووووووووووووو... اى خدمة عايز اصوت تانى احنا خلاص ملناش غير الصويت

الراجل ده عنده جنة ف قلبه

 

 

[Eng A7m3d]

بس هو الباشا يعني هيجبر الناس تنتخب ازاي
هيعملهم عمل ولا أيه