شهود علي ثورة 25 يناير المصرية

[تصحيح]

الصحف المصرية والعربية

دعوه لموضوعي

مصر المستقبل - الرؤيا

الرئيسية: الفضائية : برامج القناة : صفوت حجازي.. شاهد على الثورة المصرية ج1


صفوت حجازي.. شاهد على الثورة المصرية ج1


- الحكم الشرعي في الخروج على الحاكم
- موقف السلف من الثورة
- لجنة لتنظيم ميدان التحرير
- خطبة الجمعة واختيار الخطيب
- صفحة المحروسة على فيسبوك
- مظاهرات ضد التوريث
- أحداث عنيفة في السويس
أحمد منصور صفوت حجازي
أحمد منصور:السلام عليكم ورحمة الله وبركاته وأهلا بكم في حلقة جديدة مع شاهد جديد على الثورة ضمن الشهود على الثورة المصرية، شاهدنا هو الداعية الدكتور صفوت حجازي ولد في كفر الشيخ في أبريل عام 1962 تخرج من قسم الجغرافيا في كلية الآداب جامعة الإسكندرية عام 1984 حصل على درجة الماجستير في التخطيط العمراني من جامعة الإسكندرية عام 1987 وفي عام 1995 حصل على ليسانس الحديث وعلومه من الجامعة الإسلامية في المدينة المنورة، ثم على درجة الماجستر في الحديث وعلومه من جامعة ديبون في فرنسا عام 2001 ثم على درجة الدكتوراه من نفس الجامعة في الحديث وعلومه عام 2005 يرأس مجلس إدارة الشركة العربية للقنوات الفضائية ويرأس مجلس إدارة شركة الفسطاط للأعمال الهندسية، أستاذ للحديث وعلومه في دار الحديث في المدينة المنورة، وأمين عام رابطة علماء أهل السنة، داعية ويقدم برامج إسلامية في القنوات الفضائية، دكتور صفوت مرحبا بك.
صفوت حجازي:أهلا وسهلا أستاذ أحمد.
أحمد منصور:متى بدأت علاقتك بثورة 25 من يناير؟
صفوت حجازي:بسم الله الرحمن الرحيم، الحمد الله رب العالمين والصلاة والسلام على أشرف المرسلين سيدنا محمد بن عبد الله النبي الأمين، هو لو قلنا العلاقة الفكرية فهي بدأت من زمان، يعني أنا كنت محسوب لدى النظام من المعارضين لنظام الحكم وكنت ألاقي كما يلاقي كل الدعاة المحسوبين على المعارضة، غير محسوبين أو غير المنتمين للنظام، لكن العلاقة الفعلية أو العملية أو الحركية بدأت حقيقة بغير إرادة مني يوم تقريبا 2 يناير..
أحمد منصور:2 يناير 2011.

الحكم الشرعي في الخروج على الحاكم

صفوت حجازي:2 يناير 2011، كان كتير من الأسئلة بتجيلي على الموقع بتاعي وعلى التلفونات وعلى الإيميل عن.. فجأة وجدت كمية أسئلة ضخمة عن حكم المظاهرات وما يتعلق بالمظاهرات والخروج على الحاكم والخروج على ولي الأمر وقضية الشهادة والشهداء وكلمة حق عند سلطان جائر، فأحد الشباب عمل صفحة على الفيسبوك اسمها المحروسة..
أحمد منصور:نعم
صفوت حجازي:كان بدايتها يوم 2 أبريل..
أحمد منصور:2 يناير..
صفوت حجازي:2 يناير، معلش أنا أسف، 2 يناير 2011 وكانت نهايتها يوم 12 فبراير 2011..
أحمد منصور:12 فبراير ده بعد تنحي مبارك تاني يوم يعني..
صفوت حجازي:تاني يوم، الشاب اللي عملها اسمه أيمن اتصل بي قال لي يا دكتور نخلي الصفحة ولا نشيلها قلت له خلاص شليها ما عادش ليها لازمة..
أحمد منصور:كان إيه أهم الأسئلة اللي كانت بتجيلك على الصفحة.
صفوت حجازي:كانت أهم الأسئلة إيه هو تعريف الحاكم الظالم، وإيه هو الخروج على الحاكم، إيه هو الخروج المنهي عنه، وإيه هو الخروج الجائز، وإزاي نوفق بين حديث النبي صلى الله عليه وسلم زي ما رواه الحاكم في المستدرك سيد الشهداء حمزة، ورجل قام إلى حاكم ظالم فنصحه فقتله، وبين النهي عن الخروج عن الحاكم تسمع وتطيع إن أمر عليك عبد حبشي، الخروج في المظاهرات في الشوارع، البنات اللي بتسأل عن حكم الخروج وهل البنت تخرج في المظاهرات ولا لأ، الولاد اللي بيسألوا كتير عن مخالفة الأب والأم في الخروج وإن هم ما يسمعوش كلامهم..
أحمد منصور:معنى كده معظم هذه الأسئلة جايه من شباب ملتزم يعني..
صفوت حجازي:آه معظمهم..
أحمد منصور:أو متدين..
صفوت حجازي:معظمه شباب ملتزم، متدين، لأن ما حدش حيدخل على صفحة كان اسمها المحروسة، وكان الشكل بتاعها مدي الطابع الإسلامي..
أحمد منصور:المحروسة دي بتومئ لمصر مصر المحروسة..
صفوت حجازي:نعم.
أحمد منصور:اختيار الاسم بحد ذاته..
صفوت حجازي:اختيار الاسم هو كان اختياري أنا لأني أنا بحب الاسم ده أوي، لأنني موقن يقينا كاملا يقينا إيمانيا، يقينا شرعيا، أن مصر محروسة من قبل عز وجل، فكان معظم الأسئلة إنا بنعرف الأسئلة اللي جاينا من أيه دول.
أحمد منصور:مش حخوض معك في التفاصيل بتاع دي لكن كانت غير قاصرة على مصر الأسئلة..
صفوت حجازي:معظم، أنا كنت بقول لحضرتك، أحد الأسباب اللي خلتني اسميها محروسة أن كانت الأسئلة اللي بتيجني على الإيميل وعلى التلفونات، 99 % منها من مصر.
أحمد منصور:أه..
صفوت حجازي:فأيقنت أن الصفحة ممكن تبقى خاصة بالناس اللي بمصر وفعلا كان حتى الصفحة نفسيها معظم الحاجات التي بتيجي عليها من مصر، والأسئلة مصرية..
أحمد منصور:كان معليش ادينا الخط العام لإجاباتك على الفتوى، مش حسألك عن الإجابات الدقيقة عن كل فتوى.
صفوت حجازي:أنا.. الإجابات، الخط العام للفتوى عندي وده اللي خلاني الموضوع محسوم عندي من أول الأمر من أول 25 يناير، لو لقيت حضرتك لاحظت حتلاقي أن معظم الشيوخ والعلماء والدعاه كانوا منقسمين إلى عدة انقسامات برأيهم حول الثورة.. في..
أحمد منصور:كل شيوخ السلطة مع السلطة..
صفوت حجازي:شيوخ السلطة مع السلطة، شيوخ غير السلطة كان جزءا منهم أمره محسوم من البداية ومن قبل البداية زي حلاتي..
أحمد منصور:إيه هو.
صفوت حجازي:أن الثورة أن الخروج في المظاهرات وحسني مبارك ده حاكم ظالم ويجوز الخروج عليه، والخروج ده ليس الخروج المنهي عنه في الشرع لكنه أمر، من باب الأمر بالمعروف والنهي عن المنكر، وحددت تحديداً أن الخروج المنهي عنه في الشرع هو الخروج بالسلاح على الحاكم لتولية حاكم آخر مكانه، ده الخروج المنهي عنه لكن الخروج المستحب هو حديث النبي صلى الله عليه وسلم {َلَتَأْخُذُنَّ عَلَى يَدِ الظَّالِمِ أخْذاً، وَلَتَأْطِرُنَّهُ عَلَى الْحَقِّ أَطْرًا،أيوشِكَنّ الله أن يُرسِلَ عَليكمْ عذابًا}، وكحديث سيدنا عبد الله بن عمر في الحاكم، عند الحاكم في المستدرك سيد الشهداء حمزة ورجل قام إلى حاكم ظالم فنصحه فقتله، دي كانت الأمور محسومة عندي وعند مجموعة أخرى من العلماء اللي كانوا موجودين في ميدان التحرير وخرجوا فعلاً..
أحمد منصور:من أبرزهم.
صفوت حجازي:من أبرزهم: دكتور جمال عبد الهادي، هذا الرجل..
أحمد منصور:دكتور جمال عبد الهادي أستاذ تاريخ.
صفوت حجازي:أستاذ التاريخ الإسلامي وهو عالم من العلماء المعروفين، الدكتورمحمد عبد المقصود.
أحمد منصور:دكتورمحمد عبد المقصود من شيوخ السلف..
صفوت حجازي:من شيوخ السلف.
أحمد منصور:لأنه برضه قصة السلف هنا، إن السلف دايما مع الحاكم يعني ماشين في ذيل الحاكم طالما أنه ما أقام فيكم الصلاة.

موقف السلف من الثورة

صفوت حجازي:هم السلف في الثورة تمايزوا إلى ثلاث فئات..
أحمد منصور:أيوه قلنا بأه.
صفوت حجازي:جزء منهم كان الأمر محسوما بالنسبة لهم وخرجوا من البداية.
أحمد منصور:زي الدكتور محمد عبد المقصود.
صفوت حجازي:زي الدكتور محمد عبد المقصود، زي الشيخ حسن أبو الأشبال زي الشيخ نشأت المصري، زي الشيخ فوزي السعيد، شيوخ كتير أنا مش..
أحمد منصور:حتى لا تنسى أحداً..
صفوت حجازي:حتى لا أنسى أحداً، دول قسم، القسم التاني كانوا الذي يحرم ويجرم هذا الفعل.
أحمد منصور:نعم.
صفوت حجازي:ودول انقسموا قسمين، قسم حرم وجرم بتحريم علمي وبأدب وباحترام، وقسم حرم وجرم وسب وأساء واتهم الذين خرجوا.
أحمد منصور:ودول برضه محسوبين على السلف.
صفوت حجازي:ودول سلف.
أحمد منصور:ودول قسم منهم كان أمن الدولة يعنى على علاقة بيه وبمشيه.
صفوت حجازي:نعم، والقسم الثالث ده ماسك العصاية من النص.
أحمد منصور:بيشوف مين اللي حيربح حيروح معاه [ضحك].
صفوت حجازي:منتظر، ودول في النهاية لما ماليت الكفة إلى الثورة خرجوا وانضموا للثورة وأفتوا وإتكلموا.
أحمد منصور:بس في الآخر.
صفوت حجازي:في الآخر.
أحمد منصور:والناس فهمت القصة.
صفوت حجازي:دول كانوا
أحمد منصور:بس للأسف عموم الناس والإعلاميين والعلمانيين والذين يريدون تشويه الثورة والإسلاميين ما بيفرقوش حاطين السلف كله بكفة وحدة.
صفوت حجازي:كله بكفة وحدة، وده كلام غير صحيح.
أحمد منصور:مع أن في جزء من السلف كان تابع للدولة وجزء من السلف كان يُسير من أمن الدولة ربما إلى الآن ودول كانوا لعبوا دورا سيئا جداً تجاه الثورة وتجاه..
صفوت حجازي:صحيح، والجزء كبير وله مصداقية ضخمة كان حاسما يعني دكتور محمد عبد المقصود، أنا يوم 25 اتصلت بيه قلت له يا دكتور إحنا في الشارع نكمل، قال لي: أيوه يا ابني كملوا، ده الحق.
أحمد منصور:الدكتور شارك.
صفوت حجازي:شارك كان موجودا، الدكتورمحمد عبد المقصود أول يوم أشوفه في الثورة كان يوم الأحد اللي هو..

 

[تصحيح]

دعوه لموضوعي

مصر المستقبل - الرؤيا

أحمد منصور:30.
صفوت حجازي:30، كان موجودا في ميدان التحرير، دكتور عبد الهادي موجود من يوم السبت، الشيخ حسن أبو الأشبال، الشيخ نشأت الشيخ فوزي سعيد، شفتهم من يوم الجمعة 4 فبراير وكانوا حقيقة بتصلوا بالتلفون وإحنا جوا الميدان ويطمنوا، وكانوا عيون، يعني الشيخ حسن أبو الأشبال أذكر كويس يتصل بي ويقول لي أنا سمعت أن البلطجية جايين من الحتة الفلانية ومن المنطقة الفلانية من الشارع الفلاني، فكان ليهم دور قوي.
أحمد منصور:طيب.
صفوت حجازي:طبعاً شيوخ الإخوان كانت المسألة محسومة بالنسبة لهم، شيوخ الإخوان..
أحمد منصور:من أبرز شيوخ الإخوان كعلماء؟
صفوت حجازي:الشيخ أحمد هليل، الشيخ سيد عسكر، كتير، معظم..
أحمد منصور:إحنا هنا بتتكلم عن العلماء ودورهم..
صفوت حجازي:بتكلم عن العلماء، معظم الشيوخ اللي كانوا لابسين أزاهرة..
أحمد منصور:اللي كانوا في الميدان من أول يوم.
صفوت حجازي: اللي كانوا في الميدان معظمهم شيوخ الإخوان.
أحمد منصور:أه.
صفوت حجازي:معظمهم، كانوا موجودين بقوة، طبعا أنا..
أحمد منصور:في واحد من الشيوخ غامر وخد موقف من البداية يعني مع الثورة بشكل.. وهو إمام مسجد عمر مكرم الدكتور مظهر..
صفوت حجازي:الدكتور مظهر شاهين.
أحمد منصور:الدكتورمظهر الحقيقة قام بدور مهم في الثورة، رغم أن دوره مخالف للمؤسسة الرسمية اللي هي الأزهر يعني.
صفوت حجازي: الدكتور مظهر شاهين قصته من أطرف القصص، إحنا يوم الجمعة 4 فبراير..
أحمد منصور:نعم.
صفوت حجازي:دي كانت أول جمعة في ميدان التحرير.
أحمد منصور:صحيح.
صفوت حجازي:وإحنا كنا اتفقنا أو الأدوار كانت
أحمد منصور:يوم الجمعة 28، منعت الصلاة حتى في مسجد عمر مكرم نفسه.
صفوت حجازي:الجمعة 28 ما كُناش لسه في ثورة، ما كناش تجمعنا في ميدان التحرير.
أحمد منصور:لكن الثورة بدأت يوم 25 يناير، بس يوم الجمعة 28 سلطات الأمن منعت حتى الصلاة في مسجد عمر مكرم..
صفوت حجازي:أه وكان جمعة الغضب اللي هي 28 خرجنا من المساجد الأخرى، دكتور مظهر شاهين يوم 4 فبراير اللي هي أول جمعة، هو أولا ابتداءا مسجد عمر مكرم في ناس بيقولك إحنا استولينا على مسجد عمر مكرم، لأ، ما استوليناش على مسجد عمر مكرم، دكتورمظهر شاهين هو إمام المسجد فتح لينا المسجد وتركه لينا من يوم السبت فتح لينا دارالمناسبات.
أحمد منصور:29..
صفوت حجازي:في 29 فتحلينا دار المناسبات، دار المناسبات كانت هي المأوى بتاع السيدات، إحنا كان عندنا سيدات بيتين الــ 18 يوم موجودين في ميدان التحرير، كانوا بيباتوا في مسجد في دار المناسبات، دكتورمظهر سابلينا المسجد نعمل فيه اللي إحنا عاوزينه.
أحمد منصور:على مسؤوليته.
صفوت حجازي: على مسؤوليته طبعاً، على مسؤوليته.
أحمد منصور:لأنه كان معروف أن النظام السابق كان عامل نظام للمساجد ودقة شديدة والمساجد تغلق بعد الصلاة يعني كأنها دكاكين لها مواعيد فتح وقفل..

لجنة لتنظيم ميدان التحرير

صفوت حجازي: ده صحيح، يوم الجمعة 4 فبراير كانت أول جمعة.
أحمد منصور:أول صلاة جمعة في التحرير.
صفوت حجازي:أول صلاة جمعة في ميدان التحرير وإحنا كان عندنا حاجة عملناها يوم السبت كان اسمها اللجنة التنفيذية..
أحمد منصور:اللي يوم 29.
صفوت حجازي:اللي يوم 29 دي اللجنة التنفيذية اللي هي كانت بتدير ميدان التحرير، ودول تقريبا كنا حوالي 32 شخص.
أحمد منصور:من كل الإتجاهات.
صفوت حجازي:من كافة الإتجاهات، ما كناش نعرف إتجاه ولا مش إتجاه، هو كل واحد فجأة لقينا واحد مسؤول عن الزبالة، آسف.. وهو كان اسمه إبراهيم عجاج شاب من طنطا هو سمى نفسه مسؤول الزبالة، إحنا كنا مسمينه مسؤول النظافة، قال لك لأ أنا مسؤول الزبالة.
أحمد منصور:يا سلام.
صفوت حجازي:ومعاه مجموعة من الشباب بينظفوا ميدان التحرير، مجموعة مسؤولة عن الإعاشة بلال حامد مثلاً والناس اللي معاه، أحمد توفيق مسؤول عن أمن المنصة والأمن الشخصي للأشخاص، أحمد نجيب الدكتور خالد حنفي فتكونت حاجة اسمها اللجنة التنفيذية.
أحمد منصور:خالد حنفي كان مدير المستشفى وأحمد نجيب كان مسؤول العلاقات مع وسائل الإعلام الخارجية على أساس أنه يتقن الإنجليزي.
صفوت حجازي:وهو كان مسؤول المنصة أساساً.
أحمد منصور:وكان في مدير أمن التحرير.
صفوت حجازي:مدير أمن التحرير الدكتور أسامة ياسين وكان عندنا مسؤول البلدية أو مسؤول السكان الدكتورة هبة رؤوف يعني في كل حاجة.
أحمد منصور:إحنا بنتكلم عن المنظومة ديت بشكل دقيق وإحنا بنتكلم كيف أديرت الثورة من ميدان التحرير طول الفترة لأن دي جوانب خفية على كثير من الناس وفيها كثير من الجنود المجهولين.
صفوت حجازي:دكتور مظهر نكمل قصته بس، دكتور مظهر شاهين يوم الجمعة كنت أنا المسؤول عن يوم الجمعة من الساعة 10 الصبح لغاية الساعة الواحدة والنصف الظهر، أنا المسؤول عن..
أحمد منصور:يوم الجمعة 4 فبراير.
صفوت حجازي:كل جمعة أنا المسؤول عن الميدان في هذا الوقت، فعاوزين نخطب أنا مش عاوز أخطب لأن أنا أصبحت موجودا في الميدان مش بصفتي شيخ وإمام وخطيب وأنا حقيقة كنت عاوز أبرز دور العلماء، لأني اكتشفت أن وجود العلماء..
أحمد منصور:مهم.
صفوت حجازي:مهم جداً، العلماء المسلمين بين الشباب المسلم سواء ملتزم أو غير ملتزم مهم جداً، وجود العلماء المسيحيين القساوسة في وسط الشباب المسيحي كان مهم جداً، فنجيب مين فنجيب مين.. أنا جاه ببالي الدكتورمظهر شاهين اتصلت بيه على استحياء أنا خايف ما يوافقش، إحنا الجمعة 4 فبراير يعني لسه..
أحمد منصور:في ذروة الثورة.
صفوت حجازي:آه، لغاية هذه اللحظة إحنا متمردين.
أحمد منصور:موقعة الجمل وما بعدها.

خطبة الجمعة واختيار الخطيب

صفوت حجازي:وإحنا متمردين وراقبينا حطير، اتصلت في الدكتور مظهر يوم الخميس يا دكتور إحنا.. اتصلت بيه الأول إنه إحنا حنقفل عمر مكرم مش حيبقى فيه صلاة، وحنصلي في الميدان هل حضرتك توافق إنك إنت تيجي تخطب الجمعة، رحب بشدة وكانت بالنسبة لي مفاجأة، قلت له يا دكتور دي فيها رقبة.. بالنص كده، يا دكتور مظهر دي فيها رقبة قال لي بالنص: ده يوم أنا مستنيه.
أحمد منصور:يا سلام.

صفوت حجازي:ويا ريت رقبتي تضيع قبل رقابيكم.
أحمد منصور:يا سلام.
صفوت حجازي: موقف ده طبعاً لا أنساه للدكتور مظهر شاهين، قلت له بعد إذن حضرتك حتيجي الصبح نتفق حنتكلم في إيه، جاه فعلاً الصبح كان في أخ من الإخوة فكر إنه يجيب أحد الشيوخ الآخرين من اللي ليهم اسم وليهم صيت بدون ذكر أسماء، قبل الخطبة بشوي قالوا لي ده الشيخ فلان جاي، أنا كان مظهر جالي والشيخ مظهر أنا أعرفه من زمان من خلال القناة اللي إحنا بنشتغل فيها، القناة الفضائية، فالعلاقة بيني وبين الدكتور مظهر علاقة الأخ الكبير بالأخ الأصغر تسمح إن أنا أقول له معليش أنا آسف ده في حد تاني جيه، الراجل قابل الوضع بأريحية شديدة، للأسف الشديد، هذا، مش للأسف لحسن الحظ، هذا الشيخ أصر أن يقول كلمة الساعة 11 للجماهير قبل الخطبة قال كلمة كان فيها معنى من معاني المدح لأحمد شفيق، رئيس الوزراء، قوبل بعاصفة من الاستهجان الشديد حتى أوشك الناس يعني..
أحمد منصور:أن يفتكوا بيه، اللي كان يطلع المنصة يقول حاجة ما تعجبش الناس..
صفوت حجازي: الناس بتاكله، أنا طبعا سمعت الهياص بتاع الناس طلعت وقفت جنبه على المنصة سألت حد أظن الدكتور أسامة ياسين أو مش عارف الدكتور بلتاجي إيه اللي حصل قال: حصل كذا كذا كذا.. مسكت الميكروفون هديت الناس وهمست في ودنه وقلت له لازم تعتذرللناس قولهم ما أقصدش، فيا دوب بديله الميكروفون الناس هاجت، فقلت لهم: بعد إذنكم حضرتكم فهمتم من الشيخ غلط وحايصحح، فعلا خد الميكروفون واعتذر ونزل ومشي، ودي كان ممكن تبقى حاجة تاريخية بالنسبة له إنه هو يبقى الخطيب لكن شاء الله عز وجل أن الدكتور مظهر شاهين هو اللي كان خطيب الجمعة ولذلك أنا دايما جملة بقولها هذه الثورة صنعها الله عز وجل، الدكتور مظهر شاهين طلع خطب الكلام الثوري اللي أي حد فينا أكثر ثورية مش حيكون أكثر منه..
أحمد منصور: يعني أنا كنت برضو عايش لما كنت بتابع خطبه كنت بقول أي واحد في الميدان لن يستطيع أن يكون بهذه الجرأة اللي كان الدكتور مظهر بيطلع بيها.
صفوت حجازي:الدكتور مظهر حقيقة كان بيجي يقعد معانا أنا وكذا حد، كان بيقول إيه بنتكلم إيه..
أحمد منصور: يعني كان لسان الثورة.
صفوت حجازي:بالزبط ما كنش كلامه وده ما يقللش في شأنه هو الراجل عاوز يتكلم بلسان الميدان، فده حقيقة دكتور مظهر وأنا تعجبت من موقفه أنا ما كنتش متوقع منه الموقف..
أحمد منصور: بحيث إنه جزء من مؤسسة رسمية.
صفوت حجازي:دنا بعرض عليه مجاملة وأنا متأكد.
أحمد منصور: إنه حيعتذر.
صفوت حجازي: إنه حيعتذر متأكد تماماً أنا كنت يعني كان في مخيلتي حد آخر هو اللي حيخطب.
أحمد منصور: حنيجي بالتفصيل للدور اللي لعبه دكتور مظهر لأنه كان دوره متميزاً وبقي إلى كل الفعاليات اللي كانت بتم في الميدان، أنا عايز أرجع ليوم 25 أنت بعد الموقع اللي إنت أسسته وموقف العلماء من الثورة ما بين منحاز إلى النظام، أو عدم الخروج على الحاكم، وما بين الدعوة للخروج على أساس إنه في حاكم جائر في هذا الموضوع وتساؤلات الناس. الدعوة ليوم 25 بدأت مبكراً لكن قبلها بأيام عملت طفرة شديدة جداً عند الناس. متى قررت أن تشارك في يوم 25؟
صفوت حجازي:قررت أن أشارك يوم 25 من يوم 20 يناير لأنها بدأت الدعوة لتحديد يوم 25 ابتداءً من 20 يناير تقريباً، فقررت إن أنا أخرج.
أحمد منصور: هل رتبت مع حد من الناس اللي حواليك من أتباعك اللي بيجوا يصلوا أنت مسجدك بيمتلئ بآلاف الناس ولك برنامج فضائي في قناة الناس أيضاً يتابع بشكل كبير، فهل رتبت مع حد؟
صفوت حجازي:إطلاقاً..
أحمد منصور: يعني قررت إنك تخرج كشخص..

 

 

[تصحيح]

دعوه لموضوعي

مصر المستقبل - الرؤيا

صفحة المحروسة على فسيبوك



صفوت حجازي: قررت إن أنا أخرج لشخصي ويوم 20 كانت أول مرة أُعلن إن هذه الصفحة بتاعت صفوت حجازي.
أحمد منصور: اللي هي صفحة المحروسة..
صفوت حجازي:المحروسة.. يعني لغاية يوم 20 ما كنش معروف لكن الناس اللي عارفة أسلوب صفوت حجازي كانت عارفة بس ما كنتش كاتب على الصفحة.
أحمد منصور: يعني من 2 يناير لـ 20 كنت بتفتي الناس كفتاوى مجهولة؟
صفوت حجازي:أه، بدون معرفة سابقة، يوم 20 يناير قلت دي صفحة صفوت حجازي. أنا ما رضيتش أدعو الناس أتباعي وتلاميذي
أحمد منصور: ليه؟
صفوت حجازي:علشان ما اتحملش مسؤوليتهم، إحنا ما كناش عارفين إيه اللي حيحصل.
أحمد منصور: طب كان في ذهنك الخروج إيه؟
صفوت حجازي:كانت مظاهرة الخروج هو مظاهرة
أحمد منصور: لـ إيه يعني الناس كل واحد خارج بحاجة معينة عنده، إنت خرجت لـ إيه؟
صفوت حجازي:أنا خرجت.. ما هو ده اللي كان الجو العام إلغاء المادة 76 و77
أحمد منصور: اللي هي خاصة بالتوريث.
صفوت حجازي:بالتوريث وإلغاء التوريث، هو ده الهدف الأساسي اللي كان في الخروج بتاع معظم الناس.
أحمد منصور: يعني حتى في يوم 20 يناير الناس تريد أن تخرج مش عشان إنه حسني مبارك ما يرشحش تاني لأ عشان ابنه ما يجيش.



مظاهرات ضد التوريث



صفوت حجازي:ده لغاية يوم 28 يناير، يعني خرجنا يوم 25 يناير ما حدش في ذهنه حسني مبارك خالص، كل القضية اللي بنتكلم فيها هي التوريث وتعديل المادتين بتوع الدستور؟ طبعاً كان الجو العام اللي بيخرج في حاجة زي كده أمن الدولة بياخدوا وما تعرفش إيه اللي بيحصل، فأنا ما دعتش إلى الخروج للناس لكن أنا يوم 20 على الصفحة بتاعتي قلت أنا خارج.
أحمد منصور: فقط، ما دي دعوة برضه.
صفوت حجازي: فقط، لكن في برامجي في مسجدي ما قلتش حاجة خالص
أحمد منصور: طب الناس كانوا بسألوك؟
صفوت حجازي:اللي كان بيسألني بالتيلفون أنا أقوله أيوه أنا حخرج.

أحمد منصور: قررت تخرج منين؟
صفوت حجازي:يوم 25 ..أنا أسكن في 6 أكتوبر ومكتبي في الهرم في شارع فيصل وكان أحد الأماكن للتجمع كان ميدان جامعة القاهرة، يوم كان يوم 25 صلاة الظهر، أنا خرجت من بيتي على مكتبي ما قلتش لولادي ما حدش يعرف خالص، كل ما في الأمر إن أنا قلت لولادي إن أنا احتمال اتأخر.
أحمد منصور: من غير ما تقول إنت رايح فين.
صفوت حجازي:من غير ما أقول أنا رايح فين لأن أنا متوقع إن ممكن يتقبض عليّ، خرجت صليت الظهر في مكتبي وصلت جامعة القاهرة الساعة 1 إلا ربع..
أحمد منصور: ظهر 25 يناير.
صفوت حجازي:ظهر 25 يناير، كان عدد قليل قوي.
أحمد منصور: قدام الجامعة؟
صفوت حجازي:قدام الجامعة عدد قليل يعني.
أحمد منصور: 100، 200 .
صفوت حجازي: نقول مثلاً 500 ، 600.
أحمد منصور: كانوا بيهتفوا؟
صفوت حجازي:كانوا بيهتفوا.
أحمد منصور: بيقولوا إيه؟
صفوت حجازي:كانوا بيهتفوا الهتافات العامة يا حرية كفيني كفيني أمن الدولة بينا وبينك يا جمال مش عاوزينك.. مثل هذه الهتافات. أنا كنت في عربيتي وأنا كنت حريص إن ما حدش يشوفني.
أحمد منصور: كنت إنت سايق؟
صفوت حجازي:كنت أنا اللي سايق أنا لوحدي تماماً في العربية، وقفت بعيد الشباب خرجوا مشيوا من شارع قدام جامعة الدول العربية
أحمد منصور: في إتجاه.
صفوت حجازي:في إتجاه الدقي على كوبري الجلاء ، أنا مشيت شوفت مجرد ما ميشيوا وطمنت إن هم بدأوا يمشوا روحت بالعربية على ناحية مسجد مصطفى محمود في المهندسين كان مكان تجمع مسجد مصطفى محمود، لقيت مجموعة ضخمة جاية من منطقة بولاق ومنطقة الدقي وماشية في شارع التحرير ، دول قطعوا عليّ الطريق مشيت وراهم بالعربية لغاية ما وصلنا لعند كوبري الجلاء..
أحمد منصور: طب إنت هنا كنت بتشوف إيه طول الفترة من 2002 من أول ما ظهرت حركة كفاية والتظاهرات السياسية ويطلع 200 واحد يفضلوا 200 واحد لحد آخر المسيرة، المسيرة يوم 25 تميزت بشيء تاني خالص.

صفوت حجازي:بالعدد الضخم.
أحمد منصور: وكمان كل الناس كانت بتنضم ليها بشكل تلقائي أذهل حتى اللي بيتحركوا نفسهم.
صفوت حجازي:جداً، جداً يعني أنا مثلاً المسيرة اللي جاية في شارع التحرير في من ميدان الدقي لغاية كوبري الجلاء الأعداد تضاعفت، يعني 3 أضعاف مثلاً، أنا ماشي بالعربية وراهم..
أحمد منصور: الأمن كان فين هنا؟
صفوت حجازي:الأمن موجود.
أحمد منصور: بس ما تدخلش.
صفوت حجازي:ما تدخلش نهائي، بدأ يتدخل عند كوبري الجلاء، لقينا كوبري الجلاء مقفول، بعض الشباب بدأ يحتك بالأمن اللي قافل كوبري الجلاء، إن كوبري الجلاء حيدخلك على كوبري قصر النيل على ميدان التحرير، فكوبري الجلاء مقفول، بدأ الشباب يدخلوا شمال على الكورنيش عشان يطلعوا من على كوبري 6 أكتوبر وينزلوا التحرير من عند..
أحمد منصور: أنا عايز اسألك هنا عن إتجاه التحرير وإختيار ميدان التحرير كان واضح عند الناس وللاّ الناس بعفوية اتجهوا..
صفوت حجازي:بعفوية تامة.
أحمد منصور: ده يوم 25.
صفوت حجازي:يوم 25، يعني أنا رايح ميدان التحرير لأن الناس ماشية.
أحمد منصور: إنما إنت ما كنتش عارف المسيرة رايحة فين..
صفوت حجازي:ما كنتش عارف إن إحنا رايحين ميدان التحرير.
أحمد منصور: وفاكر إنها مظاهرة حتمشي شوية وتتفض زي كل المظاهرات أو حيتقبض عليكم في الآخر .
صفوت حجازي:أنا متخيل زي آخر مظاهرة بين كل القوى الوطنية، وكان معاهم الإخوان المسلمين وخرجوا اللي هي مظاهرة القضاة وكان معظم اللي خارجين الإخوان المسلمين، وبمجرد ما عسكري والأمن بدأ يحتك كل الناس جريت. أنا كنت متوقع هذا الأمر.
أحمد منصور: دي كانت إيمتى؟
صفوت حجازي:دي كانت 2008 على ما أذكر، الناس دخلت على العجوزة أنا دخلت على ميدان فيني في الدقي..
أحمد منصور: لسه بعربيتك؟
صفوت حجازي:بعربيتي لاقيت ضابط وقفني كان تقريباً الوقت ده كان تقريبا الساعة 3 ، لاقيت ضابط وقفني قالي مش حضرتك فلان قلت له أه، قالي إنت رايح فين، قلت له رايح مع الشباب، قالي لو سمحت إنزل..
أحمد منصور: انزل من العربية
صفوت حجازي: أه، بمنتهى الأدب، قلت له لأ مش حنزل من العربية، قالي لو سمحت إنزل أنا مش حقبض عليك، أنا خايف عليك بلاش إنت.
أحمد منصور: كان أمن دولة ولا..
صفوت حجازي:لأ كان ضابط ميري لا بس ميري أمن عام، أظنه كان مقدم قلت له يعني خايف عليّ حتموتونا، قالي إحتمال ناس تموت، قلت له لو الشباب دول حد منهم..
أحمد منصور: معنى كده إن في شيء واضح عند رجال الأمن من الأول إنه ممكن إنه يضربوا نار على الناس.
صفوت حجازي:أه، قلت له لو الشباب دول حد منهم مات وأنا مروح وقاعد في بيتنا يبقى أنا جبان، أنا مش نازل، جاه فاتح العربية وخد المفاتيح وخلع المفاتيح من العربية..
أحمد منصور: في نص الشارع؟
صفوت حجازي:في نص الشارع، خلع المفاتيح من على العربية، ما الشوارع مقفلة وإداها لأمين الشرطة، أنا مشيت..


أحمد منصور: وسيبت العربية
صفوت حجازي:سبتها وجريت، فجري وراي اتنين أمناء شرطة مسكوني حاطوني في عربية ترحيلات، فضلت في العربية تقريباً لغاية الساعة 6 ..
أحمد منصور: 6 مساء 25، وإنت ما تعرفش إيه اللي بيجرى بره..
صفوت حجازي :ما عرفش بقى إيه اللي..
أحمد منصور: العربية ما تحركتش.
صفوت حجازي : لأ العربية بتاعت الترحيلات لأ ما تحركتش، واقفة..
أحمد منصور: في حد جواها حد غيرك..
صفوت حجازي :كان فيها ولد كان اسمه أحمد..
أحمد منصور: برضو قابضين عليه من الشباب.
صفوت حجازي :قابضين عليه والولد ده كان أبوه لواء شرطة وكانوا قابضين عليه علشان زي ما هم عاملين معاي متحفظين عليه عشان ما يجراش حاجة ، الساعة 6 بالزبط 6 تماماً العربية مشيت منعرفش رايحة فين، وقفت العربية 6:30 .
أحمد منصور: نص ساعة.
صفوت حجازي : أه نص ساعة، 6:30 دي وقفت العربية كانت في ميدان باب الخلق.
أحمد منصور: في ميدان باب الخلق.
صفوت حجازي:أه، في القاهرة عند مديرية أمن القاهرة، فاتوا العربية ونزلونا.
أحمد منصور: في الشارع سابوكم؟
صفوت حجازي:في الشارع، السواق أداني المفتاح.
أحمد منصور: مفتاح عربيتك إنت؟ وما قالكش مركونة فين؟
صفوت حجازي:عربيتي أنا، ولا أي حاجة في نفس المكان..
أحمد منصور: ما إنت سيبتها في ميدان زيني في الدقي.
صفوت حجازي:أه، أه هو الضابط خد المفتاح ورجعت على نفس المكان خدت عربيتي ورجعت للبيت.
أحمد منصور: وما عرفتش بقى إيه اللي جرى في الدنيا.
صفوت حجازي:معرفتش إيه اللي جرى في الدنيا إلا من الأخبار بقى والتلفزيون ده كان يوم 25 يناير، أنا رجعت البيت ما قلتش..
أحمد منصور: طب إش معنى قبل ما نخلص من اليوم ده إنت بعد ما تباعت اللي جرى في اليوم ده حسيت إن اليوم ده يوم وخلص؟
صفوت حجازي:حسيت إن اليوم ده يوم وخلص الكلام ده كان يوم الثلاثاء 25 بالليل، أنا كان ببقى عندي درس في بيت من البيوت لطلبة عندي، رحت الدرس عادي خالص كان الدرس بيبدا الساعة 9 رحت الدرس الشباب بيكلموني على..
أحمد منصور: شاركوا ؟
صفوت حجازي: على الأحداث لأ ما شاركوش وأنا ما قلتلهمش إن أنا شاركت
أحمد منصور: دول طلبة حديث بقى ماشيين على.
أحمد منصور: شيوخهم قالوا ما تشاركوش.
صفوت حجازي:بيقولولي إيه، بتتوقع إيه قلتلهم والله دي بداية، أنا أتوقع إنه ممكن يتكرر اليوم ده تاني، قالولي طيب لو تكرر حضرتك حتشارك، قلتلهم أه طبعاً حشارك..
أحمد منصور: وما قلتلهمش إنك رحت
صفوت حجازي:لأ ما قلتلهمش.. أه طبعاً حشارك، قالولي نشارك؟ قلتلهم أه طبعاً لو حصل اليوم ده اللي ما يخرجش وهو قادر على الخروج يأثم.
أحمد منصور: دي فتوى مباشرة.
صفوت حجازي:ودي فتوى أنا أطلقتها من يوم الجمعة.
أحمد منصور: 28
صفوت حجازي :28، يوم 26 فوجئت بأخبار بإن السويس فيها قتلى.

[فاصل إعلاني]

أحمد منصور: المظاهرات بتاعت 25 ما كنتش في القاهرة بس.
صفوت حجازي:كانت في كل أنحاء الجمهورية.
أحمد منصور: تقريباً في كل أنحاء الجمهورية، لكن السويس كان أشدها..
صفوت حجازي:السويس هي المكان الوحيد تقريباً اللي حدث فيه قتل.
أحمد منصور: قُتل 3 في اليوم ده في السويس وقيل 4..
صفوت حجازي:يوم الأربعاء 26 قٌتل 4 يوم الخميس قٌتـل 6 تانيين..
أحمد منصور: طب أنا عايز اسألك هنا لأن ميدان التحرير الناس طبعا المسيرات يوم 25 مشيت وتوجهت للتحرير والتحرير كان فيه 20 –30 ألف وقعدوا للساعة 2 –3 بالليل الناس جزء منهم مش كلهم وحصل مناوشات بينهم ما تابعتش إنت ده.
صفوت حجازي: أنا الساعة 12 بالليل عرفت إن في بعض الشباب موجودين في ميدان التحرير، عالبال ما وصلت الميدان تقريباً الساعة 1 من 6 أكتوبر..
أحمد منصور: يعني معنى كده يوم 25 رجعت..
صفوت حجازي:رجعت الساعة 1 بالليل لما عرفت إن في شباب موجدين الساعة 1 بالليل أو 1:15 لقيت عدد قليل قوي يعني ما يتعداش 2000 –3000 واحد وبدأت الشرطة تخفف القبضة بتاعتها كأنها بتفتح المجال للناس عشان الناس يخرجوا وفعلاً بدأ الناس يخرجوا، أنا مشيت يوم 25من ميدان التحرير الساعة تقريباً 2:30 بالليل..
أحمد منصور: وبرضه لوحدك كنت.

صفوت حجازي:أه لوحدي ما كنش في حد موجود تقريباً 2:30 بالليل.
أحمد منصور: يوم 26 لما حدث إن في قتلى في السويس والدنيا كانت مولعة كتير في السويس قررت تروح السويس.
صفوت حجازي: أنا ما قررتش أروح حقيقة لكن اتصلت بالشيخ حافظ سلامة، الشيخ حافظ سلامة شيخي وأنا بحبه وهو بحبني وبيعرفني وفي علاقة بيني وبينه وأنا لي جمهور شوية في مدينة السويس.
أحمد منصور: بتروح بتحاضر هناك بتعطي محاضرات ودروس؟

أحداث عنيفة في السويس

صفوت حجازي:نعم، فاتصلت بالشيخ حافظ إيه يا مولانا الوضع قالي الدنيا مولعة والشرطة بتضرب بالناس.. السلام عليكم وعليكم السلام قاللي اسمع ما تجيش..
أحمد منصور: أه هو قالك ما تجيش هو حس إن إنت ممكن تحط سماعة التلفون وتطلع على السويس.
صفوت حجازي :قال لي اسمع ما تجيش قولتله حاضر.
أحمد منصور: في حد غيره بتنزل عليه بتعرفوا هناك برضه.
صفوت حجازي:في السويس في أصدقاء لي كتير لكن كشيوخ هو الشيخ حافظ فقط أنا بمجرد ما قفلت التلفون كان عندي ميعاد مع الشيخ يوسف قرضاوي.
أحمد منصور:يوم 26 يناير.
صفوت حجازي:الشيخ يوسف القرضاوي، كانوا موجودين هنا في القاهرة، كان في مؤتمر عمله الأزهر وكان في شيوخ كثير.
أحمد منصور:ده المؤشر الشهير إللي شيخ الأزهر استقبله فيه وأدى لردود فعل كثيرة.
صفوت حجازي:يوم 26 رحت قابلت الشيخ يوسف والدكتور أحمد ومجموعة شيوخ كثير كانوا موجودين في أحد الفنادق إللي نازلين فيه، كان الكلام ده تقريباً الساعة 2 الظهر، سيبتهم ومروح بيتنا، ما أعرفش إيه إللي خلاني أغير اتجاه عربيتي وأروح السويس.
أحمد منصور:لوحدك كده؟
صفوت حجازي:بقيت رايح على السويس.
أحمد منصور:ولا قلت لحد؟
صفوت حجازي:ولا قلت لحد.
أحمد منصور:ولا اتصلت على أولادك؟
صفوت حجازي:وأنا على بعد 50 كيلو كده تقريباً من السويس اتصلت بي مراتي قلتلها أنا رايح السويس قالتلي ده الدنيا مولعة هناك، قلتلها لأ أنا رايح.
أحمد منصور:رايح أطفي.
صفوت حجازي: لازم أروح أشوف الشيخ حافظ، على مدخل السويس كانوا مقفلين السويس رجعونا الشرطة، أي حد رايح السويس ومهواش من أهل السويس.
أحمد منصور:يرجعوه.

 

 

[تصحيح]

دعوه لموضوعي

مصر المستقبل - الرؤيا

صفوت حجازي: يرجعوه، كان الكلام ده تقريباً الساعة أربعة العصر، اتصلت بالشيخ، يا شيخنا أنا في المكان الفلاني قلي على طريق أدخل منه، قال لي بقولك ارجع وشخط في الشيخ حافظ لما بيشخط بيشخط بجد، شخط فيي شخطة جامدة، قال لي اسمع الكلام وارجع.
أحمد منصور:قلت لما أشوف غيره.
صفوت حجازي:لأ، أنا رجعت حقيقة من الطريق رجعت، معرفتش أنام، رجعت البيت متابع الأخبار، بتصل بالتليفون الأخبار ما بتذيعش حاجة وحتى الجزيرة مكانتش مغطية كويس في السويس في اليوم ده، الدنيا هناك مولعة في السويس من متابعتي بالتليفونات للناس إللي أعرفهم، صليت الفجر.
أحمد منصور:إللي هو فجر الخميس.
صفوت حجازي:فجر الخميس
أحمد منصور:27
صفوت حجازي:27، ماقدرتش، قلت أنا طالع السويس، دخلت بقا من طريق.
أحمد منصور:حد دلك عليه؟
صفوت حجازي:أه، لقيت عربية زلط، عربية نقل واقفة قبل منطقة الحجز فوقفت ونزلتله، الراجل عرفني قلت له عاوز أدخل السويس، قال لي بس العربية تتبهدل، قلت له تتبهدل.
أحمد منصور:قال لك وراي
صفوت حجازي:عربيتي، قال لي امشي وراي، دخلنا بقا من الجبل من طريق من ورا كده، دخلني على قلب السويس، رحت للشيخ حافظ في المسجد.
أحمد منصور:كان الشيخ في المسجد؟
صفوت حجازي:أه، كان الشيخ في المسجد.
أحمد منصور:يعني بيدير المعركة من المسجد؟
صفوت حجازي:أه
أحمد منصور:زي أيام 73
صفوت حجازي:أه، كان في مسجد الشهداء وتقريباً كانت الساعة 10 الصبح لأن الطريق إللي لفينا منه ده، الشيخ طبعاً فوجئ بي موجود.
أحمد منصور:ما زعقش بقا.
صفوت حجازي:لا ما زعقش.
أحمد منصور:خلاص، متمرد.
صفوت حجازي: الشباب إللي حوليا قالوا يا يشخنا قلنالك صفوت حجازي حيجي، قلت له أنا جيت مبارح والداخلية مرضيتش تدخلني فأنا دخلت، كان في الوقت ده الدنيا هديت شوية في السويس.
أحمد منصور:بس كان في اليوم ده حيشيعوا جنازات القتلى.
صفوت حجازي:أه، بالضبط والجو العام هدي، هم كانوا شيعوا مجموعة من الجثث الساعو 9 الصبح، الساعة 10 الصبح الشيخ فطرني وقال لي تعال نطلع المشرحة، طلعنا على المشرحة لقينا الناس متجمهرين حولين المشرحة ما لا يقل عن 10 آلاف واحد والأمن قافل المشرحة ومش راضيين يسلموهم الجثث.
أحمد منصور:كان في كم جثة تقريباً؟
صفوت حجازي: كان تبقى جثتين، منهم إللي أنا شفت جثته حقيقةً مسكتها بيدي يعني حد إسمه غريب بيشتغل فران، ده كان في ظهره تقريباً 6 رصاصات.
أحمد منصور:6 رصاصات!
صفوت حجازي:6 رصاصات
أحمد منصور:6 رصاصات في جثته
صفوت حجازي:شفت جثته وشفت الرصاص في ظهره 6 رصاصات.
أحمد منصور:رصاص حي مش مطاطي؟
صفوت حجازي:رصاص حي، لا، رصاص حي، 6 رصاصات في ظهره، ده كان يعني أنا كان لغاية اللحظة ديت مشفتش دم، قبل ما شفت غريب أنا تحولت 180 درجة.
أحمد منصور:إزاي؟
صفوت حجازي:بالنسبة لي أصبح حسني مبارك مهواش رئيس.
أحمد منصور:قاتل ومجرم.
صفوت حجازي:قاتل، بالنسبة لي ..
أحمد منصور:بس ده مش أول واحد يقتله حسني مبارك.
صفوت حجازي:لكن أول مرة أشوف جثة في رصاص حي لواحد
أحمد منصور:بسيط.
صفوت حجازي:بسيط فران عنده 42 سنة أو 40 سنة، عنده أربع أطفال، أمه ولا مراته وخواته واقفين بره بمجرد ما شافوني يعني كانوا بيبوسوا إدينا أنا والشيخ على شان هم عاوزين الجثة بس، طبعاً لما شفت أهل الفران ده وشفت جثته نفسها يعني كان دي بالنسبة لي أول مرة كانت أشوف قتيل برصاص الداخلية، وإللي سيطر في ذهني أنه من أيام الإحتلال الإنجليزي ما ضربش رصاص حي على مصريين.
أحمد منصور:ده اتضرب كثير أيام مبارك.
صفوت حجازي:ده إللي جاء في ذهني.
أحمد منصور:بس ده إللي أنت شفته.
صفوت حجازي:أه، أنا شاركت في مظاهرات كثير جداً، أنا من أيام الجامعة من سنة 81 وأنا مفيش مظاهرة في الجامعة إلا وأشارك فيها وعندي في رجلي لغاية دلوقت.
أحمد منصور:شظية؟
صفوت حجازي:خرطوشة، بلية.
أحمد منصور:مطاطي.
صفوت حجازي:مطاطي موجودة في رجلي لغاية دلوقت كانت من أيام الهجوم الإسرائيلي على تونس أيام منظمة التحرير، دي كانت لحظة قاتلة بالنسبة لي وتحول جذري، بس تحول جواية ما تحولش إلى عمل، تحول شعوري، الجثة متكفنة والشباب جوا قالوا لنا ده في جثتين ثانيين مخبينهم.
أحمد منصور:غير جثة الفران؟
صفوت حجازي:غير جثة غريب، ومكانش في يعني ماشفناش، مكانش في حد موجود من الأمن غير عقيد، همه الناس بمجرد ما شافوني أنا والشيخ حافظ اتلموا حولينا وبدأوا يهتفوا وعاوزين الجثث والشهداء.
أحمد منصور:إيه الهتافات إللي هتفوها؟
صفوت حجازي:كان بدأت الهتافات بترحيب بي وبالشيخ، يا دكتور بنحبك، يا شيخنا بنحبك، يا شيخ حافظ، وبعدين بدأوا يهتفوا.
أحمد منصور:ضد النظام؟
صفوت حجازي:ضد النظام وبيشتموا حسني مبارك.
أحمد منصور:يعني هنا كانت بداية الانقلاب على حسني مبارك.
صفوت حجازي:أول مرة أسمع يسقط يسقط حسني مبارك يوم الخميس.
أحمد منصور:يعني دي ما بدأتيش يوم 28، بدأت.
صفوت حجازي:في السويس كانت أول مرة أسمعها.
أحمد منصور:27 في السويس.
صفوت حجازي:أه، ولما سمعتها مش عاوز أقول لحضرتك أنا حسيت.
أحمد منصور:أنك عايزه يسقط بقا.
صفوت حجازي:أنه أنا عايزه يسقط، حسيت بقا باستبياع، فضلنا المحافظ ومدير الأمن ومدير المباحث ومفيش حد موجود، خايفين من الناس، الناس عندها استعداد تفتك بأي حد شكلهم وهتافاتهم والكلام ده كله، لما لقوا الشيخ حافظ جه هم عارفين أن الشيخ حافظ كلمته في السويس منتهية وعارفين أن الشيخ حيحميهم فجاؤوا، بدأنا في مفاوضات معاهم عاوزين نخرج الجثة.
أحمد منصور:مع العقيد إللي موجود؟
صفوت حجازي:لا، مع مدير الأمن بقا ومدير مباحث أمن الدولة.
أحمد منصور:جاؤوا؟
صفوت حجازي:جاؤوا.
أحمد منصور:أه لما شافوا الشيخ حافظ حسوا بالأمان أنه هو حيحميهم من الناس.
صفوت حجازي:بالضبط، فجاؤوا وفعلاً الناس مجرد ما جاؤوا الناس كانوا حياكلوهم لولا الشيخ حافظ، الشيخ حافظ ارجع يا ولد خلاض كله يرجع، مش عايزين يدونا الجثث.
أحمد منصور:حافظ عنده كم سنة دلوقت؟
صفوت حجازي:الشيخ حافظ دلوقت 89.
أحمد منصور:ما شاء الله.
صفوت حجازي:الشيخ حافظ لما تشوفه كده لكن أكيد حضرتك سمعته في الميدان.
أحمد منصور:طبعاً مهو كان على طول في الميدان.
صفوت حجازي:مجرد ما بيفتح صوته.
أحمد منصور:زئير الأسد.
صفوت حجازي:أه، مش عاوزين يسلمونا الجثث عشان خايفين الناس تاخدها وتمشي فيها بالشارع وتبقى جنازة شعبية، طب نعمل إيه.
أحمد منصور:وتشتعل المظاهرات.
صفوت حجازي:وتشتعل البلد، طيب نعمل إيه، الشيخ اقترح اقتراح قال لهم جيبوا 100 أوتوبيس من بتوع شركات البترول ونركب فيهم الناس، الجماهير إللي بره يركبوا في 100 أوتوبيس ونأخذ الجثة ونطلع..
أحمد منصور:على المقبرة.
صفوت حجازي:على المقبرة، في حراسة المدرعات بتاعتكم، والمقابر، في مقابر جوا السويس وفي مقابر على طريق القاهرة السويس بينها وبين السويس 15 كيلو.
أحمد منصور:طبعاً عايزين يدفنوا في البعيد.
صفوت حجازي: هو الشيخ قال حندفنها في البعيد، بحيث أن الناس تنزل هناك عاوزين يعملوا مظاهرة في الصحراء يعملوا، قالوا طيب خلاص للفكرة وبدأوا يجيبوا أوتوبيسات، كان الكلام ده وصلنا قبل المغرب بنص ساعة تقريباً.
أحمد منصور:بتتكلم دلوق من العشرة الصبح للمغرب.
صفوت حجازي: لأ على بال ما فطرنا وصلينا الظهر، الكلام ده من بعد صلاة الظهر، صلينا الظهر في المسجد مع الشيخ.
أحمد منصور:طيب أنا عايز أسألك هنا من الظهر لأنه هنا في اليوم ده اتحرق مقر الحزب الوطني والمظاهرات أخذت وضع ثاني في السويس.
صفوت حجازي:كل ده حضرتك بعد المغرب، الكلام ده السويس هادية جداً.
أحمد منصور:لحد المغرب.
صفوت حجازي:لحد المغرب، قبل المغرب جابوا حوالي 10، 15 أوتوبيس وبدأ الناس يركبوا، جابوا عربية الإسعاف حطينا فيها الجثة وركبت أنا جمب السواق والشيخ حافظ جمبي وأذن المغرب لقينا باب العربية اتفتح وضابط بيشد الشيخ حافظ بيقله انزل نصلي المغرب بالأول وبيشد الشيخ بطريقة.
أحمد منصور:فيها قلة أدب.
صفوت حجازي:فيها أه،
أحمد منصور:لا تتناسب مع سن الراجل.
صفوت حجازي:بالضبط، لكن كلامه مؤدب، المشرحة بتاعت السويس هي عبارة عن مبنى مستقل وله سور حديد فالناس شايفة..
أحمد منصور:الضابط بيشد الشيخ.
صفوت حجازي:أه، ونفس الشيخ نزل، الضابط معايا بنفس القصة دخلنا أوضه يا دوب صلينا كبرنا كنت أنا إللي بصلي بالشيخ، كان الشيح وراية ومعاه أحد تلاميذه، يا دوب صلينا الركعة الأولى ونسمع هياج وتحديف طوب وهتافات والدنيا هاجت.
أحمد منصور:على المشرحة بره
صفوت حجازي:على المشرحة بره وصفارات عربيات التدخل السريع وتصدي الشغب وطوب بيكسر المشرحة، وقنابل بقا مسيلة للدموع والمطافي والميه والدنيا اتقلبت.
أحمد منصور:يعني هنا بقا كان في مؤامرة سرية من الشرطة ضد الناس.
صفوت حجازي:ده إللي حصل، إحنا عاوزين نخرج ونبص إيه وهمه الشرطة بيمنعونا من الخروج من الأوضه.
أحمد منصور:قصة صلاة المغرب دي كانت مكانتش..
صفوت حجازي:اتضح الكلام ده بقا، لما الدنيا الناس كلها انفضت ومشيت وخلت كل الناس مشيت والقوات طاردتهم وجاءت مردرعة وقفت قدام المشرحة، ركبنا عربية الإسعاف أنا والشيخ وانطلقنا.
أحمد منصور:بقا كده عايزين عربية الإسعاف لوحدها تروح تدفن الراجل.
صفوت حجازي:أه.
أحمد منصور:من غير أي أحد.
صفوت حجازي: يادوب خرجنا من العربية من الباب وقفونا ونزلونا.
أحمد منصور:كمان؟
صفوت حجازي: أه، كانت عربيتي كانت موجوده جمب المشرحة، الضابط قال لي يا دكتور اركب عربيتك وتعال ورانا، أخذت الشيخ معايا في عربيتي وصلنا عند المقابر.
أحمد منصور:برضه إللي بره دي.
صفوت حجازي:الـ 15 كيلو.
أحمد منصور:يعني معنى كده أنه أنت بس والشيخ وعربية الإسعاف؟
صفوت حجازي:عربية مدرعة قدام عربية الإسعاف، وعربية الإسعاف وأنا وراء عربية الإسعاف.
أحمد منصور:فقط لا غير؟
صفوت حجازي:فقط لا غير .
أحمد منصور:وكل أهل السويس فضوهم.
صفوت حجازي:كل أهل السويس مشيوا، يادوب خرجنا من السويس والعربية المدرعة رجعت ومشيت عربية الإسعاف وأنا بعربيتي معايا الشيخ ومعايا أحد أتباع الشيخ.
أحمد منصور:حسيتوا بإيه معلش كده هنا في مؤامرة..
صفوت حجازي: إحنا ما حسيناش بأي حاجة.
أحمد منصور:لأ، أنتم ما حسيتوش بحاجة إزاي طب الناس فضت..
صفوت حجازي:ولا حسينا بأي حاجة ولا نعرف حاجة، كل همنا أنه إحنا.
أحمد منصور:تدفنوا الراجل ده
صفوت حجازي:ندفن الراجل ده
أحمد منصور:إللي مات من مبارح.
صفوت حجازي:إللي مات من مبارح، رحنا المقابر لقينا أهل غريب ومجموعة قليلة من الناس.
أحمد منصور:برضة أكيد الشرطة اللي نقلتهم..
صفوت حجازي:ما نعرفش، كل ده ما نعرفش، كانوا بوسعوا المقبرة لسه بيحفروا فيها، فلقيت واحد جاي لي واقف معاي على جنب طلعلي الكرنيه بتاعه، ضابط، أنا مش فاكر اسمه.
أحمد منصور:لابس ملكي بأه.
صفوت حجازي:لابس ملكي..
أحمد منصور:أمن دولة يعني.
صفوت حجازي:لابس ملكي، قال لي يا دكتور خلي بالك، قلت له إيه اللي حصل قال لي إنت ما بتعرفش إيه اللي حصل، قلت له: لأ، قال لي إنت مجرد ما نزلتوا إنت والشيخ حد ده بترتيب مننا، قال لي كده بالنص، بترتيب مننا حد من الناس بتعونا المدني طلع بره وقال: ده قتلوا الشيخ حافظ.
أحمد منصور:آه..
صفوت حجازي: قتلوا الشيخ حافظ الدنيا هاجت..
أحمد منصور:حد من الأمن اللي طلع الإشاعة ديت.
صفوت حجازي: أه، نعم، قلت له : طب بيعملوا كده ليه، قال لي: عشان يوجدوا مبرر لتدخل قوات فض الشغب، ويمشوا الناس لأنهم ما قدروش يجيبوا المية أتوبيس فخايفين الناس تاخذ الجثة.
أحمد منصور:تمشي ورا الجنازة وتاخذ الجثة.
صفوت حجازي: فعشان يدخلوا قوات التدخل السريع وفض الشغب لازم يهيجوا الناس، خلي بالك عشان إنت ممكن تتاخد.
أحمد منصور:هو تتاخد تعتقل.
صفوت حجازي: آه
أحمد منصور:ولا ممكن يموتك وإنت في شايف..
صفوت حجازي:تتاخد، تتاخد دي مصطلح وقتها إنك يتقبض عليك، أنا طبعا عرفت الكلام ده، جيت رايح قايل للشيخ، دفنا الراجل، بالتلفونات بأه عرفنا أن السويس ولعت.
أحمد منصور:إيه بأه هنا ولعت السويس..
صفوت حجازي:كون بأه الشيخ حافظ يتقتل، الناس اللي متجمهرة دي كلها جت خارجة على قسم الأربعين مولعة فيه.
أحمد منصور:طب هم الناس اللي طلعوا إشاعات مقتل الشيخ ما كنوش بيدركوا ده.
صفوت حجازي: الأمن غير.. بيتصرف تصرفات غير مسؤولة وممكن ما يكونش مدرك لهذا الأمر أو يكون هو عاوز كده ما نعرفش، أنا ما حللتش الموقف حقيقة، ويمكن دي من أوائل المرات اللي بتكلم فيها في الموضوع ده وإن كنت أنا أدليت بيه في شهادة رسمية، رجعنا السويس..
أحمد منصور:لأ استنى..لما رجعت، الشيخ قالك إيه لما قلتله الأمن..
صفوت حجازي:الشيخ قال لي ولاد الأبلسة.. عمل كده، ولعوا البلد، قلت له: بعدين يا شيخنا..
أحمد منصور:وأنتم ما عرفتوش إيه اللي حصل في السويس.
صفوت حجازي:ما نعرفش..
أحمد منصور:لسه أنتم في المقبرة.
صفوت حجازي: إحنا لسه ما دفناش الراجل، أنا مجرد الضابط ما قال لي الكلام ده، واختفى، جيت رايح على الشيخ وقايله الكلام ده، دفنا الراجل ورجعنا وإحنا راجعين اتصل الشيخ بالشباب، فعرف بأه إيه اللي حصل في السويس.
أحمد منصور:اسمحلي، الحلقة الجايه أبدأ معاك من اللي حصل في السويس بعد ما أشاع الأمن إشاعة مقتل الشيخ حافظ سلامة مساء يوم الخميس 27 يناير 2011 ومنع أهل السويس إنهم يشاركوا في جثة دفن أحد الشهداء اللي قتلوا على إيدين الشرطة، شكراً جزيلا لك، كما أشكركم مشاهدينا الكرام على حسن متابعتكم، في الحلقة القادمة إنشاء الله نواصل الاستماع إلى شهادة الداعية الدكتور صفوت حجازي أحد الشهود على ثورة الخامس والعشرين من يناير في مصر، في الختام أنقل لكم تحيات فريق البرنامج، وهذا أحمد منصور يحييكم والسلام عليكم ورحمة الله وبركاته.

المصدر: الجزيرة

 

 

[تصحيح]

دعوه لموضوعي

مصر المستقبل - الرؤيا

صفوت حجازي.. شاهد على الثورة المصرية ج 3



مقدم الحلقة: أحمد منصورضيف الحلقة: صفوت حجازي/ الأمين العام لمجلس أمناء الثورة في مصرتاريخ الحلقة: 7/8/2011

- محاولة سرقة المتحف

- حادثة دهس المتظاهرين بالسيارة الدبلوماسية
- المستشفى الميداني
- استخبارات الميدان
- المتاريس وخطوط الدفاع
أحمد منصور
صفوت حجازي
أحمد منصور: السلام عليكم ورحمة الله وبركاته، وأهلا بكم في حلقة جديدة من برنامج شاهد على الثورة، حيث نواصل الإستماع إلى شهادة الداعية الدكتور صفوت حجازي حول الثورة المصرية، دكتور مرحباً بك..
صفوت حجازي: أهلا وسهلاً أستاذ أحمد.

محاولة سرقة المتحف

أحمد منصور: توقفنا في الحلقة الماضية عند الساعة الثامنة أو التاسعة مساء يوم 28 يوم الجمعة 28 يناير وكنت وقتها في ميدان التحرير شاهدت مجموعة من البلطجية واللصوص يحاولون سرقة المتحف المصري.
صفوت حجازي: أنا الشباب اللي إتلموا حوليه جرينا بسرعة ناحية المتحف، وكان همنا كله إن إحنا نمنع البلطجية دول من إقتحام المتحف، لأن إحنا سمعنا نداءتهم وهم بيكلموا بعض.. يالله نسرق المتحف.
أحمد منصور: ده بالوقت اللي كانوا فيه بيكسروا في العربيات في ميدان عبد المنعم رياض.
صفوت حجازي: في الوقت اللي كانوا بيكسروا فيه العربيات في ميدان عبد المنعم رياض وبيكسروا العربيات وبياخدوا منها حاجات..
أحمد منصور: شفناهم إحنا عربياتنا تكسرت قدامنا.
صفوت حجازي: بالضبط، وبدأوا ينادوا اتجهوا للمتحف، أنا خدت مجموعة كبيرة من الشباب وبدأنا نروح ناحية المتحف ووقفنا قدام باب المتحف، وبدأوا يهجمونا، يهجمونا بإيديهم يهجمونا بالعصي، يهجمونا..
أحمد منصور: في أنا شفت في الوقت ده برضه لما نزلت لقيت كتير منهم معهم سيوف ومعهم حاجات.
صفوت حجازي: بالضبط، جابوها منين ما نعرفش، بس هم دول معتاد المنطقة دي فيها تواجد الكمية ديت، وكان سرى بقى الكلام البلد كلها عرفت أن الدنيا ولعت وما عدش في أمن ولا في أي حاجة إطلاقا..
أحمد منصور: أنت لحد دلوقتي ما كانش عندك معلومة مؤكدة أن الأمن انسحب من الشارع.
صفوت حجازي: لأ، لأ، ما عنديش معلومة إطلاقاً، إحنا مش لاقينا حاجة ندافع بيها عن نفسنا..
أحمد منصور: كان عددكم أد إيه..
صفوت حجازي: كان عددنا في البداية مثلاً خمسين، ستين واحد، لكن بدأوا الشباب يتكلموا على المتحف والدكتور صفوت هناك، فبدأنا.. بدأ العدد يزيد وصلنا لحوالي 150، 200 واحد.
أحمد منصور: الساعة كام؟
صفوت حجازي: الساعة تسعة ونص، عشرة..
أحمد منصور: أنت ما كنتش دخلتش على التحرير.
صفوت حجازي: لأ لسه ما دخلتش معرفش إيه اللي بيجرى جوا الميدان..
أحمد منصور: بس كان في أفواج كثيرة تأتي وتدخل إلى التحرير.
صفوت حجازي: تدخل جوا بس معرفش إيه اللي بيحصل، أنا ما شفتش لغاية دلوقتي الميدان.
أحمد منصور: كنت بتسمع إطلاق رصاص في الوقت ده.
صفوت حجازي: سامع طلق رصاص طبعاً وسامع ضرب نار من جهة التحرير، من جهة المجمع وده كله بالنسبة لي أنا بعتبره بأه اللي كان بيحصل معنا طول الطريق، مجموعات من الشباب بدأوا يجوا معاهم سياخ حديد، المقاولون العرب عاملة مشروع قدام المتحف فكان في سياخ حديد وحتت حديد فبدأوا يجوا معاهم الحديد ده ويدوهلنا عشان ندافع ضد البلطجية، بدأوا البلطجية يهجموا علينا وبدأنا نتكسر..
أحمد منصور: أعدادهم بقت كثيرة.
صفوت حجازي: أعدادهم بقت كثيرة يعني أنا متخيل إنهم أكثر من 200 واحد لأنهم أكثر مننا فعلا، إحنا بدأنا ننسحب وبدأنا ندخل جوا، بدأوا يكسروا أو إحنا اللي كسرنا البازارت، في كشاك بزرات كتير.
أحمد منصور: حوالين المتحف.
صفوت حجازي: حوالين المتحف، في المنطقة عند باب المتحف إحنا كسرناها علشان ناخذ منها الحديد بتاعها والخشب نخبط بيه ونضرب بيه.
أحمد منصور: عشان بس تعملوا تعويض للناس اللي حاجتها إتكسرت.
صفوت حجازي: من أقدار الله عز وجل دي كانت حاجة من الحاجات العجيبة، البازرات دي فيها نماذج في آثار، فالبلطجية.. البازرات دي لما إتكسرت الحاجات التماثيل والحاجات دي ترميت في الأرض، فالبلطجية بدأوا ياخدوا كل واحد ياخدله حتة ويجري.
أحمد منصور: على أساس إنها حاجات حقيقية.
صفوت حجازي: ظانن إن دي حاجات حقيقية وده فرق مجموعة كبيرة منهم، ما تبقاش عدد قليل جداً إحنا بدأنا نطاردهم وبدأت أنا أخرج بعيد عن المتحف.
أحمد منصور: طب، في هنا بعض البلطجية برضه في وقت متأخر على 11، 12 بلغونا الناس إن في بلطجية قفزوا من ورا ودخلوا ودول قالوا إنهم سرقوا شوية حاجات.
صفوت حجازي: ده أنا ما كنتش موجود يعني إحنا بدأنا نطاردهم وبدأوا يجروا قدامنا وبدأنا طمينا إن هم جريوا، فبدأت في اللحظة دي تقريبا الساعة 11، 11 ونص، 12 أدخل ميدان التحرير.
أحمد منصور: دخلت الميدان..
صفوت حجازي: دخلت عند الميدان بأه.
أحمد منصور: شفت أنت كنت بتعتبر اليوم انتهى عندك الساعة 8 ومروح.
صفوت حجازي: أه، ما كنتش متخيل بأه اللي الموجود في ميدان التحرير.
أحمد منصور: شفت إيه الساعة 12 بالليل يوم الجمعة 28 في ميدان التحرير.
صفوت حجازي: اللي شفته في ميدان التحرير، كل الناس مليانة دم ما فيش حد شفته ما فهوش دم، لإن أنا جريت ناحية المنطقة اللي فيها ضرب نار.
أحمد منصور: اللي هاي عند الجامعة الأميركية و..
صفوت حجازي: منطقة المجمع، ومنطقة الجامعة الأميركية وشارع القصر العيني وشارع الشيخ ريحان.
أحمد منصور: الشيخ ريحان اللي في آخره وزارة الداخلية.
صفوت حجازي: اللي في آخره وزارة الداخلية، ميدان التحرير الجزء من عبد المنعم رياض لغاية أول الصينية..
أحمد منصور: اللي داخل الميدان.
صفوت حجازي: اللي في ميدان التحرير، ده شيء واللي بعد الصينية لغاية المناطق اللي قلنا عليها دي حاجة تانية خالص.
أحمد منصور: إيه بأه اللي من عند عبد المنعم رياض لأول الصينية.
صفوت حجازي: دي كثافة عددية، شباب وناس واقفين مش عارفين بيعلموا إيه ولا حد بيعمل أي حاجة، كلهم قاعدين مستشرفين للمنطقة.
أحمد منصور:: اللي في أصوات رصاص تجاهها..
صفوت حجازي: اللي فيها أصوات الرصاص.
أحمد منصور: وفي ناس بتيجي جرحى..
صفوت حجازي: أنا جريت على المنطقة اللي هناك، كل الناس.. كان العدد هناك ما هواش كتير..
أحمد منصور: بحدود كام؟
صفوت حجازي: يعني مثلا نقول 700، 800 ، 900 .
أحمد منصور: كان اللي في الميدان بأه..
صفوت حجازي: اللي في الميدان ورا دول حوالي مثلاً أربعة الآف، خمسة الآف، بظن.
أحمد منصور: بتهيأ لي كان أكثر من كده.
صفوت حجازي: يعني.
أحمد منصور: يعني دي الساعة 12 بالليل.
صفوت حجازي: ده الساعة 12 بالليل.
أحمد منصور: لأن الكثافة إللي جت من المغرب بعد إنكسار الأمن لحد الساعة عشرة بدأت الناس تروح وتنفض.
صفوت حجازي: بالضبط.
أحمد منصور: لكن في ناس دمغها ناشفة لازم يروح لوزارة الداخلية.
صفوت حجازي: هم دول، أنا جريت علشان كل هدفي إن أنا أوقف الناس لأني أنا شايف ضرب نار وشايف رصاص حي وفي الوقت ده بدأت الدبابات..
أحمد منصور: تنزل.
صفوت حجازي: أول مرة.. هي نزلت من قبل كده بس أنا أول مرة آخد بالي منها.
أحمد منصور: اللي نزلت قبل كده كانت حرس جمهوري.
صفوت حجازي: دي حرس جمهوري لغاية الساعة 12 تقريبا كان حرس جمهوري.
أحمد منصور: لأن الشباب شفتهم نايمين أنا، قدام بعض الـ.. كان في سرب جاي من فوق الكوبري منعوه وكان في حاجات كده.
صفوت حجازي: بالضبط.
أحمد منصور: في ناس ناموا تحت بعض..
صفوت حجازي: اكتشفنا بعد كده أن الحرس الجمهوري هم اللي إدوا ذخيرة للناس اللي في المجمع.
أحمد منصور: ذخيرة حية.
صفوت حجازي: ذخيرة ما نعرفش ذخيرة إيه.
أحمد منصور: لأ الشباب جابوا لي.
صفوت حجازي: ما هو كان في ذخيرة حية.
أحمد منصور: رصاص.
صفوت حجازي: ما عرفش هم إدوهم إيه.
أحمد منصور: الشباب كانوا بيقولوا دول جايين بإمدادت ولذلك لما الأول رحبوا بيهم وبعدين لما اكتشفوا إن هم بيتواصلوا.
صفوت حجازي: تولع بعربيتين.
أحمد منصور: لما بتواصلوا مع ضباط الداخلية وبدولهم ذخيرة حية فالشباب منعوهم وبدأوا يناموا قدام العربيات.
صفوت حجازي: وولعوا في عربيتين.
أحمد منصور: مدرعات.
صفوت حجازي: أه، أنا شفت العربيتين وهم بتولعوا، أنا شفت شباب معرفش دول جم منين، جابوا الشجاعة دي منين، جابوا الحيوية دي منين، جابوا عدم الخوف ده منين، الولد بيروح يتقدم يضرب، تيجي رش في إيده ولا مطاطي في رجله يرجع علشان يربطها ويدخل تاني. المنطقة دي كان اللي بيضرب فيها ما كانش في قنابل غاز.
أحمد منصور: خلاص.
صفوت حجازي: كان اللي بيضرب رصاص حي، كان اللي بيضرب المطاطي، كان اللي بيضرب قنابل ما عرفش إيه بيسموها زي الدمدم، القنبلة بتنفجر مليانة حتت حديد، لو افتكرت كنت جبت لحضرتك حتة منها عبارة عن أسطونة قد الصباع كده مشطوفة بتنضرب دي تدخل بأي حاجة. ومعظم إللي قتلوا في الوقت ده كان من هؤلاء.. بسبب الذخيرة دي.
أحمد منصور: القنابل ديت والرصاص الحي.
صفوت حجازي: أه، أنا لقيت، بعثت لقناة الجزيرة قفة أو غلأ مليان.
أحمد منصور: بالليل في الوقت ده.
صفوت حجازي: بالليل، في الوقت ده.
أحمد منصور: أنا أدوني الشباب لما نزلت إدوني صناديق لطلقات حية ومكتوب عليها عدد مية طلقة ومصنعة كذا وإدولي رصاص حي.
صفوت حجازي: بالضبط.

 

 

[تصحيح]

دعوه لموضوعي

مصر المستقبل - الرؤيا

أحمد منصور: وقالوا لي ده اللي بيضربوه، أنا ما صدقتش.
صفوت حجازي: الرصاص الحي كان بينضرب من مجمع التحرير.
أحمد منصور: من فوق.
صفوت حجازي: من فوق.. وكان بيضرب من الجامعة الأميركية من فوق. وده كان رصاص حي بيضرب، ومن تحت عند الجامعة الأميركية وعند شارع الشيخ ريحان في قوات ماسكة الأسلحة اللي بيضربوا بيها القنابل اللي فيها الشظايا ديت.
أحمد منصور: شفت القوات دي؟
صفوت حجازي: شفت القوات دي طبعا.
أحمد منصور: كانت زي قوات الأمن المركزي.
صفوت حجازي: قوات أمن، قوات أمن اللـ..
أحمد منصور: اللي هي التدخل..
صفوت حجازي: أه، القوات الخاصة، قوات الأمن الخاصة، الشباب بيهجموا وهم بيكروا ويفروا، كان في كلمة سر للشباب اللي كانوا قدام، لما حد يشوف حد وهو متعاص دم يقوله سليم يعني الدم ده مش مني، ده من إللي كنت شايله، إحنا بدأنا كان في مجموعة كبيرة من الشباب بيحدفوا الطوب بأه والكلام ده، أنا ما كنتش بحدف طوب أنا كنت بشيل الجرحى.
أحمد منصور: شلت جرحى.
صفوت حجازي: كتير.
أحمد منصور: احكي لي واحد من اللي شيلتهم.
صفوت حجازي: شاب كان اسمه عبد الرحيم عينه مفقوعه.
أحمد منصور: برصاصة ولا برش.
صفوت حجازي: ما نعرفش، عينه مفقوعه أنا شليته على كتفي وجريت لغاية القصر العيني.
أحمد منصور: وأنت شايله.
صفوت حجازي: كل شارع القصر العيني وانا معنديش القوة اللي أعمل بيها كده.
أحمد منصور: بس في اللحظات دي بتلاقى قوة جايلك غير بشرية.
صفوت حجازي: جداً ولذلك بكرر ثورة صنعها الله، لقيت شاب قبل القصر العيني بشوية صغيرين خدوا مني.
أحمد منصور: شلته وبتجري طول القصر العيني.
صفوت حجازي: شلته وبجري طول شارع القصر العيني.
أحمد منصور: القصر العيني في الوقت ده كان في مجموعات شباب بس بالليل كانت قلت.
صفوت حجازي: لأ، لأ، ما كانش في حد بالوقت ده، يعني كان أعداد قليلة قوي..
أحمد منصور: أنت شلته منين.
صفوت حجازي: شلته من منطقة اللي قدام بالضبط شارع الشيخ ريحان قدام المجمع في ظهر المجمع مع شارع الشيخ ريحان، ودي المنطقة دي الشارع اللي ورا المجمع اللي كان فيه العربية الدبلوماسية..
أحمد منصور: صح.
صفوت حجازي: الجثث.

حادثة دهس المتظاهرين بالسيارة الدبلوماسية

أحمد منصور: اللي هي الناس كلهم شافوها وهي في شارع القصر العيني داست عشرات من الناس.
صفوت حجازي: أه، أنا لما رجعت من القصر العيني بدأت أنقل الجثث.
أحمد منصور: يعني أنت لما شلت ده ورحت في الوقت ده ما كنتش العربية دي جت.
صفوت حجازي: لأ كانت موجودة بس الجثث ما حدش شلها.
أحمد منصور: أه وأنت ماشي في العربية.
صفوت حجازي: أه أصل دي جت بدري.
أحمد منصور: أه ما أنا بقول كده.
صفوت حجازي: العربية دي كانت موجودة.
أحمد منصور: وكان الشارع زحمة.
صفوت حجازي: وكان الشارع زحمة.
أحمد منصور: الجثث كانت في الشارع.
صفوت حجازي: فضلت مرمية في الشارع، إحنا ما كانش في عربيات إسعاف ما فيش أي حاجة.
أحمد منصور: من الساعة 12 بالليل.
صفوت حجازي: أه.
أحمد منصور: كم جثة تقريبا؟
صفوت حجازي: يعني أنا شخصيا شلت حوالي ست جثث.
أحمد منصور: من اللي العربية دي داستهم.
صفوت حجازي: من العربية دي داستهم، كنت بشيلهم وبوديهم مجموعة كبيرة بأه من الشباب، في الوقت ده كان في ما لا يقل عن 200 جثة.
أحمد منصور: 200 جثة.
صفوت حجازي: في ميدان التحرير، حاطينهم ومش لاقين، مش عارفين ننقلهم.
أحمد منصور: لأ معليش، جيب لي المشهد ده كده من أوله.
صفوت حجازي: القنابل اللي كانت بتضرب ديت لما كانت تيجي في راس حد بتفتح راسه.
أحمد منصور: الشظية بتدخل.
صفوت حجازي: الشظية بتدخل.
أحمد منصور: طب بتدخل على المخ..
صفوت حجازي: بموت، تلاقي العظم.. أنا شفت ناس مخها طالع، القناصة إللي واقفين في المجمع وإللي الواقفين في الجامعة الأميركية دول ما بيضربوش نار دول قناصة، كل الإصابات..
أحمد منصور: كل طلقة بواحد..
صفوت حجازي: كل طلقة بواحد وفي الراس، أنا ما كنتش واخد بالي من الجثث، إحنا كله في كر وفر، لما رجعت وأنا راجع من شارع القصر العيني بدأت أشوف الجثث.
أحمد منصور: أه، يعني إنت لحد ما شلت الجريح ده ورحت وديته للقصر العيني، ما شفتش إن في جثث..
صفوت حجازي: مش واخد بالي أن في جثث..
أحمد منصور: خالص أنت كنت راجع لوحدك؟
صفوت حجازي: راجع لوحدي، راجع لوحدي، بس في ناس راجعين معاية ما عرفهومش..
أحمد منصور: ولا زالت الجثث اللي العربية دسيتهم في الشارع.
صفوت حجازي: أه لاقيناها بأه في الشارع ورا، الشارع اللي هو بين في ظهر المجمّع وقدام الكنيسة، اللي هو امتداد شارع الشيخ ريحان مع القصر العيني. بدأنا نلم ناخد الجثث، وبدأت في الوقت ده تقريباً كانت بأت الساعة 12:30 – 1:00 بدأوا ينسحبوا من المجمع..
أحمد منصور: قوات الداخلية..
صفوت حجازي: قوات الداخلية بدأت تنسحب من المجمع، وبدأوا ينسحبوا من الجامعة الأميركية، ويدخلوا في شارع الشيخ ريحان، بدأنا إحنا..
أحمد منصور: بإتجاه وزارة الداخلية..
صفوت حجازي: في إتجاه وزارة الداخلية، بدأنا إحنا نجيب الجثث حطيناها في الميدان..
أحمد منصور: في الميدان نفسه..
صفوت حجازي: في الميدان نفسه، وبدأ مجموعات من الشباب يروحوا ناحية وزارة الداخلية..
أحمد منصور: إنت قلتلي 200 جثة، يعني العدد ضخم..
صفوت حجازي: إجمالي اللي ماتوا يوم 28 حضرتك في ميدان التحرير هو ده العدد الإحصائيات، أكتر من 200 لأن يوم الجمعة، يوم السبت، السبت 29 مات أكتر من 60 واحد.
أحمد منصور: أه بس برضه عايز..، لأن إحنا كان بتجيلنا أرقام من ناس بتبلغنا بأرقام، وأنا نزلت مثلاً رحت مستشفى سيد جلال سألت فواحد من الأطباء قال لي أنا من 60-80 جثة واحد قال لي 60 واحد قال لي 80..
صفوت حجازي: ده في مستشفى سيد جلال..
أحمد منصور: وسيد جلال بعيدة.
صفوت حجازي: اللي راح الصبح تقريباً الساعة 7 جت عربيات إسعاف، عدد ضخم من عربيات الإسعاف..
أحمد منصور: يعني الجثث دي فضلت في ميدان التحرير للصبح.
صفوت حجازي: فضلت موجودة لغاية الساعة 7، بدأوا ياخدوا الجثث دي.
أحمد منصور: لأ استنى استنى ما هو أنا لسه معاك 12:30 بالليل مش عايز أجري. أنتم الآن بدأتوا تنقلوا الجثث، حطيطوها فين في الميدان؟
صفوت حجازي: جمب الصينية ما بين الصينية والمجمع.
أحمد منصور: رصينها كده..
صفوت حجازي: أه، الشباب بدأوا يتجهوا ناحية وزارة الداخلية.
أحمد منصور: أنا هنا عايز اسأل سؤال، في رصاص حي بيضرب على ناس ما فيش معاها سلاح، والناس مصممة تروح عند وزارة الداخلية، وكل الكلام مع الشباب إن الشباب يتراجعوا ما حدش بيسمع الكلام..
صفوت حجازي: أنا حقيقة ما قلتش لحد تراجع..
أحمد منصور: طب أنتم رايحين على الداخلية وأنتم..
صفوت حجازي: أنا ما كنتش موافق حد يروح الداخلية، كان في شهيد اسمه كريم بنونة..
أحمد منصور: صوره مالية كل الدنيا، أنت بتعرفه قبل كده؟
صفوت حجازي: أعرفه قبل كده، وهو مقابلني بيقولي يا شيخ إحنا على الحق..
أحمد منصور: يوم الجمعة 28 بالليل.
صفوت حجازي: قلت له أيوه يا كريم على الحق، عرفت بعد كده إن هو استشهد، ما شفتوش وما عرفتوش..
أحمد منصور: ده يوم 28؟
صفوت حجازي: أه نعم.
أحمد منصور: الساعة كم؟
صفوت حجازي: كانت تقريباً الساعة 11- 11:30، الساعة 1 تقريباً أنا رحت عشان أجيب الناس..
أحمد منصور: ما إحساسك الآن لما لقيت الكم ده من الجثث ومن الناس؟
صفوت حجازي: مش عاوز أقول لحضرتك ساعتها إحساس تبلد، ما فيش أي إحساس ما فيش أي مشاعر، أنا كأني في كابوس، موقف..
أحمد منصور: طب الشباب كانوا بيعملوا إيه وهم شايفين الشباب بيتساقطوا بالرصاص.
صفوت حجازي: ما حدش.. كل الناس عاوزه تموت، كل الناس عاوزه تموت،

 

 

[تصحيح]

دعوه لموضوعي

مصر المستقبل - الرؤيا

صفوت حجازي: ما حدش.. كل الناس عاوزه تموت، كل الناس عاوزه تموت، أنا لما لقيت الشباب رايحين ناحية وزارة الداخلية وسامعين ضرب النار بأه بشدة عند وزارة الداخلية ضرب النار عند المجمع والجامعة الأميركية اتقطع خلاص وانسحبوا ومشيوا، لكن عند وزارة الداخلية الضرب شغّال أنا عاوز أمنع الشباب، الشباب اللي أمنعهم، يا شيخ سيبنا عاوزين نموت. من أصعب المواقف في اليوم ده أو في الليلة ديت أنا رحت عند الوزارة قريب يعني عند شارع الشيخ ريحان عشان أمنع الشباب فلقيتهم الشباب منعوني أتقدم قبل ما نبقى في مرمى الرصاص، فرجعنا بدأت مجموعة من القوات بيجروا ورانا.
أحمد منصور: بالسلاح.
صفوت حجازي: بالسلاح وبضرب النار، بس ما كانوش بيضربوا علينا هم كانوا بيضربوا فوقينا يعني دول اللي بيطاردونا مش متعمدين يقتلونا لكن القناصة اللي في الوزارة والضرب اللي بيجي من الوزارة بيضربنا، عند الجامعة الأميركية يعني لمّا جينا من شارع الشيخ ريحان ودخلنا يمين، ندخل في الميدان اتكعبلت في حتة قماشة مرمية في الأرض ووقعت فقمت فبشيل القماشة عشان ما حدش يتكعبل فيها لاقيتها جثة.
أحمد منصور: لا إله إلا الله.
صفوت حجازي: طفل عمره 13 سنة عرفنا بعد كده أظن كان اسمه محمود أو حسام مضروب برصاصة في رقبته ووقع وكان جسمه صغير جداً فالناس وهي بيتجري داسوا عليه لغاية ما إتفعص، أنا لمّا شفت.. دي كانت أول مرة أحس بألم، أحس برعب بخوف بأه حقيقي، وبقيت حاسس إن أنا متحمل جزء من المسؤولية في اللي بيحصل ده، وما بقتش عارف إيه اللي حيحصل بعد كده..
أحمد منصور: رغم إنك شلت عشرات الجثث قبل كده.
صفوت حجازي: لكن لمّا شفت الجثة ديت كان شيء فظيع، الجثة دي كانت قصتها ببساطة شديدة ولد خرج مع أخوه الكبير لأن أبوه معتقل، أبوه معتقل من 5 سنين أو 6 سنين ..
أحمد منصور: إسلامي؟
صفوت حجازي: إسلامي، وخرجوا الأخ الكبير مع أخوه الصغير، أبوه بعد كده خرج قابلته..
أحمد منصور: في حرج تقول اسمه؟
صفوت حجازي: لأ، اسمه ابراهيم عبد المحسن، بقول له معليش إنت دفعت ثمن حريتك غالي، قال لي لأ ده مش ثمن حريتي ده ثمن حرية مصر.
أحمد منصور: يعني هنا إحنا كنا دايماً نقول أن هذه الشعوب لن تتحرر إلا بالدماء، الناس هنا كانت بتبذل دمها لأنها عارفة إن ده الطريق لحرية الشعب، لحرية البلد.
صفوت حجازي: أنا أول مرة تيجي في دماغي ثورة، واعتصام، وميدان التحرير إن إحنا نقعد لمّا شفت جثة الطفل ده..
أحمد منصور: كملّنا خرج مع أخوه..
صفوت حجازي: خرج مع أخوه، وأخوه رجع ومش عارف إن أخوه مات الصغير، وما يعرفوش لغاية بعد يوم المليونية بتاعت جمعة النصر..
أحمد منصور: ياه، يعني يوم 18 فبراير
صفوت حجازي: أنا ما عرفش حاجة .. عرفت..
أحمد منصور: اليوم إحنا كده يوم 28
صفوت حجازي: أه عرفت قصته يوم مليونية النصر..
أحمد منصور: أه عرفت قصته يوم المليونية.
صفوت حجازي: لقيت واحد جاي قال لي أنا إبني حسام عمره 13 سنة ومات، قلت له مات فين، قال لي لاقيناه مفعوص عند الجامعة الأميركية، أخوه بعد كده كان موجود وهو اللي شافه. لمّا شفت الجثة دي كانت أول مرة تتبلور في ذهني فكرة بأه إن إحنا مش حنرجع بيوتنا وإن دي ثورة وإن النظام ده لازم بأه خلاص يسقط، أنا حقيقة لمّا شفت المشهد ده كأن في 60 واحد بيضربوني حسيت جسمي.. رحت وقعت في أول شارع محمد محمود اللي هو بين..
أحمد منصور: بين الجامعة الأميركية و..
صفوت حجازي: أه، جمب الحيطة كده وقعت ونمت..
أحمد منصور: نمت؟ نمت نمت نعست؟
صفوت حجازي: أه، نمت نمت، أه صحيت تقريباً عل صلاة الفجر.
أحمد منصور: يعني ما أنتش داري في كل اللي بيجرى حواليك؟
صفوت حجازي: إطلاقاً.
أحمد منصور: ده ضرب النار لم يتوقف، والناس ما مشيتش.
صفوت حجازي: إطلاقاً، ولا حسيت بأي حاجة.
أحمد منصور: يعني أنا تقريباً الساعة 2:30 – 3:00 كنت مار من المنطقة ويعني مشتعلة..
صفوت حجازي: الكلام ده كان تقريباً الساعة 1:30 – 2:00 أنا في الجنب كده نمت وسقطت من الإعياء، أنا من الساعة 10 الصبح..
أحمد منصور: كنت لوحدك؟ ما حدش كان جمبك ولا حد؟
صفوت حجازي: لا لأ كله بيجري بقى ما حدش شايف حد، أنا خرجت من بيتي الساعة 10 الصبح فطرت 10 الصبح لغاية هذا الوقت الساعة 2:00 ويلا 2:30 ماشيين وبنجري وكر وفر وما أكلتش في أي حاجة..
أحمد منصور: ولا ميّة حتى غير لمّا مثلاً إنت جيت الجزيرة شربت ميّة ولا حاجة..
صفوت حجازي: أه، جيت الجزيرة شربت ميّة وشربت شاي، أنا معرفش أنا نمت ولا فقدت الوعي، أنا صحيت على الـ 5:30 تقريباً.
أحمد منصور: الصبح.
صفوت حجازي: الصبح.
أحمد منصور: وأنت بهدومك كده وفي الشارع نايم.
صفوت حجازي: ما حسيتش بأي حاجة، كان تقريباً بأه بدأ الميدان يهدى شوية وبدأت تيجي عربيات..
أحمد منصور: 5:30 لسه النهار ما طلعش برضه.
صفوت حجازي: أه وبدت عربيات تيجي، وبدأوا يشيلوا الجثث، وبدأوا الجرحى ياخدوهم..
أحمد منصور: كان في جرحى فضلوا مرمين في الميدان للصبح.
صفوت حجازي: أه طبعاً في جرحى، الجرحى اللي فقدوا الوعي أو اللي مش قادرين الحركة دول كانوا الشباب يشيلوهم ويودوهم على القصر العيني..
أحمد منصور: يعني إحنا في الجزء الأولاني من التحرير ده كانوا الشباب بيخلونا يعني راجعوني مرتين..
صفوت حجازي: بالضبط ما أنا قلت لحضرتك اللي هو الجزء من الصينية لغاية عبد المنعم رياض.
أحمد منصور: رجعوني مرتين.
صفوت حجازي: لأن الشباب شايفين معركة، في جبهة في ضرب نار، والشباب إللي بيهاجموا شباب عجيبة..
أحمد منصور: أنا شفتهم وأنا مستغرب لأن مكنش في تلفونات، فكنت لزملائي بنزل أقول لهم هنزل أجيب معلومات وأرجع فأشوف حاجات غريبة وعجيبة تحت.
صفوت حجازي: نعم، ده لغاية ال5:30 صحيت.
أحمد منصور: صحيت لقيت المشهد حواليك كأنك برضه لسه في الكابوس.
صفوت حجازي: لسه في الكابوس، هدي بأه ضرب النار يعني بصوت بعيد عند الداخلية بس، صوت ضرب النار موجود عند الداخلية فقط وقوات الجيش بقى بدأت.
أحمد منصور: صحيت لقيت نفسك بقى نايم في الشارع محدش حوليك ولا أي حاجة.
صفوت حجازي: فش أي حد حوليه، صحيت مشيت ناحية الصينية إلي في نص شارع محمد محمود، فبدأ الأولاد يشوفوني، فبدأوا يتلموا حوليه.
أحمد منصور: شفت حد تعرفه.
صفوت حجازي: لا في الوقت ده مافيش حد أعرفه خالص، الساعة سبعة الصبح يوم السبت 29 لقيت ست جاية.
أحمد منصور: أنت رحت صليت فين.
صفوت حجازي: في مكاني لما صحيت، بصيت في الساعة جيت متيمم ومصلي في مكاني لوحدي، بدأوا الشباب يتلموا حواليه وبدأ خلاص يعني بدا ده اعتصام قررنا القعاد في الميدان.
أحمد منصور: عددهم كان قد إيه.
صفوت حجازي: كان خمسة الآف ستة الآف.
أحمد منصور: السبعة الصبح.
صفوت حجازي: آه، بدأ، لقينا ناس بدأت تيجي ابتدءاً من الساعة سبعة الصبح، بدأ الناس يتوافدوا.
أحمد منصور: برضه فرادى وجماعات في الميدان.
صفوت حجازي: آه فرادى بأه وجماعات واحد ومراته واحد.
أحمد منصور: وإللي نازل يدور على ابنه مش لاقيه وإلاي نازل يدور على أخوه.
صفوت حجازي: إللي نازل يتفرج وإللي نازل، بدأت الناس تيجي الميدان، أتلم عليا مجموعة من الشباب بدأنا نكون اللجنة التنفيذية.
أحمد منصور: بدأتوا تكونوا اللجنة التنفيذية بناءً على إيه، بناءاً على أنكم ستعتصموا في.
صفوت حجازي: سنعتصم في الميدان، وبدأت أشوف كتير من شباب الإخوان ومن الشباب الإسلاميين إللي بانين بسمتهم وشكلهم وبدأنا نكون اللجنة التنفيذية لميدان التحرير.
أحمد منصور: إيه بأه مفهوم اللجنة التنفيذية.
صفوت حجازي: إحنا أول حاجة عايزين ناكل.
أحمد منصور: أنت بقالك يوم ماكلتش.
صفوت حجازي: كلنا.
أحمد منصور: يعني كل دول مروحوش بيوتهم.
صفوت حجازي: كل دول محدش روح.
أحمد منصور: كانوا فين.
صفوت حجازي: كانوا في الميدان.
أحمد منصور: بس في الشوارع الجانبية.
صفوت حجازي: في الشوارع الجانبية وفي ناحية المتحف وفي ناحية ميدان عبد المنعم رياض، وبدأنا ندخل الميدان الصبح ونتجمع حوالين الصينية، أنا بقيت قدام المنطقة إللي كان فيها المنصة الرئيسية.
أحمد منصور: يعني إللي هي جهة باب اللوق.
صفوت حجازي: إللي هي بين شارع محمد محمود وبين إللي هو شارع التحرير، قدام محل هارديز فبدأنا عايزين ناكل أنا معايا فلوس، فطلعت فلوس وأديت لواحد كان أظن بلال تقريباً، راح جاب أكل ساندويتشات فول من ناحية باب اللوق من جوه، وبدأ ده لجنة الإعاشة، لجنة الإعاشة.
أحمد منصور: وبقت دي مسؤولية بلال.
صفوت حجازي: وبقت دي مسؤولية لجنة الإعاشة وإتعملت لجنة الإعاشة.
أحمد منصور: يعني شكلت ديت يوم السبت 29 الصبح.
صفوت حجازي: آه وبدأنا نفكر في تامين الميدان وقفل الميدان علشان العربيات متدخلش، وقفلنا الميدان وهنا بدأ يظهر دور شباب الإخوان.
أحمد منصور: أنا بس عايز أسألك في حاجة هنا إن كان في عدد كبير جداً من مدرعات الجيش والدبابات، كانت بدأت تيجي من الليل وتتجه جهة الميدان وجهة مجلس الشعب والمنطقة دي، كان في عربيات في الميدان للجيش في الوقت ده.
صفوت حجازي: كان في عربيات بس كانوا واقفين مصفوفين على جنب.
أحمد منصور: جهة المتحف ولا جهة.
صفوت حجازي: جهة المتحف وجهة قصر النيل عند جامعة الدول العربية وجهة المجمع عند عمر مكرم.
أحمد منصور: نقدر نقول كان دورها الأساسي هنا تأمين المناطق الحكومية.
صفوت حجازي: تأمين المناطق الحكومية بالضبط، بدأنا نعمل إحنا بأه متاريس من العربيات المحروقة والحواجز بتاعة.
أحمد منصور: يعني بدأتوا إغلاق الميدان يوم السبت 29 صباحاً.
صفوت حجازي: نعم، وبدأت الشباب تكون فرق بأه للحراسة.
أحمد منصور: قلتلي شفت شباب الإخوان في الوقت ده وشباب الإسلاميين بالشكل ده.
صفوت حجازي: آه وهمه.
أحمد منصور: كان في بقى شباب تانيين.
صفوت حجازي: آه طبعاً من كل الألوان بس دول إلي كان يعني.

 

 

[تصحيح]

دعوه لموضوعي

مصر المستقبل - الرؤيا

أحمد منصور: دول لأنهم منظمين وفي تنظيمات تقدر تعتمد عليهم.
صفوت حجازي: بالضبط ودول بدأوا يعملوا المتاريس وبدأوا يوقفوا على المتاريس للحماية ويمنعوا العربيات من الدخول.
أحمد منصور: كده أنتم أغلقتوا ميدان التحرير.
صفوت حجازي: كده أتقفل الميدان يوم.
أحمد منصور: السبت 29.
صفوت حجازي: السبت 29.
أحمد منصور: الساعة كام.
صفوت حجازي: تقريباً الساعة 8 الصبح أو الساعة 9 الصبح.
أحمد منصور: وخلاص قررتوا الاعتصام.
صفوت حجازي: قررنا الاعتصام.
أحمد منصور: وبدأ إللي يدخل الميدان خلص داخل إما يقعد أو.
صفوت حجازي: داخل يشوف بقى الثورة، وبدأت هنا بداية كلمة ثورة، وبدأ هتاف ثورة ثورة حتى النصر ثورة في كل شوارع مصر.
أحمد منصور: كل هتاف كان له قصة.
صفوت حجازي: بالضبط.
أحمد منصور: يوم الجمعة الشعب يريد إسقاط النظام، يوم السبت ثورة ثورة حتى النصر، ثورة في كل شوارع مصر.
صفوت حجازي: نعم، وبدأنا لقينا ناس كتيرة انا معرفش، إحنا بقى في الميدان منعرفش إيه الأخبار إللي برا، إيه إللي جه إيه إللي حصل الناس دي جت منين الناس دي عرفت إيه.
أحمد منصور: ما تبعتش أنت أي حاجة.
صفوت حجازي: معندناش أي أخبار.
أحمد منصور: ولا عرفت إن حسني مبارك طلع يوم الجمعة بالليل ولا خطب ولا أقال حكومة أحمد نظيف.
صفوت حجازي: بدأنا نعرف إقالة حكومة والكلام ده لما الناس بدأوا يقولولنا الأخبار، إللي جايين من بره، من المواقف العجيبة الساعة 9 الصبح تقريباً لقينا واحدة ست جاية، انا أكتر واحد معروف في الميدان.
أحمد منصور: شخصية عامة ودعاية.
صفوت حجازي: بدأت بقى بدأت أشوف أظن نادر السيد.
أحمد منصور: نادر السيد كابتن الكورة.
صفوت حجازي: الكورة آه.
أحمد منصور: ده الصبح من بدري.
صفوت حجازي: آه، خالد صالح.
أحمد منصور: خالد صالح الممثل.
صفوت حجازي: الممثل، عمرو القاضي، احمد عيد، الناس المعروفين بدأوا يظهروا ابتداءاً.
أحمد منصور: أنت في ممثلين تعرفهم أنا معرفهمش.
صفوت حجازي: أنا عرفتهم من الميدان، لقيت ست جاية شايلة يافطة ورق كده كرتونة ورق مكتوب عليها لن أغادر حتى آخذ بثأري من حسني مبارك.
أحمد منصور: يوم السبت 29 الساعة 9 الصبح.
صفوت حجازي: مش فاكر الساعة كام تحديداً، لكن في الضحى يعني.
أحمد منصور: على كرتونة.
صفوت حجازي: كرتونة بيضا مسكاها.
أحمد منصور: ومكتوبة بالأيد طبعاً.
صفوت حجازي: مكتوبة بالأيد، بخط أزرق بقلم أزرق، وجاية بتدور عليا، عرفت إن أنا موجود، فقلتلها خير إيه قصتك، قالتلي أنا ليه تار كبير عند حسني مبارك، قلتلها إيه تارك احكيلي قصتك، قالتلي أنا اسمي أم أحمد خدت دبلوم التجارة تجوزت وأنا عندي عشرين سنة وزي أي بنت كنت بحلم بطفل، يبقى عندي ولد اسمه أحمد وبنت اسمها هند، لكن شاء الله عز وجل إن أنا أمنع من الخلفة، مخلفتش لغاية 15 سنة، وأنا وجوزي عندنا عيب والأطباء قالولنا خلاص مافيش أمل.
أحمد منصور: يعني همه التنين ما بينجبوش.
صفوت حجازي: وبدأنا نعيش على هذا الأمل لغاية 5 سنين كمان يعني بعد 20 سنة من جوازها فجأة حملت.
أحمد منصور: بعد عشرين سنة، يعني عمرها أربعين سنة.
صفوت حجازي: آه والكلام ده من عشر سنين، دلوقت بتقلي عمرها 50 سنة، الكلام ده من عشر سنين، حملت بتقول لي انا مكنتش مصدقة، كل يوم أبص على بطني وهي بتكبر وأروح للدكاترة ما صدقتش إن أنا حامل غير لما بدأت تيجيني ألام الحمل، ألام الولادة.
أحمد منصور: سبحان الله.
صفوت حجازي: شهر ورا شهر لغاية ما عدى 9 شهور وفي يوم بدأت أولد, جوزي خدني يوديني مستشفى الجلاء، طلعنا كوبري 6 أكتوبر، مشينا شوية لقينا الكبري وقف, فضلنا قاعدين في العربية 3 ساعات، جوزي نزل يسأل فعرفنا إن الريس في مجلس الشعب بيخطب.
أحمد منصور: حسني مبارك لما ينزل البلد تتقفل.
صفوت حجازي: آه البلد تتقفل، جوزي رجعلي وبدأت آلام الولادة تشتد عليّا بعد ساعة كمان يعني بقالها أربع ساعات قاعدة في العربية وبدأت ألام الولادة بجد وتشتد نزل جوزها لقى ضابط معدي ونزل يقول له أرجوك مراتي بتولد اعملي أي حاجة، حصلت مشادة الضابط ضرب أبو أحمد بالقلم، رجع أبو احمد العربية لقى أم احمد ولدت وهي قاعدة في العربية، لقى ابنه أحمد حتة لحمة مرمية في دواسة العربية، بالمشيمة بتاعة مراته ومراته فاقده الوعي، أم أحمد بتقولي رحنا المستشفى بعد كده وفقدت ابني، حلم عمري، بعد ثلاثة شهور مات أبو أحمد، بتقول لي أنا معرفش هو مات من الذل من القلم إللي خده ولا مات من الحزن على أحمد ابني.
أحمد منصور: يعني فقدت مولودها وفقدت جوزها.
صفوت حجازي: نعم.
أحمد منصور: عشان حسني مبارك كان بيخطب في مجلس الشعب.
صفوت حجازي: بتقول لي هو ده تاري، أنا بقالي عشر سنين مستنية اليوم إللي أخد بتاري، ولو كلكوا مشيتوا من هنا قبل ما تاخدولي تاري أنا هفضل قاعدة في الميدان، يا يموتوني يا أخد بتاري، مش عايز أقولك لحضرتك الست دي كانت سبب في إننا فضلت قاعد في ميدان التحرير.
أحمد منصور: إنت برضه لحد اللحظة دية منتاش عارف إنتوا حتعملوا إيه.
صفوت حجازي: بالضبط، أم احمد كل يوم كنا نشوفها، وهي شايلة اليافطة دية، لغاية يوم 11 فبراير، يوم التنحي، لقيتها جاية وشايلة نفس اليافطة وبتزغرد، قلتلها يا أم احمد خلاص خدنا بتارك، قالتلي آه الحمد لله، قلتلها شيلي اليافطة دي بقى، قالتلي حاضر وجت قلباها بس هتبقى كده، مكتوب على الورقة يا شرفاء مصر مودعنا القادم بيت المقدس، ساعتها أنا كانت أكتر لحظة حسيت فيها بالنصر وحسيت إن إحنا عملنا حاجة كانت هي اللحظة دي، دي ست بسيطة محدش يعرف عنها حاجة عشان كده أنا بقول الثورة بتاعتنا دية ما هياش ثورة شباب ولا ثورة عجائز ولا ثورة، دي ثورة شعب مصر ستات رجالة شباب وشيوخ أطفال وعيال، كله مسلم ومسيحي ليبرالي كله، دي ثورة الشعب ما هياش ثورة حد، وبقول دي ثورة صنعها الله عز وجل.
أحمد منصور: ميدان التحرير من اللحظة الأولى تحول إلى رمزية للثورة وتحول إلى قبلة للناس، الناس كلها كانت تتوجه، كل إللي عنده مشكلة عنده تار مع النظام عنده مظلمة أصبح يتوجه لميدان التحرير.
صفوت حجازي: الناس جاية ميدان التحرير مش عارفة هي هتعمل إيه، فبدأنا نعمل شعارات.
أحمد منصور: يوم السبت 29.
صفوت حجازي: يوم السبت، اعتصام اعتصام حتى يسقط النظام، الجدع جدع والجبان جبان وإحنا يا جدع قاعدين في الميدان، وبدأت الشعارات من هذا النوع وتقرر الاعتصام وبدأنا نعمل فرق الأمن والدكتور أسامة أحمد توفيق والحج عادل والحج جمال وبدأ.
أحمد منصور: قلنا الأسماء عشان الناس ديت الناس تعرفها لأنه في جنود مجهولين كثير كانوا في الميدان.
صفوت حجازي: دول الناس إللي كانوا مسؤولين عن الأمن كامل، كنا قاسمينه ثلاث حاجات، أمن البوابات.
أحمد منصور: أنا كنت مسميها جمهورية ميدان التحرير.
صفوت حجازي: هي كده، إحنا سمانها كده، إحنا سميناها يوتوبيا التحرير، إحنا وصلنا في ميدان التحرير حضرتك أنه إحنا بنفصل المخلفات العضوية عن المخلفات الصناعية، الزبالة العضوية في كيس غير الصناعية، الصناعية الساعة 12 بالليل بيبدأ الميدان يفضى ويبقى الناس.
أحمد منصور: لا أنا لسه حاجي إلى قضية إدارة الميدان وكيف يدار، لكن أنا بتكلم على التشكيلات إللي تعملت في الأول عشان إدارة الميدان وهو مغلق، لأنه من يوم 29 أصبح ميدان التحرير بقعة لا تحكم الحكومة المصرية السيطرة عليها، 29 يناير.
صفوت حجازي: ولا الجيش.
أحمد منصور: وأصبح يدار من داخل إدارة داخل الميدان..
صفوت حجازي: بالضبط..
أحمد منصور: ومن أول ما تدخل تبرز الهوية وجواز السفر وتتفتش وتدخل.
صفوت حجازي: بالضبط، كان حضرتك في مجموعة لأمن البوابات ودي كان المسؤول عليها تحديداً كان الإخوان بيديروها كاملاً وكان الدكتور أسامة نسيم.
أحمد منصور: دكتور أسامة نسيم استشاري طب أطفال..
صفوت حجازي: أه
أحمد منصور: من الإخوان..
صفوت حجازي: نعم..
أحمد منصور: وهو كان مسؤول الأمن في الميدان..
صفوت حجازي: نعم..
أحمد منصور: وزير الداخلية..
صفوت حجازي: وزير الداخلية، لا هو مش وزير الداخلية، وزير الدفاع لأنه كان في أمن للبوابات وإدارة المعارك والكلام ده وكان القائد الأساسي فيها أو إللي بيعمل فرق ومقسمين بقا مين المحافظة المسؤولة عن المنطقة الفلانية.
أحمد منصور: الكلام ده طبعاً لما الناس بدأوا ييجوا من كل محافظات مصر ويدخلوا جوا الميدان يعتصموا، بأن الميدان مكنش لأهل القاهرة فقط..
صفوت حجازي: لا، كل الجمهورية وكان متقسم محافظات المداخل، وكان عندنا القصر العيني مدخل القصر العيني..
أحمد منصور: في عشرة مداخل للتحرير..
صفوت حجازي: أه، مدخل قصر العيني، مدخل..
أحمد منصور: القصر العيني، محمد محمود..
صفوت حجازي: التحرير..
أحمد منصور: التحرير، طلعت حرب..
صفوت حجازي: طلعت حرب، قصر النيل..
أحمد منصور: لا، في قبل قصر النيل، في شارع قبل قصر النيل..
صفوت حجازي: طلعت حرب، قصر النيل..
أحمد منصور: لا، في شارع ثاني، لأنه قصر النيل جمبيه شامبيون.
صفوت حجازي: صبري أبو علم..
أحمد منصور: صبري أبو علم، نعم..
صفوت حجازي: قصر النيل، صبري أبو علم، شامبليون..
أحمد منصور: لا، في شارع بس أفتكر أنا اسمه إيه، شارع فيه حاجة محمود، حفتكر أنا اسمه، الشارع ده ببدأ من عند ميدان..
صفوت حجازي: طلعت حرب..
أحمد منصور: لا، قبل طلعت حرب، ده بيجي من عند عابدين من ميدان محمد نجيب..
صفوت حجازي: شارع البستاني..
أحمد منصور: بيبقى البستان بس في الجزء..
صفوت حجازي: الإمتداد بتاعه..

 

 

[تصحيح]

دعوه لموضوعي

مصر المستقبل - الرؤيا

أحمد منصور: الجزء إللي هو لحد التحرير بس له اسم ثاني..
صفوت حجازي: أنا ناسي اسمه، وبعدين عبد المنعم رياض، ميدان عبد المنعم رياض، وبعدين شارع كوبري قصر النيل..
أحمد منصور: عشرة مداخل وشوارع بتصب على الميدان..
صفوت حجازي: بالضبط، كان كل محافظة مسؤولة عن مدخل..
أحمد منصور: أه..
صفوت حجازي: وكان مسؤول عن الأمن المكان إللي بندير منه إحنا كان خدنا مكان كده كان عبارة عن شركة سياحة حضرتك كنت فيه..
أحمد منصور: شركة سفير صح.
صفوت حجازي: ده كان له حد مسؤول عن تأمينه هو والمنصة إللي قدامه..
أحمد منصور: ده كان مين؟
صفوت حجازي: كان الدكتور أحمد توفيق طبيب بيطري.
أحمد منصور: ده من الإخوان برضه؟
صفوت حجازي: كان من الإخوان وساب الإخوان، وكان المسؤول عن الأمن.
أحمد منصور: المنطقة دي كانت حواجد إللي كان في ظهرها المستشفى؟

المستشفى الميداني

صفوت حجازي: المستشفى الميداني.
أحمد منصور: أه، وفيها المنصة الرئيسية أو الإذاعة الرئيسية إللي كان كل السياسيين والناس بيخطبوا فيها وفيها شركة السياحة إللي بيدار منها كثير من أمور الميدان.
صفوت حجازي: بالضبط، وكان جوا الميدان بقا في مجموعة يعني زي المخابرات، ده بعد ما ناس بتتفتش من جوا الميدان، الناس بتدخل جوا..
أحمد منصور: صح.
صفوت حجازي: فممكن حد يعدي، فده كان لازم يبقى في مجموعة مبثوثة بوسط الناس.
أحمد منصور: الحاجات دي تبلورت إمتى؟
صفوت حجازي: كل الحاجات تبلورت ابتداء من يوم 29 وكان الحدث بيصنع لجنة.
أحمد منصور: يعني غير اللجان إللي بدأت تصنع، كان أهم شيء الأمن، الإعاشة.
صفوت حجازي: الإعاشة، اللجنة الطبية والمستشفى..
أحمد منصور: المستشفى تأسست في اليوم ده..
صفوت حجازي: الدكتور خالد حنفي..
أحمد منصور: الدكتور خالد حنفي استشاري عيون وكان مدير المستشفى..
صفوت حجازي: رنده وأميرة ومحمد السيد، مجموعة كبيرة من الأطباء يعني فوق 30، 40 طبيب وطبيبة..
أحمد منصور: طبعاً مستشفى الميدان أسست عيادات وأسست مستشفى جبهة وقت ما..
صفوت حجازي: أه، كان حوالي 18 مستشفى..
أحمد منصور: حنسمع التفاصيل من الدكتور خالد حنفي إنشاء الله..
صفوت حجازي: وبعدين كان في حمزة أبو عيشة مسؤول، مساعد أحمد توفيق وكان مسؤول عن المخابرات، دي جت إزاي لقينا ولد بلطجي يوم الأحد.

استخبارات الميدان

أحمد منصور: إللي هو 30..
صفوت حجازي: 30، جوا الميدان قدر يدخل من البوابات إللي عليها التفتيش..
أحمد منصور: ومعاه سلاحه؟
صفوت حجازي: ومعاه سلاحه، معاه مطوا، فحد مسكه فجبهولنا عند الأوضة مركز العمليات، فبدأنا جت فكرة أنه إحنا نعمل لجنة مسؤولة..
أحمد منصور: استخبارات..
صفوت حجازي: استخبارات..
أحمد منصور: تعس وسط الناس..
صفوت حجازي: تعس وسط الناس..
أحمد منصور: أمن دولة يعني ..
صفوت حجازي: بالضبط، وبعد كده عملنا لجنة سميناها لجنة البلطجة والبلطجية..
أحمد منصور: دي إللي كانت ببتعامل مع البلطجية..
صفوت حجازي: دي إللي كانت بتتعامل مع البلطجية..
أحمد منصور: أنتو جبتوا، في بلطجية جم تابو واشتغلوا معاكم..
صفوت حجازي: أه طعباً، إحنا كنا بنعمل حاجة بنمسك البلطجية كنا بنتضرب من يوم السبت.
أحمد منصور: 29..
صفوت حجازي: يوم السبت 29 مازال ضرب النار شغال من وزارة الداخلية..
أحمد منصور: اليوم ده استشهد فيه عشرات أيضاً..
صفوت حجازي: أه، لأنه بدأ ناس كثير ييجوا من برا ماشاركوش يوم 28 أو مشيوا يوم 28 بدري، فبدأوا يحسوا بالذنب والتقصير وإخوانهم إللي ماتوا فبدأوا ييجوا من برا ويروحوا..
أحمد منصور: على الداخلية..
صفوت حجازي: على الداخلية ويتضربوا، مات فيها 60، 70 واحد..
أحمد منصور: يوم 29..
صفوت حجازي: يوم 29..
أحمد منصور: الشهداء والجرحى إللي كانوا بيجوا بقا كنتوا بتعملوا فيهم إيه؟
صفوت حجازي: بدأت تيجي الجيش قفل شارع القصر العيني..
أحمد منصور: عشان يمنع الناس تروح..
صفوت حجازي: عشان يمنع الناس تروح، وبدأت عربيات الإسعاف تبقا موجودة كمية عربات إسعاف ضخمة موجودة في شارع القصر..
أحمد منصور: أربع خمس عربيات كانوا واقفين بالشكل ده ربما زادوا بعد كده..
صفوت حجازي: زادوا أه، ما بين الجامعة الأميركية والمجمع وبدأ دول ينقلوا..
أحمد منصور: الشهداء والجرحى..
صفوت حجازي: الشهداء والجرحى.
أحمد منصور: وده برضوا كان بيخلي حاجة أنه معندكوش معلومات دقيقة أنتو كناس في الميدان عن الشهداء والجرحى.
صفوت حجازي: لا، معندناش أي معلومة..
أحمد منصور: كله كان بيروح على القصر العيني أو المستشفيات..
صفوت حجازي: أه بالضبط ومابنشفش، يعني بدأت الأعداد يعني إحنا يوم 29 بالليل إللي بات في الميدان أظن بنكلم من 15 إلى 20 ألف.
أحمد منصور: كده يوم 29 لحد الناس بدأوا الناس ييجوا بأعداد كبيرة..
صفوت حجازي: بدأوا من أول الصبح..
أحمد منصور: زادوا عن الـ 100 ألف في اليوم ده..
صفوت حجازي: لا في اليوم ده زادوا عن الـ 200 ألف..
أحمد منصور: عن الـ 200 ألف..
صفوت حجازي: أه، يعني بلغت الذروة العصر..
أحمد منصور: وكانت الهتافات بدأت تشتغل..
صفوت حجازي: الهتافات بقى كلها خلاص يسقط يسقط حسني مبارك، مش حنسيبك مش حنسيبك ولا حنسيب..
أحمد منصور: الناس قررت البقاء في الميدان..
صفوت حجازي: أه، دم الشهداء مش حيضيع في السويس أو في التحرير وخلاص انتهت المسألة، إحنا خلاص حنموت، إحنا كده كده ميتين ومنعرفش أنه بقى أمن الدولة منش موجودة وأنه الشرطة مش موجودة، إحنا متخيلين أنهم موجودين بره وإحنا لو روحنا بيوتنا..
أحمد منصور: أمن الدولة كانت موجودة بس هو جهاز الأمن المركزي فقط إللي كان انسحب وانهار..
صفوت حجازي: أه، إحنا برضو عندنا في جوا الميدان الناس إللي بايته معندناش تفاصيل..
أحمد منصور: بس أكيد إللي جم كانوا بيدولكم..
صفوت حجازي: عرفنا، فبدأنا من يوم السبت بالليل بدأ البلطجية..
أحمد منصور: ييجوا على الميدان؟
صفوت حجازي: وجم البلطيجة بقا والطوب والمعارك..
أحمد منصور: أه يعني مش يوم الجمل بدأت..
صفوت حجازي: لا، من يوم السبت بالليل..
أحمد منصور: إيه المظهر إللي كان يجي..
صفوت حجازي: بدأوا ييجوا يحدفوا طوب ويهاجمونا ويدخلوا علينا وبدأ الجيش يعمل الدبابات بتاعته يوقف الدبابات..
أحمد منصور: بالعرض.

المتاريس وخطوط الدفاع

صفوت حجازي: بالعرض مع المتاريس بتاعتنا وإحنا واقفين قدام المتاريس بتاعتنا وقدام الجيش وكنا عاملين 3 متاريس، في الخط الأول، خط الدفاع الأول وخط الدفاع الثاني والخط الثالث..
أحمد منصور: طيب من العشر شوارع إيه الشوارع الرئيسية إللي كانوا البلطجية بيجوا منها..
صفوت حجازي: أهم الشوارع إللي كانت البلطجية بتيجي منها، لو جبناها من عند المتحف أخطرها ميدان عبد المنعم رياض وبعدين شارع شمبليون، شارع صبري أبو علم، شارع قصر النيل، شارع طلعت حرب، شارع التحرير، وشارع محمد محمود إللي هو جي..
أحمد منصور: من جمب الجامعة الأميركية..
صفوت حجازي: أه، ده قليل، أأمن ثلاث شوارع كان شارع القصر العيني وعمر مكرم وكوبري قصر النيل، وكوبري قصر النيل كان آمن لأنه إحنا عملنا خطة وشباب بتوع داير النيل..
أحمد منصور: أنتو عملتوها إمتى دي؟
صفوت حجازي: عملناها يوم الأحد..
أحمد منصور: على طول؟
صفوت حجازي: يوم الأحد..
أحمد منصور: 30؟
صفوت حجازي: 30 ..
أحمد منصور: اسمحلي بوقت الحلقة الجاية أبدأ معاك من يوم الأحد 30 يناير 2011، شكراً جزيلاً لك، كما أشكركم مشاهدينا الكرام على حسن متابعتكم، في الحلقة القادمة إنشاء الله نواصل الاستماع إلى شهادة الداعية الدكتور صفوت حجازي حول الثورة المصرية، في الختام أنقل لكم تحيات فريق البرنامح وهذا أحمد منصور يحييكم والسلام عليكم ورحمة الله وبركاته.

 

 

[تصحيح]

دعوه لموضوعي

مصر المستقبل - الرؤيا

اعتذر عن خطأ تسلسل النقل

هنا الجزء 2

صفوت حجازي.. شاهد على الثورة المصرية ج2

- اشتعال الأحداث في السويس
- دعوات لجمعة الغضب
- هتافات ضد العادلي والتوريث
- البلطجية وسلوك المتظاهرين
- معركة كر وفر بين الشباب والأمن
- اقتحام البلطجية للمتحف
أحمد منصور: السلام عليكم ورحمة الله وبركاته، وأهلا بكم في حلقة جديدة من برنامج شاهد على الثورة حيث نواصل الاستماع إلى شهادة الداعية الدكتور صفوت حجازي حول الثورة المصرية، دكتور صفوت مرحبا بك.
صفوت حجازي: أهلا أستاذ أحمد.
اشتعال الأحداث في السويس
أحمد منصور: توقفنا في الحلقة عند مساء السابع والعشرين من يناير من العام 2011 حيث كنت في السويس وشاركت في دفن جثة أحد ألشهداء عند المغرب ورجعت مع الشيخ حافظ سلامة إلى السويس بعد دفن الجثة وفي الطريق بدأتم تسمعون معلومات عما يحدث في السويس.
صفوت حجازي: نعم، المعلومات.. السويس اشتعلت، بدأت معنا التلفونات إحنا قسم الأربعين بولع، الحزب الوطني، المديرية، المحافظة، رحنا على..
أحمد منصور: إيه اللي خلى الحاجات دي كلها تحصل في آن واحد، والناس كانت هادئة متوجهة لدفن جثة الشهيد ثم إشاعة مقتل الشيخ حافظ وغيرها.
صفوت حجازي: أنا متخيل إنهم حاجتين الحاجة الأساسية هي إشاعة مقتل الشيخ حافظ لإن الناس كلها شايفة الشيخ حافظ وهو بتشد..
أحمد منصور: بتشد وبنزل..
صفوت حجازي: بتشد وبنزل من العربية وبدخل جوا أوضة، الأوضة دي المشرحة، جوا المشرحة، دي الحاجة الأولنية مكانة الشيخ حافظ..
أحمد منصور: عند أهل السويس..
صفوت حجازي: عند آهالي السويس تعمل كده، الحاجة التانية الطريقة اللي تم تفريق المتظاهرين بيها وسمعنا بعد كده أنا ما شفتش لكن سمعت إن العربية نفسها، عربية التدخل السريع المدرعة داست على واحد من الناس فتم قتل ناس آخرين جوا، عند المشرحة.. الناس تفرقت كله مجموعة رايحة خلاص الأمن عمل كده، انتهت المسألة خاصة أن كان عدد الشهداء وصل إلى 10 أو 11 واحد.
أحمد منصور: من أول يوم 25 ليوم الخميس.
صفوت حجازي: من يوم الثلاثاء لغاية 27، الناس خرجت على قسم الأربعين وبعدين قسم أول السويس ولا قسم تاني مش.. المهم حرقوا قسمين الحزب الوطني، مديرية الأمن، والسويس خلاص مولعة..
أحمد منصور: كانوا الناس بيسألوا لأن المطافي اتحرقت في السويس بعد كده، بيقولوا ليه حرقوا المطافي..
صفوت حجازي: ليه حرقوا المطافي، حضرتك لو شفت الناس وهم هايجين وغاضبين هم ما بيفرقوش إيه اللي يتحرق وإيه اللي ما يتحرقش.
أحمد منصور: هو البعض قال برضه إن عربيات المطافي كانت بتستخدم في تفريق الناس..
صفوت حجازي: دي قدام المشرحة، قدام المشرحة كان في عربية مطافي جت ودخلت وبتفرق الناس بالميّه، ورا المدرعة بتاعت الجيش، الناس بأه عندهم بغض وحقد على أي حاجة تبع الحكومة، سمعنا إن في قتلى..
أحمد منصور: إن العدد زاد..
صفوت حجازي: آه، ستة، الشيخ طلعنا على المستشفى أظن كانت مستشفى 6 أكتوبر، إذا كان في السويس مستشفى بهذا الاسم مش فاكراسم المستشفى، وقفنا جوا الشيخ بعث حد من الناس اللي معاه، شوف مين الجثث..
أحمد منصور: لأ قولي شوارع السويس كانت عاملة إزاي وأنتم ماشين فيها؟
صفوت حجازي: وإحنا جايين الشيخ تعمد أن هو يمشيني من طريق بعيد عن مكان الأحداث، من أطراف السويس، من ورا بعيد تماما عن مكان الأحداث..
أحمد منصور: ما تدخلوش جوا البلد..
صفوت حجازي: لأ ما دخلناش جوا البلد نهائي وما شفناش حاجة أنا ما شفتش حاجة جوا البلد، شفت بعد كده، رحنا عند المستشفى حد من الشباب طلع..
أحمد منصور: المستشفى دي أكيد جوا البلد..
صفوت حجازي: على أطراف البلد، في جزء بعيد عن.. يعني هي منطقة حي الأربعين والحزب الوطني والمحافظة، هي كلها في نطاق قريب من بعضه، كان في اتنين اللي جاه قال إن في اتنين ميتين، وفي عدد كبير من الجرحى، الشيخ خدنا ورحنا على مسجد الشهدا، عند حوالين المسجد كانت الدنيا هادية جدا، عند مسجد الشهدا الدنيا هادية جدا..
أحمد منصور: اللي هو مسجد الشيخ..
صفوت حجازي: اللي هو مسجد الشيخ، الشيخ مقيم في المسجد، تعشينا وقال لي امشي.
أحمد منصور: روح إنت..
صفوت حجازي: روح، قلت له يا مولانا مقدرش أمشي، قال لي روح عشان البلد حتتقفل..
أحمد منصور: هو إحساس منه يعني.
صفوت حجازي: آه..
أحمد منصور: ولا معلومات.
صفوت حجازي: معرفش، روح البلد حتتقفل، مش حتعرف تروح بعد كده، قلت له حاضر، روحت.. حد من الشباب خرجني من طريق من ورا لغاية ما مسكت أول الطريق، ونزل، أنا رجعت تاني، أنا تعمدت أرجع أشوف إيه اللي بيحصل في السويس..
أحمد منصور: تدخل بأه جوا السويس
صفوت حجازي: دخلت بأه جوا السويس ودخلت عند الـ.. أنا شفت قسم الأربعين هو..
أحمد منصور: بتحرق.
صفوت حجازي: هومولع، مولع تماماً، وشايف الشباب وهم بيحدفوا بالطوب وشايف زجاجات المولوتوف وشايف العساكر وهم بيجروا، شفت العساكر وهم بيهاجموا الشباب والعساكر بيجروا..
أحمد منصور: خوفا من الشباب.
صفوت حجازي: خوفا من الشباب، ومقر الحزب الوطني، لقيت الدنيا بهذا الشكل كان قدامي..
أحمد منصور: معركة.
صفوت حجازي: معركة، قدامي حاجة من اتنين يا إما أروح يا إما أنزل..
أحمد منصور: قيل وقتها أن السويس أصبحت ساحة حرب حقيقية.
صفوت حجازي: ساحة حرب حقيقية بتذكرني تماما بمشاهد الضفة الغربية وغزة لما كان الصهاينة بيهاجموهم. القنابل الغاز المليانة في الشوارع، الشباب اللي كانوا يمسكوا قنابل الغاز يمروها على العساكر، الطوب اللي بتحدف تماما ده الموقف أو المشهد اللي جاه بذهني ، أنا رجعت..
أحمد منصور: أنا مش متخيل إن في مصري يعمل في مصر كده..
صفوت حجازي: أنا كنت كأني في حلم، كابوس، أنا رجعت وجت راكن على جنب وانفجرت في نوبة هستيرية من البكاء، بكاء مش بكاء حزن، بكاء المقهور مش عارف أعمل إيه، وأنا الشيخ صفوت، الناس بتلجأ لي بتاخد رأيي ونعمل إيه في كذا، لأول مرة كنت أحس إني محتاج حد كبير أحضنه وأحط راسي على كتفه، ويقولي أعمل إيه..
أحمد منصور: حسيت إن الحدث أكبر منك بكتير..
صفوت حجازي: بكتير.. بكتير وبقيت خايف، خايف أخد أي قرار بلدنا تضيع..
أحمد منصور: إيه القرار اللي كان جيه في ذهنك وأنت في اللحظة دي.
صفوت حجازي: القرار اللي جاه في ذهني إن أنا حأروح على الصفحة بتاعتي أهيج الدنيا.. وحأطلع على قناة الجزيرة بحكم علاقتي بالناس الموجودين، لازم أطلع على الجزيرة مباشر أتكلم وأقول إيه اللي حصل وأستثير الناس وأهيج الناس..
أحمد منصور: يعملوا إيه، هتهيجهم يعملوا إيه..
صفوت حجازي: اللي جاه في ذهني إننا لازم نخرج بكره الجمعة نثأر ونغضب لهؤلاء الناس..
أحمد منصور: اللي قتلوا في السويس..
صفوت حجازي: اللي قتلوا في السويس، وكانت أول مرة تيجي بذهني كلمة جمعة الغضب، مشيت، أنا معتاد طول عمرى لما أروح السويس وأنا راجع في مقابر شهداء الجيش الثالث..
أحمد منصور: صحيح.
صفوت حجازي: على طريق..
أحمد منصور: طريق مصر القاهرة، السويس القاهرة.
صفوت حجازي: وأنا معتاد كل ما أروح السويس، أي وقت لازم أروح السويس، لازم أعدى وأقف عند المقابر عند الباب بعربيتي، إذا كان بالنهار كان العساكر بيعرفوني ويفتحوا لي أدخل أسلم على الشهداء.
أحمد منصور: شهداء حرب 73
صفوت حجازي: قدامشهداء حرب 73 وأخرج، كان الوقت ليل رحت وقفت قدام المقابر، سلمت عليهم، وبدأت اللي أنا فاكره أعمل إيه، أنا بكلمهم، وقفت تقريبا ساعة..
أحمد منصور: قدام مقبرة الشهداء.
صفوت حجازي: مقابر شهداء الجيش الثالث، رجعت قلت لأ مش حاروح الجزيرة، البلد حتولع لو رحت الجزيرة، روحت على البيت.
أحمد منصور: يعني أنت كنت عايز ترجع من السويس على قناة الجزيرة وتطلع تقول ده وتدعو الناس تخرج يوم الجمعة.
صفوت حجازي: بالضبط، ده اللي كان في نيتي، قررت إن أنا أتكلم على الفيسبوك وعلى الموقع بتاعي وعلى الصفحة، المحروسة، فتحت الصفحة فوجئت بكمية دعوات إلى جمعة الغضب.
أحمد منصور: اللي نفس الاسم اللي جاه بذهنك.
صفوت حجازي: نفس الاسم اللي جاه بذهني، ونفس اللي أنا كنت عاوز أعمله..
أحمد منصور: ناس كتير مصريين بيفكروا به وبيدعوا ليه وبنفس المعني.
دعوات لجمعة الغضب
صفوت حجازي: بنفس المعنى، ولذلك دايما في وقفات كتيرة حأقول لحضرتك، ثورة صنعها الله عز وجل، أنا لما لقيت الدعوة ديت أيقنت أن ربنا عز وجل بيسيرنا في إتجاه ولذلك كان الأمر محسوما تماما بالنسبة لي، خلاص جمعة الغضب.
أحمد منصور: الساعة كام شفت الحاجات دي.
صفوت حجازي: كان الساعة 10 بالليل، لما وصلت البيت تقريبا 10بالليل، لأ 11 بالليل، لأني أنا خرجت من السويس تقريبا الساعة 8 ، 11 تقريبا..
أحمد منصور: طبعا إحنا بنكون بالشتا تبقى بعد العشا بساعتين.
صفوت حجازي: آه.
أحمد منصور: ساعة ونصف.
صفوت حجازي: لأن إحنا صلينا العشا والمغرب في المسجد عند الشيخ، 11.
أحمد منصور: مش كنتم صليتم المغرب في المشرحة.
صفوت حجازي: لأ ما صليناش المغرب.