اخلاء سبيل فتحى سرور

[dr-amira]

الصحف المصرية والعربية

المصرى اليوم : عاجل: الكسب غير المشروع يخلي سبيل فتحي سرور بكفالة 100 ألف جنيه
افرحوا يا شباب الثورة

 

[Raouf]

شىء متوقع جدا منى
فتحى سرور خبير قانون بجد مش اى كلام
و كام دكتوراة على ماجستير على دكتوراة قانون دولى
واحد زى ده لعب بالبيضة و الحجر سهل جدا انه يطلع نفسه من قضية صغيرة زى دى
بس هو لسة مش براءة
المهم لازم التعبان ده بالذات يتوقف علشان مايدافعش عن الباقى فى قضاياهم

 

 

[dr-amira]

المشكلة ان فتحى سرور من اول يوم بيطمن علاء و جمال ان ما فيش عليهم اى حاجة و انهم هيخرجوا منها اكيد

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة Raouf شىء متوقع جدا منى فتحى سرور خبير قانون بجد مش اى كلام و كام دكتوراة على ماجستير على دكتوراة قانون دولى واحد زى ده لعب بالبيضة و الحجر سهل جدا انه يطلع نفسه من قضية صغيرة زى دى بس هو لسة مش براءة المهم لازم التعبان ده بالذات يتوقف علشان مايدافعش عن الباقى فى قضاياهم

ويحك .. أتركت عبادة آلهتنا واتبعت الدين الجديد

 

 

[Matrix]

دعوه لموضوعي

أطلق العنان لمشاعرك ، كن إنسان.

أنا شخصيا أتمنى إعدام لكل رموز ومشجعي النظام السابق.

ولكن

لو أفترضنا أن القانون لم يثبت عليه أي سرقات.

هل المفروض يصدر عليه حكم بالسجن وخلاص لمجرد إرضاء الناس,,

ولا المفروض القانون ياخد مجراه؟

مش احنا نطالب بدولة القانون,,,,يبقى لازم نقبل بأحكام القانون.

 

 

[dr-amira]

رصد | عاجل | الكسب غير المشروع يفرج عن سرور بكفالة قدرها 100 ألف جنيه وتجدد حبسه للمرة الثالثة على ذمة قضية قتل المتظاهرين وجدير بالذكر أن عظم الكفالة يعني عدم اسقاط التهمة عنه إنما يؤكدها #RNN

 

 

[brain]

اقتباس المشاركة الأصلية كتبت بواسطة Matrix أنا شخصيا أتمنى إعدام لكل رموز ومشجعي النظام السابق. ولكن لو أفترضنا أن القانون لم يثبت عليه أي سرقات. هل المفروض يصدر عليه حكم بالسجن وخلاص لمجرد إرضاء الناس,, ولا المفروض القانون ياخد مجراه؟ مش احنا نطالب بدولة القانون,,,,يبقى لازم نقبل بأحكام القانون.

تسلم ايدك يا ماتريكس باشا
بعيدا عن امنياتي الشخصيه انهم كلهم يتعدموا
لكن الحق اهم من الامنيات
و تكريس العداله اهم من كل شيئ
الحرامي يتعاقب
و البرئ يخرج
في نقطه تانيه عايزين نتكلم فيها
الناس كانت زعلانه من تاخير محاكمات اعضاء الحزب الوطني و النظام السابق
انا واحد من الناس اتمنى ان تتأخر المحاكمات ل 4 شهور كمان
على الاقل حتى انتخابات مجلس الشعب و تشكيل حكومه جديده
كده هنضمن ان الحكومه الجديده ستكون مسئوله عن هذه المحاكمات
ليس انتقاصا من القضاه
و لكن منعا لاي تلاعب

 

 

[دموع الورد]

اخلاء سبيله

يانهار اسود

الراجل ده بالذات كان نفسى يتعدم

بتاع موافقة ..منافقة
الله يخرب بيتك ياسرور ده انت حتى مالكش اى نصيب من اسمك نكدت ع الشعب المصرى كله

 

 

[tafshan]

اقتباس المشاركة الأصلية كتبت بواسطة dr-amira رصد | عاجل | الكسب غير المشروع يفرج عن سرور بكفالة قدرها 100 ألف جنيه وتجدد حبسه للمرة الثالثة على ذمة قضية قتل المتظاهرين وجدير بالذكر أن عظم الكفالة يعني عدم اسقاط التهمة عنه إنما يؤكدها #RNN

اللى اعرفه ان الكفاله الكبيره يعنى التهم كبيره و مش معناها انه برائه ..

يعنى لسه في اشواط تانيه ...

اما لو متهم في قضيه تانيه .. يبقى ح يفضل محبوس لغاية ما النيابه تقرر ح تعمل فيه ايه .. و برضو ح يدفع ال 100 الف جنيه ..

 

 

[dana]

قرر المستشار عاصم الجوهري مساعد وزير العدل لشئون الكسب غير المشروع إخلاء سبيل الدكتور أحمد فتحي سرور رئيس مجلس الشعب المنحل بكفالة قدرها 100 ألف جنيه.
وجاء القرار بعد أن قدم سرور مستندات دالة علي أن معظم العقارات والممتلكات التي تضمنتها تقارير الأجهزة الرقابية لا تخصه. ويجري حالياً إنهاء إجراءات إخلاء سبيل سرور داخل ديوان وزارة العدل.
وكان سرور قد أحضر من محبسه بسجن طرة للمثول الجهاز للنظر في تجديد حبسه.. وأصدر الجهاز قراره المتقدم.

اقرأ المقال الأصلي علي بوابة الوفد الاليكترونية إخلاء سبيل سرور بكفالة 100 ألف جنيه