فن قيادة السيارة

[فــيــروز]

الصحف المصرية والعربية

نيسان تيدا !! هاشت باك ولاّ سيدان؟

على أى حال قشطه مووووووووووت ..

متابعه باهتمام مضاعف

على فكره أنا خُضت امتحان السواقه يوم 16/11 الماضى و نجحت فى السواقه و سقطت فى النظرى .. و الإعاده بعد شهر إن شاء الله و عندى أمل أنجح بمجهودى بما إنّى مقطّعه نفسى حل أسئله مالهاش علاقه بالمنطق واللهِ بس نقول إيه

 

 

[toota]

بتفكريني بشبابي يا ايزو.....................كملي يابنتي....دانا اول مره اسوق العربية بتاعتي.... وفرحانه بقى....اشتريت عربية مستعملة قلت اطبش فيها هنا وهناك....... وعديت على صاحبتي وعيالها واخدتهم افسحهم على الكورنيش مع عيالي قال........ز..وقفت في نص الشارع لان الي قدامي مش بيفهم طبعا في السواقة....واخدت خبطه في الاكسدام عدل...

 

 

[Isis]

معلش طلب للإدارة لضمان التسلسل الصحيح للأحداث...



ممكن تحط المداخلة دي بعد المداخلة بتاعه مصفح....تحطها كرقم 5



شكرا مقدما..





( اول يوم سواقه )

دخلت مصفح آمنه و قلت أكيييد في مخرج يا إيزو...في ذات الوقت صديقتي بتطلبني تستعجلني و أنا بصوت مخنوق مبحوح بأدعي معرفتي للطريق و إني هكون عندها...



دقات قلبي تتسارع...عمال في كل بقعة بينظروا بإستغراب لوجودي في المنطقة الرجالية المتربة.....




شاحنات من كل جهة....دوارات في كل شارع...


و انا ألفففف...


ألفففف...



أحاول أسأل ألاقي وصفة عجيبة عن 3 دوار واحد يمين و التاني شمال و التالت علطول و شارع ئيسي يدي على فرعي بعدها إشارة شمال في يمين...و يتوقف مخي عن الإستيعاب عند تاني دوار...



أعصابي بدأت تتلف..و أنا و صديقتي في ورطه....



الوقت عصر..مش أكلت من الصبح أي حاجه إعتمادا اني هتغدى مع صديقتي لو لقيتها في يومي ده...


تتصل بقولها إستني و أغلق السماعة...


فقدت صوتي و أصبت بحالة رعب و توتر شديدة و لم أعد قادرة على تحريك مقود السيارة..ركنت السيارة في منتصف الدوار...على الجنب يعني...



حالة صمت و بقالي ساعتين بالظبط بألف في المنطقة الصناعية....وشوش مخيفة و شاحنات عملاقة و غربة في مكان لا أنتمي ليه..



فوجئت بدموعي تنهمر....إصبت بحالة بكاء شديدة تبعتها أزمة ربو....أحاول السيطرة على أعصابي...مش قادرة....ليس بي ذرة قوة لتحريك المقود..إحساس بالخوف و الفزع و الفشل الشديد....



صديقتي تطلبني و تفزع لصوتي..أغلق السماعة..بعد هدوء نسبي و مازلت آثار أزمة الربو مستمرة أقرر طلب الشرطة غير قادرة على السيطرة على أعصابي...


الشرطي يحاول تهدئتي و معرفة مكاني..


: نجيبلك سيارة إسعاف و لا عايزة حد يدلك الطريق...


انا : أنا مش عارفة أنا فين..


: يا آنسه إهدي...طيب إسم محل جنبك...


انا: مفيش محلات جنبي....



:..في حد مارر من جنبك..؟


بناء على تعليماته أعطي السماعة لأحد الهنود ليصف المكان....



بعد دقائق تصل الشرطة...أصل لمكان عمل صديقتي أتبع سيارة شرطة....تحتويني العزيزة في أحضانها و تأخذني لبيتها و أنام عدة ساعات مرهقة من صدمة اليوم قبل الذهاب للبيت شاعرة بالخوف الشديد من كامل تجربة السواقة مؤمنة بأني أفتقد مهارة القيادة من الأساس.....

 

 

[Isis]

العزيز أنا عندي...


شكرا على اللينك..هقراه برواق......إنت وصلت لآخر الطريق السريع...انا دخلت الراوند أباوت بالعكس....لسه هحيلكم باقي إنتصاراتي..مش شفتوا حاجه و الله...


مدام فريدة العزيزة..زميلة الكفاح.....نفهموكي معاني الكودز......الواو هي اللي شرحه اوسكا باشا...مصفح دي على رأي أنا عندي منطقة متطرفة مليئة مصانع....جراجات..مساكن عمال جماعية....منطقة خناشير رسمي...

أوسكا.....بتفهمها و هي طايرة يا أوسكا..



فيروز العزيزة...داكوتا هاتشباك....الفرق بين إمتحانا و إمتحانكم إنه بيجي من كل الشرح الوافي للطرق و السيارة و كل ما يتعلق بيهم..بس شكل كيمياء دماغي مش ماشية مع كيمياء العربيات..بالتوفيق يا رب يا فيروز...


توتاااااا...شبابك مييين ده إنتي شكلك كنتي قمة الحكمة بالنسبالي...ده أنا تجاوزت أي مرحلة شباب بمراحل...هتشوفي بنفسك تفاصيل الحادثة الشهيرة على الطريق السريع اللي كان أحد ضحاياها سيارة جاغوار ب 350 ألف درهم...


إقرا الحادثةةة...إقرا الحادثةة..

 

 

[Isis]

أحد الإصلاحات في طرق مصفح الصناعية

 

 

[Isis]

المنتدى أكل المشاركة الطويلة العريضة...



ما علينا نعيد....



أخدت داكوتا فسحتها في كامل طرقات المدينة بأخطاء أقل بكتير من الأول..إكتسبت خبر مع الوقت...


العبدة لله مصابة بأزمة و حساسية صدر من النوع الشرس..تغير الجو..أزمة و كحة...حساسية صباحية....حساسية من التكييف..الدخان..الغبار..حبوب اللقاح...الجو حلو و رئتي عايزة تغلس عليا...



بدأ الجو في التغيير و بدأت الأزمة...رحلات مكوكية بداكوتا للطوارئ و عودة للمنزل..داكوتا غاية في التقبل..أسوقها بأيد مرتعشة من أثر الفينتولين و الأتروفنت تجبر خاطري..أريح رأسي المرهق على مقعدها تتقبلني بمنتهى الصبر....


و تحولت أزمتي لما يسمى cough variant asthma

و هو نوع من وجهة نظر من أشرس أنواع الأزمة..كحة حساسية مستمرة تنشط منتصف الليل و تسبب الأرق..لإقدان شهية و إنزعاج دائم...شعب هوائية متهيجة بشكل دائم من عنف الحكة المرهق...حبة سمسم عالقة في الحلق بشكل مستمر و لا تستطيع إخراجها أبدا...


قضيت ما يقارب الشهر بين طوارئ عمل منزل...إنتهى الأمر بإضطرار الطبيب لوصف كورس لمدة أسبوع من الستيرويد لإيقاف الكحة مع حبوب تحتوي على الكودايين المخدر الشهير لوقفها بشكل نهائي و لإرخاء الرئة المتهجية...

العبدة لله لديها أيضا حساسية من الأودية المخدرة و يستمر أثرها في جسدي لمدة أطول من عامة الناس...

أخدت الكورس..و الحبوب..أشعر بدوخة مستمرة مع إنخفاض ضغطي طبيعيا بشكل دائم...باقي يوم واحد على العودة للعمل....


مش خرجت من زمان..لزمن أستغل اليوم ده و أتفسح قبل 4 أيام العمل..طلبت أمي و يلا همر أخدكم و دعاء و هنروح البحررر...نفسي أروح البحررررر..يا بنتي إنتي فيكي صحة أساسا تروحي؟


البحر البحر و لا شيئ غير البحر...


إحساس دائم بخفة الراس و دوخة خفيفة...سقت مدة طويلة و أخدت الضحايا..قصدي ماما و دعاء... و توجهنا ناحية البحر..

 

 

[Isis]

إحساس دائم بخفة الراس و دوخة خفيفة...سقت مدة طويلة و أخدت الضحايا..قصدي ماما و دعاء... و توجهنا ناحية البحر..




حضرت عدة البيكنك..مكسرات و سندويتشات و عصائر و فوطة كبيرة...البحر و الجو جميل و من زمان مش أكلت...هاكل بشهية انهاردة إنشاءلله...


أخدت ماما و دعاء الغلبانة و سبحان الله ماما طلبت تجلس بجانب دعاء في المقعد الخلفي شان تلاعبها...و مش بجانبي كالعادة...الطريق سريع و أنا سايقة...


دماغي تقيلة و حاسة بدوخة....لما هوصل للبحر هحاول استرخي شوية...

عيني مش قادرة تفتح..ماما بتكلمني و أنا مش مركزة....


الدنيا مزغللة ليه؟

إيدي مش قادرة تمسك الدركسيون بقوة ليه؟ بعدين أبو سيارة بيضا ده ليه عايز يتجاوزني برخامة كده؟

الفرامل يمين و لا شمال؟ إزاي نسيت..


يتجاوزني صاحب السيارة البيضا ا..و أفقد السيطرة على السيارة..أشعر بدوخة شديدة و السيارة بتلف و تلف و تلف..و بجانب الطريق السريع كورنيش مسمى بكورنيش القرم...مرة أشوف سور الكورنيش في لفة..و اللفة اللي بعدها الحاجز الإسمنتى على الجهة الأخرى...أصوات و و دوشة و أدوس بنزين بدل فرامل و توقف و خبطة في جانبي...و خبطة في مقدمة السيارة للحاجز الإسمنتي...

 

 

[Farida]

يانهار مش فايت وانا اللى كنت فاكرة نفسى متهورة ................كملى يا ايزيس كملى ربنا يستر طريقنا

 

 

[Isis]

اقتباس المشاركة الأصلية كتبت بواسطة Farida يانهار مش فايت وانا اللى كنت فاكرة نفسى متهورة ................كملى يا ايزيس كملى ربنا يستر طريقنا

مش نا ده أبو عربية بيضا...انا سائقة كده..

 

 

[Isis]

فقدت الوعي لثواني..صمت في المقعد الخلفي..أرعى بعين واهنة صاحب الجاغوار يفتح باب سيارته و يتجه نحونا و يشر لي أن أهدأ...الوضع كالآتي...


السيارة متوقفه بالعرض في منتصف الطريق...مقدمتها مخبوطة في حاجز إسمنتي..و جهة السائق سدت الحارة الشمال و بالتالي خبطني صاحب الجاغوار البريطاني لإعتراضي طريقه..توقف في الوقت المناسب و إلا كنت هبقى إيزيس مفرومة...أنا عالقة من جهتي و بابي مسدود بسيارته و ألقي نظرة على أمي و أختي لأجد أمي شبه مغمى عليها و دعاء تنظر مبتسمة برضه و تمسح شعري بيدها لتهدئتي..


أنا في حالة دهول و صمت و بكاء صامت...عالقة في مكاني داخل السيارة...بوادر أزمة في الطريق...عدة أشخاص ظهروا فجأة يسألون إن كان في حد مصاب و يفتحون الباب الخلفي لإخراج أمي و أختي...أنا مازلت عالقة صامته مصدومة باكية..و صاحب الجاغوار يحدثني من شباك السيارة....


:calm down..no one was hurt,this what really matters

شفت واحد تجاوزك و هشهد معاكي عند قدوم الشرطة و انتي حاولتي تتحاشيه..

انا : مش فاكرة حاجه...هئ هئ

تمتد الأيدي لتخرجني من مقعد السائق الامامي...يهدء الوضع..صاحب السيارة المتضررة يحضر لنا بعض العصير و يتحدث معنا لتهدئتنا..لم يصب أحد..و في الآن و اللحظة ظهرت سيارة شرطة عمليات خاصة بها بعض الضباط..يتوقفون للمساعده و بمنتهى الزوق يهدؤون من روعنا و يصممون على طلب الإسعاف لنقلنا أنا و أختي و أمي للتأكد أن لا إصابة...أرفض لكنهم يصممون و تصل الإسعاف...