Arabic Discussion Forum with a Special Interest in Travel and Immigration

ana_3enady · 27th November 2009, 10:06 AM

الصحف المصرية والعربية

دعوه لموضوعي

RobertInole

ايزيس .. النيسان .. لها الله

كملي .. متابع بشغف .. والتعليق بعد انتهاء الأحداث

Isis · 27th November 2009, 01:15 PM

اقتباس

المشاركة الأصلية كتبت بواسطة ana_3enady


	ايزيس .. النيسان .. لها الله كملي .. متابع بشغف .. والتعليق بعد انتهاء الأحداث

عزيزتي داكوتا طلعت من المستشفى على خير من فترة قريبة الحمدلله.....

المهم فترة ما بعد الإصابة...

Isis · 27th November 2009, 01:24 PM

بعد الحادث و الإسعاف و تهامس الزملاء على زميلتهم زبونة قسم الطوارئ...مرة لأزمة النفس..مرة كدمة كبيرة في ساقي جراء نقل مريض بسريرة و السرير و تقله خبط رجلي سببلي كدمه....مرة إصابة في أربطة يدي لنقلي شيئ تقيل لم أعلم أن أربطة سعادتي لا تتحمله و إنتفاخ في منطقة الكوع....

المرة دي جيت بحادثة..

بعد الكشف و الإدخال....كنا جميعا بخير....طلبت من أمي الرحيل و أنا هخلص أثار ما بعد الحادث....

في تلك الأثناء كانت الشرطة قد دبرت سيرفس

طلبت الشرطة للإستعلام عما يجب فعله...و صمم أحدهم القدوم لأخذي من المستشفى لمركز الشرطة لإنهاء الإجراءات...شكلي كان يصعب على الكافر وقت الحادث و كان الموضوع مش ناقص توهان...

خلصنا في مركز الشرطة و أخدت داكوتا ركنتها و تاني يوم أخدها التأمين المستشفى و لم أرها لمدة 20 يوم...كانت العزيزة بتتعافى من آثار الكارثة في وكالتها و الحمدلله إستلمتها مرة اخرى من فترة قريبة.....

السؤال بقه..

Isis · 27th November 2009, 01:34 PM

بوضوح انا بتبع ارشادات الطريق...سائقة ملتزمة جدا بحدود السرعة و الاشارات و الانديكاتورز و كل ما تلقيته في المدرسة...أستاذه باركنج...ربنا أخد مني كل حاجه بس بركن بالمسطرة الحمدلله...

بعد الحادث و لنكون واضحين قبله و أنا عندي رهاب من موضوع السواقه....

كامل رحلة الطريق مفزعة بالنسبالي...يطلب مني الجميع أنا أكون هجومية في السواقة بعض الشيئ و ده شيئ بالنسبالي مستحيل.....أشعر برعب شديد لما أكو في طريق و أبص في المراية ألاقي إشارة خلفي فتحت و جموع السيارات قادمة..بحس إني عايزة أهرب و إنها بتهجم عليا....بصدق مش هزار بحس الإحساس ده...السبب الوحيد اللي بيخلي البعض يزوق و يخليني أمر هو كوني بنت غير كده كان زماني مستنية فرج ربنا لبعد بكره لحد ما الطريق يفضى و أعرف أعدي....بنظر بغلب للسائق و بليز خليني امر ساعتها يتوقف و أمر و يقولي بنفسه...المفروض على حد كلام الكمل إني أطلع بالسيارة و اقطع الطريق بحذر لحد ما تتوقف السيارة و أمر...أنااااا؟

لما بدأت السواقة التزمت بقواعد السرعة و نسيت مبدأ عشرين كيلو فوق المسموح قبل ما الرادار يلقط الرقم...كنت باخد الحارة الشمال ( حارة التسابق ) و ألتزم بالسرعة المحددة بالنص و اللي ورايا عايز يتجاوز و يمشي و بيشاور و يعمل فلاشر و بعد شوية لو عليه ينزل يخنقني و أنا مصممة على مبدأي لحد ما إستحليت الحارة اليمين مؤخرا....

أصوات الهورن و التزمير بتزعجني و توترني جدا و بتربكني و بحس بعدائية من ناحية مطلقها و بيأثر على سواقتي بشكل عام.....

الجسور..الجسور الملتوية لو إضطريت أعدي من عليها بعدي و أنا بتشهد و برعب شديد..و بخفف السرعة جدا مع إنزعاج باقي السائقين..

ما هي نصائحكم و خبراتكم دام فضلكم..

لي عودة مع المزيد من مخاوف القيادة الإيزيسية

ana_3enady · 27th November 2009, 02:29 PM

دعوه لموضوعي

RobertInole

اقتباس

المشاركة الأصلية كتبت بواسطة Isis


	ما هي نصائحكم و خبراتكم دام فضلكم..

شوفي يا رعاكِ الله

السواقة على الطرق الخليجية عموما مش عاوزة المشي بالراحة .. بمعنى انك لازم تماشي سرعة الطريق .. لان لو انتي التزمتي .. غيرك مش هايلتزم .. وعموما للأمان .. يبقى انتي تتوسطي الطريق .. وتسيبي الحارة اليمين والشمال .. لان لما بناخد سرعات عالية مع تفادي وتخطي وتجاوز السيارات ويطلق عليه في عالم السيارات (الغرز) .. فمبنميزش يمين من شمال .. الخانة المفتوحة بنعدي منها .. ولذلك بتلاقي العربيات بتعدي من حواليكي يمين وشمال .. وتلاقي البعض عمل كل حارات الطريق زجزاج ..

بالنسبة للخروج من الاشارات .. طالما حضرتك أول عربية .. بعد ما تتأكدي بنظرة سريعة ان الطرق المقابلة والتقاطعات مفيش أي عربيات جاية .. يبقى بتنطلقي بسرعة كبيرة نسبيا .. لانك هاتلاقي كم من آلات التنبيه .. تجيب صداع مزمن .. ويصاحب آلات التنبيه كم من السباب ..

لنا عودة ان شاء الله

ana_3enady · 27th November 2009, 02:32 PM

دعوه لموضوعي

RobertInole

بخصوص الجسور الملتوية ..

امسكي الحارة الأضيق .. يعني أقل زاوية للمنحنى

toota · 27th November 2009, 02:46 PM

والله يا ايزيس حالتك فوبيا صعبة جدا....ومش عارفه ازاي فعلا اخدتي الرخصة وبتسوقي,,,,

بس عموما كل ده حينتهي لما تبتدي تدوسي شويه في الموضوع,,,

تعرفي الحالة دي جاتلي امتى؟؟؟

مش انا بسوق من سنة 92 في الامارات؟؟؟ لحد ما جيت مصر وقعدت سنتين بس بدون ماسوق...اول ما سقت في مصر جالي الهلع ده...لاني حسيت ان الدنيا بايظه زيك دلوقتي بالظبط....هي ديتها يومين تلاته اربعه كحرته في الشوارع وتوهان.....وخدي بالك بقولك ده في مصر مش في الامارات.....وبعدين الدنيا بقت فلة والحمدلله.....وبسوق اجدع من اي سواق راجل عشان محدش يقول اشمعنى راجل ....لاني مقتنعه اني ممشيش ورا اي ست بتسوق قدامي.....ومن غير ذكر اسباب

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حساب جمارك السيارة فئة 1600 سي سي	أبو الفوز	مال وأعمال	15	18th November 2019 03:13 PM
السيارة الكهربائية قادمة بقوة!	حشيش	منقوووووووووووولات	5	3rd April 2010 12:06 AM
افتح نوافذ السيارة قبل الركوب	بنت الإسلام	أخبار علمية واستشارات تخصصية	11	30th March 2009 01:11 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

فن قيادة السيارة