الهجره الى سلوفاكيا - ب 6000 يورو فقط

[ود الصادق]

الصحف المصرية والعربية

هنا تجد دروس عن الطموح
بالتوفيق يا شباب

 

 

[khaled_sabry]

اقتباس المشاركة الأصلية كتبت بواسطة AlNagar بصوا يا شباب، خلاصة الموضوع لأني لسه معجون فيه بتأسس شركة بأي عدد من الشركاء ( قانونا لغاية 50 شريك في شركة واحدة) لكن الناس بتأسس لفردين وتلاتة عشان الجديدة أقل رأس مال بتأسس بيه شركة ب 5 تلاف يورو (رأس مال الشركة بتاعك)، أو ممكن تشتري شركة جاهزة ready made عشان تقدر تقدم على الإقامة لازم محضر إجتماع من الشركاء جميعا بالموافقة على تعيين الشخص مدير للشركة، وعلى الأساس ده هتقدم على الإقامة كمدير لشركتك Managing Director للتقديم على الإقامة لازم يكون في رأس مال الشركة مبلغ لا يقل عن 20 ألف يورو لازم في حساب الشخص المتقدم لا يقل عن 2500 يورو وأرجع وأقول لكم كان لغاية شهر يناير 2016 الدنيا تمام، ولغاية شهر مايو 2016 الناس كانت بتسافر بفيزا سياحة وتقدم عادي، من مايو قفلت خالص ضبة ومفتاااااااااااااااح! والسبب يرجع للشيت بتاع المصريين ونصبهم على بعض والزنبقة في بعض والمشاكل مع السفارة وبوليس الأجانب هناك، وللعلم الجالية المصرية هناك ما تعديش 30 فرد وعملوا كل القرف ده! والمصريين اللي بيسأسسوا الشركة وبياخدوا أتعاب على تأسيسها 5 تلاف يورو، حضراتكم ممكن تتواصلوا مع مكاتب محاماة تخلص ده ب 300 أو 500 يورو فقط لا غير! المصريين نصابين وضاربين الأسعار في 10 و 20 ضعف استغلالا لحاجة الناس للسفر بأي وسيلة! دمتم بود

اقتباس المشاركة الأصلية كتبت بواسطة حشيش وصلتنى هذه الرسالة على صفحة المنتدى على فيسبوك رأيت أن أنشرها هنا لأهميتها ... صاحب الرسالة إسمه: Giko Hussam Samir السلام عليكم عندي تحزير أحب اوجهه لكل أعضاء الجروب وكل المهتمين بالسفر والهجرة أحب ان الفت نظر الجميع للنصابين الي اتخذوا صفحتكم للنصب والسرقة والابتزاز وأخص بالذكر النصابين العرب في دول شرق أوروبا وخاصة المصريين في سلوفاكيا - يبدأ هولاء دايما بإنشاء صفحات علي مواقع التواصل الاجتماعي وعمل دعاية في جروبات الهجرة عن إجراءات هجرة رخيصة عن طريق انشاء شركه في أي مجال تختاره دون أي دراسات مسبقة ومصاريف انشاء هذه الشركة الفعليه من دمغات و خلافه لا تتعدى ال 300 يورو فيبيعها لك بأربعه او خمسه الالاف واكتر. 2- لا يكتفي بذلك بل يبدأ في اخراج مصاريف أخرى مثل عنوان للشركة ومصاريف محامي وأي شيء اخر ليبتز العميل قدر الإمكان. 3- هو لا يوفر لك فيزا الدخول وفي الغالب حين تقدم انت على طلب فيزا ترفض لان حجم الفضائح التي حدثت من قبل في السفارة خاصة في مصر من قبل المنصوب عليهم كبيرة جدا. 4- إذا حدث وحصلت على فيزه شنجن من دوله اخرى فلن يسمحوا لك التقديم على إقامه لان الفيزه التي ستحصل عليها هي فيزه سياحيه لا تسمح بالتقديم علي إقامه. 5- عندما ينشئ لك الشركة يعين نفسه مدير تنفيذي لها و تلك الكارثة الحقيقية لأنه يصبح المتحكم الوحيد في كل رأس مال الشركة ويستطيع سحبه كما يريد لان كل شركه تحتاج لمدير تنفيذي مسؤول امام السلطات ثم يعود فيطالبك بأجرة في الإدارة برغم كل ما دفعته له. 6- ثم يطلب منك دفع مصاريف الخطوة الثانية وهي التقديم على الإقامة وتتراوح ما بين 2000 و3000 يورو علي حسب تقديره والمصاريف الفعلية حوالي 250 يورو وفي الغالب يجعلك تدفعها وقت التقديم إذا كان في تقديم من الأساس لان الفيزة أصبحت شبه مستحيلة والتقديم من السفارة في بلدك عبارة عن أسئلة تعجيزيه لا تصلح الا لرجال الاعمال أصحاب الشركات الكبيرة ورؤوس الأموال الضخمة و في هذا الموضوع أيضا ستكون مطالب من جهته بمصاريف إضافيه مثل عنوان سكن لك او أحيانا يجبرك على إيجار ستوديو يصل لخمسمائة يورو في الشهر غير شهور العمولة . يعني في النهاية لو انت انسان عادي متوسط الحال مش لن تستطيع عمل أقامه وسوف تخسر مدخراتك وشركتك لن تستفيد منها في أي شيء وفي الغالب سوف يسحب من رأس المال لحسابه بفواتير خدمات وهميه لن تستفيد منها شيء بعض المواقع قد تفييدكم: https://www.doingbusiness.org/data/ex...ng-a-business/ https://www.companyformationslovakia.com/ https://www.podnikajte.sk/how-to-set...slovakia.xhtml وغيرها الكثير فقط ابحثوا ولا تثقوا في أي احد خاصه هم اول من سوف يخدعك . نصيحة تعاملوا مع اهل البلد أفضل ولا تدفعوا شيء دون فاتورة واثبات هذه هي القصة باختصار اللهم بلغت اللهم اشهد والله الموفق!!!!

اقتباس المشاركة الأصلية كتبت بواسطة Remon.soliman طبعا ده قصده انا وخالد عشان احنا الوحيدين اللي اتكلمنا عن الموضوع عموما اللي نصبت عليه في يورو واحد - واكيد طبعا كان بنا رسايل فيس بوك او واتس اب - يجي يرد عليا في الفيديو او في الفيس بوك او في المنتدي ويحط دليل نصبي عليه في عيني بالرغم اني قايل في الفيديو ان افضل طريقة انك تدور على محامي سلوفاكي وتتعامل معاه عموما زي ما قلت الحمدلله مانصبتش على حد ولا طلبت من حد يورو واحد وانا بنفسي بعمل الحوار ومضحي بالفلوس وهيبان اكيد شهر 8 ان شاء الله اللي هو الموعد اللي المفروض هروح فيه هناك وهصور كل حاجة ان شاء الله واي حد كلمني في الموضوع وكان قلقان بقوله استني ماتعملش حاجة وتعالي معايا سلوفكيا شهر 8 سياحة واتفرج على ل حاجة بنفسك وفعلا في واحد من مصر و 2 من السعودية و 1 من الكويت جايين معايا اما لو كان بيعمم عشان هو شخصيا اتنصب عليه او بيقول كلام مرسل فيروح في حنة ناشفة بعيد عننا واللي نصبت عليه في يورو يطلع يقول وده الفيديو اللي رديت عليه على الهري ده

طيب اختصارا للوقت و الكلام
علشان ارد على الهجوم اللى حصل على الموضوع ده او اى هجوم مستقبلى
الاول نفرق بين نوعين من الهجوم
1- هجوم اننا نصابين و بنروج لشركات وسيطه علشان نطلع منها بسمسره : الموضوع ده مرفوض تماما و يتهيألى سمعه واحد زى ريمون معروفه وسطنا هنا على الاقل و لو كان فيه شبهه عليه ماكنشتى اداره المنتدى عينته مدير فيها (اداره المنتدى مش ساذجه علشان تخاطر بسمعتها)
2-الادعاء التانى هو اللى عاوز اتكلم فيه شويه و هو ان الموضوع وهم و احنا بنروج لفكره خاطئه او احنا شخصيا فاهمين غلط و الكلام على ارض الواقع مختلف :
هنا حقول ان الدعاء ده صح و غلط فى نفس الوقت - بمعنى ممكن حد يروح و الدنيا تقفل فى وشه لاى سبب (ممكن تبقى اسباب خارجه عن ارادته و ممكن تبقى اسباب متعلقه بيه) ساعتها الشخص ده حيقول سلوفاكيا تبقى الخدعه الكبرى و هى مضيعه للوقت و الفلوس ... الخ
فى نفس الوقت اللى حتلاقى حد تانى ربنا ييسرله هناك حتلاقيه يقول سلوفكيا هى جنه الله على الارض ... الخ
طبعا هنا اول خطاء هو تعميم التجربه على الكل - و ده خطاء كبير - فمش معنى ان واحد فشل فى حاجه يبقى باقى الناس حيفشلو فيها و مش معنى ان واحد تانى نجح فى حاجه يبقى الباقيين حينحو فيها برضه " كل ميسر لما خلق له " و الكلام ده مطبق فى كل حاجه فى الدنيا
و نفس المبداء اتكلم عليه كل اللى بيسردو تجاربهم فى كندا من اول م ايهاب سالم و انتهاء ب م احمد خضر - مش معنى ان دول نجحو فى كندا يبقى انتا حتنجح فيها
انا وقت ماعملت الموضوع ده عملته لانى حبيت اشارك معلومه مع ناس مخنوقه و عاوزين يهاجرو
فبقولهم خدو اهه طريقه جديده للهجره ممكن تسعو و تدورو فيها - ماقولتش ابدا ان دى طرقه للهجره لجنه الله على الارض
بالنسبه لصحه المعلومات اللى قولتها فانا اعترف انى ماتحققتش بنفسى بشكل قوى و ده نظرا لثقتى الشخصيه فى مصدر المعلومه ( اللى هو نفسه نموذج ناجح للى اتبعو الطريقه دى فى الهجره ) بالاضافى الى ندرة التجارب الشخصيه المدونه فى الهجره الى هناك و دلوقتى كمان زادت ثقتى بعد تحقق ريمون نظرا برضه لثقتى الشخصيه فيه

خلاصه القول - اللى فعلا مهتم يدور بنفسه و يتحقق لان دى فلوسه هو و مجهوده هو و خد المعلومات اللى فى الموضوع ده و المعلومات اللى فى فيديو ريمون و اى معلومات من اى حته كنقطه بدايه فقط لكن لازم تدور بنفسك و تتحقق من الخطوات و المصاريف بنفسك و حاول تتواصل مع ناس هناك كمان علشان تبقى عارف فلوسك رايحه فين و جايه منين و مستقبلك حيبقى عامل ازاى -
علشان لو فشلت فانتا الخاسر الوحيد , و لو نجحت برضه فانتا حتبقى الوحيد اللى كسبان
و الكلام ده مش على الموضوع ده بس - ده على اى موضوع للهجره تانى

 

 

[geologist]

الاخ سليمان ارجوا تفاصيل اكتر والمحامى اللي انت عملت معاه الاجراءات وشكرا

 

 

[mostafasaad]

دعوه لموضوعي

كندا كعب داير

اقتباس المشاركة الأصلية كتبت بواسطة Remon.soliman واه انا بنصب على الناس واللي يعرف يقاضني يقاضني posted via mobile device

واللي عنده معزة يلمها والسلام عليكم ورحمة الله وبركاته

 

 

[moamana]

انا متابعه الموضوع و اتمني تفاصيل اكتر عن الاقامه و البلد و بعد اد ايه ممكن الحصول علي الجنسيه
اللغات هناك الدلدارجه
و الحجاب اهم حاجه مقبول و لا فيه مضايقات
posted via mobile device

 

 

[ahmeddiab]

ريمون راجل محترم .... و بيساعد الناس و بيشارك الناس فى المعلومات و الخبرات مجانا و مفيش اى نصب
شكرا على كميه المعلومات المفيده

 

 

[Mahmoud.ahmed]

المصريين المصريين..... يأخى لو كل المصريين نصابين و الناس دى وحشة و بتضحك علينا... طيب مهو كل واحد يعمل اللى عليه و يتعب و يشوف و يدور بنفسه و الناس كتر خيرها بتدلك على طريق و انت عاوز تمشى تمشى بنفسك ... ثانيا محدش عاوز يعمل مشروع و عاوز ينجح بيرمى فلوسه لحد حتى لو كان اخوه متعرفش او مش ناوى تعمل مشروع بلاش تروح و شوف بلد تشتغل فيها موظف و ربنا يوفق الجميع

 

 

[crczaher]

السلام عليكم ياشباب
انا امبارح سمعت استاذ ريمون سليمان وهو بيتكلم في البث المباشر الى على الفيس والصراحه الراجل ده ربنا يجزيه خير وييسرلوا حالوا ويوفقوا في المقابله إن شاء الله والصراحه شجعني على موضوع الاستثمار في سيلوفاكيا
وكنت عايز من حضراتكم رقم محامي او شركة بتعمل الموضوع ده وتكون متجربه

وشكرا لكم جميع وبالتوفيق

 

 

[abdobody]

ممكن تفاصيل اكتر عن محامي او شركة مضمونة

 

 

[asubhy]

- اولاً كثر خير كل من شارك بمعلومة ولو بسيطة ممكن تساعد شخص مننا من انه يهاجر هو واسرته لحياة افضل
- ثانياً ياريت تكون في وسيلة نعرف بيها تفاصيل تقديمك يا استاذ ريمون بغض النظر عن النتيجة اللي حضرتك متوقعها في شهر 8
- ثالثاً ياريت الشباب اللي مهتم نلاقي طريقة نتواصل مع بعض لتبادل الافكار والاستفسارات ومين عارف ممكن توطيد العلاقات بيننا يؤدي لانشاء شركة مشتركة في سلوفاكيا
للمرة الثانية بشكر أ. خالد وأ. ريمون في التوبك ده وبشكر باقي ادارة الجروب علي مجهودكم اللي اقل ما يوصف بالرائع لخدمة الناس