كندا بعيون واقعية

[doctor farouk]

الصحف المصرية والعربية

السلام عليكم
بجد مشاركه جميله وممتعه
وعاوزين تفاصيل اكتر وانطباعات

كنت عاوز اعرف نوع الكاميرا مع حضرتك ايه
وهل الافضل اشتري كاميرا من مصر ولا من كندا

 

 

[cherie]

اقتباس المشاركة الأصلية كتبت بواسطة pharma prince دى كانت اجمل الصور اللى التقطها فى الرحلة حتى الان اتمنى انها تكون قد اعجبتكم

الصور ما شاء الله تحفة
تسلم ايدك يا دكتور

رحلة موفقة باءذن الله

 

 

[somayasaleh]

اقتباس المشاركة الأصلية كتبت بواسطة pharma prince باشمهندسة سمية اتفضلى يافندم المغارة كلها تحت امرك عايز حضرتك ترشحيلى مكان او اتنين حلوين فى مسيساجا اروح ازورهم

لازم لازم لازم تروح بورت كرديت.... اونتاريو ليك........وفيه هناك بارك حلوة قوي قوي

كمان لازم تمشي في مسيساجا رود.....ده تحفة....وكمان البيوت اللي علي جانبي الطريق ده تحفة فعلا....لازم تصورها

وطبعا سكور وان....ده اساسي

كمان مكاني المفضل ......ايرين ميلز مول.....تحفة

في انتظارك في الرياض في شهر يوليو القادم باذن الله........تحياتي

 

 

[دكتور كيمو]

الف الف مبروك على الاندنج و هذا السرد الجميل

وعقبال ما ترجع بالسلامه

و بعد اذنك هناك بعض الاستفسارات

بالنسبه لاجرائات كارت PR ما هى و ما هى نوعيه الصور المطلوبه و ميعاد استلام الكارت و هل سوف تنتظره ام لا
اسف للاطاله و لكن انا سوف اسافر بعد شهر و هذه الاسئله على بالى

 

 

[Dr-Alrefa3y]

الاخت الفاضلة عبير
متشكر جدا على المرور والثناء

دكتورنا الغالى فاروق
موضوعك الاخير عجبنى جدا جزاك الله خيرا علية
الكاميرا نوعها Olympus u 700 7.1 megapixal

شكرا مدام شيرى على المرور وعقبالكم عن قريب ان شاء الله

شكرا باشمهندسة سمية على الرد ان شاء الله نحاول نزور جميع الاماكن دى
وتشرفونا فى الرياض بإذن الله

شكرا دك كيمو على المرور وعقبالك ان شاء الله

كارت pr ليس له اجراءات محددة لا تقلق بشأنه الامور بتمشى اوتماتيك
انت طبعا ارسلت صور مع الجوازات او مع الميديكال عشان استخراج كارت البى ار
غالبا المصوريين فى مصر والخليج بيطلعو مقاسات الصور غلط
الصورة لها مقاسات محددة زى ماهو مكتوب فى موقع cic وزى ما هم ارسلوا لك
لو انت مسافر وناوى تستقر مفيش مشكلة لو الصور صح هيمشى الموضوع ولو الصور غلط هتصور تانى
اما بالنسبة لشخص بيعمل لاندنج وراجع لابد له ان يتأكد من صحة مقاس الصور قبل مايرجع من رحلة اللاندنج
فعليه اولا ان يتأكد من صحة المقاسات فى مصر قبل مايرسل اول مرة
لو ارسل وشاكك يتصور تانى بمقاسات صحيحة وممكن ان يعرض الصور على ظابط الهجرة فى المطار لو قال له تنفع خلاص
طب لو الصور شاكك فيها فعليه التصوير مرة اخرى فى كندا ويذهب لمبنى الهجرة ويغير الصور كما اشرت سابقا
كروت pr بتصلك فى مدة من 35-45 يوم حسب المقاطعه تقريبا وبتصلك على العنوان اللى انت حددته مسبقا لهم

 

 

[ليون]

السلام عليكم ورحمة الله وبركاته
موضوعك جميل وأكثر من رائع والصور ممتازه .... مفيش عندنا في ادمنتون الحجات دي ... تحس ان ادمنتون دي ارياف كندا .. نظرا لطبيعه شغلي بسافر بين المدن المجاوره في حدود 200 كلم في بعض الابام او اكثر، الطرق بين الغابات اشجار يمين ويسار وحيوانات اشكال وألوان وبحيرات في وسط الغابات
موضوع الـ PR ده مهم جدا وكمان الصور .. انا الحمد لله حظي كان كويس وصوري كانت مظبوطه وخلصت من المطار ... ربنا سترها معايا .. لاني بصراحه مكنتش اعرف حاجه عن اي حاجه
اخدت شنطي وجيت على كندا .. من غير ما اعرف ايه الإجراءات ولا ايه اللي بيحصل .. بعد اسبوعين بدأت اتكلم مع الناس في المسجد ... فا عرفت ان فيه حاجه اسمها Social insurance number SIN وده مش هينفع تشتغل في كندا من غيره ودي كانت حاجه جديد بالنسبه لي .. بس الحمد لله خلصتها في نفس اليوم .. بتاخد ورقه مطبوع فيها نمبر وينفع تستخدمه في نفس اللحظه ..
بعد ما اشتغلت طلبو مني حساب بنكي ... مكنش فيه عندي .. فا رحت اعمل حساب قالولي تعالي بعد 4 ايام .... رحت قلتلهم في الشغل بعد اربع ايام .. و أوراقي فضلت واقفه الاربع ايام لغاية ما خلصته
بالنسبه لرخصة السواقة وده موضوع مهم جدا جدا جدا جدا
رخصه السواقه في كندا في الطبيعي او في العادي بتاخد 2 سنه علشان تطلع رخصه سواقه مش زي عندنا بتمتحن وبتطلع كل شيئ في نفس اليوم
بتقدم وبيمتحنوك نظري .. امتحان الاشارات يعني .. وبعد كده بتروح تتدرب لمده سنه .. في السنه دي مينفعش تسوق عربيه لوحدك .. لازم يكون فيه حد معاك ... يعني في السنه دي مينفعش تشتري عربيه
بعد سنه بتمتحن تاني وبتاخد رخصه فئة خمسه دي ينفع تسوق العربيه لوحدك ... بس مينفعش تدرب حد
بعد مرور سنتين بتروح تمتحن وتاخد الرخصه الكنديه
الموضوع مش سهل وانا شخصيا بعاني منه حاليا
الحل ايه يا جماعه :
لو معاك رخصه من اي دوله .. هات ورقه من المرور بعدد السنين اللي انت بتسوق بيها .. ودي بتتحسب ليك ... يعني لو معاك رخصه بأكتر من سنتين هتمتحن وتاخد الرخصه الكنديه على طول
لو معال رخصه بسنه بس هتمتحن وتاخد رخصه فئة خمسه
حل أخر ممكن تعمل رخصتك رخصه دوليه ... ودي ينفع تسوق بيها هنا في كندا لغاية ما تطلع الكنديه .. بس ده هيكون لمدة 3 شهور تقريبا
انا معايا رخصه سعوديه .. ودي اللي انا ماشي بيها هنا ... وتقريبا الـ 3 شهور خلصم وربنا يستر .. بحاول اخلص الكنديه والله المستعان

 

 

[Dr-Alrefa3y]

تورونتو مدينة متعددة الثقافات بشكل كبير ولافت للنظر


تجد جميع اجناس وشعوب الارض فى الشارع وان كان للشعوب الاسيوية نصيب الاسد فيها بنظرتك مثلا فى المترو او فى اى تقاطع لشارع يانج وبنظرة عشوائية كدة تجد

ان شعوب جنوب شرق اسيا (الصين – الهنود – الفلبين ) يمثلو تقريبا 55 % من الناس اللى موجودة بينما ترى العرق الاوروبى تقريبا 35 % والباقى عرب على امريكا الجنوبية وافارقه ده يمكن لأن الدوان تاون فيه جامعة وطلاب اجانب الى جانب المكاتب الحكومية والمطاعم

هذه التركيبة المتعددة تراها ايضا فى المطاعم يعنى لو ذهبت لأى مجموعة مطاعم فى ميدان هتجد مطعمين ثلاثة صينى |يابانى على واحد هندى على يونانى وايطالى وتركى او عربى بالاضافة الى مطعمين امريكى زى ماك او كنتاكى على سبيل المثال .

الشوبينج والمولات مش هيكون مفاجئة للناس اللى عايشة فى الخليج هتجد نفس الماركات والمحلات وان كان المولات فى مدينة زى الرياض او دبى عددها اكثر واكبر من حيث المساحة

لم ارى فى منطقة الدوان تاون حتى الان مناظر مخله كثيرا كله فى حدود مانراة فى افلامنا العربية وان كان الصيف بدأ يهل والناس بدأت تزهق من ملابسها شوية وبالذات الاسيويات زهقانين ياعينى خالص :blush2:

الحرية هنا بشكل اساسى انت حر مالم تضر ولاتتعدى على القوانين تجد فنان فى تقاطع يانج مع دانداس شغال رسم على الرصيف بيرسم صورة رائعة لفتاه على الارض غاية فى الجمال

الاطفال هنا بمثابة جرين كارد فى اى شىء لهم كامل الدعم والتعاون من البلد ومن المواطنين وموظفى كافة المصالح

معظم المطاعم الوجبة فيها لاتتعدى 10 دولار للفرد ودى مطاعم الاكل السريع ولا تتعدى 20 دولار فى المطاعم الاعلى فى الدرجة على سبيل المثال اتغديت انا والمدام فى

مطعم red lobster ودفعت فى الوجبتين وملحقاتهم 50 دولار طبعا كنت بدفع اكثر من كدة لنفس الوجبتين دول فى الرياض فى النافورة او دارين او اى مطعم سى فود
دى صورة المطعم





لرواد السينما المبنى المقابل ده فيه سينما شاشتها ولا اروع سمعت فيها امس روبن هود (فينك يادك هشام )



ودى صورة للوبى بتاع السينما من الداخل


تقاطع شارع يانج مع دانداس اكثر مكان رأيته مزدحم زى ميدان التحرير عندنا فى مصر كدة فيه مول كبير اسمه ايتون ومقابله المبنى اللى بيوجد فيه السينما
وقريب منه على الناصية مطعم ريد لوبستر

انتظرو صوره لاحقا

 

 

[Dr-Alrefa3y]

اقتباس المشاركة الأصلية كتبت بواسطة ليون السلام عليكم ورحمة الله وبركاته موضوعك جميل وأكثر من رائع والصور ممتازه .... مفيش عندنا في ادمنتون الحجات دي ... تحس ان ادمنتون دي ارياف كندا .. نظرا لطبيعه شغلي بسافر بين المدن المجاوره في حدود 200 كلم في بعض الابام او اكثر، الطرق بين الغابات اشجار يمين ويسار وحيوانات اشكال وألوان وبحيرات في وسط الغابات موضوع الـ PR ده مهم جدا وكمان الصور .. انا الحمد لله حظي كان كويس وصوري كانت مظبوطه وخلصت من المطار ... ربنا سترها معايا .. لاني بصراحه مكنتش اعرف حاجه عن اي حاجه اخدت شنطي وجيت على كندا .. من غير ما اعرف ايه الإجراءات ولا ايه اللي بيحصل .. بعد اسبوعين بدأت اتكلم مع الناس في المسجد ... فا عرفت ان فيه حاجه اسمها Social insurance number SIN وده مش هينفع تشتغل في كندا من غيره ودي كانت حاجه جديد بالنسبه لي .. بس الحمد لله خلصتها في نفس اليوم .. بتاخد ورقه مطبوع فيها نمبر وينفع تستخدمه في نفس اللحظه .. بعد ما اشتغلت طلبو مني حساب بنكي ... مكنش فيه عندي .. فا رحت اعمل حساب قالولي تعالي بعد 4 ايام .... رحت قلتلهم في الشغل بعد اربع ايام .. و أوراقي فضلت واقفه الاربع ايام لغاية ما خلصته بالنسبه لرخصة السواقة وده موضوع مهم جدا جدا جدا جدا رخصه السواقه في كندا في الطبيعي او في العادي بتاخد 2 سنه علشان تطلع رخصه سواقه مش زي عندنا بتمتحن وبتطلع كل شيئ في نفس اليوم بتقدم وبيمتحنوك نظري .. امتحان الاشارات يعني .. وبعد كده بتروح تتدرب لمده سنه .. في السنه دي مينفعش تسوق عربيه لوحدك .. لازم يكون فيه حد معاك ... يعني في السنه دي مينفعش تشتري عربيه بعد سنه بتمتحن تاني وبتاخد رخصه فئة خمسه دي ينفع تسوق العربيه لوحدك ... بس مينفعش تدرب حد بعد مرور سنتين بتروح تمتحن وتاخد الرخصه الكنديه الموضوع مش سهل وانا شخصيا بعاني منه حاليا الحل ايه يا جماعه : لو معاك رخصه من اي دوله .. هات ورقه من المرور بعدد السنين اللي انت بتسوق بيها .. ودي بتتحسب ليك ... يعني لو معاك رخصه بأكتر من سنتين هتمتحن وتاخد الرخصه الكنديه على طول لو معال رخصه بسنه بس هتمتحن وتاخد رخصه فئة خمسه حل أخر ممكن تعمل رخصتك رخصه دوليه ... ودي ينفع تسوق بيها هنا في كندا لغاية ما تطلع الكنديه .. بس ده هيكون لمدة 3 شهور تقريبا انا معايا رخصه سعوديه .. ودي اللي انا ماشي بيها هنا ... وتقريبا الـ 3 شهور خلصم وربنا يستر .. بحاول اخلص الكنديه والله المستعان

نورت الموضوع واثريته يا استاذ محمد وانا متابع موضوعك جيدا واتمنى لك التوفيق وتيسير الامور
, لذا يااخوانى نشكر الله عز وجل ان من علينا بمثل هذا المنتدى ومن قبله منتدى المحاورات ونشكر جميع الاخوة من قدامى المهاجرين جزاهم الله خيرا ان ارشدونا الى كافة التفاصيل حتى قبل ان تطأ قدمنا كندا

 

 

[Dr-Alrefa3y]

الصورة الجايه دى للعروس وعروسها واقفين فى الشارع بيصورا مع الناس

ما لفت انتباهى شايفين العروسه ملامحها اوربيه بحته والعريس ملامحة افريقية بحته ده يدل على ايه ان البلد دى فىها تعدد ثقافات وحريه فكر واختيار




وده فوج من العرائس ماشين فى الشارع بيعدو اشارة مرور تقاطع داندس مع يانج رايحين فين مش عارف

 

 

[Dr-Alrefa3y]

طبعا الناس اللى ناوية على استقرار لها حسابات اخرى من حيث السكن والمواصلات والاكل

فعلى سبيل المثال السكن بيبدأ من 850 دولار (اسكاريبروا ) الى 1500 دولار فى المتوسط لأسرة 4 افراد

المواصلات فيه اشتراك شهرى للساب واى بيكون ب 107 دولار تقريبا او بتشترى سيارة

الاكل الاخوة جزاهم الله خيرا قتلو الموضوع كتابه وبحثا وما قصروا

انطباعى الشخصى

- لازم تجهز نفسك كويس للاستقرار وتحسب كل شىء وكل نقطة , اساسى انه يكون معاك مبلغ يغطى مصاريفك من 6 شهور لسنة

- من معه اطفال ومعه مبلغ من المال يغطيه لمدة سنه مثلا يسافر ويستقر مباشرة ولاداعى لعمل رحلة لاندنج والعودة

- بخصوص الشغل طبعا كل شخص له ظروفه من حيث طبيعة العمل والمعادلة , لو تقدر تبدأ من الان فى المعادلة ابدأ ولا تتردد فمثلا الصيادلة يبدؤ فى مذاكرة الجزء الاول

من المعادلة قبل اللاندنج , المهن الاخرى التى تحتاج الى الزامية التواجد فى كندا يجب عليه ان يدبر نفسة كيف سيغطى تكاليف معيشته حتى يقوم بالمعادلة او الدراسه


- كى تبدأ فى السليم :-

الدراسة ثم الدراسة ثم الدراسة

سواء كانت معادلة وهتغطى مصاريفك من فلوس جايبها معاك او هتشتغل بارت تايم كاجوال

او انك تدرس فى احد المعاهد هنا دورة تؤهلك للعمل فى مهنه قريبة ليك او بتحبها

او انك تدرس ماستر وتعتمد على osap

- نظم امورك اول ما توصل من تدبير سكن مناسب مدارس الاولاد وفورا روح ymca ابدأ سجل فى دورات اللغة المجانية ولو تقدر تشتغل فولانتير فى مهنة تخدمك مستقبلا يكون افضل .

- كنت بعتقد زمان قبل اللاندنج ان الافضل ان الشخص يعمل لاندنج الاول قبل الاستقرار لكن انطباعى الان

انك لو مظبط امورك ماديا ولك حد ياخد بيدك فى اول ايامك فى كندا يبقى رحلة استقرار ولاداعى من تضيع الوقت سواء كان معك اطفال او كنت سنجل .

بالذات للأخوة اللى هيهاجرو من مصر , اما احنا بتوع الخليج فبنقع فى حيره احيانا ولابد من عمل موازنه جيدا بين المكاسب والتدابير والوقت المناسب .

كندا بلد جميله تشعر فيها ولأول مرة بالحريه ورفاهية الحياة وانك انسان تحترم ولكنها غاليه جدا على الشخص الغير مؤهل للعيش فيها , جهز نفسك سلح نفسك بالمال

والدراسه وعمل علاقات , ابدأ انخرط فى المجتمع وعيش .